藍象泰國餐廳 (已結業)

朋友剛在外地回來在尖沙咀想搵個靜靜地方又望到維港又可以high tea最重要係價錢唔貴我地揀左Harbour city既Blue elephant既high tea set藍色靚裝潢 好美High Tea 甜點咸點有10款wow 個食物架 金色好sharp底層 有3款咸點 炸蝦 好大隻 而肉厚身 唔油又脆酸甜汁 又夠惹味而蝦餅同春卷都好香口 岩哂我朋友口味跟住 中間有蒸餃子 柚子蟹肉沙律卷同馬可餃子 造型好別緻 個皮就厚左d頂層 3款好特別既甜點有好濃味既班蘭撻 好幼滑既班蘭cream中間係spicy chocolate 食落唔覺勁但響喉嚨就feel到好辣 鍾意辣既就要試chocolate 都好cream 到最後係榴槤撻 益左我個fd 因為榴槤係佢至愛 佢都話好濃 好味飲品我揀左mango 糯米飯沙冰好特別呀 沙冰裡面有粒粒糯米飯口感幾得意 mango味唔太酸又唔太甜朋友就揀左杯咖啡 2個人望係維港 食下野 傾下計咁就一個悠閒下午 最緊要唔貴 下次再試其他

朋友生日聚餐相約在尖沙咀的「藍象泰國餐廳」，訂位同時查詢得知切餅費$120和開瓶費$150。晚上，朋友帶來剛從日本購買的大吟釀與大家分享，怎料侍應說日本酒開瓶費$350，不明白，訂位時候接電話的侍應講的唔講的？？？大家的心情都唔係開心！請問大家咁既情況，帶來的大吟釀會飲定唔飲？？？收取切餅費$120，只提供碟子和刀叉，侍應將蛋糕連盒帶袋放下枱面就走開，我們拍照後也沒有協助切餅，且從雪櫃取出的朱古力蛋糕已軟化，懷疑都唔知有冇放入雪櫃？大家懷著愉快心情黎享用晚餐，以上的不愉快經歷只好放埋一邊。我睇見大蝦冬蔭功湯$188（2-3位），有半邊大蝦就滿心歡喜，怎料蝦肉是霉的。油鬆餅$38很油膩，外脆內不綿，吃了1/3個已經不想再吃了！馬沙文咖喱味道都唔錯，起碼不會得個鹹字！豬頸肉炒飯，成碟飯油腍腍，似豬油炒飯，又見唔到豬頸肉！慢煑烤排骨$168都算滿意。燒春雞頗不錯，雞胸肉都嫩滑。小食拼盤$168燒大蝦炒金邊粉$152金柚芒果沙律$118都不俗，不過我又唔見到黃澄澄的芒果！（冇相）滿意和不滿意的菜餚都分享過，其他的菜餚都一般，冇乜好講啦。尚有：我用餐的匙羹十分骯髒，見到就及時更換。人均消費$24

今天在海港城逛街，順便在商場午餐。海港城臨近海旁，所以有很多餐廳都可以眺望大海。這家餐廳也有這個優勢。餐廳環境以棕色的木為主調，配上優雅的青藍色，餐廳多採自然光，燈光幽暗，既有亞熱帶原始的風味，又不失優雅的感覺。午餐是半自助餐，由$188起，奉送一杯飲品。另外可以自行去吧台取食物，有泰式椰子雞湯、蒸餃子、素菜春卷、田園沙律、榴槤撻、忌廉泡芙、美式芝士蛋糕等。泰式的口味的餃子和前菜，我吃得不是很習慣。有幾款可以吃吃看。🔸泰式椰子雞湯口感濃稠，既有椰子香味，也喝到雞肉的精華。🔸榴槤撻吃下去陣陣榴槤飄香，口腔都有榴槤的味道，喜歡的可以一試。🔸美式芝士蛋糕外面餅殼烤得香脆，裡面是忌廉芝士，味道很好呢！⭐️泰式美國烤肉眼扒配薯蓉羅望子汁$288肉眼扒五成熟，煮得不錯，入口嫩滑，唯嚼起來沒什麼味道。⭐️鴛鴦咖喱脆皮銀鱈魚配泰國有機黑米$288這道菜有驚喜，鱈魚炸得十分香脆，配上鴛鴦咖喱，味道有新鮮感，加上魚肉香軟，我很喜歡。另外配上泰國有機黑米，有嚼勁，搭上咖喱汁也是絕配！▫️這裏的地段和環境不錯，如果食物質素和服務再提升，相信會吸引更多顧客喔！

