華嫂冰室 (皇廷廣場)

營業中

休息中

因為要陪阿女去觀塘捉精靈！特登搭車去呢間人氣餐廳，去到門口好多人！攞票等位去附近公園逛下！（攞118，只係叫到70幾）轉頭返來都要等多15分鐘！攞票直到入座要50分鐘！樓底好高，雖然桌椅好迫都唔嘈雜，茶餐廳格局！餐牌已一早貼在門外，食物選擇又唔多，係套餐，所以好快落單，店員會提醒，落單只可以一次落晒，唔可以翻叫！食物好快到火腿蛋忌廉湯通粉($33)肥髀食，不過佢話啲湯好怪，我試咗一啖，通粉彈牙，啲湯唔太杰，味道係怪啲！帶陣忌廉嘅膻味！火腿絲好多，普通唔突出！豬攢扒雞翼蕃茄湯通粉（$44）既然呢度蕃茄湯出名，就叫呢個，蕃茄湯係鮮甜，不過啲蕃茄皮打唔爛，仲帶啲皮碎在內，我唔食蕃茄皮好刺口嘅感覺！豬扒煎得金香，鬆軟帶肉汁！味道唔會過鹹！好味！雞翼炆得淋，鹵水入晒味，所以好味！通粉彈牙！好味！柚子七喜（$19）肥髀飲，七喜另上，玻璃杯內有柚子醬！加了汽水味道清爽，無平時柚子蜜咁膩！好味！話梅柑桔（$17）兩樣夾埋唔會好鹹，酸酸地微鹹，夏天解膩一流！店員好豪爽，唔會煩，好勤快！呢類食品唔會坐得耐！好快翻枱！不過門外無遮蔽，今日時晴時雨！真係要啲耐心！食物ok,不過唔值得排隊食！

第一次黎幫襯叫左呢個好出名既蕃茄湯豬扒雞翼通粉一見到,成個湯底都是紅紅的,心諗正呀,一定係好濃既蕃茄味誰不知竟然係平時煲蕃茄薯仔湯個隻淡淡既蕃茄味有點失望,但係個豬扒就煎得很香口, 肉質嫩加埋好有彈性!呢個豬扒係讚

華嫂冰室睇開男神余文樂😍既instragram一直都知道佢係華嫂冰室既擁躉加上朋友一直對元朗華嫂讚不絕口所以一直都好想去嘗試😌可惜元朗對於住係港島既小妹實在是太遙遠而且知道逢星期六日一定大排長龍所以一直未有機會潮聖知道華嫂終於衝出元朗係觀塘工廠區開左分店等熱潮過左之後當然要黎試下啦✌🏻同朋友大約三點到達華嫂雖然係閒日而且過左食飯時間但餐廳門口仍在數十人等候等了大約20分鐘獲得安排入座小妹點左個招牌蕃茄雞翼豬扒通粉芝士蛋鹹牛肉蛋豬仔包同檸檬益力多蕃茄雞翼豬扒通粉雞翼係滷水雞翼炆得好淋好入味而豬扒都入味煎得一啲都唔乾唯獨湯底雖然望落偏杰有少少似茨汁但食落味道太淡而且無蕃茄味幸好雞翼同豬扒為碗麵拉番唔少分數芝士蛋鹹牛肉豬仔包麵包上既時候係處於微溫既狀態麵包外酥內軟加埋半融既芝士食落蛋汁仲會漏出黎雞蛋同埋鹹牛肉味道不錯但覺得麵包可以再熱一點檸檬益力多就是加左幾片檸檬的益力多酸酸甜甜不算太特別總體來說，比預期中失望仍然可以一試但朋友說蕃茄湯味道和元朗不同希望下次有機會可以到元朗試試

難得星期一放假 朝早10點幾 去觀塘華嫂朝聖一下。元朗食過一次 覺得好正 但元朗實在太遠 去觀塘試下囉咪。下場係幾失望的。芫茜皮蛋豬膶牛肉米線。幾大碗。都足料。但湯底好淡。豬膶太老 好硬。牛肉唔錯 算腍。皮蛋係冰花的 唔錯。重點係湯底冇咩味 記得上次去元朗唔係咁。熱奶茶 唔係好滑 有少少鞋口 茶香就幾好。唉 破壞左對元朗華嫂的印象～

