薔紅

營業中

休息中

朋友推介到左呢間「薔紅」食飯，呢間小菜館有其他小菜食，但係無論邊一台都係有一份「脆皮燒春雞」，即刻叫左一份，其他小菜就下次再試下。脆皮燒春雞雖然得半隻，但係唔係細碟，加埋薯仔沙律🥗，一定夠你飽。附送一對手套，你可以用刀叉慢慢切，或者自己用手撕快快撕，都可以。我就鐘意用手撕，啖啖肉，隻雞雖然係炸，但係一D都唔乾身，仲好juicy ，表皮金黃香脆又唔油。點少少淮鹽就剛剛好另外值得一講係餐廳姐姐服務，隨叫隨到，風趣幽默，見我地等得耐又送碗湯畀我地。

薔紅以前係我飯堂之一，我諗佢個燒春雞都唔洗多介紹，個日去到一半人都係食燒春雞。另外我仲叫左個雜扒88蚊，星期日4點前埋單仲有85折。佢仲有午餐同下午茶餐比你揀，每樣都係大大碟，價錢又親民，閒日去食lunch真係好多人。佢個燒春雞黎到真係熱辣辣，唔係炸定黎到無溫度個啲，啲皮仲脆卜卜，正。另外，仲叫左個雜扒鐵板餐，份量多取勝，味道不失不過，食完飽足幾個鍾。如果叫野飲，熱飲加5蚊，凍飲加8蚊，特飲就加12蚊。

OMG😱❗️見咁多報導報過，都冇expect係咁驚為天人‼️本人已經好似野人一樣，不停拎起隻雞咬🧟‍♀️🔸脆皮燒春雞🔸$80春雞唔係好細隻㗎咋咩，點解半隻都可以咁肥美🥹第一時間扯隻雞髀🍗嚟食一撕拉嗰下已經「嘩」咗出聲啲汁澎湃到呢～喺咁滴滴滴💦🤟🏻雞髀肉唔使講 起嫩滑，雞胸有啲鞋 但勝在多肉個皮堅脆 好似燒乳鴿咁😝有得揀配沙律、薯條、意粉或者飯沙律係好老香港嘅 爆多沙律醬撈薯仔雜果🥗幾大份下 絕對夠食🙌🏻［總括而言］無野可以挑剔，唔食會後悔！😤鋪頭仲要好細心咁準備晒手套、濕紙巾俾你，最可愛嘅係電視機播著路面情況，驚客人俾人捉泊車啊 so sweeeet🫶🏻

今日lunch又叫外賣，已經好耐冇食薔紅燒春雞，所以今日決定就叫雞啦😂。一個人食半隻又食唔晒，兩個人食又唔夠食，所以決定就叫多一份有營餐入面嘅菠蘿油餐，與同事一同 share. 😝燒春雞餐 : 半隻雞，沙律或薯條，飲品(凍飲都唔需要加錢)，外賣返到嚟隻雞都係熱辣辣，皮仍然都係脆，一搣開隻雞肉汁已經必出嚟👍🏻😋，可能啖啖肉嘅關係，食左一陣會有”漏漏地”嘅感覺，不過佢有甜酸醬跟埋，到時就有另一種味道🤤。但要留意，如果要佢哋幫你斬埋雞，就要另加錢。有營餐 : 一個菠蘿油， 黑松露炒蛋，沙律或薯條，飲品，有啲失望，菠蘿包皮唔脆，麵包比較硬身😔，炒蛋唔覺有黑松露味🤔。兩個餐我哋都揀咗沙律，都好好食，沙律醬唔酸，外賣返到嚟，都冇出水👍🏻。

