薄荷葉泰國菜

營業中

休息中

今日又同朋友入元朗搵食啦，我們去咗一間叫做（薄荷葉）嘅泰國餐廳度食飯！先講呢度個環境先有分室內同室內佈置得很有泰國feel～而且有一部大投影嘅銀幕不停咁樣播泰國嘅音樂 同mv ，真係有點像去咗泰國地度餐廳！我哋叫咗燒春雞，黃咖哩，薄餅，馬拉盞炒時蔬，泰國炒飯等等淨係講隻燒春雞一睇就知好食啦佢即時會有師傅幫你燒埋 ，好好吃！泰國炒飯一般就可有可無，而最好食係咖哩聽埋薄餅簡直味道一絕～馬拉盞炒時蔬都幾好，食大家不妨去試下

同朋友準備係附近行下搵餐廳食晚飯 開頭行過以為係間酒吧 因為個餐廳環境燈光較暗 又有個大螢幕 見人流唔少打算行過去了解下飲品價錢有機會之後試 點知原來係泰國餐廳 朋友話都幾特別就坐得試下餐牌都有唔少泰國菜可以選擇 同普通泰國菜餐廳類同 叫左以下食物炸蝦餅 蝦餅外皮炸到好脆 細細粒 一口一粒 夠晒方便 相信唔少人飲野都會點呢個咖喱蟹咖喱蟹時令價要$368 價錢唔平 但朋友想食唯有陪下佢 出到黎見到都好大隻下 確實又幾好味 算佢啦 見佢有咁多汁 就叫左個薄餅點埋佢唔好浪費 豬仔脾 以往我去其他泰國餐廳唔係成日有 叫份試下 唔錯唔錯 肉嫩夠juicy 有驚喜 餐廳同食物都有驚喜 可以再試

今日喺元朗圖書館還完書諗住呢度都算僻原來對面已經有間泰菜而且仲有outdoor位9點鐘但係都仲幾滿可能因為佢都幾多drink揀幾適合朋友聚會首先嗌咗個椰青雖然而家係三月但椰青好清甜涼爽之後就嗌咗個廚師蝦醬炒飯其實都真係幾signature dish由菜色好有一個完整嘅造型到用料豐富、夾 又有特色值得一嗌值得一提係service真係好好侍應會細心介紹用料同食法見我掛住傾電話撈唔勻啲料呀姐仲忍唔住出手幫我之後嗌咗個泰式鳳爪沙律份量相當多辣得好正宗好在椰青夠解渴

元朗都有唔少泰國菜餐廳 有時食完飯想再同朋友飲返杯 就要轉場 或者預左要飲野 但又淨係提供好少野食 而且通常係炸物 要食左野打底先但呢間餐廳類似酒吧型式 酒類選擇較多 食物亦好有質素 好適合我要求星期五晚黎到 餐廳氣氛比較relaxing 有唔少人係外面位置開左白酒或者飲緊啤酒 有特別口味啤酒推廣緊 當晚食左唔少野食 個人最鐘意燒豬仔脾 味道好食又啖啖肉 唔會燒到乾同硬仲點左咖哩蟹同埋薄餅 煮得好好食 蟹好大隻 份量好夠 加上咖喱唔會太辣反而係香濃 汁多又好味(用洋蔥雜椒煮)配幾碗飯食都可以 我唔好飯配薄餅就一流餐廳仲可以儲印花 加上氣氛好唔錯 食物又好味 一定會再黎多幾次

係出面望落去好靚，地下仲有個投射嘅餐廳logo，入面嘅裝飾擺設都好七彩繽紛，有個大screen 會播泰國的mv 係出面望落去好靚，地下仲有個投射嘅餐廳logo，入面嘅裝飾擺設都好七彩繽紛好有格調，有個大screen 會播泰國的mv。 一入到去就有碟小食係青瓜粒同羅白粒。唔單止裝橫靚，連啲食物都好似藝術品咁，呢個炒飯賣相真係冇得彈，重點係入面有勁多配料，令到個飯甜酸苦辣咸的味道都感受到，食個飯食到人生五味真係咩料🙈😂講下個飯有咩配料，有甜的肥豬肉粒、提子乾，酸嘅青蘋果絲，魔鬼魚乾咸到苦（如果再碎啲會好啲），辣椒仔，跟住連埋蛋絲同埋飯一齊撈起，最岩新年撈起用😂食落口感好正！仲好大碟，抵食之選，其他野食就冇乜特別。

