蒲頭島 (已結業)

蒲頭島是同事推介說超抵食，聖誕期間放題3小時都只是$128一位，買6送一，超適合一班同事／同學聚會。今天我們一班人來到莊士倫敦廣場，等電梯程度和荃灣大鴻輝有得fight，不想做遲到王最後預早少少上來（和記得訂坐，全場爆滿連企也沒位啊啊啊啊～）說明是fusion hot pot湯底有10多款，當中有些光看名字就知道是給勇者去試（笑）我們認無膽匪類，所以點了穩陣派人蔘白玉鍋，白玉是雞肉的意思，先喝一口湯，還可以的，但$128我自己也不會期待有甚麼人蔘就是了。點餐紙有3張，大概五十款食物是要用餐紙來點，例如各款肉類，手打丸，海鮮。有漏單，也有上桌和落單數量不符之類的情況。同行的同事有些是挺燥底，一班人聚會最重要開心，不要為吃動氣...（苦笑）我自己就不會太放在心上，反正任食，吃過好吃再點不就OK嘛。如果打邊爐大家非常重視牛肉，那麼蒲頭島就不能說十分優秀。還是那一句，$128三小時你還想要怎麼樣的質素呢？這次就少吃一點牛，吃吃别的食物也不錯。好西推介有這個蝦膠釀冬菇，挺是彈牙爽口！自助食物有超大量，refill很快，連餐紙上的食物，起碼80多款！主要是蔬菜類、丸、麵／烏冬／紅薯粉等等，我覺得有

天氣終於開始轉凍，而且係氣溫急降，緊係同男朋友打邊爐啦！今晚蒲頭鍋全場爆滿，等左大約半個鐘先至有位坐。環境裝修得好靚，以綠色為主調，員工年輕有活力，係非常新派嘅火鍋店。店內提供Wi-Fi ，仲有免費電話充電，非常貼心！我哋揀咗A餐$178 (7:30-10:30pm)，湯底要「蒲頭鍋」+$38，入面有原隻章魚、紫菜、蝦米、青口、墨魚仔，味道偏鹹，有點似阿媽煲的中式老火湯 ，非常特別！蒲頭島牛拼盤是日海鮮智利青口南翔小籠包煙霧drink，味道似波子汽水，好睇又好飲！雪糕牛奶味好重，非常好食！

六點前黎到已經人頭湧湧，因為早鳥時段食真係好抵呀，聖誕期間雖然加左價，A餐都係$128，紅日個幾日特別日子就再貴多少少，但圍起上黎都仲係抵食嘅，是晚就一家人黎試試佢。湯底叫左人蔘白肉鍋，唔記得左影相已經掉哂啲火鍋料落去，湯底幾清淡，少少人蔘味，幾好味的，仲有好多其他特別湯底揀。聖誕特別有西班牙海鮮炒飯，火腿火雞等，賣相幾好㗎，味道都唔錯。飲品自己去雪櫃拎，一般汽水，韓式飲品都有，仲有蔗水，果汁等。入座送的香賓，微量酒精，加了燈泡同煙霧效果，外觀非常吸引。牛併盤，唔講得話好靚，但呢個價錢收貨了。蔬菜併盤，新鮮爽脆，一次有多款菜葉。手打丸幾彈牙。其他火鍋料，鬼馬油條好正，不停encore。自助火鍋料都好多選擇，竟然有秋葵，又係要大量encore！肥牛都幾正呀～食飽就梗係要食埋甜品啦，軟雪糕香滑不過甜，正。蛋糕正勁好味，起碼食左二十粒，真係飽到上心口。唔錯唔錯，唔怪得咁多人等位，有下次！

