更多
2018-12-14
1300 瀏覽
餐廳環境有啲泰吧嘅感覺，有好多五顏六色嘅燈飾，戶外嘅吸煙區座位數目同室內嘅座位數目達到一比一嘅比例，啱哂吸煙嘅朋友。嗌完嘢食之後侍應小姐就放低咗一碟前菜，前菜係泰式醃青瓜，青瓜口感爽脆，好有泰式沙律嘅風味。一坐低即刻啤一啤佢先，揀咗麒麟春之限定Frozen beer啤酒接骨木花味，啤酒向來被認為係麻甩佬嘅專利，但係Frozen Beer令我發現原來啤酒都可以好lady，女仔都可以愛上；以第一道麥汁釀製嘅麒麟春之限定frozen beer，用咗特別嘅冷凍技術，將生啤打成-5℃嘅幼滑泡沫，令啤酒面頭嘅泡沫更加綿密細滑，不單止令啤酒能夠長時間保持低溫，而且實際上亦有保冷嘅作用，更加可以鎖住接骨木花嘅香氣，正啊！甜柚鮮蝦沙律，沙律上面有幾隻大大隻嘅鮮蝦，啲蝦新鮮就自然爽口彈牙，沙律個醬汁酸酸地，配合埋甜柚嘅味道，酸酸甜甜，十分開胃。椰汁雞湯，一直以嚟鍾意食辣嘅我去食泰國嘢嗌親湯嚟飲都係揀冬陰功湯，但係自從兩三年前由穆斯林兄介紹過後，至知道原來喺泰國餐廰飲湯都仲可以揀椰汁雞湯，椰汁雞湯口感綿滑，帶有濃厚嘅椰香味，裏面嘅雞肉以身處喺湯入面嘅雞嚟講算係好嫩滑，一煲都分到成六七碗咁多，都幾抵食，對辣嘢
餐廳環境有啲泰吧嘅感覺，有好多五顏六色嘅燈飾，戶外嘅吸煙區座位數目同室內嘅座位數目達到一比一嘅比例，啱哂吸煙嘅朋友。
嗌完嘢食之後侍應小姐就放低咗一碟前菜，前菜係泰式醃青瓜，青瓜口感爽脆，好有泰式沙律嘅風味。
一坐低即刻啤一啤佢先，揀咗麒麟春之限定Frozen beer啤酒接骨木花味，啤酒向來被認為係麻甩佬嘅專利，但係Frozen Beer令我發現原來啤酒都可以好lady，女仔都可以愛上；以第一道麥汁釀製嘅麒麟春之限定frozen beer，用咗特別嘅冷凍技術，將生啤打成-5℃嘅幼滑泡沫，令啤酒面頭嘅泡沫更加綿密細滑，不單止令啤酒能夠長時間保持低溫，而且實際上亦有保冷嘅作用，更加可以鎖住接骨木花嘅香氣，正啊！
甜柚鮮蝦沙律，沙律上面有幾隻大大隻嘅鮮蝦，啲蝦新鮮就自然爽口彈牙，沙律個醬汁酸酸地，配合埋甜柚嘅味道，酸酸甜甜，十分開胃。
椰汁雞湯，一直以嚟鍾意食辣嘅我去食泰國嘢嗌親湯嚟飲都係揀冬陰功湯，但係自從兩三年前由穆斯林兄介紹過後，至知道原來喺泰國餐廰飲湯都仲可以揀椰汁雞湯，椰汁雞湯口感綿滑，帶有濃厚嘅椰香味，裏面嘅雞肉以身處喺湯入面嘅雞嚟講算係好嫩滑，一煲都分到成六七碗咁多，都幾抵食，對辣嘢有好大bias嘅我，呢個唔辣嘅椰汁雞湯都能夠令我相當滿足。
斑蘭咖哩雞加薄餅，班蘭咖哩有好清香嘅斑蘭味，味道無傳統嘅泰式咖哩咁辣，而且帶點點嘅甜味，雞肉嘅滑溜程度提升咗一個層次，薄餅上檯嘅時候仲帶有微暖，外層脆卜卜，用嚟點咖哩就啱哂。
特式菠蘿飯，菠蘿飯賣相特別，用木桶盛載，有別於一般嘅環保菠蘿殼，次次同唔同嘅朋友食泰國嘢大家都總係會喺度猜度究竟嗰個菠蘿殼會唔會番用，今日喺薄荷葉正好釋除疑慮，唔使猜猜度度；菠蘿飯嘅鹹甜同埋酸味都相當平衡，我覺得全晚最好食嘅就係呢一個飯。
張貼
