藍象泰國餐廳 (已結業)

環境ok的 服務都不錯 見係藍象對食物有期望 可惜食完一肚氣 Tomyum soup- 非常咸 青咖哩雞 - 得椰香味 無辣味無青咖喱味 仲以為自己食緊椰奶雞 烤帶子煎茄子 上碟賣相好靚 可惜茄子未熟 同侍應講未熟 佢拎走左碟餸一陣轉頭返黎話係咁 我地同佢講叫佢試下 茄子short short聲 咬唔開架喎 轉頭重新上碟剛熟 我未喺泰國食過呢味餸 唔知係咪應有唔熟？ 炒椰菜 - 又係咸 總括味道唔合格 食環境影相打卡都可以既

是日，屋企人請食生日飯，食物質素尚算正常，不過不失。至於服務，實在令人失望！！！叫左二輪野，頭一轉order完全冇問題，黎岩晒；第二轉呢，因為唔夠食而加單，同一個waiter落單，4樣野有3樣野係落錯既，有點汗顏😓總括而言，食物質素同服務，一啲都唔值。可能呢到唔係泰國，真心理解唔到點解可以攞到米芝蓮一星。

星期六約咗朋友喺海港城食晏，諗黎諗去都唔知食咩好，因為太多選擇了🤔🤔🤔🤔🤔最後諗起呢間泰國野，即刻打電話去book位同埋問佢可唔可以要求海景位，無托手爭🤩🤩🤩🤩🤩原來呢間餐廳地方都幾大，有好多大枱，好適合一班朋友黎食啦😋😋侍應果然俾咗個海景位置我哋坐，雖然我哋得兩個人，因為海景位係四人枱🤫🤫🤫最估唔到原來星期六都仲有lunch set🤗🤗我就嗌左嗰海南雞飯，朋友就嗌左嗰青咖哩牛腩飯同埋嗌左嗰炒通菜食😋我嗰海南雞飯等左好耐都未黎，一吹再吹，朋友碟飯都食左一半，碟通菜都食哂咁劑了😵😵😵好彩個海南雞飯無令我失望，好滑，好有雞味！！至於個青咖喱牛腩朋友就話麻麻，好un 🤨🤨🤨下次一於嗌多啲人黎試多啲野先😝😝😝因為嗰環境真係幾好，座得好舒服！

尖沙海港城是名牌客的購物天堂，餐廳檔次一般較高，格調也相當的氣派。「藍象」有東南亞泰式悅榕莊般的豪華裝潢，價錢稍貴一些，但食物質素及環境 ,令我置身於像在酒店 ,真是一種高級的享受。餐廳店名以天藍色設計好grand。走進餐廳入面，裝修華麗堂皇認真夠氣派。座位寬敞 ,有更大的空間跟朋友聊天，十分浪漫及寧靜舒服的感覺。雞肉蝦醬芒果炒飯 $128,大大隻蝦再配細蝦乾同其他配料一起拌匀後，一碟高質素的炒飯在口中享受。精心巧製的黃金包 $58蔥油餅$38，外脆內軟散出一種油香味。十分得意的泰國皇家蒸餃子$38餐具也十分高格調還有其他精美的小點菜式，非常精巧別緻。泰國出名的菜式，冬陰功湯下次一定要試。

今日五人的午餐,一千四百多元的午飯一點也不便宜吧,但竟然零服務, 不倒水、不分湯.......都算了,竟然所有上菜放在枱角邊就走開。當時係中午12點未到，全個餐廳就兩三台客。我問另一個朋友都話上次來都係咁上下服務態度，真係好懷疑有幾多食評係真嘅........硬要我寫夠二百字先可以評分: 食物方面,普普通通,咖哩炒蟹,甜; 菠蘿炒飯,甜; 東陰功,正常; 其他冇乜印象喇。總括嚟講,食物水準普通,唔食冇損失。 今次仲係專登帶客人嚟,唉.......認真中伏