莊士倫敦廣場嘅火鍋係夜食晚餐或者宵夜嘅抵食之選，今晚同個同事OT收工, 嚟擦餐火鍋放題，就係貪佢平價任砌。呢間都有幾多新意湯底，有辣嘅，重口味，滋補既，最後都仲有經典款式，都算幾多款。而我哋就揀咗自家制香辣鍋，相當足料。佢哋嘅所有蔬菜類都放晒係雪櫃入面，一碗一份，自己食幾多就拎幾多，非常企理。好快火鍋料上枱，眼見所有都幾新鮮，方形碟一份一份搭高感覺整齊，就算細枱都可以擺放好多款。當中推介一口肥牛粒，就算煮耐咗，一啲都唔會韌，加上肉汁香濃，係當晚番點得最多次嘅一款。跟住手打墨魚丸，一嚟就比佢外表亮晶晶吸引住，內有墨魚碎，而且打得不錯，食落爽彈。再落嚟嘅係鮮蝦雲吞，肉香蝦爽都幾新鮮，一口一粒都係點極都唔夠。肥牛以任砌嚟講都有唔錯質素，起碼唔會碎散散，又係狂點之選。跟住再叫一tower生啤暢飲，抵飲又抵食。以一體價宵夜時段來計，跟本無得彈，坐落又近地鐵站，而且場大，裝修又唔錯，幾枱大枱一亦唔覺得迫。

約了一班舊同事聚會，我找到這間店試試，價錢幾實惠，交通又方便。同事俾我決定一切，我一個月前訂位了，費事星期五無位。最好就係可以食2.5小時，足夠了！我第一次黎呢間食野，在樓下等電梯已等了十分鐘，但上到去仍然早過訂位時間。不過其實可以入座的，但既然朋友都未到，費事一入座就計時，而佢又俾我等齊人先入，於是便在門口坐下先。原來這裡可以免費上WiFi 的，甘就試下啦。入座後一坐下，侍應就放下welcome drinks，係有2%酒精的cocktail，不過我覺得好似果汁甘，無乜酒味。架機要連電掣的，都幾阻住。之後，我地選了A餐，即包最少extra野食的。$178加$10醬汁，除了打邊邊的食物外，也有西班牙海鮮飯和煙火腿等。極推薦食海鮮飯，在未打邊邊的食物熟前，真是極肚餓，好好食，有同事食左兩碗。講到選食物方面，其實肉類就要填紙的。個侍應好强調甘話，你一定要自己寫清楚係邊張枱架！俾佢話左兩次！我地都叫左牛肉粒，雞肉，丸，魚皮餃，老油條，羊肉片等。總之你想食幾多都得。蔬菜可直接在雪櫃裏拎，已經係一盒盒的了，都有好多選擇。飲品方面，主要係凍飲。熱的似乎只有竹蔗矛根。甜品有軟雪糕，好味過麥記。我地當天

跟一大班朋友相約於佐敦食飯，朋友A建議人多加上凍冰冰，不如去打邊爐。所以一大班人去了莊士敦廣場的蒲頭島。七點到達等了十分鐘就可以入座，還有開提景觀。餐廳是任飲任食，醬汁加埋加一每位價錢是$196。餐廳飲品款式比較多，除了韓式果汁、無糖茶外，還有汽水機、羅漢果茶及沙冰等。坐下不久還會送上welcome drink，其實有點似mocktail，味道比較甜。除此之外，還有自助雪糕機，不過只有雲尼拿味及一些配料如朱古加脆等。自助醬料款式多，基本的葱蒜豉油外，還有沙爹醬、辣椒醬等等。外面還有一個大自助食物櫃，主要放置蔬菜、雜菌、丸類及腸仔等。湯底要了沙爹湯，初時沙爹味香濃，裏面有豆卜、芽菜及薯粉等配料，滾得非常入味，但後期加了清湯後，沙爹味淡了，而且越滾越咸。打邊爐食物款式都幾多。必備牛肉，有牛肉三拼，分別是肥牛、牛肉粒及牛舌，其中肥牛比較吸引，肉質很腍，一碌即食。牛栢葉爽脆夠腍。蝦丸真係有蝦肉在裏面，爽口彈牙。墨魚滑及蝦滑比較腍彈，不是溝粉的。海鮮中，蝦及蜆肉比較鮮甜。整體食物質素不錯，上菜都幾快，幾乎無漏單，絕對抵食。

