薄荷葉泰國菜

營業中

休息中

坐低店員就自動上咗個有機前菜 係唔係有機唔係好食得出 不過都幾新鮮 青瓜帶啲酸味 應該係落咗啲醋冬陰公湯湯10分足料 有幾隻蝦 唔會太酸又唔會太辣 椰汁味都幾濃 份量都幾多 一人都飲到兩三碗椒絲炒通菜蝦膏味都幾濃 菜唔會太難咬 煮得都幾淋 而且帶少少辣味 食食下都幾嘢味幾上癮 如果可以加少少蝦米粒 更加多咬口就好特色菠蘿飯佢特別在真係喺個木筒入邊放啲炒飯 不過其實菠蘿味又唔係好重 反而我覺得係 啲豬肉鬆撈埋落啲飯好好食 鹹得來再加少少菠蘿嘅酸酸甜甜 幾清新椰青新鮮嘅椰青即開即飲 咪係先椰青所以啲水都唔會太甜 個味道都幾清 難得入邊啲嘢肉有幾鮮嫩 啲肉唔係太厚可以食埋另外一提餐廳環境係半開放式 啲似外國嗰種 坐低傾吓計都幾舒服 而且有一個大電視播着啲Mv 都幾有格調

今日係我最愛嘅星期五， 經過一星期嘅忙碌， 要去食我最喜愛嘅泰菜先！ 我哋揀咗位於元朗嘅「薄荷葉泰國菜」， 環境舒適， 裝修好似有泰國feel。 從遠處已經見到餐廳嘅logo， 佈置特別， 門外掛上燈飾， 仲有非常特別嘅顏色吊燈，播著柔和音樂 ，好好feel 呀！ 首先送上涼拌小食， 酸酸辣辣甜甜， 咁都好開胃㗎！ 之後叫咗隻蘇梅鴨， 原隻《蘇梅鴨》上枱， 店員好心咁講「相機食先嘅朋友」慢慢影相啦！ 相機食完後， 店員再幫我哋斬件上枱， 真係體貼！ 《蘇梅鴨》外皮又香又脆， 肉質嫩滑， 仲好juicy 添， 點上特製醬汁， 層次增加不少， 真係好好食呀！ 必食之選嘅《特色菠蘿飯》 ， 材料豐富， 包括有大蝦、 新鮮菠蘿、 魷魚同腰果等等， 仲有加咗大量嘅肉鬆， 好食！ 菠蘿炒飯， 炒得乾身， 有口感， 飯炒得粒粒分明， 味道仲啱啱好，好味！好清新嘅《椒絲泰式炒揶苗》， 味道好惹味， 椰苗好新鮮， 食落爽脆， 口感極佳！ 每次我食泰國菜， 多數都會叫《椰青》做飲食品， 椰青嘅鮮甜又涼快 ， 爽呀！ 整體來說食物有水準， 好有特色， 服務又好， 環境又舒適，值得再試！

其實好少入元朗，朋友啱啱新搬來，就一齊探索下附近嘅餐廳。我哋兩個都鍾意食泰菜，呢間泰菜係朋友嘅鄰居介紹，鍾意佢泰菜出色，而且環境好適合朋友敘舊。坐低冇耐就有涼菜奉上，酸辣青瓜紅蘿蔔, 用上有機菜, 健康又開胃。成日出街食飯都會返健康叫個菜，今次叫嘅係鹹魚炒芥蘭($78)。非常有鑊氣，唔係太鹹，但係好香，有薑味吊味。至於生菜肉碎包($108)，混合洋蔥，芫荽，黑椒，香葉等等，惹味非常。斑斕咖喱配雞肉($118)配薄餅($55)，擺碟吸引，咖喱香濃。 薄餅嘅火候剛剛好，乾身唔油膩。偏甜又唔辣嘅咖喱比較適合唔可以太食得辣嘅朋友。可以見到呢款咖喱用料一啲都唔吝嗇，比較健康，有好多青椒黃椒紅椒。最後青木瓜沙律賣相吸引，份量好多。青木瓜新鮮爽脆，酸酸甜甜辣辣，越食越想食。雖然叫咗小辣，食開辣嘅我都覺得刺激。建議唔太食得辣嘅朋友，一定要叫佢輕手啲。

平日夜晚過來食，冇乜人，環境與錯，唔逼。同埋，d餸好多，好大份，好低食。另外，價錢唔算貴，中等啦。服務都ok，服務員都幾nice。下次都會再去試有驚喜，附近有咪錶，park車方便。不過，都好多車，車位唔算多，要搵。

