薄荷葉泰國菜

營業中

休息中

Happy Friday梗係要食餐好啦，今日就揀咗元朗呢間薄荷葉泰國菜式。係OpenRice睇到有個菜式係泰式羊架覺得好特別，一路都好想去試今日終於可以一嘗所願啦。呢個泰式羊架都幾特別，味道酸甜，但係就完全冇騷味，卻保留左羊肉嘅香味，味道均勻適中，酸甜味梗加令人醒胃想食多幾舊。我哋兩個叫咗個馬拉盞通菜，炒得香口之餘，又唔會太鹹，以炒菜來講佢嘅味道都算係清新，好啱我哋鍾意食清淡少少嘅人。而且個份量都好大碟，足夠四個人食都得。見到隔離枱有人食薄餅，都幾精緻，咁梗係要叫埋黃咖喱去襯番去啦，見到呢度有我哋最鍾意食嘅軟殼蟹，咁就唔使再諗食咩啦。薄餅鬆軟得來又唔會過分油膩，配合黃咖喱去食真係無得輸。食完呢個濃味少少嘅餸，飲番啖佢嘅麒麟冰泡啤酒，真係爽丫丫架。個啤酒上邊啲泡沫係青檸沙味，食完濃味飲佢真係好疏肝。最後梗係食返個硬野做結尾啦，佢個泰式炒金邊粉炒得都唔錯，酸味適中，令人會忍唔住口食多佢幾啖。

TGIF, 終於捱到星期五，辛苦左成個禮拜梗係想同男朋友去遠啲拍拖搵好野食啦🤤由於仲有一個禮拜先去曼谷旅行，喺安排行程嘅時候實在太想快啲係香港都搵泰國野食住先，所以係我做完一輪research之後，就揀咗黎元朗嘅薄荷葉食喇！見佢門面有户外同室內座位，因為都花左小小時間搵路，所以就坐室內涼冷氣。由於第一次食，佢嘅選擇都非常多，所以我地都嗌咗好多網上推薦嘅熱門菜式果然多人讚都係好東西來的....🤩我個人最欣賞係-> 燒羊架店員上菜時好細心咁解釋旁邊嘅伴碟原來係自家種嘅小茴香，伴埋羊架一齊食，散發着一股獨特嘅香氣。佢個羊架好入味，肉質唔會過肥亦唔會過瘦，底下伴碟仲有d醋味沙律菜，一啖肉一啖菜，寧捨開胃羊架完全無蘇味，調味同烹調火喉都係我中意嘅！佢嘅黃咖喱軟殻蟹配薄餅都係冇得輸嘅！黃咖喱甜甜地，薄餅亦都係新鮮焗製，一啖一滋味另外都order左泰菜入面馳名嘅馬拉盞炒通菜，有人話最簡單嘅食材先最考廚師功力，佢碟通菜火候控制得10分好，唔會炒得過老，而且咬落仲係好爽口，唔會好似其他餐廳咁一味死鹹，感覺寧捨健康當然唔少得要叫埋泰國最出名嘅炒金邊粉啦。一上枱已經俾佢賣相吸引，唔講唔知原來係自家種

聽朋友講元朗有一間出名嘅泰國菜，今日放工就同朋友試下 。呢間餐廳係酒吧開放形式 ，有部分位置係戶外嘅。我地坐咗喺裡面吧枱隔離。環境氣氛不錯。估計周末應該多人嚟飲嘢食嘢。一坐低服務員就先送來一碟泰式酸辣青瓜，係自己種嘅有機青瓜好味點咗個細冬陰功湯 $88.冬蔭功湯微辣，好香椰奶味，裏面都幾多配料，有好多秀珍菇，蕃茄仔，蝦，而且份量唔少，二人每人都分到兩碗。木瓜沙律$68第一次見泰式餐廳咁樣放個沙律，都幾得意，係要小心啲夾出嚟時跌哂喺枱。木瓜沙律只是微辣，好適合唔食得太辣嘅朋友。甜酸度唔錯，不過汁太多了食到底嗰幾啖稍為酸左啲。但作為前菜係一個清新可口嘅選擇青咖哩雞$98 配 泰式薄餅$48食咖哩一定要點薄餅，要讚一讚呢度嘅薄餅煎得香脆不膩，點咖哩好好食。份量一共有四塊小圓薄餅，唔係有啲餐廳有時係一開四個青咖哩份量就非常多，入面除左唔少雞肉之外，亦配有泰式矮瓜同蕃茄仔，大量嘅九層塔，上面仲有開左花嘅九層塔做裝飾我都幾鍾意。不過青咖哩嘅香味唔太突出，整體亦偏甜。服務員有介紹想辣啲嘅話可以試紅咖哩。多得服務員提我點左呢啲就唔好再叫多個菠蘿炒飯，飲埋個椰青食埋啲香甜椰肉我地兩個已經飽晒。見到隔離枱

