華星冰室 (西洋菜南街)

營業中

休息中

華星既炒蛋多士，重口味一丁都寫過。今次分享下潛艇豬扒包。包好脆，豬扒都幾大塊，而且煎得香口多汁。靈魂係芥辣醬，好好食，同豬扒絕配 再加塊蕃茄，感覺即刻健康左。以後食華星又多個選擇啦。

7月1假期早上11點零去到,,前面已有一條小小的人龍,,慶幸是2人關係不消一會已被安排入座。叫左2個常餐 + 校長多士。叉燒通粉 - 叉燒勁多肥膏,,見到賣相已經無乜興趣去食。😞通粉唔係有坑紋果啲,,但都幾稔身幾有咬口。火腿炒蛋 + 牛油多士 - 炒蛋好滑好濃好好味,,加左3·6牛奶去炒味道確係零舍不同,,多士烘得岩岩好食落口好脆身而且充斥著牛油的香味,,果然正。👍👍👍校長多士 - 即叫即製,,落單後伙記都會知會一聲需時15分鐘,,上枱時已聞到一陣很香的黑松露味,,多士烘得外脆內軟,,再加上芝士,,放入口中芝士的濃郁黑松露的香多士的脆軟…嘩~呢個組合出奇地合襯。😋😋😋

朋友推薦好食，今次終於有機會去試!!! 重點係試重口味一丁同炒蛋! 睇到menu有重口味一丁，以為淨係一個麵，諗緊點先食埋炒蛋，點知叫個時問我要咩餸，原來有2個餸既，所以叫左义燒炒蛋出前一丁!蛋都幾滑，义燒係底薄薄既幾塊，湯底真係似飲緊羅宋湯，好濃蕃茄味! 慢慢食dap真個湯~ 再加杯紅豆冰，好多紅豆同重奶味! 繼新香園之後另一杯好味既紅豆冰! 係貴左少少者...同埋茶餐廳文化，2個人去都要打橫坐卡位，傾計辛苦d，不過食物唔錯!

晚市不用等位，這裡較澳牛坐得舒適，店員有禮貌而且服務有效率。校長多士($25) : 一上場就吸引附近食客的目光，黑松露在空氣中散發著獨有香氣，芝士味道濃郁。厚切多士烘得香脆，黑松露與焗溶芝士的味道很配合，店員還跟我們說校長多士「永不加價」。常餐 (＄36): 有牛油多士、义燒意粉、火腿雙蛋和熱飲。义燒分量好少，湯底清。火腿雙蛋可轉炒蛋，炒蛋炒得嫩滑。厚切牛油多士微熱，烤得外脆內軟。 

好耐冇黎，好掛住個炒蛋。個個食完都話重口味一丁好出色，搞到我一直心郁郁想試下。機會來了！叉燒炒蛋重口味一丁，又有炒蛋又有重口味一丁，一次過滿足兩個願望 炒蛋見到已經覺得好滑，一黎就忍唔住食左先。好好食，濃郁既蛋香，真係好滑，沾到湯底又別有一番風味，似蕃茄炒蛋。湯底好濃，有D似羅宋湯，帶有淡得黎又出，若即若離既芝士味。加埋硬度剛好既麵，真係出色雖然價錢同常餐差唔多，但冇常餐咁多野又冇野飲，不過都夠飽。 

中午食得唔夠飽,走去華星食個Tea.叫左一人一個常餐.常餐$36:有牛油多士,义燒意粉,火腿雙蛋連熱飲.牛油多士:好厚身大大件好有質感,牛油比起其他店舖特別,鹹鹹地好好味,多士即叫即做,熱辣辣,正.义燒意粉:可以轉通粉,义燒普通,意粉好淋個湯做得唔錯.火腿雙蛋:可轉炒蛋,炒蛋反而炒得幾滑,唔會老.飲品叫左熱奶茶,茶味唔夠淡左D唔夠滑.