今日咁岩去開元朗就睇吓元朗有咩好嘢食先，搵到呢間泰菜地點喺正元朗圖書館對面都好容易搵到，餐廳好開陽係開放式，內面係酒吧有大電視播音樂，大電視仲播住餐廳老細既訪問節目，哈哈！平日我七點半後去到都仲係好多人好彩仲有一張枱唔使等位，坐低左之後睇下個Menu先，實在太多選擇有選擇困難症，揀咗個大拼盤，拼盤嚟到嘩一聲，分量好大又有好多食物，串燒蝦餅魚餅春卷炸蝦片全部齊，串燒好好味，仲有叫咗咖喱軟殼蟹同埋薄餅，軟殼蟹嘅份量都幾多，個薄餅點埋啲咖喱汁冇得輸，豬頸肉沙律份量都ok，馬拉盞炒通菜好惹味炒得好香，仲叫咗個平日限定供應嘅椰青焗飯，唔知點解佢係平日先有，咁我哋梗係order佢啦，上枱嘅時候有少少失望因為佢唔係原個椰青上，但係食落都有好香甜嘅椰青味，由於我哋三大一世啲嘢食最後食唔晒仲要打包返屋企，佢呢度仲有好多特色嘅飲品，今次冇叫到期待下次嚟試吓啲飲品。

放假朋友想食泰國菜，咁岩記起以前同朋友食過呢間幾好食，所以今次带佢去食！一入門口staff都好熱情招呼，坐低仲介紹佢地有生蝦刺身，之後因爲朋友對蝦敏感所以無叫！兩個人叫左一個菜一個小食同飯！咸魚炒芥蘭，有一粒粒都大舊既咸魚，送飯一流！菠蘿炒飯好大個，我地兩個人都食唔晒！雞翼係炸既，幾好食，外脆內暖，仲有好多隻添，兩個人三樣野食已經好飽！員工都會同我地幾多交流，一食完野就會幫我地收起，又推介椰青，好耐無飲過椰青，好鮮甜！環境暗暗地，岩晒情侶食飯，出面仲有露天檯可以比人食煙，仲可以飲下酒傾下心事！

位於元朗劇院附近嘅《薄荷葉泰國餐廳》， 開業多年， 食物質素保持不變。 而且餐廳裝修充滿泰式風情， 淨係睇相片， 真係會以為去咗泰國芭堤雅。 色彩繽紛嘅吊燈， 加上節拍嘅音樂， 令整個氣氛變得熱鬧。 一路品嚐美食， 一路和朋友暢談， 就最適合不過。呢一杯麒麟一番蜜糖味啤酒， 真係Ichiban。 啤酒用全麥釀製， 麥味香濃， 入口清新，而且加入咗蜜糖口味， 減少咗啤酒嘅苦味，飲番杯夠滋潤嘅蜂蜜啤酒沙冰， 唔單止涼浸浸， 感覺亦相當潤喉。食泰國嘢又點少得咖哩呢？ 呢一款班蘭咖哩雞， 有別於普通泰式咖哩， 冇咁辣之餘， 亦帶有點點香甜， 椰汁味濃， 用嚟點熱辣辣、 金香酥脆嘅薄餅就最適合不過。班蘭咖哩雞嘅雞件肉嫩多汁，啖啖肉。 除咗雞之外， 仲有好多款唔同嘅配料， 好似洋蔥， 青椒紅椒等。而且仲有我最鍾意嘅椰汁雞湯， 奶白色嘅椰汁雞湯充滿椰香， 由於加入咗檸檬葉同青檸， 飲落帶有檸檬香氣，酸酸味味，開胃醒神。 椰汁雞湯嘅料絕對唔比冬陰功湯少， 用咗車厘茄，草菇， 雞件， 芫茜等材料嚟煲， 喺凍冰冰嘅冬天飲返碗， 暖意又窩心。除此之外， 呢度嘅泰式炒茄子亦非常好味。 由於加入左香葉（又稱九層

餐廳環境有啲泰吧嘅感覺，有好多五顏六色嘅燈飾，戶外嘅吸煙區座位數目同室內嘅座位數目達到一比一嘅比例，啱哂吸煙嘅朋友。嗌完嘢食之後侍應小姐就放低咗一碟前菜，前菜係泰式醃青瓜，青瓜口感爽脆，好有泰式沙律嘅風味。一坐低即刻啤一啤佢先，揀咗麒麟春之限定Frozen beer啤酒接骨木花味，啤酒向來被認為係麻甩佬嘅專利，但係Frozen Beer令我發現原來啤酒都可以好lady，女仔都可以愛上；以第一道麥汁釀製嘅麒麟春之限定frozen beer，用咗特別嘅冷凍技術，將生啤打成-5℃嘅幼滑泡沫，令啤酒面頭嘅泡沫更加綿密細滑，不單止令啤酒能夠長時間保持低溫，而且實際上亦有保冷嘅作用，更加可以鎖住接骨木花嘅香氣，正啊！甜柚鮮蝦沙律，沙律上面有幾隻大大隻嘅鮮蝦，啲蝦新鮮就自然爽口彈牙，沙律個醬汁酸酸地，配合埋甜柚嘅味道，酸酸甜甜，十分開胃。椰汁雞湯，一直以嚟鍾意食辣嘅我去食泰國嘢嗌親湯嚟飲都係揀冬陰功湯，但係自從兩三年前由穆斯林兄介紹過後，至知道原來喺泰國餐廰飲湯都仲可以揀椰汁雞湯，椰汁雞湯口感綿滑，帶有濃厚嘅椰香味，裏面嘅雞肉以身處喺湯入面嘅雞嚟講算係好嫩滑，一煲都分到成六七碗咁多，都幾抵食，對辣嘢