之前喺南象餐廳食個下午茶，好鍾意呢度嘅環境，好舒服，好有泰國風味，仲有海景睇，今日一於同好友一齊黎試下晚餐天氣凍，先叫個湯暖下身先，叫左個蝦冬陰公湯，一入口就感到泰國風味，辣度適中，磨菇新鮮，內有二隻大蝦，份量都唔細小食拼盤，有2串沙嗲雞，2串沙嗲豬，炸蝦餅，炸肉丸，沙嗲點上沙嗲醬一同吃，更好味，炸蝦餅，蝦味濃，炸肉丸賣相有趣，外層酥脆,肉丸juice 蝦雞春卷，外層炸得金黃，咬落口鬆脆香辣肉碎沙律，肉碎吵得粒粒分明，味道酸酸地，包埋生菜一齊食，好開胃有嘢味燒大蝦金邊粉，隻蝦好大隻，金邊粉煙韌，撈埋半碟嘅化身同辣椒粉， 更加好味烤和牛扒叫咗個五成熟，燒得好靚，一入口好香牛味，肉質鬆軟，唔韌，牛扒中間灑上華鹽，更能帶出香濃嘅肉味泰式奶茶，唔係太甜，奶味重，茶香，好正宗嘅泰式奶茶呢度環境真係好舒服 有無敵大海景 邊食邊欣賞 簡直係人生一大樂事

放假同朋友去尖沙嘴海港城行街，行完街就去左藍象食tea。藍象裝修雅緻，比人的感覺好舒服。我地嗌左Thai style afternoon tea Set $168 for 2，包2杯飲品。，三層架第一層係泰式辣朱古力、班蘭撻和暖心榴槤撻。辣朱古力小小辣，味道好特別，入口即溶；班蘭撻班蘭味好香，撻皮酥化；榴槤榴槤味濃郁，夠曬滋味。中間果層有柚子蟹肉沙律卷、皇家宮殿蒸餃子和馬可。馬可的味道好濃，配埋菠蘿剛剛好；柚子蟹肉沙律卷好清新；餃子整成白色、藍色的雀仔咁，造型別緻。最底層有泰式比利時炸蝦、香脆蝦餅和泰式春卷。春卷厚實足料夠香脆，配合泰式醬好惹味；蝦餅煎得剛剛好；炸蝦唔厚粉，隻蝦好彈牙。呢個價錢可以係咁樣的環境之下享用下午茶真係物超所值。

同好姊妹喺海港城行完街，想搵間環境優美，坐得舒服嘅餐廳，於是揀咗呢間食泰菜嘅餐廳行到好肚餓，立即叫一大堆嘢食醫下個肚，打開餐牌樣樣都好吸引炸蝦餅，蝦肉爽口彈牙，外層炸得香脆蝦雞春卷，春卷炸得金黃，咬落香脆可口，內有粉絲，蘿蔔，木耳，雞肉，蝦，材料好豐富大蝦冬陰公湯，飲落酸酸辣辣，好有水準燒大蝦炒金邊粉，金邊粉撈埋花生辣椒粉，層次感更大，大蝦沾上醬汁味道更出色油鬆餅，味道鹹鹹地，煎得外脆內軟，配埋咖喱一齊食， 另有一番風味最後叫個芒果糯米飯，賣相很吸引，有普通糯米飯同紫米飯，兩者食落都好煙韌，芒果清甜

