藍象泰國餐廳 (已結業)

周日朋友過來香港，唔想行咁遠，喺海港城食飯…… 叫我搵餐廳，見到openrice 介紹好想去試下，即時book咗張枱， 準時七點鐘去到，餐廳安排我們坐位，感覺非常舒服， 開始點菜， 我們叫了牛油果大蝦沙律， 份量較少，味道ok， 蒸魚麻麻地， 最好食都係菠蘿炒飯 冬陰功湯幾好味， 計咗兩杯cocktail味道都幾好 如果以後行過想食泰國菜都可以試下，畢竟係尖沙咀海港城入面，價錢都比較貴少少，幸好味道都算唔錯的 值得推介 下次仲想試多幾個菜，或者下午茶都ok

星期日即興去食📅，諗住都要排隊，點知一去就有位。嚟依度食有兩個原因，一係為咗blue elephant🐘依個名而嚟，二係為咗門口afternoon tea poster幾靚同平所吸引。依度有大大嘅落地玻璃，但餐餐燈光暗暗，因為人唔太多，唔算嘈，食吓嘢，傾吓計，都可以消磨兩，三個鐘。個afternoon set好精緻，份量唔多，低層3款炸嘢🍤，味道普通，但好油； 中間嗰層，除咗個食咗都唔夠攝牙罅嘅蟹肉沙律🦀，其餘兩款，我就真係唔識欣賞，個餃皮超厚，再加上冬陰功味餡，怪怪的😖另外嗰個有舊啡色嘢，吉喺舊鮮菠蘿上，個菠蘿好甜，但上面舊嘢，似甜版印尼沙嗲醬😝頂層甜品，最特別係舊朱古力，辣嘅😡🌶🌶咁特別，但我頂唔順。

Blue elephant 本身源自泰國曼谷一間好出名嘅米之蓮餐廳，以前食過一次。香港這一家藍象泰國餐廳雖然同名，但其實沒有無關連，不知味道如何？🤔首先，這裏的環境非常優美，可以飽覽海港城末端以及維港，相信夜晚會更加艷麗😙。Ma Hor 馬可 - 前菜一個是比較少見的傳統泰式小吃😁，基本上是用絞碎的豬、蝦肉，加上香草蒜頭黑椒，再配合魚露、花生等調味。而且香草蔬菜，非常清爽新鮮。菠蘿海鮮炒飯 伴肉鬆 set（$88）賣相非常漂亮，炒飯圓形工整放在碟上，香噴噴肉鬆、及炒香了果仁放在炒飯上。炒飯，吵得非常香、乾身，同時不會油膩。真不愧為海港城的餐廳。鮮蕃茄雞肉長通粉番茄，與名字所說，的確非常新鮮香甜。醬汁中的番茄甜味，不是單純來自番茄醬、茄膏的味道，微辣提起食慾。非常適合口味清淡的人士。魚餅、蝦餅（$38+38）魚餅，有新鮮魚香、魚汁、加上魚露，酸酸甜甜😋。如果在想增添風味，考慮加入辣醬。蝦餅，就比較彈牙，炸得非常可口，但個人還是比較偏愛魚餅。咖啡☕️凍檸茶感覺與泰國曼谷的Blue Elephant 餐廳截然不同🧐。曼谷Blue Elephant，裝修氣派以及風格都是宮庭式🤴🏼、非常光猛，可是

今日雖然係blue monday但我心情一d都唔blue，因為我今日放假，可以自己一個人輕鬆下、行下街。見好耐冇去尖沙咀，決定去shopping~~Shopping完要醫肚，經過藍象泰國餐廳，決定今日一於食佢，過一個同平時唔同嘅”blue monday”！我叫左lunch set（$98），前菜係馬可慢煮花生軟糖配菠蘿及魚肉卷，香軟嘅花生軟糖搭上新鮮嘅菠蘿，食完好開胃！主菜係辣蕃茄雞肉長通粉，隱隱食到泰國香料嘅香味、辣度適中，長通粉係我鐘意嘅爽身質感，咬落煙韌唔會太腍！跟餐有飲品跟，我叫左可樂~我怕唔夠飽所以另加椰子雞湯（$30），啖啖雞肉而且湯身極濃郁，絕對唔係交行貨，值得加錢飲！食完上網諗住睇下佢d晚餐如何，下次同鐘意食泰國菜嘅男朋友黎食，先驀然發現呢間藍象泰國餐廳喺泰國係數一數二出名好食！如果大家去唔到泰國食，可以黎尖沙咀呢間藍象泰國餐廳~~~

