華星冰室 (克街)

營業中

休息中

專程到灣仔一嘗華星的常餐，到達時是晚上九時多，有不少空位。坐到卡位去，看看餐牌，其實不用看也知道叫甚麼：「常餐兩份唔該!」服務員走來問要炒蛋還是煎蛋，當然是炒蛋 意粉還是通粉？每樣一份吧！要了西洋菜蜜，同行則要了熱鴛鴦。侍應生對答有禮，值得鼓勵餐牌簡單易明，根本進來的八成是要常餐吧。但其實亦有兩款炒意粉供應的。通粉帶點煙un，口感不錯，叉燒亦不錯，份量也不少。最愛厚多，炒蛋滑滑的，很滿足。西洋菜蜜則太甜，欠缺西洋菜味。嘗了一口熱鴛鴦，不錯。還未去過澳牛的我，對華星的＄２９常餐和服務已感良好，有機會，定要去澳牛一嘗認定為全港(甚至全球!?)最好的常餐！

是日因要去灣仔區辦事，搞掂哂之後便與友人往明星效應的華星冰室用餐。到達時，剛巧午膳時間，人龍排得長長，所以與友人在附近兜咗個圈至再過去。二人都叫了午餐，兩個都要叉燒通粉，本人叫咗炒蛋，友人叫咗太陽蛋。先上檯的是通粉，友人與我都覺得，食咗第一啖，已覺得麻麻地，通粉較硬身，之後飲埋啖湯，覺得偏淡。食到中途時至上炒蛋&太陽蛋。本人習慣食完一樣至一樣，到我食完碗通粉之後再食蛋時，啲蛋都已經凍凍地喇！炒蛋又係麻麻地，欠缺了一份蛋香。友人話︰太陽蛋看似好靚，但又是欠缺蛋香，而且太陽蛋個底煎得過火，完全不像澳牛般可以用刀輕輕一切就切得到啲蛋白。

經常來這兒潮拜, 不過發覺其蛋類食物進步了.炒蛋明顯地比前濕潤, 跟澳牛的炒蛋又拉近了距離.看到有位之前在澳牛打滾的侍應先生轉了在這兒工作, 難道他把秘笈也帶來了華星 !! 哈哈.後記 : 話說上星期六, 如常跟老公去華星嘆那份美味的蛋類食物. 當我們去到後, 眼見人龍巳經排至寵物店門口, 所以我們便跟其他輪候的食客一樣, 有耐心等候罷.突然眼見一輛名貴房車駛至, 原來是杜文澤先生也來這兒幫襯哩.可是, 他並沒有按規矩排隊, 他以熟悉的步伐一支箭般直接入了食店 …完完全全漠視我們這群等待入座的群聚.繼而, 跟他同車的朋友們也施施然步進茶餐廳內.原來明星真係擁有大面子, 不須要花時間來等候, 而我們這些凡夫俗子, 那就乖乖安守本份罷.

以前係隔離番工時,成日食TEA都落去整番件炒蛋多士凍咖啡...自從轉工之後,都有成年無食過...咁岩行過...當然要食下啦!!!!!炒蛋仍然一貫的好吃,不過可能我本身食蛋比較生的關係,我覺得再生點會比較好,可以再CREAMY點...多士仍然要快吃快吃快吃...林左唔好食MA...呢樣好難評架=.=但今次試多左個黑松露炒蛋多士...其實以前因為同老細熟(食太多-.-)未推出時已經試過評過一次...今次再食,仍然相當正!!!比以前GE少少咸過龍更好...係個價唔唔好囉另外...有好多人話華星就係港島澳牛,老老實實我都食過澳牛...係咪真係咁似??邊個好D??見仁見智,但先唔好講食物...以服務態度黎睇...我點都覺得華星比澳牛會更好

聽聞華星是港島澳牛, 今天剛剛一個人經過灣仔, 就試下!!等候時間: 不像澳牛永遠大排長龍.. 今天不須等(大約六點九), 馬上有位.服務: 只得兩位企堂..... 如果唔叫住佢地肯定冇人理你食物: 我就覺得佢地d炒蛋同多士都好一般, 通粉就真係勁難食(湯唔熱,通粉的焾度有太大空間可改善). 唯有杯奶茶還不錯!總括來說, 還是與澳牛難以匹敵!!

