華嫂冰室 (皇廷廣場)

營業中

休息中

華嫂係元朗區起哂朵喎，而家踩出泥觀塘，唔通想寫個掂字？幾年前成班老友柴嘩嘩入去排足成個鐘先食到一碗唔知叫乜九面，已經媽聲四起！今次幫襯係因為成個觀塘工廠區都食到厭，見到佢新開就好自然仆到去試鐘，早餐時段，其實任何時間段，只設散叫，叫左碗餐蛋咸牛麺，涷啡，盛惠50幾蚊，暗自拍打春天的手袋。餐蛋咸牛面普通過普通話，求其過隔離都食到，凍啡能夠保持到普通茶餐廳的味道，座位又窄，貼＄買難受，絕括來說，不值一排，又一被雜誌寫手過份吹捧的餐廳

連吃了幾天久違的.有華嫂冰室, 之前我地一直都是在屏山老店食開的. 次次去都要等起碼成粒種的.華嫂之前已有同我地講會係觀塘開分店, 仲話係皇廷廣場.不過我之前懷孕同孖寶出世都未有時間再去屏山總店/觀塘分店.最近, 終於有機會試了觀塘分店, 不過味道同印象中的屏山華嫂有點落差.米線很''淋'似的, 番茄湯底好似有D酸味咁.但招待的菠蘿包就真仲係好正, 堅好味.以為觀塘唔洗等咁耐, 非也, 都係要等一段時間先可以入座呀~所以想食, 就要預定時間啦!仲有吃了久違的, 就是士林牛肉麵, 懷孖寶前都係成日去食的. 因為近同真係有d台灣feel.而呢, 以家當然又係好耐無試啦~今次去碗麵已經加到$50了, 唔包飲品, 有點貴呢~我們最初去光顧時都是$3x 左右, 一直因為牛肉貴的關係, 價錢係極速咁加上去到以家$50.仲有,第一次試食的魷魚呢, 感覺就係....以後都係keep住只會食牛肉麵/豬手麵囉~

去華嫂，終於唔駛山長水遠入新界，觀塘呢間華嫂，雖然都要等位，但起碼近啲市區，今日，我三點黎到，等左十五分鐘左右就有位黎到一定要試佢既招牌菠蘿包，雞翼米線同蛋沙律三文治

前天去摸了門釘，天知道香港市中心竟然有店鋪五點收店！昨天再次挑戰，果然名不虛傳。先說令人失望，再講令人喜出望外。華嫂有兩樣必食，一是茄雞翼豬扒通粉，但比想像中失望，蕃茄是偏酸，略嫌不夠甜，湯亦不夠濃。小妹食過馳名勝香園的茄牛通、星座冰室茄牛米線，難免作比較，這裡是比這兩間遜色。另一必食是招牌菠蘿包，值得讚是配料相當豐富，菠蘿皮是脆而有溫度，如果只是配菠蘿油是相當值得一食再食。但也許小妹總覺得菠蘿包是要甜的，這樣的配搭又鹹又甜，總有種違和感，小妹在偏好上減了分。咸牛肉蛋豬仔包，力推之一！咸牛肉，蛋、芝士，芝士和咸牛肉一向都相當夾，這隻芝士更添滋味，整個包相當有層次，好好食！出色過瑞記咖啡的蛋牛包！如果要選一樣必食，秘製撈麵是首選！豬頸肉、紅腸、午餐肉炸到金香可口，配上秘醬撈米線，啖啖肉，同行友人都話無得頂！茶底是好飲，但落得太多糖漿，失去平衡，下次會轉試熱飲，試試會否更好！

終於有機會係星期六放假黎華嫂冰室潮聖，帶埋媽媽去食好野。由於冰室只於星期一至六營業，仲有收晏畫5點，平日放工根本無機會食。而觀塘分店未開前，只有比較遙遠既元朗總店，所以一直未去拜訪。一直有好多明星熱捧，連余文6 都係常客，究竟係明星效應定真材實料？食過先知！地點尚算易搵，去到已接近收舖時間，前面有幾名後生等位，我跟媽拎到最後一張籌（好彩時間岩岩好）亦好快就入座。可是我想要既支裝奶茶已賣完。招牌菠蘿包 $18 好新鮮熱辣，首先個皮係非常脆，我覺得菠蘿包應該就係要脆，脆得黎要有少少少硬。太軟既又會變得食左陣風咁。中間夾著一層牛油（邪惡），一層煎蛋，底層兩片蕃茄。牛油融化令蛋較香，煎蛋過熟，如果係半熟蛋/太陽蛋，有蛋黃汁流出，食起來應仲更加豐富juicy.唔知呢個係咪茄蛋治既變身？蕃茄大大塊令我感覺良好d，邪惡中的清泉😹牛油已被融化凍奶茶$15奶香茶濃，奶跟茶味剛剛好，絲滑細緻，亦係呢度招牌之一。鮮油奶多 $13個人喜愛厚厚多士，仲要烘得脆脆咁，夾著size同多士一樣大同有分量牛油鍊奶唔太多 剛剛恰到唔會流出，食果陣奶加油在口中融化，又唔會好膩！一般茶記裝潢。店員服務不錯。後記：我被隔離抬食