一直都好少食泰國菜的我，最近被一間餐廳吸引 就是位於尖沙咀港威商場內的藍象泰國餐廳 ～經門口進入會經過像水族館一樣的隧道餐廳燈光較暗，感覺有點神祕就連牆上裝飾都別具心思餐牌食物選擇甚多，更細心加設紅色小象代表不同程度的辣度大蝦冬蔭公湯 $88先來個必點冬蔭公湯，味道不太辣，材料豐富，有原隻大蝦雖然餐牌寫一位上，但份量足以兩人分享呢！帶子沙律 $168整碟菜式都好有藝術氣息帶子新鮮彈牙，加上不同種類的菜同吃，的確開胃！青咖喱焗蟹蓋 $128蟹肉份量超多肉質鮮甜，再加上大量洋蔥焗製，味道超香甜炸軟殼蟹 $98粉漿不多，食落鬆脆香口，味道有點微辣，建議不嚐辣的朋友慎選～😅豬頸肉雜菜少河粉 $138河粉炒得剛剛好，不會煮得太軟身，再加上大大塊的豬頸肉，油脂滲透整碟菜，每一口都好滿足blue elephant pina colada $70食泰菜點少得椰青？ 依個仲要係升級版😎😎加上rum酒、椰奶、菠蘿汁調製而成，好新鮮的口感整體而言，餐廳環境、食物、服務都是中上，絕對會再同朋友來試

放日假同媽媽慶祝母親節，帶佢去食佢鍾意嘅泰國嘢。Lunch time時間海港城好多人，不過呢度唔使等位。慶祝母親節所以食好啲，冇嗌lunch set，就咁喺Menu上散嗌。媽媽點名要食個 金柚芒果沙律伴蝦乾甜梅子汁好多金柚，佢用青芒果，酸酸地，配甜梅子汁又中和返d酸，仲有d蝦乾鹹鹹地，令個沙律都好惹味。燒大蝦炒金邊粉，大蝦好大隻，有手板咁長，蝦肉夠入味。金邊粉份量好多，四個人都夠分。仲叫咗個小食拼盤，有串燒，蝦餅，青咖喱炸物同花生糖配菠蘿。聽落好多嘢，但其實每樣都係2人份量左右。不過勝在同媽咪一人一件甜品俾佢個暖心榴槤撻吸引咗，即刻叫黎試。個暖暖撻入面好重榴槤味，配個雲呢拿雪糕係上面，好好味。提一提，佢個泰式奶茶幾正宗，值得一試。埋單7百左右，不過喺尖沙咀地段，而且高質泰菜，都可以接受最重要係同媽咪過左一個開心既下午

有所不知，打開餐牌第一頁已經見到介紹，原來泰國藍象餐廳是泰國有名的高級宮廷料理，受皇室推崇，多位外國官員政要亦試過，香港分店的價格卻算是親民。餐廳深藍主調，藍色燈光，裝修華麗有格調，寧靜浪漫，走到餐廳最盡頭，被窗邊維港海景的那些座位吸引，這邊的座位更寬闊舒服。金柚芒果沙律：金柚及芒果酸酸甜甜，開胃前菜，入面有辣椒，越吃越辣，很過癮。燒大蝦炒金邊粉：金邊粉炒得夠乾身，微辣惹味。大蝦肉質新鮮結實，味道香口，十分美味。青咖喱雞炒飯：青咖喱香料椰香甚為香濃，不辣，雞肉滑嫩，本以為炒飯會跟青咖喱混在一起，原來只是炒飯旁邊放上青咖喱雞肉，所以炒飯相對地淡口。如果青咖喱跟飯一起炒，定會更惹味，飯粒更加入味。泰式雜錦雞豬沙嗲：每款各2串 ，個人喜歡不蘸醬汁，更能嚐出串燒炭烤過的味道，尤其是雞肉，沙嗲醬較為遜色，相對比下去。望著海景用膳，盛載的餐具亦是別有特色，加上廚師注重食物的美感、擺位及排場，真是享受了一頓價錢不昂貴的泰國皇室料理。

