薄荷葉泰國菜

營業中

休息中

我好鍾意餐廳既環境同氣氛，有D似bar，有個大screen播mv，間餐廳d音樂都幾好聽，夜晚黎既話幾浪漫，適合一邊飲野一邊傾計，可以慢慢坐。我同朋友兩個人黎，每人嗌左杯野飲：士多啤梨特飲，賣相好靚，好鍾意個顏色，朋友話飲到最後淡左d，建議叫少冰。石榴特飲，賣相都好吸引，幾大杯，味道特別。我地嗌左三樣野食，夠晒飽！馬拉盞炒通菜，都幾大碟，好鍾意d馬拉盞，好入味，ｄ通菜都幾嫩，唔會un，我食到停唔到口。紙米卷，一碟有八舊，裡面係煙三文魚，都幾特別，點下ｄ醋好開胃。蝦醬炒飯，呢個係呢餐既重頭菜，除左個賣相超岩打卡外，仲大碟夾好食。有一塊塊既魔鬼魚片，要我地用手撕開放落飯度食，餐廳會比埋濕紙巾抹手。仲有d葉，（唔記得左叫咩名， 好似係茴香）， meet 開d葉加落個飯落，會有一 種好fresh既味，不過個味幾特別，受到先好落，我個人黎講就幾鍾意。整體黎講好滿意，因為真係好味道同埋環境好，令我過左個好relaxed既晚上。