今日是Happy friday，呢幾日天氣翳翳悶悶，於是約咗妹子去食至愛嘅泰國菜G0~呢間泰國菜之前也來過幾次，但一路冇寫，今次就寫返先啦，呢度都好relax㗎，播放泰國 music video，兼有大銀幕投射影像，且裝修富有泰國色彩，仲有個小型酒吧，同一班朋友 一路品嚐美食，一路暢飲，都幾爽㗎😎🍻餐廳有室內同室外，一到假日經常爆滿而且出面非常空曠，自成一角，係呢度用餐，真係好似置身咗喺芭堤雅一樣，好有度假feel啊🤩因為呢幾日食咗太多嘢喇，所以叫咗以下幾樣甜柚鮮蝦沙律酸甜適中，配菜非常新鮮、清甜，食落索索聲，好開胃呀沙爹串燒 (豬、牛、雞)燒烤味濃，唔乾身，勁有肉汁，配以特製醬汁、香草， 簡直是完美嘅配塔椒絲炒通菜必點，因為自己炒唔到 微辣，有鑊氣，係我嘅至愛……woo蘋果啤酒一個字~爽！度最啱約埋三五知己，摸酒杯底傾心事嘅好地方

間餐廳好好feel , 播住音樂成間bar 咁，野食都好唔錯。蝦餅熱辣辣炸得香脆，唔算超有蝦味。食泰菜通常都飲冬蔭公湯，今次第一次試椰子雞湯，不過兩個個味其實差不多，都係辣酸，但就多少少椰汁味，叫左個細嘅都裝到四五碗，勁多菇呀雞呀香料係入面。 炒椰菜苗，菜苗偏硬，好味嘅但唔算太特別。跟住好味嘅野就黎喇！！！ 叫左個串燒，有曬豬牛雞各兩串，上枱係放係酒杯度好特別，但最特別係個侍應介紹上面果棵好似草咁嘅香料，叫茴香，佢話係自己種係有機嘅，搣左少少落去啲肉度再食，都真係幾夾。三款入面我最中意牛，夠淋，其實唔使點醬都好好味。呢個特色蝦醬炒飯先特別！ 淨係上碟已經覺得好靚，蝦下面係魔鬼魚乾，要搣到好碎撈飯，如果唔係會好咸，但整體口感好豐富。野飲薄荷梳打，好多薄荷葉，正！

今晚去食元朗泰國菜薄荷葉 mints, 一入去門口閃灯布置己經好有泰國 feel幾靚！坐底侍應送上開胃前酸青瓜蘿白，幾好味開胃！我地點左酸辣鳳爪沙津！酸酸辣辣好野味，最中意d芹菜同洋蔥！再黎係生虾刺身，虾都好新鮮，點上青汁好好味！仲有沙嗲串半打！有牛肉，豬肉，雞肉各兩串，燒得香口，小朋友食吾停！之後有炸生蠔同白酒煮青口！侍應好細心教我地用生菜包住炸蠔淋d甜酸汁一齊食！白酒青口亦好大隻！食到白酒香味！仲叫左兩杯特飲提子同青檸疏打！整體食物質素幾好，賣相都好靚！會推介比朋友試下！

朋友住元朗，咁就順下佢意去元朗食晚餐，E間餐廳都係佢帶我去，因為佢中意食泰菜，去到見到同平時餐廳唔同，冇門，全間餐廳都好開揚，不過係有蚊每檯都有的前菜，有機青瓜，醬汁係根據你食的野比你的中間果碟for紙米卷；右邊for生蝦刺身生蝦刺身，好鮮，唔腥，面頭有少少蒜，點醬食帶有少少辣，醬汁提升左蝦的味道，如果唔點就蒜味重，蝦比較淡甜柚鮮蝦沙律，面頭有兩隻大蝦，不過味道偏淡柚子份量都多，感覺好清新，雖然冇醬但都好味，配料好爽口越式紙米卷有6-8大件，入面有紅蘿蔔絲，蟹柳等等，仲有D沙律醬，建議可以唔洗點汁食，因為就咁食都好好味，好清新食得飽食佢感覺可以消消濟黃咖哩雞配薄餅咖哩雞份量多，應該都有10幾件雞，佢係大雞粒，入面配料有洋蔥，青椒薄餅撕絲點汁食；或可分開一小片點汁加雞包住食薄餅唔油大塊，就咁食都好香馬拉盞炒通菜，通菜爽口唔老，菜汁雖多但唔鹹整體都唔錯，店員會教你有D食物應該要點樣食先比較好!!!