餐廳環境好chill有個大螢幕播住歌我地叫左生菜包 咖哩軟殼蟹同薄餅咖哩軟殼蟹椰汁味好重 小小甜但軟殼蟹足料👍🏻用埋薄餅點d汁黎食仲perfect生菜包ok 正正常常😂不過整體份量較小2個人叫3樣野都食左300幾蚊貴仲要唔係好飽😂😂😂

住新界區的矇仔，經常搵美食都要出九龍港島，想唔到竟然比我發現左一間味道同環境的泰國餐廳！事源原約左朋友係元朗吃野，泊低車係趙聿修後面準備行去朗景臺附近的餐廳搵下野食，一泊低車行出步行街已經見到一間好好feel的東南亞裝修的餐廳，友人第一時間話環境好舒服，叫我過去睇下有咩吃，問落原來係泰國餐廳，門口的員工好熱情介紹佢地的主打菜，聽落都唔錯，一於坐低食食佢🤤🤤聽完店員介紹 點左今日的主打生蝦，同埋好受歡迎的泰式炸蠔 ，加埋炒金邊粉同炒通菜 ！朋友點左椰青我就點左菠蘿特飲！叫完菜一陣上開始小食 係一碟有機蔬果類的沙律，好清新，咬落好爽脆，第一碟主食上的是生蝦，睇上去好紮實大隻，咬落肉感好紮實，本身的鮮味來加埋醬汁，有種微辣中帶鮮甜的感覺，好正！第二道菜係泰式炸蠔，本身以為好似日式炸蠔一樣，但係完全出乎預料，手指般長的蠔 用麵粉炸好呈上來 店員特意介紹 係生蠔的中間穿一個小孔 淋上醬汁，包住生菜一齊吃，鬆脆得來又有生蠔的口感，回味無窮 第三道菜係炒金邊粉 造型好特別 用蛋皮包住金邊粉 吃之前將配料攪拌一齊，加曬分🤤👍最後係馬拉盞通菜，相當好味👏我和朋友都抱著滿足的肚子離開，十分開心 ，環境氣

今晚和同行一位朋友來到元朗食薄荷葉泰國菜，店舖位於元朗劇院斜對面，地點不算難找，餐廳分了兩部份，門外有數張露天座位，室內亦有不少座位。店內燈光比較暗，播放著英文歌，氣氛很舒服。店員帶我們入座後，看了看Menu，菜式選擇豐富，時令海鮮、蔬菜、小食、湯、飲料等等，種類繁複。最後，我們選擇了咖喱軟殻蟹、一份薄餅、一份泰式燒豬頸肉和一杯士多啤梨特飲。咖喱軟殻蟹配薄餅實在一流，分量足夠二至三人食用，咖喱不算辣，是重椰香味的咖喱。泰式燒豬頸肉十分香口，外表燒得有點脆，但肉質軟熟，上盤時亦跟了一小份泰式沙律，而豬頸肉的醬汁亦非常惹味，酸酸甜甜的味道，十分開胃。朋友很喜歡士多啤梨特飲，士多啤梨味香濃，而且飲落口時會吃到很多一小粒粒，口感豐富。總括而言，以這樣的食物質素來說，價錢合理，大家都很滿意這次的晚餐。

朋友仔搬咗入元朗幾個月，適逢呢個月係佢生日🎂 大條道理走入去打搞吓佢兩公婆之餘，又可以順路去搵好嘢食😋 因為大家都唔熟元朗，只好聽 「OpenRice Hong Kong」嘅推介🧐 雲雲咁多間餐廳之中，見「Mint Thai House」有399個😋，斷估都唔會太差掛... 一於搏吓啦！點知行到去「Mint Thai House」門口，似乎唔多對路... 點解間泰國餐廳成間bar咁嘅？不過一場去到，又無理由走嘅，唯有跟住服務員帶路，走到去後巷... 點知原來係另一片天空🎇小小嘅房間分成兩張長枱，裝修都幾別緻🌠 而且老闆喺餐牌上嘅設計似乎都落咗一番功夫，起碼吸引我會拎嚟影相先，而唔係睇吓有咩好食😁 有朋友提議今晚不如叫鴨😍 小秘書聽到🐤梗係贊成啦👍🏻 話哂無試過食泰菜有鴨食㗎嘛🤣🤣 呢隻「蘇梅鴨」果然無令大家失望，肉質鮮嫩之餘，亦無鴨果陣騷味👍🏻 而其他菜式咖哩雞、併盆裡面嘅蝦餅、串燒、冬陰公... 亦做得相當出色🍻 而且平均每人消費都係二百蚊鬆啲... 所以我決定以後要多啲入嚟打搞壽星女，發掘多啲平靚正嘅好嘢食至得🍽

