華嫂冰室 (皇廷廣場) (已搬遷) 新店位置

位於元朗的華嫂冰室一早已經久仰大名，但很少在元朗出沒所以一直都未有機會試。最近在觀塘開了分店，對於我這個觀塘友來說實在是好消息！都待開張了好一段時間，還趁平日放假才約朋友去吃下午茶，哈哈就是想避免人潮。不過那天朋友早了放學，所以一點都未到就已經到觀塘了。本來以為都要走一段路才到，其實離地鐵站都只是５－１０分鐘，算是方便易找！轉角之後遠遠已經見到一大群人，心想要是排太耐的話就真是要再下次擇個好ｄ的時間再來，誰不知拿了籌號等了２０分鐘左右就有位了。在門外排隊時已經很興奮地和朋友商量好要吃什麼什麼，所以一入去就點菜我們每人各叫了一碗米線，一碗是蕃茄湯底，另一碗就轉了冬陰公湯底，還有２杯凍奶茶，和一個菠蘿豬扒包。兩個湯底我也試過，蕃茄湯真是名不虛傅，很濃郁的茄蓉；冬陰公湯都不錯都是濃味的，愈吃愈辣，這個比蕃茄湯更值得一試。至於菠蘿豬扒包，切開了每人一半，好喜歡它的醬汁，絕合得不錯，有意外的驚喜！還有凍奶茶，特別在是用的冰塊都是奶茶冰出來的，所以味道不會因為冰溶而淡味了！整體來說不錯！

午飯時間十二點黎都幾多人架，拎左飛後都要等差唔多半個鐘先有位。1. 芝士咸牛肉蛋豬仔包芝士同咸牛肉都好足料，隻煎蛋仲流心添。豬仔包熱辣辣仲脆架!2.凍奶茶夠滑，同甜，如果茶味濃D就更O岩我口味3.豬扒菠蘿包好驚喜呀，一間茶餐廳竟然會落HONEY MUSTARD!! 豬扒又夠淋，菠蘿包又脆真係好夾呀

招牌菠蘿包假日去華嫂，點知一點拎位，要等一百一十個無聽錯係一百一十個。我和朋友去附近吃午餐，大約個半小時後，再貪得意睇下到未，點知真係就到，雖然好飽，但又想試喎！所以我們又等多半小時，大約三點我們終於入到去菠蘿包即叫即做！菠蘿包包著牛油丶煎蛋和蕃茄片，，菠蘿包新鮮出爐！外皮酥脆香甜，炒蛋好滑配上蕃茄片，增加不少清新感，又減少了牛油的膩，唔好睇個包和配料都係普通材料，但夾起上㴝真係想不到的美味奶油多好難唔好食！不過我們掛住影相，遲左食個多士，凍左個多士硬哂，無咁好味！

一直想食華嫂，因為佢都幾出名，最近知佢觀塘開左分店就去試下啦，點知⋯⋯⋯奶油多$12，口感ok,味道都中規中矩，塊牛油都唔會太咸，咬落仲脆脆地熱熱地咸牛肉芝士蛋豬仔包$19，個包係有焗過既，芝士味都好出，味道唔錯架，幾好食，不過呢啲野點整都唔會難食得去邊既⋯但就幾抵食$19重頭戲黎啦，觀塘限定既忌廉湯通粉$32，聽落就好吸引，食落就⋯食左一啖唔想再食，個湯完全無味，淡如水，得個「傑」字，對通粉係快熟果啲黎，仲要好林⋯⋯⋯仲以為觀塘限定會特別好食啦，點知係特別難食

住係觀塘的我， 一知道開左間華嫂室， 當然立即帶家人來試下。下午12時前到達， 已經見到好多人係門口等緊， 等了大約45分鍾才有位， 已經想好要食咩， 一坐低就叫得拉首先， 叫了一份招牌菠蘿包來share, 枱面放了刀， 方便切開來share食， 好細心呀! 菠蘿包焗得鬆脆， 配合蛋， 蕃茄同牛油， 味覺一流， 口覺多層次， 好滿足。呢個都好好味， 多士夠脆， 咸牛肉很香口， 再加上滑口的蛋， 食起來唔會太乾身， 味覺又夠惹味， 正!主角到了， 是蕃茄豬扒沙通粉。 個蕃茄湯很濃郁， 有很多茄蓉， 酸酸甜甜， 很開胃。 通粉煮得恰到好處， 軟硬適中。 豬扒唔太鞋， 好食

