華星冰室 (西洋菜南街)

營業中

休息中

这里貌似不太欢迎大陆的旅客，服务人员一听内地口音，态度就不太好，对我们爱答不理，然后递菜都是摔过来的，好像我们是来讨饭的。大陆的朋友酌情来吃吧，毕竟人家也挺忙的，不差咱这几单生意。

相信呢家係好多人午餐便食首選！方便又美味 真係平靚正👍🌟滑蛋叉燒飯+港式奶茶 HKD 50滑蛋好Q彈稍稍流心蛋與飯比例剛剛好炒蛋愛好者大推！中意原味無糖健康低卡奶茶濃郁茶味 少少苦澀口感係亮點！飯後飲一杯好清爽🍵🌟鲜茄牛肉飯 HKD 60肉量超足! 肉質嫩滑Q彈適合搭配番茄芡汁拌飯🍅

行過旺角， 好多選擇， 唔知食咩。見到又係冰室， 午餐個牌簡單， 就選佢。環境窄D。落單都快手。叫左叉燒炒蛋飯， 配凍0茶飯都OK， 叉燒易咬， 蛋係滑嘅， 有少少配菜（椰菜）。埋單$57

唔想諗之下喺旺角區嗌外賣早餐返工一齊食，同事鍾意食華星所以又揀咗佢自助平台嗌餐睇嘢好方便今次想嗌過清清地有菜食嘅，呢個餐嘅配搭就係圖中所見到嘅！韓國嘅牛油多士送到過嚟已經唔係特別吸引，今次嘅情況同上次一樣，我加咗錢要烚但係佢冇又唔出聲剪咗粒留心荷包蛋蛋比我都唔錯不過餐廳嘅煎蛋都是很油的罪惡咁加倍，不過配埋個看多士即刻神化好多🤣🤣今次諗住試吓佢杯凍奶茶，幾好飲嘅調味，不過非常之甜，甜得有啲過分如果可以上網落單都少甜就好，佢嘅甜度簡直令我想走甜🤣

喺foodpanda嗌華星冰室早餐大家食，點知又係好似平時成日出現嘅情況，我諗大家都試過佢亂咁送餐，錢就招收，貨就比少或者比錯成日溝我哋費事煩會退或者同佢搞….如果係咁不如唔好做呢個平台啦，都handle唔到boiled熟蛋就變咗油立立嘅煎荷包蛋，個底出晒油，淨係呢張相都睇到成層油喺度明明加咗錢要凍飲，唔知點解全部嘢都係熱飲可能佢哋早餐時段比較忙，但係都唔應該亂咁送啲嘢食餸菜一唔啱食就真係冇嘢落口堂食應該唔係呢個質素掛希望餐廳注意下

又到左每個打工仔至愛嘅午餐時間, 今日大食妹又用app外賣自取優惠啦今日特別想食茶記嘅沙嗲牛肉麵, 係app搵左陣, 發現附近華星冰室嘅offer都幾吸引一份特餐包括沙嗲牛肉麵、廚師腸、炒滑蛋、牛油多士同埋嘢飲, 都只要四十零蚊, 又豐富又抵食, 一定要同大家好好推介沙嗲牛肉麵外賣已經分左湯, 唔怕浸都軟淋淋沙嗲牛肉麵除咗個麵外, 沙嗲牛肉嘅質素都好重要, 華星嘅沙嗲牛肉食得出係片片嘅鮮牛肉, 沙嗲醬汁份量都好多廚師腸略略煎過, 再燶少少會更加好食炒滑蛋香滑無敵, 牛油多士都好鬆軟

七月七日沒有食午餐丶只想食小食去填肚丶好耐冇食華星丶就去食個下午茶丶叫咗雞蛋三文治同紅豆冰丶雞蛋三文治來了丶發覺麵包又硬(唔新鮮)丶雞蛋又唔夠熱丶紅豆冰似紅豆水！太失望了

嚴峻的疫情下，很多餐廳寧願休息不營業也不冒險開門，因此即使以往人來人往的街道也變得冷清，而華星冰室是有經營的，便以5分鐘買了我的外賣午餐。常餐原價$47，經這個平台外賣自取價$44，店員包裝得很穩妥。由於是外賣的關係，本身香脆的烘多士質地已經變淋，但仍然食得出原本是烤得香脆可口的，加上裡面的牛油頗重手，十分邪惡。多士下面還有兩片火腿和煎雙蛋，如沒有特別要求煎蛋的蛋黃是生的，或許是外賣的關係湯麵的溫度稍降，即使我把簡單浸進湯裡一會仍然是生的狀態，不想食生蛋黃的朋友記得要在落單時要求了。即使是一間普通的茶餐廳，欣賞外賣會把湯和意粉分開擺放，不至於會浸得太淋和過於吸收湯底。叉燒沒有浸在湯裡，而是擺在意粉的下面，但叉燒表面的顏色染到意粉上，令部份意粉紅紅的，不太討好。意粉的質地不算太粉，而幸好有提供額外的托盤與湯分開，用餐時軟硬度剛好；叉燒方面份量不多，切得偏薄已經質地較乾較硬，如切得厚一點會很難咬，麻麻地；至於湯底就是味精湯。跟餐我點了一杯熱奶茶，茶底是很濃但稍微過份了，更是帶有點苦澀味的奶茶，不太順喉。如果你的要求不高，在附近想找個地方速速用餐，這裡都是一個選擇，是一間普通的茶餐廳，大概堂