好快到咗晚餐時間🌙，諗咗好耐🤔唔知食啲乜，於是上open rice睇下有啲乜嘢好食😋發現有間薄荷葉泰國餐廳，評價都幾好，於是決定去試吓🚶‍♀️位於元朗安康大廈「薄荷葉🌱泰國餐廳」環境好似尖沙咀海旁一些酒吧🍺格局，環境給人感覺輕鬆💃餐牌內有散叫及套餐選擇，價錢合理先來一碟青瓜🥒蘿白🥕，味道酸辣🌶的小食蝦醬炒通菜，蝦醬🦐味濃，份量適中，帶有少許辣味🌶呢碟係咖喱蝦🦐，咖喱汁香濃配料又多（包括：有青椒、紅椒、黃椒，仲有中國芹菜，所以非常香😋這碟咖喱香味濃郁，配上薄餅一齊吃，味道簡直一流，又不會浪費香濃嘅醬汁👨‍🍳👍總結：在環境和服務方面，這間餐廳都做得很好，店員細心嘅招呼，令我們十分滿意👏👏👏👍

今日落好大雨所以冇去街市買餸，就帶咗媽咪同埋兩隻小魔怪走去附近餐廳食飯，媽咪想去食泰菜所以決定去薄荷葉泰國食飯。門外有露天坐位，坐低傾計飲杯野一流。入到餐廳內有張吧枱，裝修好靚好似酒吧，氣氛一流👍餐牌望落去好似一本英文雜誌，食物相片樣樣都好吸引簡單的一杯可樂，都有少少裝飾，有心思！海鮮羅宋湯，店員好細心幫我地裝落碗，呢樣係我地係泰國餐廳好少有的服務。海鮮酸辣湯味道酸酸甜甜，小小微辣好惹味，海洋配料樣樣新鮮豐富。廚師特色蝦醬炒飯炒飯不是間間泰國蒲頭都有，好有特色，服務員教我地把旁邊的配料混合，好似炒飯方法撈起，配料有酸芒果，青瓜絲，豬肉片，脆魚。撈起之後，食落口感豐富，鹹鹹香香味道，有得玩，有得食

難得早收工就同媽咪去食好野，做下孝順女。母親大人一向都中意食泰國菜，所以今次就同佢試試依間。一坐底就先送左碟涼拌小食比我地，職員話係有機青瓜同甘荀，酸酸辣辣咁都幾開胃👍🏻食泰國嘢又點可以唔飲椰青呢？平時最怕就係椰青好老，又唔甜又冇椰肉食。今次好好彩，好清甜不但只仲要椰肉好嫩身👍🏻大推呀！冬蔭公湯都幾濃味，食開淡味野嘅人可能未必接受到，但都真係好足料嘅，都有成五、六碗。青咖哩牛牛肉都好滑身，如果茄子再入味啲既會再好啲炒金邊粉依個金邊粉都真係好好依食，夠晒火候👍🏻加埋辣粉食，特別惹味，可以試試,但一定要襯熱食，一凍左就冇咁好食啦。總括黎講都唔錯，而且環境唔錯可以靜靜地咁傾下計，都係元朗嘅一個好地方👍🏻

這天和朋友到元朗晚餐突然很想食泰國菜，周圍行下，就來到這間薄荷葉餐廳。依度燈光昏暗很有情調的樣子，時間尚早還有很多位置，我們便進去了。當天非常炎熱，我哋都很口渴，所以叫了兩個椰青，椰青大大個的好清甜，入面還有很多果肉。之後我叫了一個炒飯，一份豬牛羊串燒和生菜包。食物來到份量算偏大，所以三樣食物對我們來說已經夠食。生菜包的料很充足，辣辣的很開胃。那個炒飯非常特別，店員叫我們要將所有配菜撈埋先會更加好食，最特別係有魔鬼魚嘅碎撈埋飯一齊食，非常鹹香！非常特別好好味。串燒的牛比較滑，點了沙嗲汁更加好吃。炒飯一致好評，一定要試！生菜包如少一點莞茜會更好。 店員服務周到，鋪內燈光有情調，適合談天！ 下次會再來。

