薄荷葉泰國菜

營業中

休息中

Haven’t had Thai cuisine in a while so I drove all the way to Yuen Long to try this resto with sooo many good reviews here. Not disappointed 👌🏻The menu was easy to read with quite a lot of classic Thai options.I particularly liked the fish as it was nicely grilled and seasoned to give the skin a crispy texture while remaining very tender and smooth on the inside.The skewers were of good quality too. The meat remained juicy and went well with the sauce given.We also shared a tofu soup with minced

難得家姐揸車接我，梗係去遠啲食野！🚘 所以呢晚就黎左十年都唔去一次嘅元朗食泰菜😂叫左好多野黎share，埋單好似人頭三百幾，飽到上心口😂我中意個木桶菠蘿炒飯，份量幾大，飯粒唔會過濕。餡都算豐富，菠蘿大粒同幾甜，配肉鬆係冇得頂👌🏻馬拉盞通菜炒得好香！呢道每次食泰國野嘅菜式唔係度度整得好食，但佢呢碟菜幾嫩，同埋馬拉盞調味夠正，唔會過咸另外想提兩杯特飲，夏日炎炎飲就特別refreshing！杯野飲有佢地應有嘅味道，唔係嗰啲加顏色嘅糖水😂

我好鍾意餐廳既環境同氣氛，有D似bar，有個大screen播mv，間餐廳d音樂都幾好聽，夜晚黎既話幾浪漫，適合一邊飲野一邊傾計，可以慢慢坐。我同朋友兩個人黎，每人嗌左杯野飲：士多啤梨特飲，賣相好靚，好鍾意個顏色，朋友話飲到最後淡左d，建議叫少冰。石榴特飲，賣相都好吸引，幾大杯，味道特別。我地嗌左三樣野食，夠晒飽！馬拉盞炒通菜，都幾大碟，好鍾意d馬拉盞，好入味，ｄ通菜都幾嫩，唔會un，我食到停唔到口。紙米卷，一碟有八舊，裡面係煙三文魚，都幾特別，點下ｄ醋好開胃。蝦醬炒飯，呢個係呢餐既重頭菜，除左個賣相超岩打卡外，仲大碟夾好食。有一塊塊既魔鬼魚片，要我地用手撕開放落飯度食，餐廳會比埋濕紙巾抹手。仲有d葉，（唔記得左叫咩名， 好似係茴香）， meet 開d葉加落個飯落，會有一 種好fresh既味，不過個味幾特別，受到先好落，我個人黎講就幾鍾意。整體黎講好滿意，因為真係好味道同埋環境好，令我過左個好relaxed既晚上。

今日係元朗圖書館做野，同同事做到七點幾八點，個肚餓到食隻牛都食得落，一收工出門口，見到有間泰國餐廳好似不錯，上開飯睇睇，好多都話正，就一於試下先 。入到去一坐底，感覺環境都相當唔錯 ，可能本人都好鍾情泰國呢個地方，呢到比我感覺都好泰國feel 。老闆都好熱情過黎，介紹有咩好野食，可能太肚餓喇，我地都想快快有得食，就聽聽佢意見。點左個青咖哩配豬肉加薄餅，真係正！好香椰汁味 ，食落不太辣，個薄餅仲好鬆脆，配埋個青咖哩汁，一流！之後黎左個玫瑰露燒雞，食之前佢會將成隻燒好的雞放係面前，將d玫瑰露酒倒落去之後點火，將d酒迫落隻雞到，香到不得了！食落仲有肉汁呀！ 大蝦粉絲沙律，蝦爽口，粉絲辣辣地，好過癮！之後我最愛喇-明爐酸辣魚。先唔講條魚，剩係個汁都可以食兩碗飯個湯汁酸酸辣辣好開胃，條魚都新鮮，一路用明火煮都唔會霉，好食👍🏻👍🏻Ps：最衰渣左車過黎，如果都會飲番杯，呢到生啤都有好多款，下次黎一於唔渣車，啤啤佢！

