華嫂冰室 (皇廷廣場)

營業中

休息中

假期早上十點，襯未有人排隊就試下啦。三個人叫左兩碗粉、兩份三文治食、晨早流流就食咁多嘢。 蕃茄湯底牛肉通粉，湯底濃郁，食得出真材實料，牛肉係鮮牛肉，食落無咩味（牛味都冇），感覺健康。而兩份三文治，係蛋沙律同鹼牛肉，熱烘烘的特別好味，咬落好脆口，唔會太鹼，味道啱啱好，比起一般茶餐廳優勝，價錢又同一般茶餐廳差唔多，如果無人排隊嘅話都會再食多一次，但係如果要排一個鐘隊先可以再食嘅話，咁應該唔會再去啦

上一次星期六下午來要等30張枱，所以放棄左，揀平日九點半來終於不用等位。熱奶茶味道好一般。出面普通茶餐廳質素.招牌菠蘿包，有厚厚既鲜牛油,煎蛋,蕃茄,好吹料,食一個都好飽,雖然唔太健康,但個包的確係脆，好味既！芫荽皮蛋鲮魚球魚片頭米線，足料，魚片頭太咸，不過芫茜可以再多D更好,其他料都新鮮。可能我叫錯佢地唔係招牌既菜式,唔覺得好好食.如果要等半小時以上,我唔覺得太值得.

觀塘區，想要以稍高質的三文治多士配香滑奶茶作一天的開始，我暫時找不到華嫂之外的選擇。 華嫂的多士是即烘的，所以製作需時。今朝的賣相有點失手，但香脆依然。 饀料不是以量取勝，上下兩層薄薄的蛋沙律，蛋和沙津醬的配搭份量剛好，吃著蛋不會覺得太淡，沙律醬味亦無太濃。鮮甜的番茄和生菜放在中央，清新得很。顧及儀態的女士應會暗喜，因多士不會厚得張大嘴都咬不下。 華嫂的早餐沒有設A、B、C餐，全部都是散叫的。

某日因為有野做,經過觀塘,離遠見咁多人等位,原來發現係華嫂於是搵埋朋友,趁放假一齊去試下lunch時間,門外已經好多人等位,好在都唔算等好耐可能啲人等外賣多餐廳有啲西斜,夏天應該會熱死黎之前都做左少少資料搜集既,睇到啲人食奶油多,好吸引咁所以點都叫一份多士幾脆身,而且啲奶油多到漏哂出黎再叫左一碗新鮮牛肉米線,加雞翼,再配蕃茄湯底其實咁就$43,有啲貴,但一場黎到點都要試牛肉幾腍,唔鞋口,雞翼話就話秘製,但只係一般豉油雞翼,冇咩特別蕃茄湯底都幾杰身,都幾濃郁,幸好唔太咸味道還可以整體就係冇人地講到咁好食,亦冇咩特別或者係我期望過高卦

華嫂熱潮似乎稍有收斂。如果不是星期六，一個人去食早餐，基本上可不用等位了。華嫂除了名物菠蘿油和咸牛豬外，餐蛋丁亦做得相當不錯。不知為何無人推薦。 一擺上枱，賣相已先聲奪人。嬌艷欲滴的太陽蛋，肥厚的兩大塊餐肉，怎能不令人食慾大振。丁麵湯底所發出的香氣，絕對可喚醒味蕾。不愛太淋麵底的我，趕快用日本人吃拉麵方式，𠽌𠽌有聲地把麵送進肚裏。丁麵的滋味無須多費筆墨形容。喜歡把最好的留到最後的我，夾起餐肉，慢慢品嚐。兩片厚餐肉絕不是普通貨色，美味盡在不言中。不想排隊的華嫂粉𢇁，不妨平日早上就來拜訪，除了品嚐名物外，也給餐疍丁一個機會。

華嫂開到觀塘對於我地呢啲為食鬼黎講係福音，唔洗去到元朗先有得食得。 芝士鹹牛肉蛋豬仔包 ($19)鹹牛肉同蛋真係天作之合。蛋煎得好嫩，蛋黃有少少流心。鹹牛肉本身好香，仲要加埋半溶芝士邊有得輸。豬仔包烘得微微脆身，裡面好鬆軟。整體配搭唔錯，做早餐一流。 秘製撈米線 ($42)觀塘分店獨有既撈米線。醬汁好香麻油、醬油、莞茜味，仲有脆蒜粒粒。配上火腿絲、紅腸 、午餐肉、豬排，香口惹味。 不過講真唔算太特別，係屋企都整到。但如果想飽肚呢碗秘製撈米線就都係一個唔錯既選擇。