人生第一次寫食評，估唔到係俾人激到要寫。之前都遇過一啲服務比較差嘅餐廳，但不至於要出post批評佢地嘅程度，呢次就真係忍唔住……其實一開始我冇乜嘢,只係落單嘅時候覺得侍應態度略為冷淡,不過我唔mind嘅。但食到中途就出事了,因為青咖喱豬頸肉炒飯我個仔唔鍾意食，諗住叫Menu睇下食其他野，我舉左兩、三次手，每次都成分鐘咁耐，間餐廳四、五侍應個個都有意無意視而不見，但我又唔見佢哋有幾忙。我心諗：茶餐廳都唔會咁啦？你咁唔想過來serve我嘅，一係你就提供電子Menu比客人，但又唔見你間餐廳有喎。最後過咗成15分鐘都係冇人理我，當我透明，我忍無可忍，大聲咁叫「唔該！」，班侍應望左望過來，然後居然故意扮做其他野，去其他枱，就係唔過來，咁即係擺明得罪你啦。最後要我老婆要連續叫左個最近嘅幾次「唔該唔該⋯⋯」先死死地氣過來，好快我地叫左碗白飯比個仔食完就算。食過咁多間泰國餐廳，服務平均來講都幾Nice、勤快，今次喺呢間餐廳嘅遭遇，真係令我大開眼界。對住一個對餐廳服務要求一啲都唔高嘅客人，你都可以令到佢咁難堪，真係要檢討一下自己嘅管理同埋服務！食物方面冬蔭公湯 $1881隻蝦開兩邊，霉嘅，得2碗多D度，

原來泰式都有afternoon tea set, 更有維多利亞港的海景伴食, 絕對是別有一番的悠閒舒適享受, 讚!!! 水仙芒果糯米飯沙冰: 第一次聽到原來糯米飯, 都可以變成沙冰飲料, 整杯沙冰的口感滑得完全不像沙冰, 口感滑得像牛奶雪芭混合體一樣, 讚!!! 味道就像在咬著整個水仙芒果一樣, 讚!!! 這正正就是真材實料無添加的味道, 讚!!! 相反地... 此afternoon tea set的內容卻有點失望, 炸物類@炸蝦, 蝦餅和春卷: 整體都炸得算是挺乾身的, 但味道很一般, 也沒有很鬆脆的口感... 皇室宮殿蒸餃子: 此餃子是一隻藍色跟白色的小鳥, 它們都長得很可愛, 很精緻, 讚!!! 但一咬下去的時候, 卻發現餃子皮厚實得驚嚇!!! 甜品類: 沒有過甜的情況出現, 不過不失吧!!! 此價格可悠悠擁有維港海景... 全程陪伴著, 也值回票價lalala!!!

2019年1 月12日。晴。尖沙咀。行海港城，名店林立，總感覺餐廳都特別貴但原來海港城都有好抵食嘅下午茶！藍象夾喺萬寧同屈臣氏（？！）中間，喺喼神嘅夾攻下，個門口有啲隱蔽見到門口嘅廣告牌就覺得好吸引！下午茶$168，好抵呀～餐廳入面嘅環境都好舒服～貫徹藍象嘅餐廳名，主色用咗紫藍色～水仙芒果糯米飯沙冰，+$25本身就非常鍾意芒果糯米飯～變成嘢飲嘅芒果糯米飯究竟係點嘅呢？呢個芒果糯米飯沙冰芒果味重，清新香甜～底嘅部分係白色糯米飯，真係會食到糯米，所以好有咬口！唔會太甜，幾特別～主色上場喇～下午茶有3層，用鳥籠裝住好精緻～最上層嘅係甜點，有三款～暖心榴槤撻：榴槤足料，香濃綿滑～食完口入面仲會有甘香～斑蘭撻：斑蘭味唔算好濃，味道清香，質地軟滑～泰式辣朱古力：建議先食，燈光照射之下會融化，睇落似係普通朱古力，但唔可以睇少，食嘅時候都係普通朱古力味，但之後會有「回辣」，刺激！第二層係點心～馬可：睇完個名依然毫無頭緒即係乜嘢，再睇下英文Ma Hor，都係唔知係乜嘢，上網查下，原來係將豬肉（同香料）擺喺菠蘿上嘅一道菜，但係餐廳就有啲心思，將豬同香料搓成一粒波波，再放上菠蘿片上，令菜式睇落更精緻，粒波波