還以為和泰國的餐廳是同一個水平。其實完全不是？這一輩子喝過最難喝的冬蔭功湯，有一種嘔吐的味道，是真的嘔吐出來的味道，好噁心。魚餅的口感很差，像是微波爐熱了一下的。青咖喱⋯⋯⋯⋯的牛肉大塊到，咬都咬不動。味道也不好。還有一杯thai ice tea，像是自己在家沖的速溶奶茶，而且店員直接用手去掰吸管放進去，很不衛生！！！桌子不乾淨，油油膩膩。整個店看起來髒兮兮，店員服務也不好，很沒精神。最好的菜品應該是白開水和米飯吧，還吃了600多塊，真的是很無語的一家店。

講到泰國菜一定會諗起「藍象」 仲有藍象牌既醬料包唔知Blue Elephant香港分店既水準又如何呢？依到既裝飾環境都好唔錯😍最正既點係可以望住維多利亞港食飯🍽 -首先叫返杯飲品先▫️Snow White 白雪公主🍹 $55Snow White其實係一杯荔枝味既Mocktail沙冰 甜甜地但我更欣賞另一杯▫️Blue Elephant Pina Colada $70第一次飲Pina Colada係用椰青裝住 飲完仲可以筆埋D椰青肉食-▫️泰國皇家宮殿蒸餃子(半份) $38賣相已經不得了 十分精緻 餡料係雞肉加蝦釀成 味道都幾濃 加埋冬陰公汁 好食呀！！-▫️小食併盤 $168一盤有齊哂5款小食 包括沙嗲雞串 沙嗲豬肉串 藍象炸蝦餅 青咖喱黃金包同埋馬可慢煮花生軟糖配新鮮菠蘿🍍第一次食馬可 幾特別 估唔到鹹鹹甜甜加埋又幾夾而青咖喱黃金包好有驚喜 外皮香脆可惜沙嗲雞串同豬肉串都偏乾左少少-▫️香濃青咖喱雞肉炒飯🍚＄118聽聞Blue Elephant最出名既係青咖哩醬 所以叫左青咖喱雞肉炒飯青咖哩比平時食既偏辣 有椰香 炒飯炒得幾香口-▫️黑白糯米飯配泰國芒果 $88超級靚呀！白糯米飯淋上椰汁 而黑糯

海港城嘅餐廳基本上價位都比較高，特別係可以望到維港景色嘅餐廳。呢一間泰國餐廳，lunchtime好多人，因為lunch set 都幾抵，由$88 - $188都有。今日就冇跟lunch set叫，單叫咗份「藍象特色青咖啡」。紅同青咖哩嘅分別在於紅咖哩好辣，朋友唔食得辣，所以都係揀青，侍應就suggest配雞肉比較滑。另外，再叫左份薄餅夾咖哩食。兩個女仔食的話，呢個青咖哩份量都幾足，我地最後叫埋份品，揀左芒果黑白糯米飯（黑糯米好有口感，比較白更好食 哈），就岩岩好飽哂。PS 運氣好的話，個位真係可以對準個維港景食飯🤠

今日難得放假但又落雨 出到尖沙咀都係行下商場 行經藍象泰國餐廳 見到門面好grand又有海景位 就決定入去食個lunch 入到去真係安排左海景位俾 有驚喜 我點左泰式沙嗲（豬牛各二）雞肉蝦醬芒果炒飯 加埋黑白糯米飯配泰國芒果做甜品等左一陣 先上泰式沙嗲 呢個一定要試 好好食 無論豬或雞 燒到岩岩好 一點都唔韌 配埋個醬 好好食呀繼續雞肉蝦醬芒果炒飯 大大隻蝦放係面 見到都開心 個炒飯唔會好咸 仲有大大隻蝦乾 臘腸 蛋絲同埋青木瓜絲 好正食泰國餐廳點可以少得芒果糯米飯 呢個黑白糯米飯配泰國芒果 一上到枱 靚到暈 一定要相機先食 影多幾張靚相先得 糯米飯仲熱熱地 加埋椰奶同底層既芒果 勁夾 泰國芒果睇顏色就知一定甜 食落 之後食埋個雪糕 大滿足 一定要encore 再黎