之前華嫂太遠，一直沒有去試。到現在觀塘有分店，終於有機會去試，不過食華嫂要好有耐性先得及講時機，排隊最少都等半小時至1小時，我食左幾次，真係好好食，特別係蕃茄湯底，非常鮮甜開胃。仲有個免冶牛肉包，真係好夠味道，又唔太咸。當然，要提的是奶茶啦，味道一流呀。。

早起床是件難事，要你放假早起身，難過做X（請自行配上名詞），呢個應該係大部分人的同病。但早起的鳥兒有蟲吃是人所共知的事實，特別係一些排隊熱點，那些晨早就會有人龍的餐廳，可能你會話台灣的排隊早餐文化百花齊放，但其實香港也絕對不弱，如果台灣有阜杭豆漿或是陳根找茶，那麼我會說香港也有華嫂冰室。當我去觀塘新開的華嫂冰室再朝聖時，同好多人講開先知，原來都幾多人冇食過華嫂冰室。介紹下是必要吧，華嫂冰室在元朗確實是勁到不行，我試過周六九點幾由九龍揸車去到元朗，那類已經排滿人潮，幾多人已經在享受那個招牌菠蘿包，還有在吃那幾個美味到不行的麵食，不過，要咁早入到去，對住九龍的我真係好大壓力。幾多個星期六都想早起身，聽說觀塘都是排隊熱點，於是每星期都在被窩和華嫂之間爭紮了非常良久，每個星期被窩都贏了一將，每次都只能夠去到睇早場而不能夠食完早餐先睇，我想我來這裡朝聖應該有好幾個月了。應該有四年多沒有試過日常的周中放假，假期去長龍店永遠是最的選擇，突然我想起在觀塘的華嫂，我想應該沒有這麼多人罷，就去碰下運氣。星期四的十點五十分，去到竟然完全不用排隊，天啊，這也太幸福了吧，平日有假期放的的心甘情願地起身，就是為了

一直以黎華嫂名氣都超班 久仰大名 起初只得元朗主店當時成日都聽講要早早去到大排長龍 有錢有力都未必食到係觀塘開設分店 絕對係方便左唔少住得唔近元朗既人 唔洗山長水遠走到元朗亦可以一嘗華嫂滋味雖然開設分店分擔左人流 但係當日四點幾去到仍然有不少人等候堂食 所以決定外賣邊行邊食買完只係等左幾分鐘就有喇 一拎上手迫不及待快手影完相就開動招牌菠蘿包 ($18)一打開紙袋係有啲失敗 平時見人既菠蘿包夾住既牛油都又厚又大塊 望落相當吸引 但係我呢個完全睇唔到牛油既存在 估唔到即買即食牛油都已經融曬 但係成個菠蘿包真係好巨型雖然係咁 大啖大啖咬落去 就發現牛油融曬係入面 超多牛油有如瀑布一樣 好幸福麵包做得好出色 唔止係菠蘿脆皮脆卜卜 係連底下既麵包都係外脆內軟 唔會實的的 非常鬆軟 好好食荷包蛋煎得岩岩好 雖然唔係最正既溏心蛋 但係蛋黃金黃 當然如果係半熟有蛋黃流出就更加吸引喇番茄既作用無疑減低左菠蘿包同牛油既膩滯感 覺得如果平時怕食菠蘿油會滯既人都可以一試我個人又唔覺得又鹹又甜好奇怪 因為其實平時食漢堡包既包身本身都帶甜而且一樣夾有番茄外脆內軟菠蘿包X牛油瀑布X荷包蛋呢個組合真係無敵

華嫂冰室之人氣可算得上是嚮噹噹，所以就算遠至山長水遠的屏山亦大排長龍，而自問就真的没這能耐為咗個菠蘿飽而去遠征了正如好多好事一樣，刻意去找卻找不到、不去找它卻自動來，華嫂竟然開分店，仲要是我工作的地方~觀塘招牌菠蘿包賣相非常吸引，菠蘿包皮鬆脆可囗、飽身微暖，一塊厚切的牛油、一隻全熟的雞蛋、兩片蕃茄，我在想……如果有得給顧客選擇太陽蛋及可另上的話，食的時候就可將麵包吸收住流芯的蛋黃同食，必定更多人喜歡食！做生意只要肯靈活執生及接受顧客的意見便是王道，希望華嫂有一天，真的可以有此改動啦

上星期放學之後,黎左華嫂冰室,同D同學食野,估唔到幾正呀食左個菠羅油,菠羅包雖然濃左D,不過幾脆下面年蕃茄一齊食仲惹味咸牛治真係好正呀首先個包烘脆左,咬落去口感好特別咸牛肉加蛋真係好好味,整得唔好會好難食但依度整得真係好好食