元朗區有很多食肆，食物種類也十分之多，可說應有盡有，在元朗公共圖書館對面，有間泰式食品餐廳。泰式食品與酒吧集於一店，頗有特色。三兩知已，可以叫個套餐，有肉有酒，是個談天的好地方。我們不愛酒，於是飲湯通常泰菜都是冬蔭公湯，今次特意試要椰汁雞湯。雖然比冬蔭公湯味道較淡，但湯料中有大量的香料，加上椰汁，香味十足的。這店的特別推介餐單，有五彩布吉魚，咖哩魔鬼魚，十分多色彩。我們要了泰式生蝦刺身。有蒜片和其他香料和醬舖排上碟，賣相吸引。員工十分熱情，先介绍香料名稱，再示範怎樣吃最滋味。整隻蝦放在匙上，再浸在醬汁裡，醬汁和蝦一齊放口裡，果然蝦鲜和醬香混在一起，回味無窮。來一個至愛肉碎生菜包，喜歡它，是吃泰菜必吃。泰式香料加洋葱炒肉碎十分惹味，生菜清爽包著濃味肉碎，最佳配搭。吃飽坐一會，餐廳開揚，對面有圖書館，燈火通明，坐看人來人往，是一享受啊。

在元朗同朋友食晚餐~~之前想試呢間泰菜好耐 但一直未試 今次就trytry先!!Restaurant and Bar~餐廳不單有泰菜食 仲有野飲 成班friend唔想去到尖咀/過海飲野咁遠 落黎輕鬆飲兩杯都唔錯各式各樣的飲品 任君選擇見到佢有呢個$488 3L Wooden Barrel Beer 感覺都唔錯 一大班落黎一齊飲下 傾下計唔錯👍👍今次我地一行 3人所以就冇試啦 主要都係食晚餐~我地叫左個生蝦刺身感覺生蝦好新鮮 生蝦配香料仲有醬料一齊食好fresh 做前盤都唔錯~~~👍老闆好nice咁教話用匙羹黎食 一口一蝦 正食泰菜最中意叫生菜包新鮮生菜包住炒肉碎😍食落肉汁都出埋黎👍好正!仲有主菜軟殼蟹咖哩 咖哩好香 用嚟配薄餅或者飯一流 十分足料的咖喱 滿滿都是軟殼蟹 💛 咖喱入面仲有洋蔥， 紅椒青椒 都畀我哋食曬🤣我地叫左簿餅配咖哩食 薄餅十分香口 😋感覺唔使配咖哩就咁食都好好食滿足的一餐~ 下次可能同朋友黎飲下野 試下個木筒啤酒😂

今晚約了元朗朋友食飯聊天，於是選擇了體育館附近有間「薄荷葉」食泰國菜😍😍來到餐廳環境開放式設計，除了室內還有戶外座位設置，感覺好似置身於酒吧😚😚餐廳門口特別推介有4款泰式菜給客人選擇👍👍進入餐廳內，感覺暗暗地好有情調啊！✨✨選擇困難症發作😂，餐牌上有不同種類泰式菜選擇👍店員先送上甜酸青瓜一碟，雖然份量小小，但可以吃住點餐😋😋前菜點了《甜柚鮮蝦沙律》🥗＄88吃落柚子本來有點苦味，配合甜汁可作平衡。吃起來，分外滋味，感到味道很多層次，啱晒我嘅口味😋😋我點了《馬拉盞炒通菜》＄68，吃落通菜爽甜，配合蝦醬味道，特別好味😋😋朋友點了《青咖喱雞》＄99，味道比一般黃色的咖哩更香辣，配上薄餅一起吃，味道一流😋😊