終於唔去YOHO MALL, 朋友揀左呢間細個成日去律修堂果邊，但已經好耐冇去，去到先發現呢邊已經變到唔同哂樣。兩邊街都好多食肆同酒吧，去到呢間野，從外表就係一間酒吧，有得座外面，但我揀左坐裏面柚子沙律，正常，份量好大是晚最喜歡呢個串燒，6串要$128, 豬牛雞各二上枱擺盤幾特別，熱辣辣，好香，燒得都唔錯最有特色係伴左一束香草(唔記得個名), 待應叫我地同串燒一齊食, 味道真係提升左馬拉盞炒通菜，都係正常大蝦炒金邊粉賣相好巴閉, 隻被直插中間, 四邊又方左糖，辣椒碎, 花生碎同蔥不過食落呢粉炒到痴埋一舊，失望。基本上，以一間行酒吧路線的泰菜來說，食物是OK的，尤其賣相配搭都唔求其不過價錢上佢都唔算平，全部100以上，有點質素要求是應該的。

又到happy friday, 今日黎到元朗覓食. 搵左一間有戶外區的泰國餐廳, 貪佢可以一邊食飯同時可以吸下新鮮空氣既. ,可惜去果日落雨, 服務區安排左我地坐室內其實室內別有一番品味, 裝修好有東南亞風味, 而且仲播住輕快的音樂. 另人好容易放鬆. 價格有點偏貴, 而且仲有加一服務有機前菜. $12BBQ 泰式燒蠔 $198 / 4隻. 賣相好吸引, 但味道就..... 唔系我想像中咁鮮味啦 這個菜由啤酒姐姐上. 冇教我地點食沙嗲串燒 $108 / 6串 (我們選了豬牛雞各兩串) 串燒盤內有一種植物叫做 " 小回香", 由待應介紹佢系佢地自家種植的有機植物, 可以連串燒食用. 食後我覺得佢有D胡椒味 (但老公不同意喔. 呵呵)不得不提的系佢地個沙嗲汁好好味. 我地一共叫左2次 ! 特色菠蘿飯 $ 128上菜時待應教我地要首先將D肉鬆撈入飯內再食用 多料, 好味  1664 $70 店內有啤酒姐姐. 一坐低佢就會黎介紹各種酒精飲品 啤酒set 好吸引啊. 希望有機會再黎個 happy hour 餐後感 : 各服務員都好用心介紹各食物的食用方式/程序. 甚至會細心的為客人擺枱影相, 會

I went there after knock off with my boss for celebrate her birthday. The environment was a bit dark, full of atmosphere indeed.This is the bar.Some beer girls will sell you beer. However, we won’t drink beer.This was the starter that the restaurant give us. Free of charge.👍🏻What a romantic decoration.泰式紙米卷。very mouth-watering! Worth to give it a try.菠蘿炒飯，木桶型幾特別👍🏻小食拼盆，有魚餅蝦餅春卷～ enough for 2 ppl alreadyHot drink: 䄂子茶＆黑加侖子茶😋The special thing is that: if you tell the staff your friend birthday, the

又到月尾，又出糧啦，約左朋友去食豪D這間泰國菜餐廳係元朗新圖書館對面，裝修好有泰國特色前菜有酸辣青瓜，此店之所有蔬菜均來自佢地嘅自家農場，健康鮮甜，青瓜爽脆，配埋D酸辣汁一齊食，好開胃柚子蝦沙律$108材料有芽菜、洋蔥、生菜、柚子、蝦乾仔，材料好新鮮，芽菜脆嫩，啖啖咬落去有好多水份，好fresh，配埋D酸酸地嘅汁食，真係好有田園feel特色菠蘿飯$128材料有菠蘿、提子，紅蘿蔔、腰果、豬肉鬆、鮮尤，D飯炒到好鬆軟，煙煙韌韌，用個桶装住，夠哂份量沙嗲牛豬雞串$128燒得剛剛好，仲保留好多肉汁，香噴噴，熱辣辣青檸梳打凍飲$38+加侖子梳打凍飲$30賣相真係好靚，見到都透心涼，夠哂冰震埋單$460，每人$230，下次再試其他食品