週三，天陰稍寒。年輕貌美同事告之，此冰室本店於屏山，為知名冰室，突進駐觀塘，即有媒體關注，每日海量食客驀名而來，小弟怕多人之地而未有光顧，等熱潮悄為冷卻才到此進餐。下午二時方去進膳，街角遠處已見有大量食客於門外等候，吾等眾人等了約二十分鐘方能入座，等候其間發覺客人中不乏美貌女性，時移勢易，當年小弟約女孩子外出都怕到冰室茶餐廳進餐而被冷眼，定必到西餐廳訂位進餐，如今貌美女性卻甘願於寒苦之天等候到冰室進餐，小弟不解，唯覺生不逢時，若能遲三四十載脫胎轉世定必如魚得水，唉。時也命也，小弟唯有滿心期待美食到來。招牌菠蘿包夾有蛋，蕃茄及牛油，麵包溫熱，惟小弟此包底不及金鳳茶餐廳那種包底香甜柔軟。秘製撈米線不錯，味不濃，頗有特色，略油膩。芫茜皮蛋豬膶湯米線，翠綠芫茜舖滿在熱湯上，豬膶質嫩唯味淡，湯味清新怡人，凍奶茶不錯，茶香味濃質滑，屬中上，如今尋得一好奶茶已尋瑰寶，好比中馬票，明星光顧不等於優質，多人打卡亦會中伏。

華嫂冰室開左分店o係觀塘日日都排長龍, 今日1點倒去拎ticket, 等左成45分鐘先入到, 就係為左呢個芝士咸牛肉蛋豬仔飽.呢個豬仔飽睇落無咩特別, 但真係好好味, 豬仔飽烘熱左, 外脆內軟, 入面夾左好多咸牛肉, 而d芝士就半溶, 個蛋亦唔會煎得太老, 所有野加埋好perfect,好正, 一個人食2個都得, 哈哈, $20都抵食! 

今日平日，剛喺郵局寄完野就行左一個字黎到邊邊位嘅華嫂食早餐，想食好耐架喇，食咩都唸定，係怕大排長龍jei. 大概10點唔使排隊仲2個人坐張小圓枱，我地嗌左2樽雪櫃嘅膠樽華嫂奶茶 甜度適中，茶味亦香濃，攤左一陣先飲都咁香濃好味，飲到底見到好細點嘅茶葉認真真材實料！招牌蛋沙律多士 好快就送上li份三文治，麵包全部烘底之餘蛋沙律搽到去邊，唔係咬頭啖有料之後就無~中間夾了新鮮蕃茄切片同埋菜，應該有索好多餘嘅水，加上兩邊都有蛋沙律同烘底，就算其餘兩件係我地食完麵至食都唔會影響到口感！豬扒雞翼蕃茄湯通粉 蕃茄湯好濃每粒通粉都入哂蕃味！豬扒都好tender!雞翼肉眼筋煎蛋冬蔭公米粉 雞翼醃得好入味但無過龍，大大隻食到啖啖肉的，肉眼筋好似一塊扒切成一條條一咬就食到們滋味，我隻煎蛋係流心嘅，蛋黃漿撈埋冬蔭公湯好夾好正，而冬蔭公湯底雖然不是太辣, 整體成碗麵都做得好有心機唔係是但將材料放落碗的食食下出面開始多人要等，但係佢地都無chur到d食客走，同埋咁忙都堅持到認真製作食物，li點我係欣賞的

華嫂終於降臨九龍區, 唔使去到山卡拉咁遠先食到喇~聽就聽得到, 食就真係一定要試下!LUNCH TIME 1PM黎到.....等左接近40分中先入坐, 冇計, LUNCH TIME實多人~當然要叫個MENU上招牌菜食 (不過其實選擇並唔多)~蕃茄豬排雞翼出前一丁 - 對於蕃茄湯有情意結, 呢度既湯底杰身濃郁, 顏色鮮艷不過略微唔夠蕃茄味道. 雞亦炆得好入味, 好林身, 肉質嫩滑! 豬排唔韌, 調味剛好, 一大塊豬排一開二, 如果一開三會比較易咬.下次會試其他食品!

第一次光顧華嫂，當然要點她的招牌菠蘿包和奶茶。招牌菠蘿包 $17菠蘿包外脆內軟，再加上一大塊牛油、半熟的煎蛋和2片新鮮的蕃茄，外型已經十分邪惡😈每一口都充滿牛油香，菠蘿包跟蛋和蕃茄出奇的相配，也不會有太多人工的味道，但如果喜歡較燶味的朋友，可能會覺得味道淡淡。熱奶茶 $14茶奶比例適中，正常茶餐廳的質素，不算特別突出。整體感覺不錯，下次可以試試他們其他的出品。