談得太多太harsh的話題，不如講講我比較擅長的「食」。其實跟很多朋友相比，我的「食」經驗一定不比他們多，因為我一般對食的主打是價廉物美，面對通漲的壓力，如果食肆在此亂世仍能造出高水準、但收費仍物有所值甚至物超所值的食品，實在會給我很大的驚喜。今天的主題是蛋。講開蛋，一定有嘉樂份生活荃灣多年，你問我最有印象的茶餐廳，好像除了嘉樂冰室(簡稱嘉樂)之外就沒有甚麼可提了。嘉樂的賣點是大大份的蛋奄列，許多情侶第一次光顧都說，一個細 奄列太小家，不如叫個大的。如果我坐他們對面我會挺身阻止，一端上「細」奄列，大家都驚歎一聲，因為實在遠超預期的「大」。可是，我一直認為嘉樂太過 over-rate了。可憐嘉樂流失了太多老顧客，常要等位。老闆說，兒子不願繼承此行業，大概過多幾年退休之時，嘉樂 也不保了。懷念在晚上7點鐘收鋪前，拍拍鐵閘讓收銀姐姐讓我們進去，輕鬆的氛圍，就是吃的基本態度，如今一切已成絕響了。澳洲牛奶公司 vs 華星冰室澳洲牛奶公司 哎， 怎麼聊遠了？明明今次的主角是佐敦澳洲牛奶公司(簡稱澳洲)跟灣仔的華星冰室(簡稱華星)。先有前者，再有後者，其主打賣是蛋滑、奶茶味濃、效率高。怎樣 形容澳洲

放工肚餓突然想食蛋治，員工態度友善，叫左蛋治走牛油$14，雙拼就$16！一打開都係澳牛既蛋炒得靚d厚d,華星既食落無咁香蛋味，顏色淺d應該加左牛奶，澳牛個次食仲熱嫁tim!最驚喜係華星既方包較澳牛軟仲無咁甜！

12月4日, 晏晝搭電車經過灣仔, 離遠見到華星冰室竟然唔駛等位wor, 平時經過門口都有好多人排隊, 今日竟然咁好彩唔洗等就有位! 心郁郁即刻跳落車嚟試下~ 內裏環境裝修得好舊式, 都係扮懷舊茶餐廳feel, 不過都幾光猛~ 而牆上都貼滿華星時代嘅海報, 仲有好多明星簽名撐場~ 夠晒gimmick啦~::: 常餐 (火腿炒蛋 + 叉燒通 + 凍奶茶) ::: $29 + $2常餐一貫澳牛風格, 火腿炒蛋加叉燒通~ 火腿唔似煎過, 唔燶又唔香咁, 似係烚熟咗, 都幾淡下… 炒蛋感覺上都ok, 軟滑但係稍欠奶味… 而厚厚嘅多士就成為較為突出嘅一樣~ 剛烘起少少鬆脆, 咬落都幾新鮮, 唔似隔夜麵包~ 叉燒通嘅叉燒有d瘦, 都係淡淡地咁, 通粉淋咗少少, 不過都可以接受~凍奶茶ok, 奶味茶味均勻, 幾好飲~::: 咖央西多 ::: $19見佢$19係咪真係咁值先? 賣相就真係幾吸引, 成吋幾兩吋厚嘅麵包炸成金黃色, 仲有一大片鮮牛油溶下溶下咁~ 不過食完就知道只係普通貨色…可能因為麵包太厚, 入面層咖央醬又唔多… 搞到西多味道好淡, 又無蛋漿嘅味道, 只係好似食緊方包咁... 脆口係有,

巧合有空在灣仔一個人吃late lunch,所以特別搵華星吃了個$29茶餐，真係不枉此行。- 熱鴛鴦的奶茶咖啡比例恰到好處，夠滑口但絕不肥膩，果然用上了北海道牛乳有意想不到的極好效果!正正!- 新鮮烘焙多士配上牛油，還有加入北海道牛乳炒的蛋，兩者當是絕配。可惜兩塊火腿有點兒凍。- 茶餐還有一大碟义燒通粉，通粉煮得幾chewy，但义燒被湯浸到無乜紅色，水準屬一般啦!Overall an A minus, and I will take my wife there for afternoon tea.