通常食泰國野都係係九龍城但係尖沙咀行街行到攰見到呢間餐廳係隱蔽一角裝修又幾有格調一望餐廳名，藍象！！有保證喎裝修好靚呀！坐得好舒服lunch set 十分抵食仲有海境睇餐前小食好精緻好靚，左手邊應該係魚餅好香好濃味右手邊係青木瓜沙律仲有柚子中間既係甜甜地既黃咖哩配有機黑米最近介左白米，所以就揀左食呢個set咖哩好香濃入口唔會好重辣味易入口黃咖哩一向都係平和d適合唔太食辣既人佢balance得好好一黎到見到佢好似細細份咁但兜咖哩係份量十足雞件食極都有既朋友點既泰式金邊粉偏淋身但好香好惹味酸酸甜甜個辣粉好辣，怕辣既朋友記得注意呀十分滿意藍象餐廳雖然見到侍應好忙但服務態度都有禮

記得數年前遊訪曼谷既時候，已經好想試呢間朋友圈認為係「神級泰菜」，奈何因為太多人朝聖，而我又無訂位既緣故，所以最後都係錯過了。事隔多年，想不到餐廳會進駐香港，今次當然要一試。餐廳位於海港城，位置十分方便。門面時用Blue做主調，基本上好容易就可以知道自己無去錯地方。走進餐廳，有如步入海洋世界一樣，四周也是海洋的深藍，加上波浪的圖案，很令人著迷。座位位置把每一枱也分得比較開，讓人多了一份privacy，感覺高尚。不說不知，雖然Blue Elephant備受泰國皇室推祟，原來呢間餐廳唔係出生於泰國，而係１９８０年創立於比利時既，之後才開始在其他各地開設分店。大蝦冬蔭公湯　＄１８８食泰國菜，總缺少不了冬蔭公，呢個冬蔭公湯既賣相夠哂氣派，用了沙鍋凡盛放，下面再加一個火爐仔。佢有兩個SIZE ，一人份量　＄８８，大鍋既2-3人份就 $188，今日我地兩個人食，雖然店員推介我地叫兩個一人份量，但係計一計數，叫個大既好似比較著數，所以最後就ORDER佐一大鍋啦。有別於平時食到既冬蔭公湯，佢唔會有「海量」既香料同埋食材，攪到你成口都係「渣」，但係飲落佢既味一d都唔淡，而且裡面既蝦好大隻，都分到4-5碗

好耐冇見我既好朋友，兩個女仔無無聊聊唔知去邊食好，最後黎左尖沙咀既藍象泰國餐廳。餐廳位置幾顯眼，店面前有條好藍色既柱，位於city super既盡頭。兩點幾去到，餐廳入面人流唔算多，環境舒適，裝修好有泰國風情。碗碟都緊貼住餐廳名，睇得出個d抽象既圖案係藍色大笨象😂侍應幾有禮貌。我地叫左兩個set lunch，再加左兩個湯。set 包前菜同餐飲。豬頸肉炒金邊粉 ($98)賣相唔係好靚，不過好好食😍😋金邊粉炒得有d濕，粉條有彈性，有好多配料，豬頸肉份量亦唔吝嗇。豬頸肉唔會過硬，咬落啱啱好。仲有辣粉，砂糖同花生粒可以隨自己口味加。青咖喱鷄配白飯 ($138)咖哩鷄好足料，咖哩味濃郁。不過冇金邊粉咁好食😂泰式椰子鷄湯 (+$30)加錢果然冇叫錯，好重椰香味，湯質地好濃同稠身，唔係稀既個種湯，比較似醬汁。大蝦冬陰功湯 (+$30)我個人覺得過酸，不過辣度適中。蝦真係好大隻，都多肉同埋有少少蝦膏。

新年食完一輪團年飯同日日都食年糕，蘿蔔糕之後，真係唔想再食中式野呀，所以假期去開海港城行街記得呢度開左曼谷間BLUE ELEPHANT，即刻去試一試啦。環境舒適，有海景。 叫左兩個午餐餐前小食冬陰功材料豐富，有原隻大蝦，酸辣比例唔錯。椰子雞湯，椰汁味好香濃，有豐富椰子肉同雞肉。牛扒有牛味又幾JUICY，配埋個泰色風味醬汁食味道好夾，有別於一般燒汁或黑椒汁，幾有新鮮感。 咖哩鱈魚飯，咖哩好香，食到出好豐富香料，有層次，又岩香港人口味唔算好辣，鱈魚炸過外脆內滑，啖啖肉，讚!