自問自己對於東南亞菜嘅興趣真係唔係好大，第一，會覺得東南亞嘅食物一般都真係好辣， 而且好重香料味，食完之後成個人都會充斥着同一浸香料嘅味道！但係食完呢一間泰國菜之後，真係完全俾咗一個好正面嘅感覺我！環境：呢度可以選擇坐喺店入面或者坐喺戶外，如果食煙嘅朋友就可以選擇坐去戶外，佢店內亦都有一個projector，會播着泰國歌曲嘅MV，真係好有泰國嘅感覺！食物：今次同朋友叫咗一個青咖喱軟殼蟹再加埋薄餅，另外我哋亦都叫咗一個椰青同埋一杯菠蘿特飲。鮮果下佢嘅青咖喱軟殼蟹，佢嘅青咖喱係一啲都唔辣，而且味道調得非常非常之好，好適合香港人嘅口味。而家佢軟殼蟹亦都非常好食！大家一定要黎試吓！佢嘅薄餅一上枱已經係熱辣辣！配合埋軟殼蟹同埋青咖哩汁，真係好好食！飲品方面，佢嘅椰青亦都好清甜，可惜嘅係佢嘅菠蘿特飲比較甜，而且除咗甜以外其實唔係好飲到菠蘿嘅味道，可能係唯一一點美中不足嘅問題。服務：⭐️⭐️⭐️⭐️⭐️呢度嘅服務真係非常之好！呢度嘅姐姐好樂意去服務客人，而且每一位都好有禮貌，由安排位置去到介紹每一種嘅食物嘅食法，佢哋都保持着好好嘅笑容好有禮貌，真係值得一讚！

唔係朋友介紹都唔知原來元朗有間咁有氣氛嘅泰菜餐廳。餐廳位置正正喺公共圖書館對面，係一間酒吧餐廳，裝潢型格有特式，門口有露天吧枱，播住泰文歌，氣氛輕鬆熱鬧又帶點異國風情。我地先點咗個鮮蝦粉絲沙律，酸酸地，都幾辣，非常開胃又過癮。接住有青咖哩豬配薄餅，青咖哩好香，薄餅點咖哩汁超正！豬肉嫩口唔會軔，除左豬肉仲有泰國茄子，一口一粒，吸收晒咖哩汁自然非常惹味。再黎就係明爐酸辣魚，原來真係明爐，明火㷫住，將汁倒入，咁樣可以keep住溫度慢慢食。魚唔多骨，啱哂我地呢d唔太識食魚嘅人。另外仲有通菜，西蘭花，粟米仔等蔬菜，全部都吸收哂湯汁，香濃又惹味

約咗個住元朗既朋友食飯，問佢有咩好介紹，佢話圖書館附近有間泰國菜都幾好，於是去試試。距離西鐵站大約行15分鐘，去到發現有得坐門口，好似尖東海傍d餐廳咁，chill到爆！不過朋友怕大風，揀咗坐室內。整間餐廳已泰國設計佈置，未點菜已很有泰式風情， Menu上的食物選擇多，由於樣樣都想試，所以就叫多了一點。先來一客自家製炸魚餅，表面看似炸燶了，其實火候啱啱好，魚餅結實，口感十足，加上香草的香味，配以泰式甜酸醬，非常開胃！朋友一看見餐牌有斑蘭咖喱，即刻話要叫，我們揀了咖喱雞，經侍應推介，加埋薄餅。咖喱雞啖啖肉，啲雞好似食極都仲有，份量較多，咖喱汁不算太辣，以薄餅伴食一流！最後叫了個冬陰公海鮮炒飯作結，炒飯又大蝦又魷魚，啖啖海鮮，抵食！等天氣熱返少少，一定要試吓坐出面飲啤酒chill下！