見呢度嘅燒春雞好似好正 出開銅鑼灣行街就黎試下✨燒春雞 $71假日四點前埋單有85折真係好抵食😆😆 半隻雞都係$71 仲要燒得好好食 切嘅時候已經見佢有好多肉汁🤩🤩 食落都真係好juicy🤤🤤🤤 外皮仲要好香脆 🥰 真係呢度嘅必食推介😋 而其他野就冇特別出色 薯條唔係話特別好味 🤔朋友叫左個鐵板牛板都係一般般 比較韌 👎冇乜牛味 不過咁嘅價錢個expectation都唔可以咁高環境方面都係普通茶記咁 有水提供都唔錯味道❤️❤️❤️❤️抵食❤️❤️❤️❤️服務❤️❤️❤️環境❤️❤️❤️💰午餐人均～$70

因為疫情問題已經好耐冇返公司，其實呢間野係一年前都有食過一次，但係嗰陣冇影到相，嗰陣已經覺得食完值得可以再食多一次，事隔一年再嚟多一次食，味道依然一樣！仍然係性價比超高！脆皮燒春雞 $80 上枱熱辣辣，即叫即燒，薄脆外皮，雞肉嫩滑，配埋泰式甜酸醬/淮鹽(本身雞肉都有味嘅，所以唔使點都好食）真係一流！加上新鮮即炸嘅薯條，份量十足，一個女仔食都食唔晒，因為食完舊春雞都已經好飽餐廳仲好貼心俾埋手套同濕紙巾供應

22/6/2022地址灣仔去完律師度搞完啲文件，諗緊去邊度食飯，老婆同事介紹我去呢間嗇紅餐廳食飯，起初去錯地方，因為以為地下嗰間，原來要上樓梯，一上到去見到好多人都叫燒春雞，或者係鋸扒，就同老婆一人一份，試一試佢好唔好味首先嚟咗個燒春雞，帶起手套，真係華華聲，好耐未食過咁好脆皮的燒春雞，對上一次食一個咁好味嘅燒春雞係喺三年前嘅上海，估唔到一間茶餐廳可以做到嗰個咁出色嘅燒春雞，皮脆肉亂牛扒方便嗌咗個肉眼就好非常之出色，兩大塊牛扒，再跟埋白飯， 澆汁溝白飯話，一流，，非常之亂畫，咬落肉味好濃，非常之林，非常惹味，兩個人加埋195買單，食到飽飽

以往都有叫開呢間餐廳外賣，接柯打嘅阿姐都冇乜問題，但今日聽電話嗰位阿姐態度惡劣到不能，迫我貢獻自己第一個劣評，我：👩🏻 西姐：🤡👩🏻：唔該想落外賣。🤡：嘩，你大聲啲啦！哄埋啲部電話啦！其實第一下我聽到態度咁差已經想cut線，但其他同事想食呢間咁我唯有繼續叫外賣👩🏻：落外賣吖唔該！😒 （成個部門都聽到）🤡：聽唔到啊，你大聲啲啦！黑人問號🤷🏻‍♀️⁉️ 真係唔知係你定我個電話有問題🤷🏻‍♀️擾攘完一輪，落完想要嘅嘢之後，由於我手上冇最新嘅餐單，唔知道總共幾錢，就問佢成張單加埋幾錢👩🏻：請問成張單幾錢？🤡：吓，點計啊？！（我心諗: 埋單計數唔係你應做嘅咩？）燒雞咪$70，其他咪$65囉！👩🏻：即係廈門炒米同焗意粉都係$65？🤡：唔係啊！！！焗意粉$47，凍飲加兩蚊囉！！！又係你話除咗燒雞其他$65🤷🏻‍♀️OKAY 我都唔想同你糾纏咁耐，一諗起成段對話佢嘅態度惡劣到一個點，我平時好唔好食都唔會出食評，今次終於要破戒除非呢間嘢打算以後只做堂食客，如果唔係以呢個阿姐嘅服務態度，唔趕客都偷笑🤡