溫書溫到很苦悶，決定要吃個泰國菜黎鼓勵下自己，午餐來到了這間位於尖沙咀港威商場既藍象泰國餐廳。餐廳裝修富格調，感覺高級，窗邊位置還可以欣賞海景午市餐牌款式選擇挺豐富，和同行友人叫了豬頸肉炒金邊粉，同白咖喱雞配白飯🍚午市套餐除了主菜，還包了泰國皇室精選前菜和飲品飲品加了$20轉飲泰式奶茶，香滑富奶香是日的精選前菜係馬可，和魚肉卷🍽馬可是由花生搓成的球狀物，甜甜黏黏的，口感幾特別！先上枱既係白咖喱雞飯🍚內裡除了雞肉還有泰式茄子，雞肉肉質結實，咖哩富椰汁香，配香軟泰國米飯好好吃豬頸肉炒金邊粉足料香口，味道濃郁，粉裡有很多芽菜，蛋絲，豬頸肉香軟肥美最後當然少不了甜品，加了$20享用是日甜品，$20的甜品造型絕不馬虎，賣相精緻，是芒果奶凍和椰絲芝士蛋糕，味道挺好

一向好中意去泰國，亦好中意泰國既美食，知道尖沙咀開左藍象，一定要嚟解下思鄉之愁，等埋朋友放工，七點半嚟到，一嚟到見到條走廊好靚，入到去燈光同氣氛都唔錯，好有格調，嚟拍拖都唔會失禮。首先叫咗個軟殼蟹沙律配羅望子醬，菜好新鮮，軟殼蟹又炸得好香脆，但醬太多，偏咸，咁岩經理問我地嘢食啱唔啱胃口，我哋就同佢反映返醬汁太多，有啲咸，佢態度好好，同我地講唔好意思，話會同廚師反映番，仲重新俾左一碟仔我地試下自己加醬，睇下會唔會比較好一係好鍾意飲泰國嘅湯所以就叫左一個椰汁雞湯一路食嘢都唔怕個湯會變凍，椰子味好香，而且好多雞肉，又夠滑，足料！呢個炸蝦，非常香口，配埋個醬汁，簡直係天生一對！我同朋友都好中意當然唔少得就係綠咖喱同埋油鬆餅，唔好睇佢細細煲，入面配料好多！香料同椰汁味道配合得恰到好處，加埋鬆脆嘅油鬆餅一齊食最後梗係有去泰國必食嘅芒果黑白糯米，一嚟到見到好似壽司咁，好盞鬼！旁邊仲有一個朱古力同雲呢拿味嘅雪糕，上面加左炸過嘅椰子絲，好好味！總結，呢度坐得舒服，服務又好，價錢都好合理，一定會再嚟食！

過完新年，逗到唔少利是，一於帶埋媽咪去shopping 買下嘢，兼且食好西。為咗孝敬最愛食泰菜既母親大人，一於帶佢試下呢間咁有情調既藍象泰國餐廳，望住海景食Lunch ，絕對係貴婦式既享受。星期日既下午，人唔少太多，非常適合慢慢嘆住食。可惜天公不造美，無法睇曬維港既靚景，不過迷茫煙雨，亦有另一種味道。先上菜既頭盤擺得相當之靚，細細粒，非常精緻的骰，bite size 既食物，一啖一種享受。左：泰式柚子沙律中：糯米飯配菠蘿右：泰式炸魚餅三款頭盤入面，我最鐘意既係清新既柚子沙律，入面用咗青木瓜配柚子，食到魚露同青檸汁既味道，清爽開胃，酸酸甜甜，最啱女仔食。而魚餅亦炸得相當香脆，脆而不膩，坊間既魚餅一係唔夠脆，一係就太油，呢個就炸得剛剛好，唯一問題就係份量太少啦，哈，好想食多一粒。糯米飯方面就有啲花生碎，有淡淡既椰絲味，配埋菠蘿食都幾醒神，但如果配芒果就更好，因為我比較喜歡食芒果。而主菜就係，泰式鴛鴦咖哩脆皮鱈魚柳配茉莉香米。有紅咖哩同青咖哩兩重醬汁，加埋嫩滑既鱈魚柳。開頭上碟，我望到啲鱈魚柳好似俾汁浸過，心諗應該唔脆，估唔到既係，雖然魚肉吸咗咖哩汁，但仍然保持香脆既外皮，而咖哩汁亦唔會太辣

