影片
更多
2010-04-19
10 瀏覽
之前我已經試過想訂台食飯但full booking, 今次再接再勵, 我決定早幾日係佢一開鋪個刻就打去訂, 個刻就有d似打電話去換叱o宅飛咁, 因為佢12pm開, 而我好肯定同時亦有人打去, 因為一時通 (並駁去留言) 一時唔通因為有人通話中, 非常刺激緊張~ 哈哈哈哈~ 終於都俾我book到台, 真好~ 因為想俾個surprise俾朋友, 所以一早去拎蛋糕放係鋪頭到, 並發現到, 係6pm, mochi cafe門口已經有條長到阿媽都唔認得既隊係到 . 好嚇人! 原來真係有好多人排隊~ 我都係勸大家, 要食就真係打電話黎訂台, 唔係真係唔知等到天昏地暗~準時返到去mochi cafe拎台, 點知都仲要等10分鐘因為d walkin客食得唔夠快, 唔能夠準時交台~ 唔緊要啦, 反正都係同朋友係門口等一等吹下水先~ 終於有台, 發現呢間餐廳好細間, 但係d位好闊, 一d都唔逼, 坐得好舒服~大家睇下menu上有乜野好食並係張menu到落單, 但發現到有個問題, 就係落單紙上既菜名係同個餐牌上既菜名有少許出入~ 落單紙上既菜名比較短, 往往都唔知自己自己剔既係咪自己想要點既野~ 我建議佢
因為想俾個surprise俾朋友, 所以一早去拎蛋糕放係鋪頭到, 並發現到, 係6pm, mochi cafe門口已經有條長到阿媽都唔認得既隊係到 . 好嚇人! 原來真係有好多人排隊~ 我都係勸大家, 要食就真係打電話黎訂台, 唔係真係唔知等到天昏地暗~
準時返到去mochi cafe拎台, 點知都仲要等10分鐘因為d walkin客食得唔夠快, 唔能夠準時交台~ 唔緊要啦, 反正都係同朋友係門口等一等吹下水先~ 終於有台, 發現呢間餐廳好細間, 但係d位好闊, 一d都唔逼, 坐得好舒服~
大家睇下menu上有乜野好食並係張menu到落單, 但發現到有個問題, 就係落單紙上既菜名係同個餐牌上既菜名有少許出入~ 落單紙上既菜名比較短, 往往都唔知自己自己剔既係咪自己想要點既野~ 我建議佢要改下呢個問題, 因為真係有點confusing. 菜名不一始終不太好~
(以下既菜名係落單紙上既菜名):
和風沙律
我地開頭以為係細細碟, 非常普通, 點知一上台我地都有少少吃驚, 因為都幾大碗, 入面都有幾多菜 (好新鮮好脆, 都幾鮮甜), 但蟹肉就好少好碎好散, 賣相唔靚, 但食落還好. d 沙律汁係就咁淋上去d菜到, 所以要自己撈好, 但由於太full, 所以撈唔到. 最後就會發覺個面既菜就冇乜味, 下面個d就浸滿沙律汁. 呢到有少許敗筆. 但個sauce夠酸所以開哂胃~
石燒吉列豬扒香辣烏冬
由於怕吉列豬扒會 "林", 所以吉列豬扒同烏冬分開上. 香辣烏冬外表好似好辣, 因為顏色好深, 但唔好俾佢呃你, 其實唔係好辣, 呢種辣就有d似韓國泡菜既辣~同埋個辣感係只會係你既喉嚨到發作. 因為個湯底個味太濃, 所以所有野就cover哂, 乜都食唔到. 至於個烏冬就係幾煙韌既, 幾好咬, 同埋好滑, 而且幾易夾到. 唔錯~
吉列豬扒好厚好juicy, 炸完唔會好乾, 仲有肉汁係到, 而且好鬆化, 好易咬, 唔韌~ 火喉幾好, 炸得出好靚好吸引, 金黃色, 令人更想食多d~
牛肉飯
呢個真係勁, 勁係邊? 就係肉同飯既比例係一比一, 即係有咁多飯就有咁多肉. 就咁睇就好似好抵, 但食落係另一回事, 因為飯其實已經吸哂肉既味同汁, 所以比肉更好味, 但可惜太少飯, 唔夠分. 肉都好好味, 因為唔老唔鞋唔係似擦膠咁難食, 相反都算嫩既~ 顏色較深, 可能因為同sauce有關~
炒巨菌
內有多種不同種類既巨型菌片同d類似蠟肉既肉類炒埋一碟. 菌片切得薄, 爽口好味, 肉亦非常香, 但成碟食物非常油, 好得人驚, 少食為妙, 唔係會太 "漏". 呢碟食物既分量相對地少呢~
軟殼蟹
炸得出黎既顏色非常漂亮, 金黃色, 加上佢好有心機將食物放回成一隻蟹既樣咁上台, 就係咁都已經加哂分啦. 食落發現一d都唔油 (有surprise喎), 炸得非常脆同香口. 幾好味~
石燒豬肉手打烏冬
清湯豬骨底, 比較清, 淡淡地, 非常好味. 豬肉就有好多舊, 而好在每舊都細細件, 好易入口, 每舊都有d脂肪係到, 所以減肥既朋友可能會覺得佢肥左d. 同埋佢除左豬肉就冇其他配菜, 真係幾清下喎~
豬肉窩
個湯底同石燒豬肉手打烏冬一樣都係清湯豬骨底. 豬肉每片都切得薄, 不錯, 每片都有一半係肥膏, 一半係肉, 所以我都唔敢點食 (怕肥嘛~). 呢窩既外表唔吸引, 因為d菜冇同豬肉都乜顏色, 佢既配菜有金針茹同豆腐, 但冇carrots d顏色咁鮮豔既配菜, 成窩都白色咁... 唔... 唔吸引呢~ 好在有味道搭夠~ btw, 豆腐係配菜中最正, 因為最能吸哂成窩豬肉窩既鮮味~ 正! 但可惜只有2小舊, 唔夠呢~
海鮮奄列
我唔識欣賞呢個奄列... 因為實在有太太太太多既木魚係上面, 多到非常多人驚~ no good. 食落, 發現冇乜海鮮, 其實唔係冇, 係我食唔到... 點解? 因為呢個奄列既蛋味太濃, 太蛋喇~ 雖然好厚好飽肚, 但蛋味實在太勁, cover哂所有其他野既味~ 好難食~ no good no good.
食完晚餐後要食個surprise cake, 佢地非常有禮咁祝福生日個位朋友, 而唔係就咁求奇放下個蛋糕就算~ 態度幾好~ 其實佢d侍應既態度個個都好好, 冇一個黑面, 但真係唔夠人手, 成日都搵唔到人幫手, 而且洗野唔夠快, 唔夠餐具用呢~ 成餐最唔好既就係係出面等既個d walkin客, 成日怒目望住我地 (即怒睥), 好似唔gur咁... 唉... 下次都係打電話訂位吧啦, 朋友, 少點戾氣吧, 香港人... 你咁望我我都唔會食快d架...
張貼