今日同男朋友喺尖沙咀行完街之後就搵一間餐廳食下午茶啦，剛好見到泰國好出名既「藍象」有提供下午茶所以就去試吓啦。餐廳環境優美，仲有唔少節日裝飾～店員安排左其中一個角落，隱蔽得黎又可以欣賞到海邊既位。靚靚既雀籠下午茶層層架底層有香脆蝦餅、泰式比利時炸蝦、泰式春卷中層有柚子蟹肉沙律卷、皇家宮殿蒸餃子上層甜品有泰式辣朱古力，真係幾辣！仲有斑斕撻同暖心榴槤撻，好香榴槤味！款款都的骰細件，啱晒細食嘅我。另外包2杯咖啡或茶，不過我哋見到加$15可以轉特飲，所以就試咗杯芒果糯米飯沙冰。芒果沙冰入面有一粒粒煙韌既糯米，口感都幾特別。

一入到餐廳就覺得環境好舒適 食物方面就叫左個冬蔭功湯 軟殻蟹卷 炸蟹餅魚餅 青咖喱炒雞飯 d小食全部都幾好食 特別鐘意食個蟹餅 但個湯就唔夠熱 上既時間有個好細既蠟燭火熱住 飲落只係微溫 完全破壞左個湯 另外 個青咖喱炒雞飯真係差 個飯完全唔熱 好似叮左一陣但又未熱曬咁

尖沙咀作為一個專門為自由行旅客而設嘅地方，小弟已經好一排無去認真行下。今日嚟行下，到下午茶時間，見到呢間餐廳好有東車亞風情，非常吸引我行入去。呢度周圍好多遊客，入到去可以得到一絲寧靜。有個tea set二人只需168，係尖沙咀，港威商場，咁黃金嘅地段，簡直可以稱得上超值大特價。入面佈置得好靚，睇起身好高級咁。吧枱，好靚，好有品味。位置寬敞舒適。講翻野食168蚊嘅tea set 都相當豐盛，好多元化。呢個就係d野食，底部嘅食品係煎炸焗嘅食物相當唔錯。其他都好唔錯，相當有泰國特色。呢個係芒果糯米飯沙冰，好芒果，好糯米。菠蘿有個尖尖好有特色

週六跟朋友去了blue elephant ，跟店員提出要求後，安排了坐在窗邊位置。聽著柔揚音樂，看向波光粼粼的港口，舒適寫意。我們二人點了一份下午茶2人set ($168/2位)，一試這家以泰式皇室宮廷料理聞名的藍象餐廳。另點了一杯咖啡，另加$25 水仙芒果糯米飯沙冰，芒果糯米飯沙冰味道獨特，沙冰配上糯米飯口感十分創新。三層架最底層是泰式比利時炸蝦、香脆蝦餅和泰式春卷。炸蝦帶有冬蔭公味，但粉漿略微有點鬆散。香茅蝦餅拌上薯蓉，食感香軟。春卷配料十足，配上特制泰式醬，味道不錯。中間層是柚子蟹肉沙律卷、皇家宮殿蒸餃子和馬可。馬可(Ma Haw/Ma Hor)是泰國皇室菜的特色小吃，以豬肉碎、花生加蔗糖入饌，底下墊塊菠蘿。聽聞是因為泰皇拉馬七世的出色馬術而命名。第一次試馬可感覺有點過甜，幸好有菠蘿中和。柚子蟹肉沙律卷味道不錯，可惜份量太少。鳥籠內更有白色、藍色的雀仔餃子，十分趣緻。頂層是泰式辣朱古力、班蘭撻和暖心榴槤撻。辣朱古力入口即融，配上芥辣，非常刺激味蕾。班蘭撻味濃清香，是三層內我最喜歡的一件甜點。榴槤撻帶有濃濃的榴槤味，配上香酥餅皮，齒頰留香。以$168這個價錢享受到這美食美景和服務，