📍薔紅 - 灣仔作為灣仔區工作新菜鳥嘅我，正為happy friday嘅lunch感到徬徨時🤔十多年灣仔工作經驗嘅老鳥同事建議去試下著名嘅燒春雞🤩聽落lunch食半隻雞都幾豐富😆擇日不如撞日，一於就去try try先！脆皮燒春雞(半隻)拼沙律$78 + 熱飲$5隻燒春雞半隻都幾大隻！仲準備埋手套方便我手撕👍🏻食落外脆內軟真係冇得輸🤤雞肉同雞皮脆到分離！簡直就好似炸子雞咁脆皮！雞肉肉汁好Juicy😋加上熱辣辣送上枱特別好味😋佢有岩鹽同埋泰式辣醬可以點，不過我覺得唔點醬先最好味🤣因為本身隻雞都有咸咸地嘅味道😋所以我覺得唔點醬都已經夠好味啦😂沙律就係平時茶餐廳嘅水準👍🏻我自小都鐘意哩款罐頭撈埋嘅沙律😆所以我覺得唔錯幾好味又充滿童年回憶🥰果然薑越老嘅越辣👍🏻老鳥同事冇推介錯🤣happy friday嘅lunch大滿足😋仲有半日努力埋就收工準備放假心情啦🥳下個星期五又再黎過enjoy豐富嘅lunch先😋T-able指數：4.1/5

咁啱今日有嘢去灣仔，一於去幫襯一下灣仔老字號馳名燒春雞,薄脆外皮,滑雞肉,加埋新鮮脆炸薯條🍟，下午茶3點3首選, 加多幾蚊配凍飲，簡直係超級無敵冇得頂回頭之選.

因為疫情和休假關係，已經有大半年冇嚟蔷紅。從前必食燒春雞，發現加咗價午市有點貴 $80冇嘢飲。但上枱脆皮雞肉嫩，質素味道穩定不變! 記得上次食薯條太飽，今次轉沙律。起筷呀 唔係，出手啦!

脆皮春雞籃配意粉 $80灣仔區茶餐廳CP值高嘅炸春雞🤤😋餐廳附上手套雞皮香脆熱辣辣雞胸肉質嫩滑點埋個泰式甜酸醬真係一流可以配炸薯條 意粉 沙律同場仲有精美小菜 鐵板選擇

呢間招牌嘅脆皮燒雞果然名不虛傳！熱辣辣嘅燒雞肉質鮮美嫩滑，咬落feel到好多汁！而佢哋嘅雞皮都做到好脆，肉亦都好容易撕開！同行朋友食完係讚不絕口份量方面，認為女仔嚟講一個人食曬半隻雞已經好飽肚，唔會食到落其他野😂價錢方面更加係普通茶記價格，抵食！

嚟過薔紅好幾次，大多數都係食燒雞，每次都好好食😋，絕對有保證！雞皮香脆不在話下，雞肉亦醃得非常入味，而且多汁又幼滑！🤤👍🏽 有時間嘅話，你真係可以慢慢品嚐🤤🐔之前亦都食過呢度嘅燒味，亦都係好食之選！雖然冇影相，但係記得係食燒鴨切雞飯，好味！😋其實餐牌裏有非常之多嘅食物選擇，所以真係一個唔會令人悶嘅茶餐廳🍴另外，大部份嘅夥計都係大叔，佢哋看似粗魯，但係其實幾好服務，細心又快手~👍🏽

今日去咗呢度食lunch，果然係招牌菜，10台有超過三四台都係食燒雞嘅，落咗order之後唔夠5分鐘就出，心諗唔知會唔會係凍咗㗎？戴好手套之後再食，嘩！果然係招牌菜，燒雞皮又薄又脆，嗰個雞胸係好鮮嫩，熱辣辣，非常好，附送埋淮鹽，同埋甜酸醬，我覺得嗰雞調味都已經好夠味啦，已經唔使再點醬都得，反而薯條點淮鹽味道不錯，男朋友食咗快餐，快餐就不過不失啦，螺絲粉比較林，羅宋湯個味道都是OK的，蛋就比較熟少少，奶茶就係麻麻，始終燒雞係招牌菜，其他嘅就唔使特別一試啦！