文章前必須講聲對唔住, 一張相都無, 事關本來就CD ROM, 只睇食評不寫的 但這次必需告戒下各位食家, 亦想餐廳知道雖然做左 MARKETING , 但唔洗賺錢賺到咁盡 , 只會無下次話說我同幾個朋友一齊食飯 , 就吩其中一位朋友上網揀,可惜這位朋友比較相信OPENRICE的評價 , 在OPENRICE 這家餐廳的分數是頭位,一去到門口, 就知這家酒吧能夠上OPENRICE 頭位, 是甚麼一回事, 應該唔會啲酒好飲到上榜店內人數都幾多, 話晒頭幾位, 之後亦見很多人是拎住手機搵到呢間  ...坐低左無水無茶, 但你一定會見到果幾粒青瓜 , 因為就咁就收左你 12蚊 (上網睇返先知) , MENU 上係無寫的 ,你亦唔會見到任何價錢, 除左單上面店員會極力推生蝦同咖哩薄餅, 因為生蝦只有6隻, 也不用煮, 直接收 $128咖哩薄餅都已經整好, 我見隔離枱食, 一啲都唔鬆脆, 所以無叫  唔知幾錢 結果 , 我地叫左 生菜包 , 串燒 ,  小食併盤(大), 炸豬手, 明爐魚  ...飲品係 生啤, 椰青, 青檸梳打$108 生菜包 , 細是絕對, 以生菜既數量去估計, 應該2人份量,

Happy Friday 當然要 Chill Chill 🍹🍹屋企附近呢間 薄荷葉 泰菜一向都受區內歡迎，兩個人，就來試試😬地方很大，有氣氛，音樂輕快，播住Mv 配合有情凋燈光，正！😆😆一坐低，即有前菜，開胃😁😁一來已被frozen beer 吸引住，試下新味，接骨木花，好特別，好飲👍👍冰點凍入心😬😬500ml😍😍配泰式拼盤（小）其實一D都吾小，2串燒，4春卷，2蝦餅，2炸蝦餅，仲有即炸蝦片⋯⋯超抵食👍👍春卷外脆內軟，因為係粉絲，好味好香九層塔味蝦片脆卜卜，好鬼正！好多泰菜餐廳都無呢道菜拉！~~~燒牛肉沙律，粉紅粉紅，五成熟，牛味濃，夠曬辣，配埋蕃茄仔，紫洋蔥，香茅....夠曬地道😍😍😍環境，氣氛很好，店員親切😌😌絕對有下次

係元朗突然想食泰國菜，就上openrice 望望，高居第一位既係呢間薄荷葉泰國菜，於是就同朋友出發前往呢間餐廳。呢間餐廳位於元朗圖書館對面，一望之下原來係bar + 餐廳形式既鋪頭黎，係我既意料之外。佢有室內位置，同埋俾人食煙既室外位置，我地就揀左坐室內。一坐低當然叫野食先，睇menu 就知呢間野樣樣野訂價都唔平咁我地就淨係叫左幾樣野食姐。椰青幾清甜肉碎生菜包生菜係勁新鮮，勁爽脆，但豬肉碎味道就麻麻，唔夠咸冬蔭公湯對個人黎講太辣，辣到食唔到其他味菠蘿飯原來不是炒飯底，多材料，但就真係唔算太好食。補充：現場好嘈，因為佢音樂都放到幾大聲，鍾意嘈既朋友可以去。另外坐室外都會食到二手煙。

係輕鐵豐年路站落車之後行大約5分鐘就到餐廳，一般平時行街比較少行呢個區域，唔係上網搵泰國餐廳都唔行黎呢邊。但呢間真係幾ok, 野食味道又ok, 氣氛好，覺得幾岩一班朋友係到食飯吹水。間餐廳係開放式咁，裝修充滿泰國特色，睇落空間感都唔錯。果到螢幕播住有外國既MV,好有氣氛！唔會悶場！店員上菜時仲會介紹啲食法Tim! 我地點左甜酸魚。條魚酸酸甜甜咁，夠曬開胃，可以配埋薄餅或者飯食。我朋友極喜愛個配菜：珍珠菜。據店員介紹，佢有兩種食法，第一係就咁食（佢本身炸過，脆脆地咁，另一種浸廿係啲汁到，等佢淋左再食。而本身啲菜有味，好夾個甜酸魚。另外我地仲叫左青咖哩雞，唔辣既，但佢係比較稀既果一種。馬拉盞通菜份量好多，都唔錯。