「藍象」係泰國頗有名氣，一於試下香港分店水準如何！一入門口已經被四周嘅深藍圖案吸引住，裝修典雅有格調，可以靜靜地食餐飯。小食拼盤包括炸蝦餅、沙嗲雞串、豬肉串、青咖喱黃金包、馬可慢煮花生軟糖配新鮮菠蘿。最鍾意青咖喱黃金包外皮炸得非常酥脆，包住香辣惹味嘅青咖喱好好食。沙嗲雞肉同豬肉肉質嫩滑但乾左少少，蘸點沙嗲醬味道更香濃。經理介紹菜式嘅時候話紅咖喱配牛肉比較夾，紅咖喱辣度較高，適宜配搭薄餅。牛肉肉質細嫩，配料仲有我最愛泰式茄子！炒飯嘅蝦醬味唔算濃，撈埋配菜一齊食會更豐富，有蝦乾、蛋絲、青芒果、肉鬆，整體唔會覺得膩。到我最期待嘅甜品時間！呢碟芒果糯米飯係我見過賣相最精緻架糯米飯微暖，入口煙煙韌韌，黑白糯米飯分別淋上芒果醬和椰汁，提升層次感。配上香甜多汁嘅芒果同朱古力雪糕，簡直是完美配搭！

朋友飯聚最好去坐得舒服既餐廳，尖沙咀「藍象泰國餐廳」食物有質素、環境舒適、價錢合理。可能在遊客區，加上晚上多客人，食完會好快收拾好，有點趕客感，也叫了兩次以上，仍未加水，幸好隔離枱有新客，才順便幫我地加水。講反食物味道，其實都幾好食。【小食拼盤】$168，串燒豬肉質感扎實有咬勁，串燒雞肉特別鬆軟嫩腍，兩者配沙爹醬汁，更香更惹味，花生味不算重。炸蝦餅夠彈牙，蝦肉頗多，味道突出，沾甜酸醬更清新不膩。脆皮青咖哩黃金包好精緻可愛，一口香脆爆發咖哩香味。最後的馬可慢煮花生軟糖配菠蘿，咸甜味道，軟綿口感，幾特別，未曾食過的新味道。【大蝦冬陰公】 $188（二至三位用），侍應幫我地分好兩碗，當然仲有部份留在鍋中。材料不算多，大蝦、草菇等，反而香料豐富點，頗辣微酸少香茅味，有別於一般冬陰公。味道有層次。大蝦半邊已有很多肉，厚身又肥美，仲好爽彈。餘下都幾多湯，用火座熱，可慢慢品嚐，每人大約有兩碗。【泰式香辣肉碎沙律】$92，肉碎炒得好香，有香茅及泰國香料獨有香味，好惹味吸引。仲有炸脆金不換裝飾。淨食肉碎夠香口，用生菜包來食更清爽不膩，又爽口，肉碎加入豆角粒增加咬口，幾好味。【菠蘿雞肉炒飯】$138，看似

工作關係, 近來多於尖沙咀區。尖沙咀區作為熱門遊客區, 食肆林立選擇非常多。選擇困難症的我一於「開飯」一下, 隨機地選到它。餐廳內格局舒適、環境幽暗, 坐擁維港無敵海景。冬陰公西米馬可 $58以分子料理方式烹調。先是冬陰公味泡沫, 繼而是彈牙西米粒。兩者一同入口, 感覺像冬陰公味湯丸。泰國皇馬蒸餃子 $38以藝術品來形容最為貼切。味道與賣相同屬非常的高水平。表皮煙韌彈牙, 餡料味濃且多汁。單論賣相亦值回票價。泰式比利時炸蝦 $58原隻比利時大蝦, 爽脆嫩滑。小食併盤 $168是晚主菜, 非常適合眼闊肚窄的我。併盤內包含炸蝦餅、沙爹串燒、蝦春卷等。無一不是必食之選。炸蝦餅外皮鬆脆, 內裡彈牙有口感。泰式紅咖哩(雞肉) $188賣相非常精緻, 材料亦多。紅咖哩盡滲雞肉內, 嫩滑多汁。辣度適中, 零舍開胃。蒜蓉包 $38咖哩與蒜蓉包, 好比晚餐與甜品, 是不能劃缺的。稍辣的紅咖哩汁配脆身的蒜蓉包, 味道又推進到另一個層次。