334
45
27
電話號碼
23282328
營業時間
今日營業
11:00 - 22:30
星期一至日
11:00 - 22:30
付款方式
Visa Master AE 現金 銀聯
食評 (436)
今晚同朋友到尖沙咀睇戲,睇戲之前先到喜愛的【藍象泰國餐廳】食晚飯。藍象位於尖沙咀站海港城港威商場,地點好方便。之前經已到訪了一次,今次再度光顧是因為店內環境非常舒適,設計亦相當優雅,像置身於非一般高級泰國餐廳似的。這裏的最大特式是如店名所示,起用了藍象作為店舖整體的主題,由前菜、沙律、薄餅、意粉、牛扒,甚至甜品都有泰國宮廷食材,十分貼題及稱職。出名係曼谷50大餐廳,入面裝演當然十分華麗啊!上次黎已經覺得好舒服,由餐廳門口既藍象壁畫至到入面有刻意調暗後配合埋高級既格局,係一個好好既享受呢。如果想坐近有窗睇睇海景既話,記得book檯個陣加講低要求呢!泰國宮廷菜嘅餐廳, 除左有華麗嘅裝飾之外,仲有好多香港其他餐廳好少提供嘅宮廷菜架。泰籍藍帶主廚主理,食物質素有保證既。價錢中等不過份量上次就覺得細左小小啦。Menu涵蓋大部份傳統泰菜,更增添左一點點fusion式既菜式,心大心細,圖片配文字永遠最吸引,絕對要花一點時間先決定到食咩先好。香濃馬沙文咖哩 $238咖哩豈有不配油鬆餅?「再加油鬆餅!」這馬沙文咖喱好好吃!濃濃的花生和椰糖香帶一點甜味,麻椰香滑。甜甜的咖哩一點也不熱氣,花生味道其實更像沙嗲。味道豐富又不會太鹹面且一點也不辣啊!使用超過20種乾性香料既馬沙文咖哩最配是牛羊肉或牛根呢。主角羊肉,在內分量算是挺多的,羊肉非常嫩微微的羶味剛剛好令人垂涎三尺!但值得一提是比較喜歡旁邊的配角道是紫薯和腰果,兩者也是我愛的食材,有了它們令羊肉咖哩感覺沒那麼單調。油鬆餅(2件)  $38選擇馬沙文咖哩非常建議加多一份油鬆餅,搭配咖哩汁黎食先食到真正咖哩當中既精髓!超正的説。油鬆餅不油膩,新鮮熱熱的吃,又酥又鬆,超捧的!配上醬汁比肉更讚!一個人可以食兩件啊!金不換辣椒炒河粉 $138炒河粉雖然係平常野,但勝在用料好,辣椒、辣椒膏、金不換、蒜茸同炒,經典泰式炒製方法,帶濃濃金不換香氣,味道反高潮而份量一點也不少啊!即叫即整炒河粉味道有層次卻欠鑊氣,炒得唔夠乾身。不過整體好惹味,全清掉了。加點鮮榨青檸汁,更添風味啊!暖心榴槤撻 $108終於黎到期待已久既甜品時間。如果鍾意食榴槤嘅朋友,應該會幾鍾意呢個暖心榴槤撻泰國金枕頭果肉,配三種芝士Mascarpone cheese、Cream Chesse 及Ricotta Cheese同焗,三重芝士口感呀,出爐後再加風乾榴槤片及雲呢拿雪糕,軟滑到一個點,冰涼暖心口感刺激,榴槤味突出,是晚最意外驚喜的收獲。盡討大人細路歡心。說口味其實【藍象】沒有讓人非常驚喜,但就是樣樣皆精,什麼都好看,什麼都不錯。整體看上去蠻高級,論食物,好精緻漂亮!但始終有點細份,可能就係貴精不貴多吧...食物配搭夠創新外面吃不了!!論服務,店員細心,加水/換碟都跟得好,值得一讚。論環境寧靜優雅,糅合泰國宮廷的古典,及現代的簡潔美學配合以藍色為主體!我非常喜歡。走高檔路線!閒時享受下也屬不錯呢。 繼續閱讀
(以上食評乃用戶個人意見 , 並不代表OpenRice之觀點。)
等級6 2019-01-04
774 瀏覽