聽講話哩度既"招牌菠蘿包"好好食，成日想試好耐，上次黎到又咁岩撞正佢內部裝修，今日終於都有機會可以試下佢地既食物喇可能係朝早既關係，黎到門口唔使等位就入到去坐，望左Menu最後order左一個"招牌菠蘿包"同一杯凍奶茶。水吧效率好高，落完單好快就黎左order既凍奶茶。凍奶茶嗒落比出面冰室多少少茶味，茶同奶既比例都算均勻，而甜味亦都適中。廚房亦都不遑多讓，岩岩飲完第一啖凍奶茶之後，"招牌菠蘿包"亦都送到面前。俾手機食左第一啖之後我亦都即刻起動口感方面，包身溫熱，口感亦很鬆軟。菠蘿皮很脆口，但好易散，食完之後碟面佈滿既都係菠蘿皮碎。煎蛋同蕃茄令菠蘿包口感層次更加豐富，但其熱力亦都令牛油溶得好快，令到食落只隱約感覺到牛油既味道但係就感覺唔到牛油咬落去既感覺。味道方面，菠蘿皮味道都偏淡，菠蘿包原有既味道亦被煎蛋同蕃茄既味道蓋過，令食落感覺同食緊用焗爐烘過既甜餐包整既分別唔大。總括以上，哩度既食物幾有創意，諗法亦都幾新鮮，價錢亦唔太貴。但食物質素方面，就有少少見面不如聞名，但不仿一試。

係網絡上見到很多網友對華嫂冰室的推介，終於在不用返工的日子下去一趟。諗住中午12點，未到午膳時間會較容易找到位，估唔到去到已經見到門口企滿人。攞咗飛仔要等30多個號碼，最終等咗超過一個鐘。入到去，即時叫咗網友介紹嘅凍奶茶、招牌菠蘿包，另叫咗一個蕃茄湯底公仔麵，配以仿鮑片及咸牛肉及一個冬蔭公湯底豬扒米粉。一嚐菠蘿包，暖立立，外脆內軟，好味到不得了。反而凍奶茶，我個人覺得稍為甜咗少少。仿鮑片及咸牛肉公仔麵，湯底濃郁，很好味，仿鮑片很鯰，很好味，咸牛肉則似乎不太適合與蕃茄湯底，下次應選擇其他"食送"。另，簡直一絕。豬扒鯰身入味，冬蔭公酸辣度適中，很香香茅味，食完仍有冬蔭公湯回味，好正。

那天大概16:45經過發現華嫂新大陸。且見不用等位，箭步速入...點估到佢話今天所有食品售罄！開左張成半個月都咁好生意，一定有其個人之處，仲見人食住個好多料嘅菠蘿包咁新款...隔左2日再嚟過！曄...巧多人，心想縮沙但蝦子餅話等陣囉！一等半粒鐘...坐低店員還說"沒有翻單"。算了算了，我又不愛"攤凍"嚟食，所以試住d先啦!

終於得閒試華嫂新店, 當然要試下...豬潤芫茜皮蛋湯+通粉  湯底唔錯夠清甜, 豬潤新鮮, 皮蛋有花靚仔.再加一件鮮油多, 熱嘅厚身多士+冰凍嘅牛油 -> 美味

當日約十點左右去到門外，由觀塘站行去的路程比想像中近，去到竟然唔洗等位仲未出現人龍，但有頗多人係門外等外賣，所以我地二個人就好快坐落叫左三樣野（見圖），二個湯底都比想像中好，夠濃味，冬陰公就越食越辣，不得不提，杯奶茶茶香夠滑有機會一定會再到訪（如果玻璃窗有野阻擋下陽光會更好）