專程去，等左一個鐘。。付出太多了吧。。？米線無想像o甘多芫茜o甘香; 豬潤過熟，有點靭。凍花奶茶太甜。。不過，算滑嘅。這個，外貌極吸引。皮夠胞，可惜飽不夠軟。。亦欠牛油香味。以組合來説，很喜歡那片蕃茄。紅色點綴吓~靚得黎使整個飽清新啲。

本著好奇俱使去試吓咁多人排隊的華嫂, 唔知是否香港人對食物要求抵咗, 咁的茶餐廳一點都不值得去光顧. 收費一點也不平, 餐牌早餐全是散叫, 咁第一次光顧, 例牌ORDER招牌的咸牛肉三文治, 波蘿包及奶茶. 先講杯奶茶簡直衺到無朋友, 無茶味, 番沖多次所以好"苦", 另外個二件招牌菜, 咸牛肉應該係用罐頭貨色, 不值咁的收費, 個波蘿包怪怪放D蕃茄煎蛋, 又甜又咸. 最慘地方又迫, 坐得好辛苦.以後請我都唔會光顧.

難得放假就是要去吃平時吃不到的東西自從知道華嫂在觀塘開了分店,就一直很想去,但星期六去一定很多人最不喜歡排隊,所以趁著平日放假,一於去試下中午時間去到,門外已堆滿了人,幸好只是等十多張枱等位時,拿一張外賣紙看看大約等了15-20分鐘,終於有位了等位期間已一早點好餐,所以坐低不久食物就陸續送上了!招牌菠蘿包菠蘿包烘到非常脆身,中間夾住一塊厚厚既牛油,蕃茄同蛋不過蛋略嫌過熟,幸好有juicy既蕃茄同塊好邪惡既牛油雖然味道係唔錯,但實際上冇咩令人驚喜既感覺而後面杯奶茶,入口順滑,奶味幾重香煎豬扒通粉好足料,豬扒有兩大塊,豬扒腍身,醃得幾好,不會過咸湯底方面揀左蕃茄湯,湯非常濃郁同杰身令熱力無法散出,所以食到最尾通粉仲係保持熱辣辣不過感覺蕃茄湯全是用茄膏做

今日LUNCH 同事帶左我去華嫂冰室食野。同事力推菠蘿飽超好食，叫我一次要試下。華嫂冰室既菠蘿飽好特別，入面仲有蛋同蕃茄，成個漢堡咁大個。一般既菠蘿飽就甜既，呢個菠蘿油又甜又香又Fresh，菠蘿飽面好脆口配埋杯奶茶岩岩好，港式風味既LUNCH！我亦都叫左個最出名既蕃茄雞翼公仔面，有好濃既蕃茄味，肯定唔係CAN FOOD，雞翼就冇咩特別。

招牌菠蘿包 $17終於終於黎到華嫂試下啦之前好幾次都遇到長龍而放棄今次專登揀星期一臨收工前即係4:45PM去到 終於等10分鐘就有得食咁就梗係嗌個菠蘿包黎試下先啦菠蘿包烘得好脆好香 送上黎時仲熱辣辣招牌菠蘿包入面有牛油 煎蛋 同埋番茄但係我唔係好鍾意配埋番茄一齊食本身帶甜嘅菠蘿包 加埋蛋同番茄好似怪怪地令到蕃茄有啲搶左菠蘿包嘅香味都係比較鍾意普通嘅菠蘿油多啲搵日去番金華食番件補數先得芝士咸牛肉蛋多士 $20唔知係咪趕住收工嘅關係 件多士唔係好熱但可以睇得出係落足好多料嘅味道方面都比出面好多茶餐廳優勝尤其係咸牛肉 好夠味又夠碎 好易入口芝士同蛋就比較普通 無得點樣評論但成份三文治黎做下午茶都真係幾飽