因為想食泰國菜，所以叫朋友同左我尼，雖然佢住得遠，但因為我同佢講係好食，而貪食的佢就跟左我尼餐廳暗暗地幾有氣氛生蝦：新鮮，厚肉，帶有少少蒜香味紙米卷：清新，若食膩了，覺得這可以令口腔清新一下（若第一次試，可以先不點醬，先嘗原味）冬蔭公湯：湯料很多，好濃味，偏鹹～細size都有大約4碗的份量大蝦柚子沙律: 味道雖一般，淡淡的，但賣相吸引，其他沒有很特別。薄餅:唔油！雖然是普通的薄餅，但很香，好夠味！黃咖哩：雖沒有甚麼特別但...好吃，雞可選新鮮和普通雞。我選了普通雞，都很有雞味！配合薄餅食味道也很好！馬拉盞抄通菜：份量很足，馬拉盞味道沒有很稀,味道好夠～椰青：好飲！多水！夠椰香！👏🏻👏🏻侍應生服務態度同上次一樣好！！！

純粹望到門口好有FELL就衝左入去,之後先發現竟然係泰國野！因為朋友未到,我都未叫野食,但店長已經好好放底左個前菜,話係自家種,就覺得佢地好有心酸子炸豬手朋友勁想食,黎到除左分量大,擺盤都好有心,有炸過嘅九層塔,啖啖肉不在話下,佢層皮更唔只香脆咁簡單,仲係夠厚夠彈牙個種椰汁雞湯超足料雞湯,椰汁味勁香,香料味道掌握得岩岩好唔會搶味,雞超滑,d菏又好新鮮飽滿,仲有番茄仔tim呀！馬拉盛炒通菜又係自家種,size比平時細條但反而更幼嫩同清爽炸魚餅超大粒,中間放左豆角增加左個口感,好特別！環境又靚又舒服,老闆貼地又親民,抵讚

我哋10個人，訂咗呢度食晚餐，原來有個地牢包廂架！一班朋友喺度傾計食飯私隱度十足！紙米卷，好清新！爽口！生蝦！好新鮮！草莓梳打串燒，肉質好林！好食冬陰公湯，酸酸辣辣，好開胃！炒青菜，清甜爽口！咖喱雞，咖喱汁好香濃，雞肉好滑！掛住食添⋯哈哈！生菜包呀，辣辣地嘅薄餅，香脆好好食呀！咖喱蟹，蟹肉好新鮮，好鮮甜！配埋咖喱汁好惹味魚，個汁酸酸地㗎！魚肉都幾滑！好食呀！因為朋友發板叫菜，我都唔知個菜名叫咩同幾多錢，同埋掛住食同傾計，菜單都唔記得影，哈哈！我仲叫咗椰青，好清甜好味！總結呢度朋友聚會一流！食物水準好高！每樣都好好食！會想再返嚟食嘅餐廳！*10個人食平均一個人夾返三百零蚊

元朗食肆林立， 就講泰國菜都有 數十間以上， 要搵環境舒適 ， 有泰國feel的泰菜 薄荷葉 泰國菜 是首要之選就在身圖書館對面， 就會好清楚有個雷射標誌。因為我哋一早訂咗七點鐘去食，所以人流都比較少， 同埋去裝修比較有心思 令到你 好似 渡假 一樣 放鬆心情。裏面一個仲有個小型吧檯可以同一大班朋友暢飲 十分開心首先未嗌餸已經 有自家農場出品的有機青瓜，個汁十分惹味酸酸辣辣menu很多選擇 你就叫他介紹幾樣 招牌菜式這杯飲咁叫pink lady 石榴汁十分開胃青檸梳打 烤羊架 十分惹味 我哋叫咗八成熟 值得一試酥炸生蠔 絕不油膩加埋特製醬汁 搭配上有機生菜 一起食， 絕對是perfect match總括嚟講 ，環境舒適，服務周到， 有別於一般泰國菜， 若果 選擇gathering一定要嚟呢度

今日去元朗探朋友，之後一齊食晚飯！朋友介紹去"薄荷葉"食泰國菜， 去到餐廳已經好多人， 我地要等一陣先有位， 坐低後server好好服務，仲介紹咗啲菜式俾我哋。我哋叫咗個大嘅小食拼盤，拼盤份量都算多，蝦餅炸得香脆可口， 串燒燒得啱啱好；豬頸肉沙律，豬頸肉肉質香嫩，沙律酸酸辣辣好開胃；馬拉盞通菜炒得好有鑊氣；咖喱軟殼蟹，咖喱香味濃郁配薄餅一流；椰汁海鮮焗飯，飯好有椰汁香味。餐廳整體食物質素很好，好有泰國風味！ 下次想食泰國菜一定會再嚟”薄荷葉”！

最近常常吃西餐, 日本菜, 有點吃膩了, 所以今次想試試其他菜式。這次經過這間泰菜餐廳, 一直播泰國流行曲, 覺得氣氛很好, 便在這用餐。我們點了咖哩雞肉配薄餅, 雖然好像有點不太泰式, 但味道是一流, 咖哩不會太辣, 有少少甜, 小碗裡面有很多雞肉, 份量十足。串燒當然不少得，豬，牛，雞串各1薄餅煎得香碎,葉係香草，可以食用配上咖哩汁吃簡直一流。還有的是炒雜菜, 炒得香口, 很有泰式地道風味。之後配上一杯菠蘿特飲, 喝上去有種清新的感覺。我們在泰國音樂的旋律下吃了一餐很豐富的晚餐。