藍象泰國餐廳 (已結業)

今日和朋友在海港城逛街，因為年近歲晚所以想添置新裝，行到有點累，整個海港城都係人，就打算找間餐廳坐下來休息，又不想吃大家樂，於是朋友就推介了鄰近萬寧有間萬寧泰國餐廳，我們就行去看看，遠處就看見很多人，幸好他們都是在萬寧購物，見到餐廳餐牌有個二人Tea set非常吸引。入去後幸好餐廳不是太多人，我們就點了一個二人Tea set，香脆蝦卷 泰式春卷 柚子蟹肉沙律卷泰式辣朱古力 暖心榴槤撻 斑斕撻 馬可撻 泰式比利時炸蝦 皇家宮殿蒸餃子，另外再點了兩杯凍檸茶，整個餐$168，另加10%服務費。用了半邊精緻金雀籠放上下午茶糕點，賣相吸引可愛，個人較推介香脆蝦卷，外脆內裡餡料足，榴槤撻非常重榴槤味。總評：環境清靜優雅，食物吸引。

星期六去尖沙咀海港城行街Shopping，行到攰就去左食個Tea輕鬆下。侍應幫我地安排左可以睇到海景既位🙈分享比大家睇我影到既靚靚海景。有個海係旁邊，心情都唔同哂。Tea set總共有9樣美食，首先由最下層講先啦。香脆蝦餅，呢個我同朋友都讚不絕口，炸得卜卜脆，再點埋佢配搭既醬，一流！泰式比利時炸蝦，我地食果時都對個名好好奇，點解係叫比利時炸蝦呢。泰式春卷依舊炸得卜卜脆😋好味！到中層，最右手邊我同朋友對左餐牌好耐，終於估到係皇家宮廷蒸餃子。果然係宮廷料理，一味蒸餃子都整得咁別緻。味道當然係好食啦，雀仔造型都好可愛，仔細睇仲有整眼仔比佢地。中間係用葉卷起既柚子蟹柳沙律卷，一口就食完～右手邊係馬可，我覺得非常好食！上面有一粒由豬肉碎整成既圓形啡色球體，下面係菠蘿墊底，兩者好配搭😋到最上層既甜品區啦，左手邊係令人聞風喪膽既榴連撻，就咁聞係聞唔出榴連既味道，切開之後既榴連味道十分濃郁，好味。中間係辣朱古力，雖然唔係第一次食，又甜又辣既感覺，依然係好新鮮。而最後一樣係班蘭撻，朋友仔覺得呢個非常好食，班蘭味道好濃烈。再來一張有海景加Tea set既相😋水仙芒果糯米飯沙冰！我一見到就同朋友講要試呢個！

泰式AFTERNOON TEA SET🇹🇭.第一次品嘗泰式既三層架下午茶😝用左半邊金雀籠去present~等小編逐樣同大家介紹🥳.鹹點😃📍香脆蝦餅-大大件而且炸粉挺薄，做到個蝦餅幾彈牙👍🏻📍泰式春卷-入面有洋蔥、青瓜、蘿蔔、椰菜等餡料，由於係蔬菜多所以比較淡口📍柚子蟹肉沙律卷🥗-用塊葉卷起啲餡，入面有柚子肉同蟹肉，但整體少得可憐，塊葉有點苦。📍泰式比利時炸蝦🍤-呢個係眾多鹹點最好食！舊蝦好大粒炸粉又夠薄，食落好香口，裡面有餡添架係咖哩醬，好味！📍皇家宮殿蒸餃子🥟-做到一粒蝦餃咁，一白一藍，形狀係一隻雀仔，應該係配合返雀籠主題吧！味道一般，因為個皮超厚，好似食緊成啖麵粉😅.甜點😃📍暖心榴槤撻-呢個撻好推薦！真係做到暖暖地，面層少少烘過，裡面係榴槤流心餡，個撻又夠脆夠餅香！😍😍😍📍班蘭撻-呢個都一樣好食，次序食榴槤撻再食班蘭撻會比較適合，因為後者較甜。但其實都唔過甜反而好突出到班蘭味既香🥳📍馬可-就咁睇個名都唔知係咩，食落係一件菠蘿🍍，上面加左粒好似花生糖咁既，咬到粒粒花生碎不過質感唔係煙韌，一酸一甜係新嘗試！📍泰式辣朱古力-最後的朱古力屬於軟身，初初感受唔到辣，落到喉嚨就feel到辣椒🌶️

