更多
2019-01-17
40 瀏覽
2019年1 月12日。晴。尖沙咀。行海港城,名店林立,總感覺餐廳都特別貴但原來海港城都有好抵食嘅下午茶!藍象夾喺萬寧同屈臣氏(?!)中間,喺喼神嘅夾攻下,個門口有啲隱蔽見到門口嘅廣告牌就覺得好吸引!下午茶$168,好抵呀~餐廳入面嘅環境都好舒服~貫徹藍象嘅餐廳名,主色用咗紫藍色~水仙芒果糯米飯沙冰,+$25本身就非常鍾意芒果糯米飯~變成嘢飲嘅芒果糯米飯究竟係點嘅呢?呢個芒果糯米飯沙冰芒果味重,清新香甜~底嘅部分係白色糯米飯,真係會食到糯米,所以好有咬口!唔會太甜,幾特別~主色上場喇~下午茶有3層,用鳥籠裝住好精緻~最上層嘅係甜點,有三款~暖心榴槤撻:榴槤足料,香濃綿滑~食完口入面仲會有甘香~斑蘭撻:斑蘭味唔算好濃,味道清香,質地軟滑~泰式辣朱古力:建議先食,燈光照射之下會融化,睇落似係普通朱古力,但唔可以睇少,食嘅時候都係普通朱古力味,但之後會有「回辣」,刺激!第二層係點心~馬可:睇完個名依然毫無頭緒即係乜嘢,再睇下英文Ma Hor,都係唔知係乜嘢,上網查下,原來係將豬肉(同香料)擺喺菠蘿上嘅一道菜,但係餐廳就有啲心思,將豬同香料搓成一粒波波,再放上菠蘿片上,令菜式睇落更精緻,粒波波
行海港城,名店林立,總感覺餐廳都特別貴
但原來海港城都有好抵食嘅下午茶!
餐廳入面嘅環境都好舒服~
貫徹藍象嘅餐廳名,主色用咗紫藍色~
水仙芒果糯米飯沙冰,+$25
本身就非常鍾意芒果糯米飯~
變成嘢飲嘅芒果糯米飯究竟係點嘅呢?
呢個芒果糯米飯沙冰芒果味重,清新香甜~
底嘅部分係白色糯米飯,真係會食到糯米,所以好有咬口!
唔會太甜,幾特別~
主色上場喇~
下午茶有3層,用鳥籠裝住
好精緻~
最上層嘅係甜點,有三款~
暖心榴槤撻:榴槤足料,香濃綿滑~食完口入面仲會有甘香~
斑蘭撻:斑蘭味唔算好濃,味道清香,質地軟滑~
泰式辣朱古力:建議先食,燈光照射之下會融化,睇落似係普通朱古力,但唔可以睇少,食嘅時候都係普通朱古力味,但之後會有「回辣」,刺激!
第二層係點心~
馬可:睇完個名依然毫無頭緒即係乜嘢,再睇下英文Ma Hor,都係唔知係乜嘢,上網查下,原來係將豬肉(同香料)擺喺菠蘿上嘅一道菜,但係餐廳就有啲心思,將豬同香料搓成一粒波波,再放上菠蘿片上,令菜式睇落更精緻,粒波波唔會有好濃嘅肉味,反而係食到果仁同蔗糖嘅香甜,味道同菠蘿亦好夾,而且菠蘿係新鮮嘅,絶對唔係罐頭嘅糖水菠蘿,酸甜多汁!
柚子蟹肉沙律卷:用檳榔葉包住柚子蟹肉沙律,可以成個卷擺落口嘅沙律,又幾特別喎
皇家宮殿蒸餃子:雀仔造型,呼應返個雀籠,除咗造型可愛,味道都好好~
最底一層擺咗幾款炸物
香脆蝦餅:蝦餅彈牙香脆,再加埋個醬汁,非常惹味~
泰式春卷:春卷入面有甘筍絲、粉絲同木耳絲,春卷皮卜卜脆,但入面嘅材料又清新爽口,兩者配搭得好好~
泰式比利時炸蝦:炸蝦大大隻,脆皮亦唔會散晒,好味~
平!靚!正!
張貼