排左咁耐幾期待入去食佢既招牌食品，叫左招牌咸牛肉朱仔飽+招牌波羅包+撈面+忌廉湯通粉+凍奶茶！食完之後覺得名大於實，個招牌波蘿包食落去好似無味咁樣，感覺一般面飽舖既波蘿包仲比較好食過佢，個通粉十分之普通只食到咸味完全無我所期待既忌廉湯個種濃郁香滑，金x忌廉湯都比佢濃香，要排咁耐去食既話，我覺得真係唔值得！今餐唯一可取既係杯凍奶茶，幾香幾滑幾好飲！

星期六2:30pm, 拎220飛, 等左45mins左右就入座. (遇見朋友115飛, 1:30pm拎)好多人都等等下走左, 所以都算係快既, 而且order至送食物都好快, 同平時d茶記一樣甘快手.新店, 當然乾淨整齊又夠冷氣, 而且日光好夠.報完料, 講返d食物先.芝士咸牛肉蛋多士 ($20) :同友人share. 烘底平均, 比一般既烘得深色同脆好多, 值得一讚係底同面都烘得一樣甘脆.咸牛惹味, 而且就算夾左芝士都唔會太咸. 呢個配搭好豐富, 芝士蛋已經好正, 加埋咸牛, 夠哂飽.招牌菠蘿包 ($17) :個皮真係真係好脆, 不過係好明顯焗耐d焗深色d, 緊係脆啦. (平時金黃色, 佢暗黃色)夾住蕃茄, 蛋, 厚牛油. 其實一黎到就好食, 唔係牛油溶好快, 食唔到個種厚牛油既口感.呢個包冇甘膩, 因為有蕃茄好清新. 去走左厚牛油既膩.肉眼筋, 魚肉米線 ($27) :友人試左呢個米線, 仲有飲品. 所以我唔知好唔好. 但佢覺得 ok.我地好奇肉眼筋係咩黎, 都係豬既筋位. 個口感似豬頸肉但冇甘油膩.

聞名咁耐未試過 今日終於放假一試 人數眾多 所以最後選擇外賣 希望可以快d品嚐一下招牌菠蘿包 點知一到手 菠蘿包塊牛油已溶晒 好失望 真係唔會有下次!一路企門口見住d外賣遲遲都未有人理 就知個包實唔洗期望咁高! no next time!!!

今朝早同事同老公一早起身去華嫂冰室食早餐，What's app問我要唔要早餐，我梗係要喇，可以唔駛自己排隊就布得試吓出名嘅菠蘿包，我梗係唔執輸喇~菠蘿豬扒包 - 雖然我覺得$24一個菠蘿包係好……貴，但係……佢太好味~~我食三文治、豬扒包唔鍾意有生菜、蕃茄，所以我呢個係全走~~同事落Order嗰時，同佢同枱嘅人，好多事咁話，吓……全走﹖ 關佢咩事者，多事~返到公司，就已經見佢喺枱度等緊我……一咬落去，不得了，個菠蘿包面重係脆架，個豬扒超淋，又Juice，煎到好香，真係超正，可惜……佢其實離公司都幾遠，同埋，太多人，我唔會去排隊~~

連續兩個星期六下午點幾鐘嚟排隊，都要超過80分鐘先入得 ... 入正題： 觀塘限定撈麵 - 猪扒絲好香，豉油汁味道剛好；蕃茄湯底烏冬 - 啲蕃茄味怪怪，烏冬咬落去散口；招牌波蘿包 - 包面烘得太乾，有蛋、蕃茄、牛油夾埋又幾fresh; 芝士咸牛肉蛋多士 - 非常好味；煎魚餅 - 太油；檸多 - 檸檬味唔太出；熱/凍話梅甘桔 - 熱嘅好味啲 ... 後記：都係貪新鮮，第一次同第二次去食同一樣嘢，第二次食味道好似差好遠；menu選擇唔多，最失望係個蕃茄麵；有個阿姐叫佢落單話轉頭先，喺你面行幾次都唔過嚟落單；唔駛排隊先會食第三次