見到各大飲食評台既報導知道BLUE ELEPHANT 出左WEEKEND BRUNCH話 $188, 就同老公心思思去試下. 去到見到原來係SEMI-BUFFET 而唔係WEEKEND BRUNCH都已經心有D.... 不過算啦個VIEW 同環境真心係可以搭夠既. 響出面見到野食款式都好多好吸引... 泰式野想食既大部份都有齊.  炸物甜品... 樣樣都好出色. 只係睇賣相都好吸引. 一想攞野食之際, 我見到打落既5隻碟都有飯粒痴住. 應該就係洗碗洗得唔好所至. 同店員反映佢地都好似見慣見熟唔緊張亦唔係好理咁. 另一排白碟就有咖哩同其他食物留底既SAUCE. 海港城中既高級食肆都會出現呢D 情況又令到我有D 震驚既! 驚訝呀~最後我地既MAIN 到左, PORTION 好細. 味道都可以既... 係個TOM YUM 炒意粉比較偏咸. 海南雞飯味道正常, 其實又好難做到難食既... 不過對於食物既衛生同埋廣告既出入真係有D 失望. 

今日行開海港城，見到呢一間泰國餐廳有海景枱即刻心心眼，星期六日個semi buffet仲食足3個半鐘添，就同老婆入去試吓。窗外嘅景色，可惜今日天公不造美。坐低點完主菜之後即刻出去睇下個buffet corner有啲咩食先，炸香芧炸蝦餅，藍象炸魚餅，泰式比利時炸蝦，雞蝦春捲等等，砌砌埋埋都有成個泰式小食拼盤咁豐富；兩款沙律泰式青木瓜蝦干沙律同金柚芒果沙律伴蝦干甜梅子汁都十分正宗，好有泰式風味，加蝦干落個沙律度真係好食好多。芒果糯米飯，口感煙靭，芒果新鮮清甜。泰式椰子雞湯，椰子雞湯新鮮滾熱辣，有好香濃嘅椰奶味，入面真係有好多椰子肉，認真真材實料，任不真係好爽皮。藍象手工咖哩牛配泰式茉莉香飯，紅咖哩味道香甜，唔會話好辣，牛腩粒帶三成脂肪，口感豐腴，配菜有比較少食到嘅泰式茄子，仲有九層塔嘅香氣，屬水準之作。另一個主菜就揀咗泰式烤美國肉眼扒配薯蓉羅望子汁，一上枱見到牛扒嘅格格網紋已經令人食指大動， 一啖入口牛味果然特別香濃， 羅望子汁酸酸甜甜， 散發著羅望子獨有嘅香氣，泰式嘅醬汁配合住美國肉眼嘅牛味，係好fushion嘅一道菜式。泰式人家風扇蒸餃子，蒸餃子口感滑溜，內藏豐富冬蔭公香味肉餡；甜品推