久仰大名的華嫂終於衝出元朗區，到觀塘區開設分店。雖然華嫂冰室分店設於觀塘工廠區，但這麼出名依然引來不少食客的等候，輪候時間起碼要半小時，老在遠處已經看到人龍。 當天下大雨以為人潮也因而減弱，這想法絕對是大錯特錯。原來其他食客對華嫂依然相當堅定，值得與否那就見仁見智了。大概兩點到，號碼叫到五十號，而手拿的號碼為一百二十多，少點耐性也不行。記得華嫂冰室只從早上九點營業至下午五點，而星期日是休息的，做足準備以免碰門釘了。有人説華嫂出名了，人紅態度也變得囂張，不過在我那天的店員也是相當友善，絕對沒有「囂張」的狀況出現，所以整體的感覺也算不錯。分店由西廚出身，華嫂的兒子操刀，招牌菜依然會在分店照常供應，更加設觀塘限定，例如忌廉湯通粉、秘制撈米線及樽裝凍奶茶。不過這次我們還是先吃一些招牌菜式吧，發哥和余文樂也是華嫂的熟客，不知道有沒有機會見到他們呢？芝士咸牛肉蛋多士：這是我在華嫂冰室的至愛。咸牛肉的味道非常突出，配上邪惡的芝士，不過華嫂的芝士沒有太過火，但依舊充滿芝味！烘好的多士夠脆身，而蛋並不是完全熟透，因此吃下去的時候不少也有蛋黃流出來，非常美味。蕃茄豬扒雞翼通粉：當日挺肚餓的，所以各一點了一

位於元朗的華嫂冰室一早已經久仰大名，但很少在元朗出沒所以一直都未有機會試。最近在觀塘開了分店，對於我這個觀塘友來說實在是好消息！都待開張了好一段時間，還趁平日放假才約朋友去吃下午茶，哈哈就是想避免人潮。不過那天朋友早了放學，所以一點都未到就已經到觀塘了。本來以為都要走一段路才到，其實離地鐵站都只是５－１０分鐘，算是方便易找！轉角之後遠遠已經見到一大群人，心想要是排太耐的話就真是要再下次擇個好ｄ的時間再來，誰不知拿了籌號等了２０分鐘左右就有位了。在門外排隊時已經很興奮地和朋友商量好要吃什麼什麼，所以一入去就點菜我們每人各叫了一碗米線，一碗是蕃茄湯底，另一碗就轉了冬陰公湯底，還有２杯凍奶茶，和一個菠蘿豬扒包。兩個湯底我也試過，蕃茄湯真是名不虛傅，很濃郁的茄蓉；冬陰公湯都不錯都是濃味的，愈吃愈辣，這個比蕃茄湯更值得一試。至於菠蘿豬扒包，切開了每人一半，好喜歡它的醬汁，絕合得不錯，有意外的驚喜！還有凍奶茶，特別在是用的冰塊都是奶茶冰出來的，所以味道不會因為冰溶而淡味了！整體來說不錯！

午飯時間十二點黎都幾多人架，拎左飛後都要等差唔多半個鐘先有位。1. 芝士咸牛肉蛋豬仔包芝士同咸牛肉都好足料，隻煎蛋仲流心添。豬仔包熱辣辣仲脆架!2.凍奶茶夠滑，同甜，如果茶味濃D就更O岩我口味3.豬扒菠蘿包好驚喜呀，一間茶餐廳竟然會落HONEY MUSTARD!! 豬扒又夠淋，菠蘿包又脆真係好夾呀

招牌菠蘿包假日去華嫂，點知一點拎位，要等一百一十個無聽錯係一百一十個。我和朋友去附近吃午餐，大約個半小時後，再貪得意睇下到未，點知真係就到，雖然好飽，但又想試喎！所以我們又等多半小時，大約三點我們終於入到去菠蘿包即叫即做！菠蘿包包著牛油丶煎蛋和蕃茄片，，菠蘿包新鮮出爐！外皮酥脆香甜，炒蛋好滑配上蕃茄片，增加不少清新感，又減少了牛油的膩，唔好睇個包和配料都係普通材料，但夾起上㴝真係想不到的美味奶油多好難唔好食！不過我們掛住影相，遲左食個多士，凍左個多士硬哂，無咁好味！