元朗依間泰國菜，有少少似酒吧，但食物質素又非常好，而且佢地強調係有基嫁，睇番少少背景先知餐廳自己以自家農田種植蔬菜，新鮮食材，好有heart。一坐底店員們會同你推介飲品同食物，我地2個人點左3款食物，最後都有少少食剩。首先食泰國菜緊係要飲椰青（$40），十分清甜。然後店員們就會大力向你推介泰式有機炒茄子（$78），緊係要試下喇，聽到有機兩隻字，即刻加哂分，好香泰式香料嘅味道，茄子亦十分鮮甜美味。然後再叫左2隻炸蠔（$96），店員會叫你先係蠔中間界開一下，然後再放佢地特製嘅酸甜汁，再包上生菜禁食，唔會太油，但又好香口，配上醬汁，好特別。最後叫多雞肉黃咖哩($98)配薄餅（$48），雞肉好滑，咖哩唔辣，帶有少少椰香味道，送飯一流，不過我地有少少飽，就送薄餅啦。最後埋單加埋一$407，十分有心機同質素嘅泰國菜。

放假又唔想走咁遠 朋友又想話去食泰國野咁就上openrice 搵到依間餐廳啦~依到位置好方便, 元朗廣場行過少少就係啦😆黎到餐廳門口, 哇感覺勁chill😍入到裡面, 裝修都幾特色~仲有大大個水吧添~ 唔知夜啲係咪都變bar呢😆黎到七點幾到, 餐廳人數唔少 但都唔洗等位 因為佢地仲有樓上咖👍一坐低就有小食比我地食住先~ 正今次嗌左一個SET 同一個麵就係依個啦~ 一個魔鬼魚加兩杯生啤😍不過兩杯生啤就係指定左 無得轉既魔鬼魚好大塊~ 其實兩個人一人一半食完已經飽左大半🤣同埋今次係我第一次食魔鬼魚, 感覺幾得意, 肉地幾有質感幾有咬口之餘係完全唔腥的👍勁讚跟埋魔鬼魚上既依兩個汁勁好食~我就最鐘意紅色個隻, 辣辣地咁😍仲有跟餐既兩杯生啤~見住係個TAP到出黎好夠凍👍爽之後仲有泰式炒金粉勁靚勁精緻呀👍啲蝦食得出係新鮮既另外係碟四邊角落頭都會有唔同既配料分別係砂糖, 辣椒炒, 芽菜蔥同花生粒咁撈既時候 要就撈埋一齊, 唔要就攞開佢依個設計都幾好👍👍撈好先有得食🤤總括黎講 依間餐廳價錢適中之餘仲有得啤啤佢下次想CHILL 下RELAX下都一定會簡番依到😍

經過圖書館都會見到呢間嘢， 但係又冇乜意欲入去事喎， 今晚諗唔到食乜嘢，個friend突然提議話食呢家~ 咁就去試下啦😄泰國feel~Mint 薄荷葉🍃清新嘅感覺一坐低侍應即刻俾盤前菜你~酸酸甜甜醒下你個位胃先😎齋睇個賣相已經覺得吸引😘 蝦真係好新鮮、 柚子真係好甜~好味道😋百幾蚊有四塊👍 仲要下面有好多沙律~中間放嗰啲係小茴香🌿就咁食都好好食🤣其實我都係第一次就咁食~原來真係好香😁加埋呢個青汁真係錦上添花~ 好好味~聽店員講係自己整~出面食唔到~個咖哩汁好好味雖然食唔出斑蘭味但係好惹味~ 店員介紹配埋個薄餅食薄餅都放得咁有心思👍呢度仲有部大電視 如果睇波嗰陣時呢真係一流

係元朗文化康樂大樓斜對面( 元朗公共圖書館), 有間頗有特色嘅泰國餐廳 ~ 薄荷葉泰國菜。天氣清涼時，坐係室外飲飲酒，吹吹風，都幾悠閒寫意。餐廳開揚, 好有酒吧 feel. 座位舒適，環境優雅, 最適合三五知己閒談。未點餐，服務員先送上涼拌青瓜小食。青瓜有少少辣，食後令人胃口大開，增加食慾。蒜茸炒雜菜 ~ 橙色、綠色、白色嘅雜菜，顏色鮮豔, 已經夠吸睛, 加上夠獲氣，更加帶出蒜茸香味，蔬菜新鮮爽甜，好好味。雜錦小食(细) ~  即炸即上檯，熱辣辣，香脆美味。份量夠大，點少少沙爹醬，加埋泰式蝦片，更加惹味。豬頸肉炒麵 ~ 麵條分明幹身。豬頸肉好爽，最令人驚喜的就係有一層網狀蛋皮包住，即時增加食慾。石榴汁~ 味道清淡，有石榴香味，冰凍清涼, 最啱炎炎夏日消暑解渴。呢間餐廳原來係元朗都幾出名，下次會約埋一大班朋友，可以試更多菜式。服務員態度親切友善，仲介紹炒茄子給我們, 係老闆自家有機種植, 本想一試，可惜朋友吾食茄子，唯有等下次啦。