平時一向是我找嫂嫂傾訴,帶給她不少煩惱,但今次由我當聆聽者,她很懊惱呀⋯⋯餐廳以藍色為主調,給人一種舒適的感覺,希望嫂嫂吃得開懷,傾得盡情。燈光柔和,透過大型落地玻璃窗可看到一望無際的大海,很舒服!內裏設有多張二至四人枱,亦預設兩三張長枱,枱與枱之間空間不多,感覺有些狹窄,幸兒椅仔寬闊。翻開餐簿,設計清晰,分別有頭盤、沙律、湯、海鮮、肉類、飯麵、野菜、配菜、甜品和飲料,選擇不少。****************************嘩!泰國皇家宮殿蒸餃子 Mixed Royal Thai Dumplings ($38/半份)賣相真的很精美吸引,一紫一白,樣子可愛得不捨得吃落肚。外皮柔韌,肚子包着雞肉 和蝦肉碎,帶些香辣的冬蔭功味,味道剛好,不會太濃,吃時再蘸些碟上的酸甜汁,更添美味。****************************泰式明爐魚就見得多,泰式蒸原條海魚 Steamed Seasonal Whole Fish ($268)就少啲見,一於嚐一嚐它的風味。原條海鱸魚體積中等,肉質潔白紮實,但並不嚡口,而魚腩、魚鰭和魚尾就較嫩滑,而背部肉質亦片片分明,也有鮮味,可惜魚皮帶有魚鱗。喜歡吃時再淋些以香草、辣椒 和青檸 製成的汁料,帶微辣更有風味。****************************多數食泰菜才有椰菜苗選擇,通常不會錯過,就點一道魚露蝦干炒椰菜苗 Stir Fried Cabbage($98)。椰菜苗 翠綠鮮嫩,炒弄時間剛好,保持爽脆且有咬口。最怕炒菜油淋淋,其勝在並不油膩,魚露亦不會過多,味道不會過鹹,當中夾雜着不少蝦干,簡單的美味。****************************甜品的選擇不少,當中有些仲好有特式,心大心細下揀了一客薑味法式燉蛋 Twin Ginger Custard ($88)。焦糖燉蛋就吃得多,配上薑則挺有特色和新鮮感。燉蛋 放在一塊曲形的薑餅 上,頂頭插了一片薑條,再配上椰汁忌廉,加上小黃花和草莓 做裝飾,有心思擺設。燉蛋 挺身香滑,蛋香中滲出薑味,加埋蛋面上的焦糖,味道剛好,不會太甜。又試跟香脆的薑餅同吃,又脆又滑,亦提升薑味,更討我喜歡。------------------------------一向是我跟嫂嫂傾訴,但今晚我就當一個聆聽者。望着美景,吃着美食,的確可讓人盡訴心中情,給嫂嫂盡情發洩,事情未必馬上可解決,但也可舒緩一下,希望我是一個好的傾訴對象。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-29
906 瀏覽
這家泰國🐘菜餐廳面積頗大,在晚上用餐🍽,整間餐廳嘅燈光🌚度調暗了,營造一種溫暖浪漫氣氛❤,很適合情侶👫或三五知己👨‍👩‍👧‍👧聚餐,我們被安排坐在窗口🏙位置,雖然外面已昏暗,但仍能感受到迷人景色🌌。小食拼盤~有雞串🐔,豬串🐽,蝦餅🦐,黃金包,馬可, 整體嘅味道都不錯,雞肉和豬肉的串燒烤🔥得很香口,配上沙爹醬豐富了味道層次👅。炸物也很鬆化,其中有一樣叫做馬可的食物並不知道是什麼,用了一支竹吉住一片菠蘿🍍及一粒外形似酸梅食物,但食落去原來是花生糖煙靭口感幾有趣😍。燒大蝦炒金邊粉🦐原隻大蝦肉嫩爽口,金邊粉🍲雖然幼身卻不會炒到一舊舊🤩,而且炒得香口,旁邊有幾款調味料,辣的甜的任君選擇,口感不錯。