唉！我真係長期客仔, d嘢真係一日差過一日, 睇住佢杯奶茶, 又係一日差過一日, 凍嘅澀口, 點加多d奶都冇用, 今日天氣凍, 即試熱的奶茶, 但係冇茶味！想當年澳牛一班師傅過嚟開檔, 想必已空中解體, 味道不再！

週末喺旺角行街行到好攰，就搵個地方坐下食個下午茶充下電😁😁依間華星冰室，座位算係幾多，密密麻麻。仲好似非常多熟客。左睇右睇，最後都係叫咗常餐。叉燒意粉，炒蛋火腿，同埋多士，再加杯熱飲。個叉燒意粉啲意粉，已經肥大到冇得再肥大，真係好有港式茶餐廳風格😄😄不過份量都算幾多，個湯清清地，配埋瘦叉燒都唔錯。佢哋個炒蛋，都幾正，夠滑，同埋好香牛油味。所以常餐來講，係中規中矩唔錯嘅選擇。叉燒滑蛋飯就差啲，根本就唔係一個滑蛋，只係叉燒煎蛋飯😑😑

今時今日，咁嘅服務😑咁嘅食物質素，唔執笠都偷笑🤬先係最簡單最出名嘅雞髀都超難食，飲品唔夠凍好難飲，茶餐寫＋$8可轉特飲鴛鴦紅豆冰，出單只係想問清楚點解咁計加38蚊，佢話因為鴛鴦紅豆冰是超級特飲所以冇得加$8，我哋都明白唔計較，點知落單個夥計仲要話返我哋已經同我講左，好嬲即刻全部唔食放低，反正難食，埋單85蚊走人買個教瞓😤再去海記食個甜品補返數🤤今非昔比喇，今時今日出面大把好食，洗乜搵你華星

老外套餐姐係all day breakfast 嘅朋友😂 我自己都幾中意食，可能因為掛住以前係英國嘅生活，逢星期日就會有all day breakfast ，姐係brunch 😂 可以瞓晏啲，所以見到呢個特別嘅餐，就叫咗你試吓，雖然佢一啲都唔英式，但都幾特別😂但係食咗之後就覺得佢一啲都唔特別😂 會覺得係ABC餐溝埋一齊嘅感覺，除咗個麵包同埋太陽蛋之外，其他都真係唔係幾好食，我寧願叫返普通早餐，因為呢個餐跟埋杯嘢飲都要$48😅

送馬騮返學，考試期間好快就放學，去邊度打發時間好呢🤔🤔食個早餐先❤ 好耐冇食華星呀😁經過見到華星梗係入去啦😋😋好快有位呀咁我就叫個老外早餐同埋一個華星早餐水準之作， 咁耐冇食都一樣係咁好味呀 同以前一樣冇變最鍾意佢啲蛋夠滑同軟淋淋又夠大分yummy 佢個通粉水準一樣咁正啲湯差幾乎飲曬咁濟呀😅好好味😍仲有嗰啲麵包軟林林脆卜卜又厚切喎簡直係最正嘅用嚟呢擺啲滑滑嘅雞蛋上去一大啖咬落去好滿足呀 老外早餐薯餅就細咗少少啦因為實在太好味唔夠食呀😅我呢都係鍾意食經典嘅話華星早餐下次等🐵放早帶佢泥食啦#KatkatFoodies#katkatfoodie

今次已經係第n次嚟呢間冰室，平時都係嚟食早餐🥣但今日遲咗少少就叫咗茶餐。叉燒通粉湯底濃郁，通粉粒粒分明，唔會爛到一patpat or黐埋一舊，又唔會太硬。叉燒淋得嚟好入味，似係半肥瘦。份量大概三四塊，你夠好似手指尾咁大🥰炒蛋好滑，但今日偏油少少，蛋嘅周圍見到油漆。多士好硊卜卜，咬落去又鬆化，而且微暖，又香牛油味😋飲品永遠係佢嘅靈魂，幾次嚟食試過，啡走，茶走，鴦走，全部都好濃味又好滑😋😋

好耐無幫襯過，心血來潮，又見唔洗等位。坐低睇下有咩好食，因為成疊餐牌太多選擇，好啦諗到落單，想叫炒意粉，話要兩點後（唔係下午茶餐牌黎架），咁是旦叫兩個麵餐啦（一個$60多兩條腸仔$47無腸仔） 落左單，比張單黎一睇，收我兩個$60（我都唔食腸） 就侍應改啦，第二個侍應（女仔）先話我知$47個係早餐頭先二叔又無講，因為同一張餐牌，一邊係全日都叫得，另一邊就係早餐，個限定時間顯示又唔清晰，成壘擺哂係度，真係要張張都睇哂d細字先見到，算，係我無細心睇清楚。野食到，個出前一丁牛麵，咪粉分開試自己落，有好有唔好，不過湯係凍既，都唔夠熱整溶d咪粉食到，多士同炒旦又係凍哂，多士唔脆，奶茶做唔返以前茶香奶滑，又係唔夠熱。野食唔夠熱，好味指數已經扣左好多分，加上真係keep唔到水準，餐牌睇到我好亂😖