華嫂冰室 (皇廷廣場) (已搬遷) 新店位置

星期六唔想過到咁懶，抆左男友起身散步食早餐，去到華嫂已經好多人排隊，竟然吸引到咁多人weekend 起身排隊食，好似有d 料到啵！蛋牛治 樽仔奶茶蛋牛治$18真係十個好食，包身好脆口，個蛋有好滑身，加埋咸牛肉一流，不過牛肉稍咸，所以我剔走左少少肉先食哈哈哈樽仔奶茶$23係貴過杯裝的，一入口就好濃茶味，有d 似茶走嘅甜度，如果有少甜就好啦，雖然甜，但同咸蛋治好夾，中和返，值得一試！蕃茄豬扒米粉男友表示好食，豬扒煎得剛好，唔會過un, 湯底好濃味但唔會過咸，食到一半有位貌似老闆嘅人問我地要唔要加湯，因為望落有d 乾哈哈，好貼心呀～加晒分！今次去都等左15分鐘，如果無咁多人可能會食得開心啲，會再揀個無咁熱鬧嘅時段再食過

華嫂走到九龍都是因為在附近上班才知道，曾經嘗試在午飯時間幫襯，但人多的情況是不能想像，就只好放棄。然而適逢早上時間有點鬆動，以致可以走來看看有沒有可能品嚐一下特別滋味。最終都可以進內試試了。二話不說就選了最有香港特色的菠蘿油。誠意首先在等待，並不是在下單後一兩分鐘內可以吃得到的，店內已有張貼寫明每樣食品都是即叫即製，因此需時。在看見它放到枱上時，便覺得等也值得。因為包是暖暖的，外層很脆，很新鮮的感覺。而牛油是厚厚的，很夠份量。雖然很下去後會有一丁點的罪惡感，但暖暖的、脆脆又軟軟的甜包，加上牛油的香，真是叫人難以抗拒呢！

聞名不如見面，終於有機會光臨一下。下午茶時段都排了數十分鐘。蕃茄湯底非常濃郁，每口有香濃蕃茄蓉的質感 ，豬扒、雞翼肉質軟身，但不太嫩，味道還不錯，公仔麵彈性良好。菠蘿包內餡新穎配搭，每口均有層次，菠蘿皮香脆可口，煎蛋味道香噴噴，蕃茄新鮮可口，配上牛油，口感不乾不膩。但不太感受到傳聞吹捧的美味程度。

點解星期日唔開喎～極討厭排隊的我，去到要等二十五張飛，但估唔到都算快！等咗二十分鐘左右，唔係會熱死係出面 冰凍奶茶 走甜凍都feel到係滑嘅！！但係小冰都好多冰⋯⋯冰螎又淡返啲波蘿油微熱好香，蛋汁爆出來無得輸雞翼通粉大大碗$25 秘製雞翼超入味又淋 轉蕃茄湯加$8芫茜皮蛋雞翼米線好足料 粗略估計皮蛋有一粒半咁多邪惡核心店員態度都唔錯，真心仲有好多款想試，下次再食！正！！

第一次去，見門外排哂隊等位，一心諗住試就等下啦，點知……十幾分鐘後，食很左個豬扒通加杯凍奶茶，塊扒唔夠厚，湯底無乜味，通粉好似未熟，杯茶又細杯，對面腕出前一丁淋哂，咁既價錢咁既質素，唔會有下次囉囉囉

之前見好多明星同食評加到嚟到呢一間餐廳做介紹，一直都覺得幾特別好想試，不過平時好多人排隊一直都試唔到。今日同朋友終於有時間喺平日早少少11點幾來試吓。兩個人一共點左幾樣野。首先係叫咗最多人點嘅蕃茄湯底豬扒米線，塊豬扒算係煎得唔錯。不過最令人期待嘅蕃茄湯底味道偏淡，米線亦太軟，食落冇乜味。另外係餐廳推薦嘅冬陰公湯底秘製雞翼豬根肉米線，個冬陰公湯算係小小味啦但亦唔夠平時出去嘅冬陰公好食，可能係期待太高所以有落差。奶油多士，不過不失，尚算可以。另外杯奶茶幾滑幾香濃，覺得可能呢度比較適合食下午茶，一件多士配杯奶茶咁就夠。