餐廳位於佐敦莊士敦廣場，鄰近佐敦站，地理位置非常方便。自助汽水機及雪糕機，客人可以自行任飲任食。其他飲品包括羅漢果茶，紙包飲品等。湯底是惹味沙爹鍋，沙爹鍋味道不會太咸，但加了湯後沙爹味越來越淡，裏面有點豆卜、芽菜及薯粉等。先來的welcome drinks，紫色是提子味，青色是蘋果味，個人覺得提子味比較好飲。所有食物都是任點任食，蔬菜類及一些平價丸類就在雪櫃內自取，其他如肥牛及蝦滑等比較貴價一點的材料則要每次入單。自助醬料款式頗多，試了多款的火鍋料，以下幾款是必食推介。肥牛肥瘦均勻，味道尚算濃郁，而且非常腍，不會太油膩。雲吞內的豬肉及蝦內戈比例均勻，蝦肉爽口彈牙，是必食之一。墨魚滑及蝦滑更是必食之選，兩者新鮮彈牙，有本身的海鮮味道，真材實料。是日海鮮是蜆及蝦，雖然兩者都不算大隻，但新鮮鮮甜，蝦肉爽口彈牙，蜆肉無沙鮮甜，是海鮮類的首選。蔬菜類新鮮而且很嫩，尤其是菜芯全部都是去除了菜頭，只剩菜苗，非常嫩脆。其他的打邊爈基本材料俱備，雖然是任飲任食，但質素中上，比一般的火鍋店高質，而且價錢便宜，百多元一位，絕對超值。

一上到去勁多人等位， 以為有好西食，點知中伏，原來係d 人由6點半等到9點半都未入得所以好多人迫曬係度。我地個轉本來9點半，但要等到差不多10點15分先可以入得去。講下餐廳環境，望落好似好乾淨，（因為燈光陰暗）但暗藏好多邋遢，先講走入去地板係 立次次黐住鞋底，走入洗手間，係無一格有水沖，地板都係黐鞋底。食物本來好期待，湯底講到咁fusion。點知個湯底係無味道。食物點紙就係中學會考， 格仔填顏色，而且唔可以填出界，否則要再填過或者阿姐係你面前慢慢幫你填過，再訓話一下，大佬，食餐飯姐，洗唔洗咁嚴格。會考試卷 填完答案， 並不是話你填好份卷就有好西食。經常有漏單情況 ，點咗好多都冇嚟到。尤其是係回本位嘅食物。諗住成功靠苦幹， 靠自己出去攞嘢食啦 。點知出面自己攞嘢食嗰個位冇乜選擇 ，都係菜呀，腸仔呀，個d 。只係好過無野食。醬料部分， 有啲畀人拿曬都冇refill。P.S. 杯Welcome drink 好很難飲，飲到你反胃食唔到野。

好恐怖 其實打邊爐好難可以咁難食 d豉油最恐怖既然係完全係淡 無味 d自助醬料bar無人refill.我地叫左香辣鍋 完全淡如水 有得自助加湯 但都係水黎 我只可以話d丸ok 肥牛ok 湯底豉油完全唔掂

最近天氣轉涼打邊邊癮就起，一於呢呢間新開既火鍋放題店試下！估唔到餐廳環境咁寬敞舒適，同一邊既火鍋店唔同，好時尙既感覺，原來打邊邊都可以咁舒服！叫左yin yang 鍋，尤其鍾意冬瓜蟹蓉鍋，有粒粒薏米夠哂下火！出面自取既野食以蔬菜、豆類、餃子同丸為主！選擇都唔少，而且食得出好新鮮！鳳城餃子系我既最愛，大大粒，裏面超足料爽脆，正！寫紙點既主要系肉類，叫左個牛肉拼盤有齊牛肉粒、牛𦟌花、肥牛同牛脷！最鍾意牛肉粒，夠juicy!呢度仲有我鍾意既無糖茶添！雪糕絕對唔可以錯過，奶味濃到不得了。呢度環境舒適，絕對啱呢個冬天同班朋友嚟打下邊邊吹下水！