今次2個人只係叫左下面4樣野：1) 青咖哩蟹蓋2) 雜菌冬陰功湯3) 烤豬頸肉4) 燒大蝦炒金邊粉1) 呢碟蟹蓋好足料，有好多蟹肉同有啲蟹膏，未食已經聞到好有咖哩香味，表層燒到金黃鬆脆，食落有淡淡焦香既味道，另外入而既蟹肉同蟹膏都好新鮮蟹味好濃，呢碟蟹殼作為頭盤一啲都無錯。2) 飲冬陰功除左揀海鮮之外，雜菌都係一個選擇，首先冬陰功既辣度同酸味岩岩好，唔係食得太辣既人都可以飲到呢個湯，而整體黎講飲落都係正宗既冬陰功，另外啲雜菌都好新鮮，吸哂啲冬陰湯就重好味。3) 豬頸肉烤得好香，啲豬頸肉表層食落好有燒烤味好香口，另外肉質半肥瘦有咬口得黎唔會太乾，再配合埋泰式既醬汁，少少酸辣既味道，就令到人愈食愈開胃。4) 首先就係個大蝦好大隻好多肉同埋好新鮮好有蝦肉味，大蝦grill 到有少少燒烤邊好開口，而河粉既份量其實好多同埋比較難分同難夾因為啲河粉係黏住哂，但係整體黎講炒金邊粉既味道酸酸甜甜，唔會太heavy都係會令人有愈食愈開胃既感覺，另外側邊重有啲辣椒粉，花生粒，糖。撈埋佢地又係令一種味道，一碟金邊粉兩種食法唔會太孤寡又開胃。埋單每人300幾⋯可以接受！

女朋友今日忙於番學，我放假就去尖沙咀行下街，轉頭可以接佢放學啦！經過藍象覺得有啲肚餓，又想食野，入去食個tea消磨時間都好！我見到menu有個tea set for two既雀籠tea set，女朋友見到應該會好鐘意，下次帶佢黎試下！我一個人就叫左一人餐啦！青咖哩雞飯，青咖哩份量好滿好香，入口微辣好惹味，輕輕椰香咖哩味濃郁，雞肉非常香嫩！另外加點一客三色拼盤，有蝦餅、魚餅、春卷，熱辣辣好香脆，超喜歡春卷中間咸香餡料超多，蝦餅好足料蝦膠打得鮮味。

星期日下午出外逛逛街兼且去嘆番一個afternoon tea 真是賞心樂事。今日出了尖沙咀海港城blue elephant 泰國餐廳，餐廳窗邊位置可以遠望維港海景也不錯，播著柔和的純音樂令人舒服寫意。泰式 afternoon tea Set $168 for 2，包2杯飲品。下午茶有3層，用精緻的鳥籠擺放食物。最底層有泰式比利時炸蝦、香脆蝦餅和泰式春卷，春卷皮卜卜脆而且也料足香脆，配上泰式醬甜辣好惹味；蝦餅好香脆；炸蝦大大隻。中間層有柚子蟹肉沙律卷、皇家宮殿蒸餃子和馬可。馬可名字很特別，在菠蘿上加有一粒細細地餡料味道比較濃口味配合菠蘿一齊食可以中和；柚子蟹肉沙律卷包著柚子和蟹肉清清的易入口；餃子雀仔有白色和藍色好配合鳥籠。最上層是甜點有暖心榴槤撻，斑蘭撻，泰式辣朱古力； 入口榴槤味道好香滑，斑蘭味道清香質感軟滑，甜點不算太甜。我們點了一杯熱咖啡，另加$25 水仙芒果糯米飯沙冰，沙冰是用芒果和糯米飯打成味道較淡還有粒粒糯米飯咬口。

在曼谷獲得米芝蓮三星嘅藍象泰國餐廳進駐左尖沙咀海港城, 價錢唔貴, 星期六及日更加提供$188起半自助餐。呢個價錢可以邊嘆米芝蓮餐廳美食, 邊欣賞無敵維港海景, 確實超值。👍我同老婆預先訂位, 11:15已到餐廳等半自助餐開始。餐廳裝修富有泰國宮廷風格, 落地玻璃窗外係維港海景, 環境非常舒適。Brunch Buffet包括每位一份嘅主菜同飲品之外, 任食部分有多款泰式小食, 前菜, 水果, 沙律同甜品, 另外仲可以任飲我地最愛嘅椰子雞湯, 款式非常多。😍Buffet Table椰子雞湯椰子雞湯椰子味非常濃, 雞肉鮮嫩而且份量好多, 微酸微辣, 醒胃可口。😋泰式烤美國肉眼扒配薯蓉羅望子汁 $288肉眼扒熟度剛好, 兩邊烤香帶有炭燒香味, 肉質軟腍, 配上酸辣羅望子汁同香滑薯蓉, 非常惹味。😍鴛鴦咖喱脆皮銀雪魚配泰國有機黑米 $288銀雪魚油香肉嫩, 脆皮外層配上香濃咖哩, 味道非常夾。👍泰式甜品泰式甜品入面榴槤撻同班蘭撻味道最有驚喜, 榴槤味道香甜濃郁, 撻皮鬆脆, 餡料香滑, 另外泡芙有多款口味, 味道都唔錯。我地食完主菜之後不斷咁添食甜品同水果, 最後飲埋杯餐飲, 慢慢嘆海景享受週