這日又來到太子的華星冰室食個quick lunch。原來華星的對面現在新開了另外2間冰室，裝修看來都頗特別。不過我這日還是較想吃華星的炒蛋，所以一於留待改天才再去這些新冰室吧。 午市的華星坐滿了客人，要搭枱是預期之內。店內打理得算很整潔，店員服務有效率之餘亦有禮貌，讓客人相對在澳牛食得較自在，少份壓逼感。我選了常餐（＄36），有牛油多士，炒蛋，火腿，叉燒通粉和餐茶。落單後幾分鐘內，食物一一送上。先說牛油多士，厚切的麵包烤得外脆內仍軟，時間控制剛好，真是好吃呢。而另一主角炒蛋，炒得十分嫩滑，讓我吃得好開心。而火腿，其實是可有可無的配角吧。叉燒通粉的叉燒是浸在湯裡的。叉燒肉質雖然瘦，但食起來不會太乾。我喜歡這通粉煮得帶點點偏硬，因為一向很怕吃到煮得軟淋林的通粉。餐茶熱鴛鴦一送到已經能聞到咖啡香。熱辣辣，飲落很順滑，咖啡味較重，帶點點茶香，充電效果不錯。  

難得紅色假期就當然唔少得出街「覓食」喇！見華星冰室一直有咁多好評 於是就黎試下一去到嘅時候 見到入面嘅座位唔多 不過人就幾多下 因為我地兩丁友人少少 排左五分鐘就有個伙記就叫我地入去同人撘枱 首先就嗌左個常餐 厚多士 火腿炒蛋 叉燒意粉 熱奶茶 同埋一份校長多士同澳牛一樣 落單唔洗五分鐘就即刻有得食 快靚正 校長多士就等左十分鐘左右其實校長多士就係 一塊厚多上面放左黑松露同焗溶左嘅芝士 聽落好似唔係幾夾咁 但係食落又真係幾好食 好香濃黑松露同芝士味除左啲位逼啲要相就下 其他大致都唔錯 平民價可以食到一餐有特色嘅下午荼都幾好

終於一嘗校長多士！正朋友叫左個常餐 但無影相同澳牛一樣 係叉燒意粉+厚多士炒蛋$36凍奶茶幾好飲既不用等位便可入座 服務員態度很好 值得再試校長多士黑松露炒蛋

我是一個不折不扣的雞蛋 fan, 是日約了朋友食飯, 她話想食雞蛋, 我就當然歡迎啦. 而朋友最近見到有關華星冰室的報道, 感覺吸引便決定一試下午3點左右到達, 店內依然旺場, 幸好只是等了一會就能入座而且是卡位呢   這裡果然係雞蛋茶餐廳, 餐牌上係各式各樣的雞蛋, 而營業時間7 點- 11 點, 可想而知佢地的雞蛋係幾咁受歡迎. 研究了一輪, 終於決定了要校長多士(松露芝士多士)和牛肉奄列. 其實牛肉與奄列唔係一個好的組合但實在太想食奄列, 孤且一試. 朋友的校長多士先上, 一放下已飄來引人的香氣, 厚切多士烘得香脆與松露芝士配合得宜, 但原來佢是沒有用上蛋的, 但搞笑的是我同朋友都一箱情願的以為華星冰室所有食品都有蛋... HAHA 一場來到朋友當然要試有雞蛋的菜式, 所以再叫炒蛋多士. 炒蛋多士是一絕, 蛋炒得滑溜又留有蛋汁, 配上脆多士, 真係一大樂事. 幸好朋友有叫佢, 算是補償了我牛肉奄列的遺憾. 我又再次一箱情願的以為華星的奄列是滑溜又留有蛋汁的類型. 可是佢一出現時, 我真失望..... 佢已是一塊熟了的蛋包著奇怪的牛肉.... 蛋還可以, 但裡面包裹住的牛肉真是不行

去開旺角~睇下open rice有咩食~見到華星冰室就試下啦入到去~第1眼~我覺得員工d制服好型坐低之後,員工好有禮貌叫我睇下食咩~雖然佢係一間茶記~但佢係好乾淨~最重要係連地下都好乾淨,非常少有!我見到"重口味一丁"二話不說叫呢個啦~點知.......賣哂oh...so sad!我同老公一人一個常餐(叉燒意,火腿炒/煎蛋,好ge厚多士)+飲品再加一個校長多士叉燒意,久違了的味道,而家去茶記係食唔到呢種細細個食叉燒意ge味道~湯底清清而有味我地一個叫炒,一個叫煎蛋,先講炒~頂~超滑,果然係用3.6牛奶!煎蛋又要一讚~好耐冇食過d煎蛋係可以啜哂d蛋黃汁ga~而家出面果d得一半蛋黃汁,另一半已經熟左lu~c父煎得好好多士,超厚超厚,微熱,岩岩好牛油溶左,好好味呀~校長多士,一上台已經聞到好香好香~原來係黑松露ge味~嘩~~好香!食落去,真係啖啖黑松露ga今日我地兩公婆食左好多多士~haha~~普通茶記價錢~有咁ge質素~good!!!