中午同同事終於有機會黎，大熱天時喺門口等左半個鐘終於有位。我叫左個冬陰公肉眼根煎蛋雞翼米粉，另加一杯凍奶茶。冬陰公湯就一般，有些小辣，不過成個米粉食喎佢其實好似冇乜特別，望去隔離枱人哋食西多可能會好d。

先講下排隊時間，原本午飯時間要輪候30幾個號碼，可是我一個人，馬上直入（聽到幾聲哇）😂————————————————————🍜番茄紅腸鹹牛肉丁麵：紅腸煎過，鹹牛肉正，番茄湯勁濃郁，用 ‪#‎出前一丁‬ $33🍹凍奶茶：濃滑-冰溶左都夠味 $15ps:好飽，所以無試到個招牌菠蘿包‪#‎唔洗入到元朗‬ ‪#‎觀塘分店‬ ‪#‎唔怪得余文樂重點推介‬

嚟開觀塘，記得有間華嫂，之前去過元朗果間，今次就買下小食，試下呢間。嚟到店員話就快關門，所以只收外賣，所以我哋就嗌咗幾樣野諗住出去喺架車到食就算。見到全店爆哂棚，睇嚟都好好生意，我諗下次要再嚟的話應該都離不開排隊 等咗10-15分鐘就攞得外賣。我哋嗌咗個1) 招牌蕃茄菠蘿油、2) 魚餅、3) 奶油包、4) 奶茶-------------------------味道:1)菠蘿油好似冇咩味咁，對個蕃茄配菠蘿包真係覺得麻麻。好似唔太夾。2)魚餅幾好食！份量都幾多3) 奶油包ok，烘底金黃色，料又夠！4)奶茶幾好飲，推介--------------------------下次會試個湯粉。最推介奶茶！招牌菠蘿包個人覺得失望，唔啱我口味。華嫂俾我感覺就係食物乾淨，味道亦唔錯，其實賣嘅食物同一般茶餐廳類同，所以好難話好好食，一定要食，只可以話，「可試」！

年幾兩年前已久聞華嫂個蕃茄湯底，可惜元朗對我尼個九龍人黎講，實在有少少遠仲要晨早起身先食到。所以一聽到話觀塘會開分店，心諗終於可以食到啦！ $25+$8轉蕃茄湯底 完全為左食個蕃茄湯底而黎😜芫茜湯底其實都好吸引，唯有留返下次。湯底都幾稠，華嫂尼個湯底全部用新鮮蕃茄熬成，好濃郁既原個蕃茄味，食落都幾酸下，感覺茄膏係無乜點落，係百分之百既真 · 蕃茄味呀！（不過可能會有人嫌酸得濟）個人口味黎講我覺得幾好食，好濃味好正。豬扒味道就普普通通，D肉易咬但唔會係死淋，唔係過度鬆肉粉果隻。幾彈牙，亦唔會煎到乾柴咁，唔錯唔錯。盛惠$33一碗，無飲品跟。鐘意蕃茄湯底既不妨一試既 餐廳環境方面就一般茶記格局，但就坐得好擠逼，同隔離枱既人基本上係椅背貼椅背，你想離開個位要幾個人企起身先讓到條路比你出。不過無計啦，咁多人排隊等食，咪唯有有幾多位就放幾多張枱囉。