今晚同朋友到尖沙咀睇戲，睇戲之前先到喜愛的【藍象泰國餐廳】食晚飯。藍象位於尖沙咀站海港城港威商場，地點好方便。之前經已到訪了一次，今次再度光顧是因為店內環境非常舒適，設計亦相當優雅，像置身於非一般高級泰國餐廳似的。這裏的最大特式是如店名所示，起用了藍象作為店舖整體的主題，由前菜、沙律、薄餅、意粉、牛扒，甚至甜品都有泰國宮廷食材，十分貼題及稱職。出名係曼谷50大餐廳，入面裝演當然十分華麗啊！上次黎已經覺得好舒服，由餐廳門口既藍象壁畫至到入面有刻意調暗後配合埋高級既格局，係一個好好既享受呢。如果想坐近有窗睇睇海景既話，記得book檯個陣加講低要求呢！泰國宮廷菜嘅餐廳, 除左有華麗嘅裝飾之外，仲有好多香港其他餐廳好少提供嘅宮廷菜架。泰籍藍帶主廚主理，食物質素有保證既。價錢中等不過份量上次就覺得細左小小啦。Menu涵蓋大部份傳統泰菜，更增添左一點點fusion式既菜式，心大心細，圖片配文字永遠最吸引，絕對要花一點時間先決定到食咩先好。香濃馬沙文咖哩 $238咖哩豈有不配油鬆餅？「再加油鬆餅！」這馬沙文咖喱好好吃！濃濃的花生和椰糖香帶一點甜味，麻椰香滑。甜甜的咖哩一點也不熱氣，花生味道其實更像沙

前排睇面書見到呢間餐廳推出泰式半自助午餐，西式半自助午餐就食得多，泰式都係第一次，一於趁今日黎試下。藍象泰國餐廳位於海港城三樓，位置唔算開揚，上網一check先知道原來係曼谷米芝蓮三星餐廳，即時期望大增 。半自助餐價錢根據你所選擇嘅主菜而定，由$188至$288不等，豐儉由人。我地未夠十二點已經入座，可能因為時間尚早，客人未係太多，店內裝潢簡約，座位鬆動，坐得好舒服，好運的話更可坐到窗口位置，望住維港慢慢食。落完order後當然第一時間去自助bar檯睇下有咩食啦。是日兩款泰式沙律分別係金柚芒果沙律及青木瓜沙律，當中青木瓜沙律酸酸辣辣，非常開胃，作為前菜就岩晒。泰式蒸餃子以小鳥為造型，賣相精緻，外皮煙煙韌韌，配上雞肉及蝦肉餡料，味道濃而不膩。小食中以「馬可」最為特別，「馬可」係指傳統泰式宮廷菜的一口小吃，今日嘅「馬可」係慢煮花生軟糖配菠蘿，煙韌嘅花生軟糖配上有咬口嘅菠蘿，口感好特別，味道酸酸甜甜得黎亦好夾。食泰國菜又點可以唔食炸物？自助bar供應嘅炸物款式夠多，有蝦餅、魚餅、春卷等等，當中蝦餅爽口彈牙，配上甜酸汁真係食到停唔到口。今日嘅湯係泰式椰子雞湯，味道香濃夠滑，亦有相當多雞肉。美中