今晚嚟呢間近排好hit既火鍋放題店大刷一餐！入左之後送上welcome drinks, 飲落偏甜，但玩味十足。㨂左 鴦鍋，分明要左冬瓜蟹肉鍋同蒲頭鍋，冬瓜蟹肉鍋清甜，有唔少小瑤柱，幾正！蒲頭鍋有大塊魷魚乾提升鮮味，比較惹味。呢度既野食可以出面自取亦可以畫紙order。出面既食物有餃子、丸類、豆腐同蔬菜等。鳳城水餃足料又爽脆，好正！拎左一粒好似魚蛋既丸，食落先知系芝麻湯圓，煙韌甜甜既湯圓配咸湯底，又幾夾喎。畫紙既野食以肉類為主，有手打丸、肥牛、羊，駝鳥肉等。手打蝦丸好彈牙，細細粒，食多多都唔飽。牛肉粒鬆軟有肉味，牛展煙韌脆口，都唔錯。脆肉鯇超脆而且冇腥味！呢度既飲品選擇唔太多，但有我鍾意既烏龍茶！第一次飲紙包烏龍茶，正好中和火鍋既熱！呢度最唔可以錯過既絕對系雪糕！入口意外地好濃好濃既牛奶香，唔太甜，仲好喎，再飽都食左幾杯！聽聞遲啲會有更多甜品，相信質素會唔錯呢！

佐敦莊士倫敦廣場有很多火鍋站，而近幾個月開了一間裝潢較新派，價錢相宜的任食火鍋店-蒲頭島 蒲頭島裝修有別一般的火鍋店，內裏大量注入草綠擺設，予入清新之感，擺脫一般火鍋店那濃濃白煙，死板的中式餐廳裝潢。 最平時段: $98一位 火鍋有多款湯底可選，有些需要另外加錢。我選了西班牙海鮮鍋，湯底顏色橙澄澄，眼看感覺不錯，可惜試後感覺有點淡，加上其後加的不是湯而是水，因此令人有少兒失望。 岀面有自助食物櫃，醬料區，飲品區，選擇不少，但最可惜是沒有我愛的響聆呢。 自助食物櫃是放入密封的雪櫃裏，而非放著平是買$3壽司那開放式雪櫃，因此感覺更衛生。 再來食物， 第一round 店員會給我們送上牛肉拼盤，手打丸類及海鮮。 蒲頭島牛拼盤感覺十分吸引，有牛柳粒，肥牛片，用牛肉捲成的玫瑰花及牛舌等。 牛舌薄薄的一片，夾起放入鍋內稍勺，入口還有些脆，牛脂濃濃，令人心動。 手打丸質素也很不錯，入口爽彈，不像吃粉頭。 另外比較特別的是鬼馬油炸鬼，油炸鬼上釀上蝦膠，煮熟後吃下，有蝦膠的爽彈，油炸鬼如海綿般吸盡湯汁，到來絕對要試試。整體質素不錯，勝在價錢相宜，適合不想花太多錢吃飯，又想有吃任食火鍋的時候吃。蒲頭

