萬豚屋

營業中

休息中

懶左一排, 而家都係寫番食評先...呢間野真係巴閉, 要排隊, 冇派飛system... 呢個係美中不足o既地方唔緊要, 想試下有幾巴閉真係唔講得笑, 真係幾好食...石鍋豚肉烏冬: 烏冬唔會太淋, armarm好. 個main point 係D豚肉好淋好好食... 不過得果四舊...石鍋牛肉烏冬: 牛肉唔會因為個石鍋太熱而過左火, ok o架...一口牛: 真係一次夠哂數... $48六舊真係唔化算... 不過預左食風... 而且我真係唔覺得同超市D牛有乜分別... 所以冇下次...炸軟殼蟹: OK, 不過冇乜驚喜, 可能凍左少少...炸生蠔: 我本身唔食蠔, 不過都接受到, 我女朋友好鍾意食Overall, 不過不失, 真係為左個石鍋烏冬同埋豬...(我估佢個炸豬扒都唔錯) 可以考慮下次再黎o既~

一向好怕等位，等到而又值得既真係好少見，等完慎笨既就唔少，呢度，值得等，但只限15分鐘。同朋友倆一同慕名而來，心想要等一個鐘位既傳聞非實，眼見是日既非假日，亦不是假日前夕，只係一個平常既星期四雨夜，於是大安旨意的無預約就到餐廳…換來親身證實等一個鐘位既傳聞非虛！入坐後，因餓瘋關係，一切眼見的都想點下，尤其自助點單，更令人三心兩意、舉棋不定。最後決定點招牌厚切豚肉烏冬鍋及小食數款，希望可試到餐廳不同的食物。厚切豚肉烏冬鍋：用石鍋上可一直保持熱力，亦令烏冬加快入味。讚！烏冬夠煙"un"彈牙，唔錯！ 但主角豚肉較遜色，無豚肉香味，今人失望。 炸蠔：蠔既質素佳！脆漿厚薄適中，係即叫即炸！ 炸玉子豆腐：炸漿同豆腐分離，汁料配搭亦格格不入，本身玉子豆腐已無豆香，點呢個係我地既錯！ 煎餃子：不是自家製，餡料有肉臭味。總括而言：餐廳名為萬豚屋，給予人對豚肉質素既要求同期望，但事實與期望不符，雖未到失望，但不免令人有名過其實之感。店內坐位、陳設、服務及食物質素又未能帶驚喜比人，仲要等一個鐘位…下次光顧之期…未有決定。

每次去到都要排隊,所以次次都走左冇試過.但今次決定左一定要排,結果由7:30pm等到8:15入座,入座時講明9:15要交台一入到去,台之間好阻,但可以接受,待應的服務很好,一個比餐牌,一個即時派水,有效率落單時,原本叫一個胡椒蜆湯,但待應回應冇,並即時派餐牌比我地.食物::石燒牛肉手打烏冬 烏冬較熱,肥牛沒有特別,湯底好油,但幾好味黑芝麻厚豬扒烏冬 豬肉好淋,仲好大塊(不喜歡肥高勿叫),湯底麻麻餃子 麻麻地,一上台已經唔熱,而且皮較淋總結:食物尚可,可以一試

路經赫德道，特意重臨品嚐萬豚屋的豚肉手打烏冬。時間剛好下午六時，晚市剛營業，路邊已排了長長的人龍。幸好時間還早，最後仍能被安排入座。倘若遲來＋分鐘，已需等位了。和上次一樣，仍選了招牌石燒豚肉手打烏冬。湯底仍舊盪嘴濃郁，但略帶輕微羶味。豚肉稍稍瘦了一點，少了一份甘香，但味道還是不俗。手打烏冬水準依然，口感煙韌有彈性。另外，亦試了一客香葱牛肉卷小食。論牛肉鮮味，都OK嘅，不過包裹着的香葱還未夠香，加上洋葱切得過碎，口感亦變得單調了。

"萬豚屋"之前都去過幾次~今次係本小姐老公生日~而且我哋全家勁鐘意食烏冬~所有都係離唔開"萬豚屋"lee個飯堂~哈哈...今次叫左好多唔同款既烏冬~但我哋既至愛都係"香辣海鮮烏冬""石鍋豚肉辛辣手打烏冬"~和風蟹肉沙律,超抵食,大大兜~平時我同老公兩口子一定食唔晒~今次同埋爹哋媽咪囡囡一定食得到~一定要推介ge係石鍋牛肉烏冬石鍋豚肉烏冬呢兩樣嘢都係每次必點ga~~仲有就係豬手同炒巨菌...正!!!!d服務都好好,不停主動幫我地加茶~~~~