Gooooood morning Mr Tang! 對，不是華嫂/Mrs Tang ，因為這觀塘店是她的兒子們打理的，把媽媽在圍村創造的傳奇，帶到市區去。華嫂冰室就像訪港旅客心中的翠華，不過是港版，無論是開在元朗或觀塘，都是令眾多週末遊人把到訪食店定為節目之一，為的其實是食材配搭上只是略有不同的茶餐廳食物。華嫂當初經營士多時應該還沒有此一著，由新界開到市區的魅力，特意打造都未必有這個效果。適逢平日到附近上課，餓著肚子、周車勞頓後走十多分鐘來朝聖。對，我沒聽黎明話，我空肚食早餐… 大汗淋漓加上空肚的煩燥感，在看到門外沒有輪候的情況下，一掃而空。如果是大熱天時，在沒有遮陰的環境下等位，相信是頗辛苦的，不過這店至去年十月已開業大半年，排隊情況應該稍為放緩。假日來吃的話記得要先上他們的facebook page 或ig，確定會開才不至摸門釘。云云工廈區中，觀塘算是最多優質食肆雲集的一個，多是樓上舖形式的西菜、日菜，要數上好的中菜或茶餐廳，可真沒幾個，這冰室在區內應該沒什麼競爭對手。平日的早上，就像素顏的明星，望上去沒什麼光環，只是打工仔幹活前叉一叉電的食堂。格局上簡潔，沒有一般茶餐廳的繡漬滿佈

第一次寫食評！！有朋友前2天吃過華嫂話唔錯，今日去試下。中午小睡了片刻就趕著出發因為聽閒觀塘華嫂冰室,是收5:00pm.我大约4:15左右到。等左10分鐘左右就有位。 我點了 豬扒雞奕蕃茄通粉 、咸午肉芝士包、凍奶茶小冰、凍啡。 @豬扒雞奕蕃茄通粉～湯底一般茄味不是太特别不太燶味。豬扒以茶餐廳來説算是不錯，冇雪味，扒厚，算大件，易嘴嚼。 雞奕味道一般有小小豉油味。 @咸午肉芝士包～不錯。包微缓、口感不錯，罐頭咸午肉味，芝士正常味係經常在街吃到那種。整體算ok @奶茶～正常。茶香一般口感也是一般。 我冇吃招牌菠蘿包，因就快吃晚飯，但同枱座了2個女仔，棹上搭上了嘴。大家都是冒名來試下。他們同我點的都一樣,大家都覺得豬扒雞奕蕃茄通粉一般，咸午肉芝士包OK,他們點了招牌菠蘿包說味道ok,但牛油太多。 總結以茶餐廳來説價錢四十幾蚊;味道算可以。但如果要排多過20分鐘不值，如果專程乘車去食不值。但如果我在附近工作我都會再食。(但都唔值等太久)。

華嫂開分店，終於可以來朝聖下，睇下有幾好食先11點尾12點去到已經有十幾人等緊位，本身以為要等好耐，但4個字左右就有位嚕來到華嫂當然係叫個招牌菠蘿包，另外加一碗豬扒公仔麵招牌菠蘿包，新鮮滾熱辣。中間夾住一塊蕃茄，一隻煎蛋仲有一片厚切牛油(媽！好邪惡呀)😂🙈切開一半已經感受到個菠蘿皮面脆卜卜咬落口外皮脆，但入面既好軟熟豬扒公仔麵普通茶餐廳都有得食啦有咩咁特別？本人覺得d豬扒好林，易咬一d都唔韌仲好似有陣椰香味I Like

由於而間野俾人吹捧到咁神，所以滿懷希望一試點知，真係要用4個字形容(不知所謂)野唔講太多，大家睇相啦。茄牛通，真係好恐怖 0茶味。多奶。勁杰撻撻 芝士咸牛蛋包，不得了。

傳說中出名多人的華嫂冰室，終於食到。當然叫平時冰室冇得食的野啦「雞翼肉眼筋煎蛋冬陰公米線」。先講湯底，一流，不過辣不過酸，不過濃，完全適中，加上芫茜的配搭，冇得頂。再講餸，雞翼好食，其滷水味非常入味，完全沒有因此而「琳」。肉眼筋就沒想像中好，有點難咬，太陽蛋煎得有技術，為整碗劃上完美句號。整體滿意，要等都係值