最近天氣又凍左啦～大家會唔會諗起泰國野呢～元朗出名多野食就緊嫁啦，最近有朋友介紹有間泰國菜性價比好高，一於去試下～黎到啦～係小有的外國風，可以露天享用美食～環境好有情調呀！！！有Jazz做背景音樂，好Relax~一開始參觀餐牌，得知呢間餐廳既蔬菜都係自家農場種植，係有機蔬菜🥬，朋友冇介紹錯呀！今次我哋叫咗椰青焗飯，馬拉盞炒通菜，炸魚餅，泰式燒豬脾仔一開始係椰青焗飯，好驚喜，勁大舊蝦～仲有青口，食落去重椰青味，好開胃，呢個絕對冇令我失望！最後仲清到勁乾淨，正正正之後就係炸魚餅，食落去用咗好多泰國香料，令魚嘅鮮味完全帶出，加埋泰式辣醬吊出魚的鮮味，我都唔需多講，你地試左就知再嚟嘅係馬拉盞炒通菜，自家種植係唔同啲，好新鮮，好爽口～黎到最後梗係壓軸登場！泰式燒豬脾仔！唔好睇佢好似好細隻咁，食完包你滿足！再加埋員工嘅推介食法，一啖肉一啖回香草，簡直係一試難忘，勁多肉汁，超級香！！最後埋單都係300幾蚊，冇得輸啊真係

返工咁辛苦，男朋友話今個星期要食返餐好！佢帶左我黎元朗一間有名的泰菜。門面一啲都唔似泰國餐廳，比較似酒吧多啲！呢到除左食泰國野，都真係可以飲下酒既，啱哂一大班朋友黎食飯傾計。👍🏻👍🏻首先我哋仲叫咗廚師特色蝦醬炒飯 $108炒飯賣相極為精緻，靚到唔係好想整爛佢。🙈店員仲好細心介紹俾我哋聽應該點食添。炒飯上面有塊魔鬼魚乾，店員教我地先將佢搣碎，仲話越碎越好食，再加埋旁邊嘅洋蔥，辣椒，蝦米等等嘅香料，喺炒飯中間開一個窿，倒晒所有嘢入去，然後再撈埋薄薄嘅蛋絲一齊食，十分足料，口感非常豐富。炒飯整體唔會太油太鹹，仲好香蝦醬味添！👍🏻另外食泰菜我一定要叫嘅就係冬陰公湯！我哋兩個人叫咗個細嘅冬陰公湯 $108雖然話係細嘅，但係我諗total都可以裝到五六碗飲，份量十足。冬陰公湯嘅甜酸度啱啱好，亦唔會話好辣，非常開胃！😍材料極為豐富，有新鮮爽口嘅蝦，仲有好多菇。飲品方面，當然唔少得椰青啦！呢到的椰青感覺上比平時大，而且非常清甜！椰肉仲好淋好易刮岀黎！另外仲叫左菠蘿特飲，味道唔錯，唔會太甜。下次一定約埋一大班朋友黎！

今日等埋朋友放工，揀左間坐得舒服，氣氛又好嘅泰國餐廳，我哋一去到，餐廳都已經好旺場。一間酒吧形式嘅泰國餐廳非常少見。睇左一陣menu之後，就已經決定到叫咩野食🤓泰式豬頸肉✨自己本身都好鐘意食豬頸肉，對佢嘅要求自然會高🤨呢度嘅燒豬頸肉真係好好食，表面燒到有少少香脆，然後入面肉質軟腍，而且份量亦很足夠，再加上點埋泰式醬汁，更帶出清香味道。馬拉盞炒椰菜苗✨黎食泰國野，點少得炒菜🤓平時食得多馬拉盞炒通菜，今次決定轉做椰菜苗，我自己很喜歡吃，馬拉盞炒得十分香，而且還見到有不少辣椒和蝦米，炒得十分入味，不會過濕或過乾身。肉碎生菜包✨又是一道必點的菜式😆肉碎辣度適中，而且見到肉碎超多😍生菜大大塊，可以撕開一半當兩塊食都仲得，倒上滿滿的辣肉碎，非常滿足🤤而且食呢個都會有飽肚嘅感覺😊

探完我爸爸媽媽，又可以順路去搵好嘢食，因為我都吾太熟元朗。咁多間餐廳之中，是但揀一間” Mint Thai House”一於去試下啦！呢到如果比我男朋友黎過一次佢肯定成日想黎，因為餐廳有部大電話可以用黎睇波!!岩哂佢甘既風格haha餐牌上嘅設計似乎吸引到我會拎嚟影相先，而唔係睇吓有咩好食，可能我打算將呢個甘驚喜既心情share我叫左呢個甜柚鮮蝦沙律，清爽既口感，柚子肉肉汁豐富，吃落啖啖肉，勁開胃。食左兩樣最鍾情既都系小食拼盤，真系十分出色，以後要黎探爸媽密d啦