更多
2018-12-18
1902 瀏覽
位於元朗劇院附近嘅《薄荷葉泰國餐廳》， 開業多年， 食物質素保持不變。 而且餐廳裝修充滿泰式風情， 淨係睇相片， 真係會以為去咗泰國芭堤雅。 色彩繽紛嘅吊燈， 加上節拍嘅音樂， 令整個氣氛變得熱鬧。 一路品嚐美食， 一路和朋友暢談， 就最適合不過。呢一杯麒麟一番蜜糖味啤酒， 真係Ichiban。 啤酒用全麥釀製， 麥味香濃， 入口清新，而且加入咗蜜糖口味， 減少咗啤酒嘅苦味，飲番杯夠滋潤嘅蜂蜜啤酒沙冰， 唔單止涼浸浸， 感覺亦相當潤喉。食泰國嘢又點少得咖哩呢？ 呢一款班蘭咖哩雞， 有別於普通泰式咖哩， 冇咁辣之餘， 亦帶有點點香甜， 椰汁味濃， 用嚟點熱辣辣、 金香酥脆嘅薄餅就最適合不過。班蘭咖哩雞嘅雞件肉嫩多汁，啖啖肉。 除咗雞之外， 仲有好多款唔同嘅配料， 好似洋蔥， 青椒紅椒等。而且仲有我最鍾意嘅椰汁雞湯， 奶白色嘅椰汁雞湯充滿椰香， 由於加入咗檸檬葉同青檸， 飲落帶有檸檬香氣，酸酸味味，開胃醒神。 椰汁雞湯嘅料絕對唔比冬陰功湯少， 用咗車厘茄，草菇， 雞件， 芫茜等材料嚟煲， 喺凍冰冰嘅冬天飲返碗， 暖意又窩心。除此之外， 呢度嘅泰式炒茄子亦非常好味。 由於加入左香葉（又稱九層
呢一杯麒麟一番蜜糖味啤酒， 真係Ichiban。 啤酒用全麥釀製， 麥味香濃， 入口清新，而且加入咗蜜糖口味， 減少咗啤酒嘅苦味，飲番杯夠滋潤嘅蜂蜜啤酒沙冰， 唔單止涼浸浸， 感覺亦相當潤喉。
食泰國嘢又點少得咖哩呢？ 呢一款班蘭咖哩雞， 有別於普通泰式咖哩， 冇咁辣之餘， 亦帶有點點香甜， 椰汁味濃， 用嚟點熱辣辣、 金香酥脆嘅薄餅就最適合不過。
班蘭咖哩雞嘅雞件肉嫩多汁，啖啖肉
。 除咗雞之外， 仲有好多款唔同嘅配料， 好似洋蔥， 青椒紅椒等。
而且仲有我最鍾意嘅椰汁雞湯， 奶白色嘅椰汁雞湯充滿椰香， 由於加入咗檸檬葉同青檸， 飲落帶有檸檬香氣，酸酸味味，開胃醒神。 椰汁雞湯嘅料絕對唔比冬陰功湯少， 用咗車厘茄，草菇， 雞件， 芫茜等材料嚟煲， 喺凍冰冰嘅冬天飲返碗， 暖意又窩心。
除此之外， 呢度嘅泰式炒茄子亦非常好味。 由於加入左香葉（又稱九層塔）， 更能突顯泰國菜嘅風味。 呢道菜色帶有鹹香， 而且加入咗辣椒絲， 食落帶有微辣， 非常醒胃， 係一道送飯嘅好菜式。
另外特色菠蘿飯更係有意想不到嘅驚喜， 菠蘿飯用原個木桶送上， 分量足，大約可以分到六碗。 菠蘿炒飯用上新鮮菠蘿粒， 加上提子乾嚟炒， 份外香甜。 飯炒起來一粒粒分明，而且更加入左腰果， 增加咗香脆嘅口感，另外仲有菠蘿炒飯必備嘅肉鬆， 好味程度令在座各人都要添飯。
呢間薄荷葉餐廳仲有好多款特色菜式， 保證每次品嚐都會有驚喜。 鍾意同朋友飲番杯， 又或者鐘意泰國菜嘅朋友， 一定要試下。
張貼
