華星冰室 (西洋菜南街)

營業中

休息中

喜歡煎蛋奶茶，喜歡到華星，因好像入咗澳牛悠閒版 ...三間華星都去過 ...旺角分店煎蛋十分有水準，個人認為比澳牛更強，可惜奶茶水準太差 (不及其筲箕灣分店) !所以其早市生意看來不太好，對我們這些奶茶人，朝早杯奶茶水準係一切 ...想起嗰杯唔夠濃唔夠香的奶茶，煎蛋做得再好也只好過門不入 ...殘念!

炒蛋,火腿,以及叉燒意粉我就想起佐郭的澳洲牛奶公司,在那裏速戰速決,數分鐘解決一餐,自己吃了數次,有時候全店滿座人迫人,有時則坐得舒服不會人來人往,華星冰室某程度就模彷它,身在旺角有時候想食什麼有困難,以前提及過真正好吃實在太少,通常轉戰其他區域,早前閱讀雜誌時就記得介紹這裏,決定簡單吃一餐吧.踏入中午時份人流不太多,尚有空位存在,侍應要求盡量和別人搭枱,這個沒有問題,餐牌有常餐三款,其他則單品,不過常餐和在澳記的樣子無異,興趣不大,那個黑松露炒蛋多士要三十五元一客,我就不相信用黑松露,有一款炒蛋多士,索價十八元絕不便宜,不過吸引力比黑松露為高,再來一客校長多士,這裏多士賣二十五元,仍可以接受.最後當然是凍檸檬茶.也賣十八元,普偏食品相比同類型店鋪都幾貴,炒蛋多士炒蛋份量都頗多,從書本得知用日本蛋和美國蛋,不過二者有貴和平的品種,用上3.6北海道牛奶去炒蛋,其實維記牛奶的質素不差於3,6牛奶,只是賣點而已,吃落都幾滑,有少許奶味,不過蛋味就明顯淡味,和澳牛相比差不多質素,味道其實OK,不見特別之處,再者如加上黑松露比上一倍價錢,不值得叫,檸檬茶檸檬茶經過改良,檸檬用上外國貨,都飲到茶味

華星冰室，喺旺角開分店，之前雜誌有講話呢間分店嘅租好貴…的確，租貴，而且附近食肆很多，競爭激烈！店子面積小，擠迫程度有如澳牛。好在我地去嘅時候已經兩點幾，所以人唔多，我地兩人可坐四人卡位。要咗常餐，有火腿炒蛋多士同叉燒通粉。叉燒通先黎，個湯好似好濃咁…點知，真係好咸，好似濃縮雞湯咁咸…叉燒切到碎濕濕，無咩味，早知就要火腿通啦！炒蛋，滑，又唔油，不錯…最欣賞係個多士，厚切，烘得外面好脆，加埋火腿炒蛋，真係絕配…整體ok, 但我始終鍾意民華個蕃茄湯底多d....

之前想試灣仔華星, 奈何太遠, 得知旺角開了, 立即去試. 時為旺角假日早上9點, 華星位置好多糖水店所以好靜. 客人都少. 我都問吓餐牌內容, 店員熱心招待. 選了早餐. 2分鐘後到. 奶茶 - 麻麻地, 唔知是否用3.6度牛奶沖, 好重奶味, 好膩.火腿通粉 - 一般炒蛋+多士 - 炒蛋滑, 我自製炒蛋多士, 不錯.試新嘢無妨.

灣仔華星我就食過很多次, 因為次次都係過左D繁忙時間, 我一個人通常都可以慢慢嘆個早餐, 食個滑滑的炒蛋, 香脆的厚多士. 這種美味我就成日跟阿妹講, 但佢只係得個聽字, 因為佢好少會過海. 不過旺角近來又新開了分店, 今日阿妹就提議去試試. 十二點幾去到, 人不少, 但都仲未要等位, 餐牌也不用細看, 唔係早餐時間, 當然是食常餐啦. 我食慣食熟, 一開口己轉做炒蛋同牛肉通, 佢地就只係轉左炒蛋, 食番原本的叉燒湯意, 當然還有奶茶啦!!!只係將隻叉放入杯茶到洗的幾秒鐘時間, 炒蛋多士已上, 將隻叉由茶中拎番上黎的下一秒, 意粉通粉上埋, 真係好快. 但唔知係咪這個速度, 我覺得我的通粉湯不算太熱, 全部是可入口的熱度而已, 跟灣仔好像有點不同, 還是我先入為主呢??? 還好炒蛋依舊滑滑的, 多士依舊脆脆, 大大件, 大家都覺得多士真係好正.每食完一個碟, 侍應們就會收走, 如是者, 大家用左極速去完成整個午餐. 侍應們算是有禮貎的, 可能旺角食店真係要這個食客流量先可以生存到, 阿妹直情係有失望的神情啦, 佢最唔鐘意食野食到趕頭趕命咁, 不過我話茶餐廳係咁上下嫁啦.

知道公司附近開左間新式冰室,我咁鐘意四圍去試食既一於試試布咩特別.呢間冰室採用懷舊黑白設計,簡單.首我去到都算滿坐,好彩剛剛有人走,唔使等,一坐抵緊係睇下有咩啦,知道呢度出名<抄蛋>就叫左個<黑松露炒蛋多士>$35 (好滑,好香),再叫左個常餐湯意粉+厚多士+普通炒蛋)連飲品$32, 之後我男朋友話個常餐只夠女仔食,最後叫埋個炒意粉(可選兩樣材料),我地要左朱排同牛肉做配料.$45, 再叫個冰室至出名既<紅豆冰>上菜速度快,啲嘢食好好味,由其係炒蛋同個炒意粉,真係一流,大家值得試下

知道呢間新開, 同老婆特登黎試下叫左2份常餐: 退旦+叉燒意+奶茶多士炒旦一般見個伙記攞住兩碗叉燒意粉黎嗰時, 其中一碗吊住兩條意粉, 到放我地枱面時, 嗰兩條意粉就痴住張枱, 賣相好嚇人仲要一碗大碗, 另一碗細碗,嗰時都唔多人, 好多吉枱, 我諗未至於要咁馬虎掛叉燒好好味, 但可惜意粉唔係太熱奶茶一般, 有好重奶味希望佢有待改善

這夜在太子被一個很大用竹搭的牌吸引了，原來華星冰室在旺角開了九龍第一間分店。用這種方式賀新張真是不多見，又幾有趣。比起灣仔店，這間冰室的懷舊氣氛不太強，裝修已黑白簡約為主；而座位也沒那麼寬闊，兩邊卡位，中間由3張2人枱拍埋。餐牌款式和價錢印象中和灣仔店一樣。我點了份常餐，$32，選了多士、炒蛋，叉燒通粉和熱奶茶。厚多士熱辣辣，很香脆。炒蛋也滑，但溫度稍為涼了一點，食感大打折扣。火腿一般。叉燒肉腍，也帶甜香，不錯。通粉煮得時間剛好，質感好吃。最滿意就是杯奶茶！茶香濃，和奶的balance很好。服務方面，眼見員工都醒醒目目和有禮。衛生方面也算做得不錯，地方乾淨企理。