芒果軟殼蟹米紙卷🦀軟殼蟹非想像中香脆,可能掛住影相才吃所以冇了那種脆口的感覺,反而米紙卷外皮鬆軟加埋芒果的酸甜配搭得幾有層次感。黑白糯米飯配泰國芒果⚫⚪🍚我認為幾道菜之中最好食的一個食物,尤其糯米煙煙靭靭帶微暖夾埋菠蘿吃冷暖在口腔中很好味,而且還有一個雪糕球🍦,可以說是冷靜❄與熱情🔥之間。整體來說,幾款食物的外觀及味道有不錯的表現,加上 望著出面的夜景海色,實在是食得悠閒輕鬆自在。👍☃️🎄☃️🎄☃️🎄☃️🎄☃️🎄 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-17
1513 瀏覽
星期日的中午去了blue elephant high tea,幸運地安排了坐在窗邊位置,光線景到海上閃閃發光。餐廳播著柔揚的純音樂,仿如置身泰國spa中,好舒服寫意。餐廳好大,我地的坐位附近人不算多,到差不多吃飽,其他食客也離座了,空間感大,私隱度也高。Thai style afternoon tea Set $168 for 2,包2杯飲品。點了一杯凍咖啡,另加$25 水仙芒果糯米飯沙冰,沙冰略嫌冰大粒了點,芒果較淡味。三層架第一層是泰式辣朱古力、班蘭撻和暖心榴槤撻。辣朱古力入口即融,辣的好特別;班蘭撻皮淋了,但班蘭味好香;榴槤撻是我朋友至愛,濃濃的榴槤味。中間層是柚子蟹肉沙律卷、皇家宮殿蒸餃子和馬可。馬可的味道好重口味,不合的口味,所以只吃了菠蘿;柚子蟹肉沙律卷清清的易入口;餃子有白色、藍色的雀仔造型,配合鳥籠。最底層是泰式比利時炸蝦、香脆蝦餅和泰式春卷,春卷料足香脆,配上泰式醬好惹味;蝦餅有香茅味;炸蝦有冬蔭公味,但炸粉太多。Tea Set 不貴,可以在這環境享用下午茶已經值回票價。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-29
2265 瀏覽
最近返工轉左地方 不過都仲係好近海港城 今日我早放工咁岩又有個friend 得閒 所以我地兩個港女就去嘆high tea la~~ 呢間餐廳係位於海港城隔離嘅港威商場 近中港城個邊 間餐廳叫做blue elephant thai brasserie第一次去食比佢嘅裝潢所吸引 門口藍色嘅大柱上有泰國特色既畫像 餐廳內裏寬敞明亮 而且仲播住輕鬆嘅純音樂 環境相當清幽舒服 不得不提嘅係一邊食一邊可以享受住海景 望住一望無際嘅海真係冇得輸除左環境高級 佢食物都相當不錯 因為我同個friend 唔想食太飽 所以只叫左個tea set 以下係我覺得係呢個set 嘅重點首先講下個泰色炸蝦 佢唔厚粉 而且熱辣辣好正 裏面隻蝦都好彈牙 粉同蝦之間仲有一層有啲似蟹膏粘粘地嘅嘢 幾好食!! 春卷就幾脆 裏面都幾厚實足料 柚子蟹肉沙律卷柚子味甚濃 我覺得蓋過左蟹肉味 不過都清新醒胃 至於佢個泰色朱古力 佢特別個位係一開始係朱古力味 然後係係個口腔裏面漸漸滲出微辣 裏面冇蛋糕 係成舊朱古力 唔會太甜 不錯個榴連tart 好香榴連味 鐘意榴連嘅朋友一定要黎試 至於個泰色蒸餃子幾值得試下 白色呢個皮唔厚 有少少甜味 但裏面係冬陰公嘅味道 個味同塊皮都幾夾 塊皮嘅口感塊好滑 幾好食架! 最後望住個有夕陽餘暉灑落嘅海景 陪上一杯飲品 係一種好高嘅享受 性價比都幾高 等我再約其他人食先😋 繼續閱讀
(以上食評乃用戶個人意見 , 並不代表OpenRice之觀點。)