哈哈~人開食評自己又開食評~^^第一個食評大家多多指教~我只係講我自己既感覺，畢竟大家既味覺標準唔同，我既食評都係比大家參考下..^^我同2友人都係係到睇到好多好評先決心一試.我地本來係諗住BOOK 7點既..但係佢既BOOKING FULL晒.所以我同2友人就只好WALK IN 啦~同友人約6點去到~基本上係唔使等既.但係店員就問我地7點交檯有冇問題~(當然話無啦，話有都唔知會點=.=)之後入左就點野食.友人拿起杯茶就話好好味..哈哈~ 都唔知係咪真既..我覺得普通，大家都不妨試下係咪真係咁好味~點左石鍋牛肉烏冬,石鍋豚肉烏冬，重有個咩黑拍拍豚肉烏冬.我同友人3人分別試下其他個2款~而次序係咁石鍋牛肉烏冬>石鍋豚肉烏冬>黑拍拍豚肉烏冬(由好味到無咁好味)雖然豚肉真係好厚同埋好軟..咬落去真係無得頂，但係我覺得佢就好似我媽煲豬骨湯煲到好淋D肉味。我唔係指佢唔好食,只係牛肉真係正多少少~而個咩黑拍拍就相對無咁好食啦~聞落就幾香，有芝麻既味，但係食落就無咩味同埋D湯都唔係太好味。講完主菜講下D小食~叫左個炸南瓜同埋芝士芝麻豬扒。炸南瓜可以話係好好味 佢出面炸到脆一脆，一口咬

六點三左右到７點要交位ＯＫ無問題無黎兩個月左右人事都變哂男侍：反應快，一跌筷子兩秒自動送到女侍：整體來說，之前果Ｄ好好多，有笑容又反應快黑芝麻厚豚肉手打鳥冬：湯底係濃，但個味道唔好，無芝麻香，又無豬骨香，個烏冬就我同男朋友都覺得變左，ＴＨＩＮ左，又無之前咁煙ＵＮ豬手手打烏冬：個豬手好大好足個ＵＤＯＮ太叫人失望了如果第一次食可能會ＯＫ但真係感覺差了下次我再想食ＵＤＯＮ會食旺角那間

因平日晚上萬豚屋經常要排隊，所以趁昨天放假，特地12:00PM去食LUNCH，試下這間咁多人讚好的餐廳。去到後發現餐廳內只有1名顧客，侍應要求我們坐指定的枱，並表示要我們1:15PM前交枱，但坐下時發現座位坐正冷氣風口位很凍，故我們要求可否關細一點時，但那個侍應態度好硬地表示不可以，因稍後進餐時便不會覺凍，跟住我們要求可否調枱，因餐廳內只有我們同另1位客人，但他們表示不可以，因其他都留了座，最後要另一位侍應過來擾攘一陣才可以調位，真不明白之前那個侍應甚麼態度？一句唔好意思都沒有。調好位後我們想ORDER他們的鐵人推介，但那個侍應竟然說他們沒有咖喱，沒有飯及沒有雞扒，那為何你們要12:00PM開門做生意? 奇怪? 最後我們只好叫了烏冬。味道尚可，但沒有太大驚喜，可能經過之前不愉快的經歷，印象已不好，所以我絕對不會再去這間餐廳。

前晚，我和友人決定了到萬豚屋吃晚飯。大約八點十分，我們就到達了，它在見城日本料理的斜對面，很易找的。由於沒有訂座的緣故，我們得排隊，但那條人龍也真不是蓋的，等了大約四十分鐘才能進場。一進去，侍應就招我們到卡位坐，還立即端來了兩杯菜。雖然小小的店只有四名店員，但服務態度一點都不差喔，而且很迅速！我不小心把筷子弄掉了在地上，都還未招侍應來給我換，他們就自動自覺的拿了一雙新筷子給我，值得一讚。店面方面，其實面積頗小的，而且冷氣頗大，但尚算坐得舒適。但吃到後期，我越吃越熱，可能是因為石鍋的緣故吧。我們兩個人，點了兩個小食，兩個烏冬，小食的價錢大約在＄３８－５Ｘ，而烏冬的價錢則大約在＄５Ｘ－７０。想到這裏來的朋友可以注意一下喔！而且他們每碟都弄得跟ＭＥＮＵ一樣，很精美的。１）牛油炒巨菌＄３８２）玉子燒＄４２３）石鍋上級牛肉手打烏冬＄５８４）石鍋豚肉辛辣手打烏冬＄６８先說一說１）牛油炒巨菌，起初我真的不太想點這個，但友人卻堅持說「這個真的很好吃的！」那好吧！反正試一下不會死。一嚐之下，不得了，超級好吃！起初我以為這些炒菌一定會炒得很乾身，就是又乾又硬的那種，可是這個咬下去是有汁的，而且那些牛油也全

厚切豬手打烏冬:烏冬真係好彈牙,連我d唔仲意食烏冬既人都覺得好好味相反個豬肉好似煲完湯d豬肉咁,好鞋口,完全唔掂咖啡牛肉飯飯唔好食,唔係珍珠米,牛肉又係好鞋口木魚玉子蛋:一般,唔係咁仲意佢個味整體服務都ok,係成日唔記得加水

覺得烏冬好食過飯, 鰻魚比較咸.晚上7:00可以 book 位, 6:00pm 只可 walk-in.沙津好味, 服務好好, 好細心, 常加水.