今日和朋友往佐敦蒲頭島食火鍋, 一去到就有十分特色的Welcome drink, 杯飲品有green lemon 味, 好好飲, 而湯底方面亦十分多選擇, 我們選了沙嗲湯底, 沙爹湯底食落好惹味, 辣度適中豆腐卜好美味, 洋蔥好爽口；可能餐廳新開關係, 當日讚好送即炸響鈐和撲克, 響鈐熱辣辣好香脆, 食落不油膩；這裡有自助醬料吧, 醬料吧自助形式, 好乾淨衛生；食材方面, 有分落單和自助形式兩種, 兩者食材都十分新鮮,自助形式的食材多是一般火鍋必備之選,而落單形式的食材都是海鮮,肉類等其他特色食材,而特色食材方面，一定要推介牛肉拼盆及手打丸類,牛肉拼盆賣相一流,而食落肉質鮮嫩可口, 牛肉拼盆有牛肉, 牛利、肥牛粒和肥牛, 入口即熔；肉質鮮甜味美加埋那些手打丸類,粒粒貨真價實,分別用新鮮蝦肉,魚肉、牛肉和豬肉製造, 食落爽口彈牙；鬼馬蝦膠油條炸得香脆, 蝦膠入口即熔, 惹味；而當日自助海鮮是鮮蝦和蜆, 鮮蝦新鮮, 蜆好新鮮鮮甜；帆立貝食落鮮甜口感十足；而自助火鍋有過百款食物選擇, 火鍋料放在雪櫃內, 乾淨衛生之餘而且每一份細細碟, 不會浪費食物,個人推介小籠包,午餐肉、蜂蜜豆腐、香腸、蟹

新派火鍋店，蒲頭島放題價錢好鬼抵食，優惠時段都係100蚊起一位！我同朋友當日食嘅時間，正好大廈大停電，不過，好彩都食到好野，同大家分享下！呢到有好多唔同嘅湯底好，比較有特式就要數下：綠茶青木瓜鍋、西班牙海鮮鍋等。我同朋友就試左個 鴛鴦火鍋，一邊辛辣，一邊西班牙海鮮鍋。 不過，火鍋就唔係好辣，反而西班牙海鮮就好多青口、蜆肉、蕃茄！場內設有自助醬料，有十幾款配料任撈，包括意式紅酒醋、野菌松露醬、蜆肉芥茉醬等等，推介野菌松露醬，好香嘅野菌味，配上牛肉就好好食！食物方面，我會推介1. 蒲頭島牛拼盤 (牛嘅不同部位都有齊，而家都好鮮味，又切得薄) 2. 脆鯇魚片扎 (好爽脆)3. 雜菜( 新鮮又好食) 4. 駝鳥肉(睇落似豬肉，食落有啲似牛肉，幾特別) 至於飲品方面，可選擇嘅盒裝及罐裝飲品都幾多下，部分酒精飲品就要加錢啦！另外，每枱每位都有杯嘅管子welcome drink, 甜甜地嘅果汁，無酒精，小朋友應該好鍾意！

冬天一提起火鍋，大家一定自動蒲頭滾一滾，我和朋友都不例外，今次我們選擇佐敦的蒲頭島吃火鍋，朋友喜歡這裡大部份火鍋配料自取方式，而且份量都設定好，可以每樣都能一試。我們一下單後，店員立即奉上煙霧飲品給我們。這裡火鍋湯底各式各樣，集多國風味，所以說吃火鍋不一定是中式的，亦可以多國共融。我們為了嚐更多口味，選了鴛鴦鍋人蔘白玉鍋與西班牙海鮮鍋。兩者風味都很溫順，人蔘白玉鍋要慢慢的熬煮，把人蔘的甘醇融入湯裡，至於西班牙海鮮鍋則有著蕃茄的酸甜感，讓人十分開胃。醬料方面同樣花多眼亂，中，日，西，南亞口味都有，多種款式我都沒在火鍋店看過，如瑪莉安醬，意大利香草醬，野菌松露醬，意式紅酒醋，蜆肉芥末醬等。如果怕吃火鍋會肚餓的話，這裡有大量粉麵供應，烏冬，粉絲，拉麵，米線任君選擇，包保大吃之人可以吃得飽飽的。這裡的雲吞應該是自己包製的? 雲吞皮薄餡滑，豬肉肉質扎實有嚼勁，搭配鮮美的蝦隻，一口咬下超滿足。鬼馬油炸鬼絕對是香港火鍋配料的代表，炸得酥脆的油炸鬼釀上爽彈的蝦膠，脆彈交織，妙得好吃。我發現有小籠包，拿了一盤試試，但不是我的口味，感覺怪怪的，小籠包皮偏厚，可能因為涮鍋關係不可太薄，沒有肉汁，吃火鍋還是餃