岩岩去完泰國返黎，感覺仲未食夠泰國野，仍然念念不忘，老公有見及此，就帶我食返泰國野治一治泰國病😍😍😍佢地除左泰國野食外都仲有和牛扒食，meny裡面都幾多菜色選擇👍🏻👍🏻👍🏻飲品都好多。。。叫左呢個炒軟殻蟹，黎到好香，食入口更加正，唔好以為佢無肉，其實每一啖都係蟹肉，又唔腥，差唔多成隻蟹咁既份量，超正呀👍🏻👍🏻👍🏻👍🏻😋😋非一般既虎頭蝦炒金邊粉，佢個誠意好好，隻蝦好夠大隻又新鮮，d肉又彈牙，金邊粉炒得好香口，有d辣辣地好惹味😋金不換辣椒炒海鮮🦞，海鮮每一款都好大舊，好新鮮，辣味就小小，唔會好辣，入面仲有2隻青口添，仲有帶子，鮮蝦，魷魚，炒得好香口，不錯不錯👍🏻👍🏻👍🏻👍🏻之後呢個係辣椒蒜蓉炒泰式豆腐，原來泰國豆腐係咁樣，唔似香港的軟林林，比較似蜂巢豆腐既硬度，整體都ok👍🏻最後當然要食埋個甜品芒果糯米飯配雪糕啦，芒果好甜一d都唔酸，超正呀😋😋😋😆

✿╮❤╭✿ ✿雜感女生 好味日記✿ ˚*•✰。藍象泰國餐廳．周末泰識食。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 周末行街shopping至海港城 要醫個肚，當然選半自助餐 時間充裕，食得輕鬆，叉足電又再買野準備過年 今次朋友選了到「藍象泰國餐廳」吃 環境裝修別緻，外觀華麗麗 極具高級泰國餐廳感覺 尤其喜歡它的藍色，還有海景位 適合一家大小來此感受周末時光 中午時間，自選1個主食 就可以任食泰式沙律、小食、甜品 我和朋友也變身一天小朋友 先吃小食和甜品 扮彩色菠蘿包真身其實是「彩色泡芺」 蒸點之中，有小鳥造型的冬陰功肉包 很開胃很泰式風情 這種看著美，吃著爽的感覺 就是放假最過癮的事！ 自取區的食物款式不少： 沙律有2款：金芒沙律與木瓜沙律 金芒沙律酸香中帶亞熱帶風情 木瓜沙律加入了炒香的蝦乾，份外迷人！ 小食款式以炸物為主：咖哩角、春卷、蝦卷 還有顏色豐富的椰汁糕、榴槤撻、斑蘭撻等等 很適合小朋友 肉眼牛扒羅望子汁配薯蓉 肉眼牛扒牛香十足，配酸

位於尖沙咀海港城的藍象泰國餐廳室內佈置精緻，環境優雅，還可以欣賞到維港美景，今天就約了女朋友吃個下午茶RELAX 一下，享受一個休閒下午共度美好時光。點了一個$168 的 TEA SET， TEA SET 以半邊金雀盛載著下午茶糕點，總共有3層，外型精緻可愛，雀寵內裹更有雀鳥造型既鹹點，對於相機食先的女生們打卡拍照必點。TEA SET 包括 9 款美食糕點，有泰式春卷、拉提米蘇杯、斑蘭撻、皇家宮殿蒸餃子等等，鹹點甜點都有，不怕吃不飽。最後以一杯凍奶茶作收結，今天也是滿足的一天!