今日和妹妹去尖沙咀看戲，離看戲有時間，所以去海港城食個午餐先：泰國菜環境一流，可以望住維港，非常享受雞串和豬肉串燒：都好新鮮，肉質鮮嫩多汁馬可花生軟糖配菠蘿：先食菠蘿醒胃，再食軟綿綿花生糖，食落似糯米糖泰式炸蝦餅：蝦肉彈牙，非常足料細緻黃金包：外脆口，內軟化先食皇室精選前菜，好味煲出椰子的香味，雞肉仍保持嫩滑，好飲不膩蝦醬炒飯好惹香，用蝦肉，紅蘿蔔粒，蔥花，加入蝦醬一起大火炒，飯粒干身不油檸檬香味的芝士蛋糕，士多啤梨貼芒果溶，碟豆花蛋糕，食埋這甜品好滿足的一餐泰式奶茶好香，奶味充足，甜度適中全餐

藍象出產的煮食包係到泰國旅遊必買嘅手信，上至冬陰公湯，下至青咖哩都會有。現在唔使自己動手，又唔使去到泰國咁遠， 都可以品嚐藍象嘅料理。呢度嘅食品款式唔算話非常之多，但係應有嘅泰國食品都會有，而且我仲發現咗有啲比較特別嘅菜式係值得推介一下。例如呢一個西瓜魚鬆沙律，平時食青木瓜沙律就食得多，西瓜沙律其實一個幾創新嘅菜式，但係食落去又，幾有新鮮感，吃落好清新，再配上甜甜嘅魚鬆，特別。魚餅無需要多介紹，堅實得來又爽身，熱辣辣，味道好。炭燒豬頸肉，份量夠大，豬頸肉外邊燒到非常之香口，入邊嘅肉仲係好嫩，保存着佢嘅肉汁。更加值得一提嘅係燒豬頸肉都會配上一碗仔嘅木瓜沙律，中和番豬頸肉的油膩。仲有呢個黑糯米飯，用整個椰皇盛裝住嚟蒸。黑糯米完全吸收晒椰香，令整個飯更有層次。喺泰國買番嚟煮，當然可以娛樂一番，之後仲有得食。但如果有人煮埋，又唔錯喎。

我地行街見到佢有 tasting set dinner, 就去訂位食!!訂位個時仲特別要求坐窗邊...佢環境幾靚同靜!!每位$400, 但係份量十足!! 食到飽飽!!頭盤點心做得非常精緻, 不過味道普通普通冬蔭功湯足料香濃，蝦夠大隻, 不過辣咗一啲肉質唔夠鮮味但汁料配撘得幾好我最喜歡嚟度菜，撈飯一流，食唔停雖然蟹唔多肉，味道不錯，但佢嘅薄餅唔夠熱有菜去清清肥膩，不過不失甜品賣相幾靚!! 但係已經太飽，只係食咗少少。

今日放工約咗好朋友食下午茶，新一年大家相聚慶祝！一早訂了這間在港威中心的泰國餐廳。這裡氣氛好優雅美麗，坐位舒服；設計裝飾獨特，好泰國感覺每個枱子之間在玻璃設計相格，給予客人私人的空間我們2人叫了一份下午茶餐這個半雀籠的設計好靚好可愛，第一次食泰國式下午茶，好有驚喜我們先食咸點第三層：春卷：春卷皮好脆口，好香又熱辣辣，內面包著木耳及蔬菜，中和了油膩感；蝦餅：爽口彈牙、外脆內軟，蝦新鮮好正喔；比利時炸蝦：好好食！外脆香口，中間是薯蓉泥好香滑，內部是蝦的彈牙，加上底部有甜辣醬的配搭！口感一流！回味再回味第二層：黎到第二層：Tiramisu: 好香滑、不會太甜，朱古力表面好香濃、下面的cream如泡沫、好夾好味道；馬可：個樣好特別，菠蘿好甜好新鮮、上面的圓球口感特別柚子蟹肉沙律卷：好清新又好靚的沙律、蟹肉好鮮甜、柚子新鮮清甜，為口腔清一清味道！第一層：班蘭撻：好特別！上面是曲奇片，好香脆、班蘭好香好滑，甜度剛剛好；泰式辣朱古力餅：好正呀好特色呀，上面是辣椒乾，朱古力好滑、內含有辣椒，所以甜中帶辣，又是驚喜皇家宮殿蒸餃子：是鴿子造型，可愛細緻、外面是煙韌、內面是咸香瑤柱配辣辣的泰式口味，原來是咸