華星不是第一次食。正如在牆上也貼出他們是向澳牛學習，而我覺得佢地都學得幾好。當然不能超越澳牛，但係華星起碼輪椅入到（最多一至兩架），這是華星的好處。輪椅可由旺角地鐵站上，於輪椅出口步行約十分鐘就到。（但二零零四年一月至十一月，旺角升降機維修！）華星的包：一向香甜軟熟華星的蛋：一向滑而有蛋香，份量也很足但當將依兩樣，再加上黑松露，理應非常好可是，以相片中的模式擺放卻是整件事的問題核心而我個人睇法，很難於進食。包厚、蛋多，好難將所有材料於一啖放入口中。變相一啖包、一啖蛋；或者壓扁塊包，但就失去軟熟的感覺。所以味道再好，擺放模式都要考慮。

好耐之前慕名而黎食左個黑松露炒蛋多士同校長多士,一直好想再黎...今次叫左個常餐, 有叉燒通粉,火腿炒蛋,多士同熱檸茶  通粉好足料, 好多叉燒  最期待係個炒蛋, 果然冇令我失望! 炒得剛剛好, 好滑,重有少少蛋汁,賣相一流! 重唔會好油,食完都唔覺得好肥     多士走左牛油, 重係好好食. 厚多士外面烘到脆脆地,但一D燶都冇. 咬落去入面軟稔稔. 冇諗過個多士都可以咁好食.雖然人流來去得好快, 但服務態度好好, 更重要係唔會比人趕

見食評不錯，便特地去試試看。我和朋友點了常餐，要意粉，炒蛋和多士。飲品點了熱奶茶和凍檸茶，凍檸茶不過不失，但友人的熱奶茶卻比普通茶餐廳難飲多了。意粉和炒蛋沒多大驚喜；相反多士卻不錯，幾鬆化。但問題是，一食完枱面既食物連飲品都未飲完，個侍應就話：「食完就好走啦！仲賴死坐係到！」賴死坐係到？貪佢環境逼？定貪佢服務態度差想受多陣氣？結果，我同友人未飲完杯野就走了，唔想為左杯野飲睇佢地面色。結論係，無咩都唔會再去，食物質素未令到我要忍受其服務態度之差

星期天。平日無乜事都唔會出旺角，今日要去旺角買嘢，故要出旺角搵食。因為會在18:30晚餐，而我們去到旺角已是14:30,所以便搵茶餐廳醫肚，不打算吃太飽。很久以前已聽過華星冰室，知道同華星唱片有點關係，連部份食物也是由明星命名，所以決定一試。等位十分鐘，可以接受。因為做足功課，所以一早決定了吃甚麼，我點了常餐，要通粉，炒蛋和多士，相公大人點了重口味一丁麵，配咸牛肉蛋餅，忌廉溝3.6牛乳，和校長多士。忌廉溝3.6牛乳先到，有一支細忌廉，大半杯3.6牛乳，自己溝，可按自己口味決定忌廉的多少，讚!常餐，賣相和'澳x牛奶公司'的十分相似，多士熱烘烘的，炒蛋很滑蛋味也香濃，個人認為比'澳x'好。火腿是沒有煎過的。通粉是細粒版，沒有煮過火，湯底也香濃，叉燒是一般貨色，總括而然，個人認為比'x牛'好。重口味一丁，是濃菜湯+牛尾湯底(好似係)，幾新奇，略嫌不夠熱。咸牛肉蛋餅，相公形容為咸牛肉芙蓉蛋，味道不錯，煎得好香。校長多士，乃為黑松露芝士多士，我倆對黑松露的熱愛去到狂熱的地步，一聽到有此款多士就覺得非試不可，果然名不虛傳，黑松露醬當然不是什麼上等貨色，但在臭覺和味覺上都感覺到很濃郁的黑松露味道，多