有一次去曼谷正正住喺blue elephant總店隔離，幾鐘意佢嘅食物同氣氛，知道佢嚟左香港，呀妹之前食過話ok，下午茶價錢亦算相宜，今日行海港城行到攰攰地就去坐低食少少野。下午茶tea set for 2 $168+10%，包咖啡或茶，要特別飲品就加$25。用啞金色嘅三層鳥籠黎上，感覺幾古典特別，由下至上分別係咸點，半咸甜點，同埋甜點。底層係炸春卷、炸蝦餅同原隻炸蝦🍤，配一個酸酸甜甜帶微辣嘅醬汁。春卷餡料幾豐富，有木耳絲、粉絲、甘荀絲等，脆脆嘅口感。蝦餅同炸蝦係吉列做法，兩款都好夠熱，配醬汁食好夾，我特別中意炸蝦入面有芝士。中層係鴿形嘅泰式蒸餃子、柚子蟹肉沙律同馬可。上網睇，馬可係由碎花生、碎豬肉同椰糖整成，食落甜甜地，加埋香甜嘅菠蘿，好有泰式風情。柚子蟹肉沙律用班蘭葉包住，係一啖就食完嘅份量，帶微辣。鴿形蒸餃子造型好可愛，一藍一白，藍色我估係碟豆花染成，表皮比一般中式餃子煙韌，餡料係豬肉碎，都係微辣。呢一層每一款嘅味道都好新鮮，幾有特色。甜品有三款撻，分別係軟心榴槤撻、班蘭撻同蛋白檸檬撻。榴槤撻味道香濃，口感軟綿綿，個面略略燒過，一致認為係三款入面最吸引。第二款建議食蛋白檸檬撻中和

係海港城行完街 ，想食泰國菜發覺呢一間評價唔錯，就入去試下，一嚟就已經見到個裝修好靚，好有特色。我哋前後叫咗五樣嘢，分別係椰子雞湯、炒通菜、炒金邊粉、慢煮嫩排骨同埋芒果糯米飯，每一疊嘅份量都超多。個湯好好飲而且湯料都好足，我哋叫咗一人分都夠兩個人飲，而且仲好貼心咁有個蠟燭熱住，唔會咁易凍。炒通菜同炒金邊粉都保持到水準，且個份量真係足，好抵食。慢煮嫩排骨整到好嫩口，再點埋佢嘅醬酸酸甜甜幾開胃。我最鍾意嘅就係甜品，芒果糯米飯整到好似壽司咁，方便一啖食哂，唯一美中不足係芒果未係當造季節，所以味道唔係好甜。 下次會再黎食

平時食得太多西式high tea 今次換下口味去藍象餐廳試吓食泰式嘅下午茶☕️見到佢下午茶超平$168 for 2😍😍我加左$25蚊轉左杯野飲：）係我印象呢間餐廳係幾高級，環境幾舒服😌用優惠嘅價錢享受一個尚算高質既下午茶，我覺得好寫意😄😄（當然包括埋環境分啦）下午茶用咗個鳥籠嚟裝住啲食物，好得意😝第一層：甜點（斑蘭撻、榴槤撻、馬可）-我覺得個榴槤撻好香好重榴槤味👍👍第二層：鹹點（柚子蟹肉沙律卷、蒸餃子、菠蘿辣朱古力）-柚子蟹肉沙律卷整得好精緻，蟹肉同柚子幾夾，如果大舊啲就更好了😻第三層：炸物（炸春卷、炸蝦餅、炸蝦🍤）-我覺得個炸蝦最好味，因為少少辣辣地，配埋個泰式辣醬更出色😚芒果椰汁糯米飯沙冰特飲(+$25)芒果味沙冰，椰汁味🥥十足，口感特別，竟然加咗粒粒糯米飯，好有咬口，令成杯沙冰更有層次🥰😝一定要嗌！