影片
更多
2019-01-17
63 瀏覽
人生第一次寫食評，估唔到係俾人激到要寫。之前都遇過一啲服務比較差嘅餐廳，但不至於要出post批評佢地嘅程度，呢次就真係忍唔住……其實一開始我冇乜嘢,只係落單嘅時候覺得侍應態度略為冷淡,不過我唔mind嘅。但食到中途就出事了,因為青咖喱豬頸肉炒飯我個仔唔鍾意食，諗住叫Menu睇下食其他野，我舉左兩、三次手，每次都成分鐘咁耐，間餐廳四、五侍應個個都有意無意視而不見，但我又唔見佢哋有幾忙。我心諗：茶餐廳都唔會咁啦？你咁唔想過來serve我嘅，一係你就提供電子Menu比客人，但又唔見你間餐廳有喎。最後過咗成15分鐘都係冇人理我，當我透明，我忍無可忍，大聲咁叫「唔該！」，班侍應望左望過來，然後居然故意扮做其他野，去其他枱，就係唔過來，咁即係擺明得罪你啦。最後要我老婆要連續叫左個最近嘅幾次「唔該唔該⋯⋯」先死死地氣過來，好快我地叫左碗白飯比個仔食完就算。食過咁多間泰國餐廳，服務平均來講都幾Nice、勤快，今次喺呢間餐廳嘅遭遇，真係令我大開眼界。對住一個對餐廳服務要求一啲都唔高嘅客人，你都可以令到佢咁難堪，真係要檢討一下自己嘅管理同埋服務！食物方面冬蔭公湯 $1881隻蝦開兩邊，霉嘅，得2碗多D度，
其實一開始我冇乜嘢,只係落單嘅時候覺得侍應態度略為冷淡,不過我唔mind嘅。但食到中途就出事了,因為青咖喱豬頸肉炒飯我個仔唔鍾意食，諗住叫Menu睇下食其他野，我舉左兩、三次手，每次都成分鐘咁耐，間餐廳四、五侍應個個都有意無意視而不見，但我又唔見佢哋有幾忙。我心諗：茶餐廳都唔會咁啦？你咁唔想過來serve我嘅，一係你就提供電子Menu比客人，但又唔見你間餐廳有喎。最後過咗成15分鐘都係冇人理我，當我透明，我忍無可忍，大聲咁叫「唔該！」，班侍應望左望過來，然後居然故意扮做其他野，去其他枱，就係唔過來，咁即係擺明得罪你啦。最後要我老婆要連續叫左個最近嘅幾次「唔該唔該⋯⋯」先死死地氣過來，好快我地叫左碗白飯比個仔食完就算。食過咁多間泰國餐廳，服務平均來講都幾Nice、勤快，今次喺呢間餐廳嘅遭遇，真係令我大開眼界。對住一個對餐廳服務要求一啲都唔高嘅客人，你都可以令到佢咁難堪，真係要檢討一下自己嘅管理同埋服務！
食物方面
冬蔭公湯 $188
1隻蝦開兩邊，霉嘅，得2碗多D度，湯嘅味道、配料正常，個人覺得偏酸偏咸。
辣椒炒蜆$148
蜆係中Size，ok新鮮，但係死咸。麻麻。
蒸盧魚 $268
條魚蒸到完全過晒龍，好林好鞋，蒸魚應有嘅滑溜無完全無的，個汁又酸酸地辣辣地，成件事唔係咁夾，差！題外話，上碟魚嘅時候啲汁倒瀉左D出嚟，好彩倒唔中我姐！
炒椰菜苗 $98
菜苗新鮮，好鮮甜，吵得啱啱好，好爽口，呢個全場最好食。
青咖喱煮牛肉 $188
我呢個都算幾好食，青咖喱住得好香，牛肉都好入味，唯一就係份量細，四個大人，一人兩舊左右就冇晒
小食拼盤$168、豬頸肉炒飯$148大路野，
無乜特別。埋單$1476，先唔講服務，座位都係偏窄，同隔離枱都好近，食物水平只能夠話係正常、普通水平、份量偏少，真係唔值呢個價。我出面食$1000樓下都大把好過佢度。退一步講，無論野食環境，同商場另一間泰國野「金XX」都好過佢，最緊要係唔使貼錢買難受，面對呢啲咁嘅垃圾服務真係食龍肉都無味！
4 瀏覽
0 讚好
0 留言
$1476
0 瀏覽
0 讚好
0 留言
張貼