開頭以為會好食, 因為要等1個鐘先有位, .....兩個人叫左豚肉烏冬, 手打烏冬和牛肉卷首先豬肉係好普通，肥肉好多，所以先入口即溶，烏冬亦只係可以接受，唯一可取係個濃湯最最恐怖係個牛肉卷，鹹到喊，我地要將舊牛肉卷放落d豚肉烏冬個湯浸完先擺得落口以為哩度食豬肉好出名...只不個係因為畀緊$100所以將要求降低...要食真正好味的，我會比多少少錢去第2間食，完全唔值得排隊等位食....

由於同行對它的思念，結果我又再與它久別重逢>>>普通久吧！事隔三個月咁上下啦！我今次來menu已轉了，user friendly。豚肉、牛肉、豬手烏冬都試過，不嬲喜歡食海鮮，一望個新menu就落搭「香辣海鮮烏冬」。香辣海鮮烏冬—採用miso麵豉湯底，你問我辣嗎？我平日不食麻辣的人應該都推斷到我嗜辣都唔會嗜得很驚人，它主打的辣似乎是以香辣、惹味居多，我handle得即應該很多朋友都handle到。由於它的miso味道又唔係太明顯但同時又唔係食唔出兼且又唔係俾辣味搶晒鏡，因此我相信佢用有「中辛」的miso開湯底就可以了。(平日在家喜歡食中甘)烏冬質感一如既往一樣，最主要頂得住高溫的熱鍋。海鮮配料令我Ｏ晒嘴，係因數量比我預期中多。理由？事隔幫趁甘味的某海鮮熱鍋烏冬唔係太耐，價錢兩者相約，但我在甘味只得到鮮魷兩細圈、蟹柳一條、蝦一兩隻、貝類海產一至兩粒(不連殼)，但我在萬豚屋有連殼的蜆約3大隻，另有兩至三隻連殼的小型貝類海產及蝦5-6大隻，全部都鮮甜，肉質夠實彈牙，證明新鮮，只有一隻貝類細嚼才發現1-2粒細沙。(對了，係細沙，我覺得食肆來說這價錢在我標準已尚算叫難能可貴

之前我已經試過想訂台食飯但full booking, 今次再接再勵, 我決定早幾日係佢一開鋪個刻就打去訂, 個刻就有d似打電話去換叱o宅飛咁, 因為佢12pm開, 而我好肯定同時亦有人打去, 因為一時通 (並駁去留言) 一時唔通因為有人通話中, 非常刺激緊張~ 哈哈哈哈~ 終於都俾我book到台, 真好~ 因為想俾個surprise俾朋友, 所以一早去拎蛋糕放係鋪頭到, 並發現到, 係6pm, mochi cafe門口已經有條長到阿媽都唔認得既隊係到 . 好嚇人! 原來真係有好多人排隊~ 我都係勸大家, 要食就真係打電話黎訂台, 唔係真係唔知等到天昏地暗~準時返到去mochi cafe拎台, 點知都仲要等10分鐘因為d walkin客食得唔夠快, 唔能夠準時交台~ 唔緊要啦, 反正都係同朋友係門口等一等吹下水先~ 終於有台, 發現呢間餐廳好細間, 但係d位好闊, 一d都唔逼, 坐得好舒服~大家睇下menu上有乜野好食並係張menu到落單, 但發現到有個問題, 就係落單紙上既菜名係同個餐牌上既菜名有少許出入~ 落單紙上既菜名比較短, 往往都唔知自己自己剔既係咪自己想要點既野~ 我建議佢

見到咁多好評去試但唔覺有咩特別試左燒牛wo冬,豬手wo冬 青瓜, 蔥蠔, 等左30mins, 但裡面又唔係坐full 牛冬- 湯ok ,wo 冬一般.豬冬- 豬手太林 青瓜- 好腥既味,食左1 粒放棄蔥蠔- 個名懶特別, 咪又係炸生蠔一隻總結 : 好得閒有時間可以考慮去食但我個人唔會亦覺得唔值