今日路經灣仔,順便拜訪一下呢間專做炒蛋的茶餐廳下午餐廳人唔多,所以即刻有位叫左常餐,跟叉燒通粉,火腿炒蛋,牛多同涷奶茶d野食好快上到枱(不過冇澳牛快)有人話華星的叉燒瘦得濟,不過今次在下覺得肥瘦剛剛好重頭戲炒蛋夠滑,蛋香都好足,不過個feel同澳牛有d唔同多士幾厚下,食落夠脆今次食得最滿意的反而係杯涷奶茶,也許係飲得台式沖粉多,突然飲返正宗港式奶茶會感到濃厚的茶香,滑得來又又唔澀,正下次有機會再試其他野

我對這裡的炒蛋挺有信心，但這次的竟然非常「碎濕濕」，那堆碎蛋根本還未成形就已上碟，味道沒大問題的，但賣相和水準卻跟先前大有出入，店方應要多加留意呢~更多內容及相片，請到：談炒蛋。美心、華星及澳牛http://seekforfood.blogspot.com/2011/02/blog-post_4409.html

7:30pm去到, 唔駛等位 第2次O黎食, 因為掛住呢度個公司三文治, 所以今晚O黎encore2個人叫O左公司三文治+乾炒豬扒意公司三文治: 非常OK, 有蛋, 鹹牛肉, 芝士, 火腿, 蕃茄+生菜, 我一個人食晒成份, 超飽超滿足乾炒豬扒意: 味道OK啦, 膀在乾身唔多油茶走: 我覺得多O左D煉奶, 甜O左少少因為唔多人, 所以坐得好舒服, 期待下次去試蕃茄燴意粉同蛋牛一丁, 因為見到隔離枱食, 好似好好食咁

係灣仔搵地方食下午茶，姐姐話呢間唔錯，所以就嚟試吓。呢間有啲懷舊feel，座位窄窄哋，但乾乾淨凈嘅，招招也好，唔會好似澳牛咁趕。我同老公都係要常餐($29)，朋友要營養餐（$25)，基本上是一樣，但營養餐少了意粉和飲品是鮮奶。叉燒意粉，意粉口感ok，叉燒瘦咗啲，味道ok啦，滑蛋有蛋味亦煮得不錯，都幾滑。多士外脆內軟，牛油也很香，好味道呀。奶茶也不錯。

前天經過灣仔，特意去在OPENRICE食評頗正面既華星冰室，一進門就發現好像澳洲牛奶公司的灣仔版一樣，同樣是全男班的侍應，制服也跟澳牛大同小異，食物種類也是。我點了一個常餐，差不多五分鍾左右食物已上齊枱上，效率很高。先說說叉燒意粉，沒有甚麼意外驚喜，叉燒比較瘦，非常普通。炒蛋很有蛋香味，炒的時間也掌握得好好（不過我還是喜歡澳牛多一點）。火腿跟多士質素是水準之上，味道也很不錯。食完常餐後有點意猶未盡，再叫了一個奶油豬。奶油豬包身比較軟身，而包的表面烤得很脆身（很合本人口味），再配上煉奶，第一口已經令我愛上了，而且才１２元，比翠華的便宜多了，所以特別介紹給大家。奶茶一般，不試也可。反而熱鮮奶很有驚喜，建議大家試試。另外員工都算有禮貌，廁所也是乾淨，而且細心的放了一大盒的檸檬在吸味。有趣的是收銀位置放了一個tips箱，大家可留意一下。

聽講呢間餐廳是港島區「澳牛」，所以來試試。環境：黑白格仔牆身和地下，富有懷舊風味。食物：「常餐」的內容和「澳牛」一橂一樣。多士夠厚夠脆，炒蛋又香又滑，唯叉燒通粉唔夠熱，湯底較淡。服務：有D餐廳的服務員會恃住出名而變得態度傲慢，估唔到呢度既侍應哥哥態度親切，好！價錢：29元一個常餐，包埋野飲，扺！如果叉燒通粉能夠整熱D，湯底濃D，咁就perfect喇！