實際上，我唔知華嫂冰室係咪真係有個老闆娘叫華嫂還是其實係老闆娘鐘意劉德華才叫華嫂😂😅其實我只係想話：「都係覺得元朗華嫂比較合味道比較いちばん🙈」住在九龍區的我，下下搭一個鐘頭車入元朗食華嫂都幾係野😟搭車要時間都唔係一個問題，最大的問題係唔知要等多幾多個鐘先食到😭（我已經有過等兩個鐘才食到的經驗）所以觀塘真係一個福地，有華嫂坐鎮，好羨慕😳不過好在我去的是平日，所以只需等半小時就食到都算係咁啦（覺得欣慰😇）我們二人點了一碗豬扒雞翼蕃茄湯通粉、一碗雞翼豬潤煎蛋冬陰公米粉、一個招牌芝士咸牛肉蛋豬仔包、一杯凍檸檬益力多和一杯冰花奶茶豬扒雞翼蕃茄湯通粉（$44）果然名不虛傳 名符其實🍅蕃茄湯底雖然味道沒有上次係天水圍食的蕃茄湯底濃稠但幸好還有蕃茄味 整個湯底仍然都是紅紅的👀華嫂豬扒和雞翼繼續保持水準👍🏻雞翼滷得相當入味豬扒煎得很香口 肉質軟嫩又富有彈性😋雞翼豬潤煎蛋冬陰公米粉（$46）本來想叫肉眼筋的，但沒貨了，所以就選了豬潤😟冬陰公非常濃郁，微辣惹味😋食米粉就最夾啦 最容易吸湯😙滷水雞翼好味唔再講啦🐒豬潤煮到剛剛熟（仍然泛着少少血水😳），口感爽滑有嚼勁，有可能比專賣豬潤麵的專門店還要好太陽蛋🌞味

附近返工 一直都聽話華嫂好食所以lunch特登行過黎試下12點3左右到 都要等位 等到12點半度就入得 不過預左搭枱叫左一個招牌既蕃茄蛋菠蘿油，豬扒雞翼蕃茄通，咸牛肉三明治個蕃茄蛋菠蘿油絕對無d人講到咁好食真係好普通純粹係夠創新？不過就真係夠熱豬扒雞翼蕃茄通都係普通茶記水準雞翼不值一提 豬扒叫大塊 湯底都係一般唔係好明有咩咁特別咸牛肉三明治就有少少驚喜 可能因為已經無期望奶茶我覺得茶記會好飲d呢度最好就係d野夠熱 可能因為多人 所以全部即整熱辣辣不過就真係唔值得排隊食

閒日避過繁忙時間來華嫂觀塘店完全唔使輪候，真爽 !在元朗母店吃過蕃茄湯底，一吃愛上；在觀塘店有更多選擇觀塘店也有供應，但以往明顯的茄肉不見了，雖然比一般食店是好一點，但相對元朗店嘅出品又差一點點，無咁濃郁熱辣辣的豬扒雞翼蕃茄湯底通粉熱辣辣的豬扒雞翼蕃茄湯底通粉蕃茄湯底比市面濃郁，但對比在元朗店吃過的，差了那些蕃茄肉，觀塘店的已煮至茸雞翼是瑞士汁， 始終和蕃茄底唔係好夾；相信分開上會好一點。

食物質素都唔錯,但等候時間真係太耐,由落單到攞野食等左40分鐘,時間真係唔合理同浪費時間,如果真係想食外賣建議早1個鐘打去落定單落單下午3點44分,外賣食物到手下午4點25分,時間上真係失望

想試華嫂好耐好耐 因為住得離元朗好遠一直都冇機會試下 友人話觀塘開左緊係要試一試啦 地鐵站行去都有段路加上下午茶時間排左一陣 又天氣炎熱 一身汗2個人都唔係好餓 食物都一齊share招牌菠蘿包牛油 蕃茄 煎蛋夾係包中間視覺上好滿足 可惜蛋黃唔熱 蛋黃又太熟食既時候 冇流蛋黃出黎果種juicy既感覺蕃茄雞翼豬扒通粉個人覺得蕃茄湯太酸豬扒夠味 都好林 唔錯 雞翼普通凍奶茶滑 滑滑滑有奶香又有茶味 有茶香都有奶味 好飲

唔洗排隊 買到華嫂 Yeah!!每次必吃～芝士咸牛肉蛋包。超正！ 麵包熱辣辣 外脆內軟。咸牛肉足料有咬口 配上半溶芝士 煎蛋半熟狀態 流出少少蛋汁 一啖咬落去 幾種口感 yummy!!!凍奶茶～ 茶香奶滑 無得彈！

出得黎行，仲有條癮想試阿嫂既手藝。奈何之前係元朗咁遠，仲要星期日唔開，一路都搵路唔到機會....直到佢係觀塘開左分店👍🏼周末膽粗粗，三十幾度加陽光猛烈下，兩點左右去到，雖然預左要等位，但估唔到係五十張....慶幸隔離係商廈大堂，個個走哂入去避暑。人流如鯽，加上六叔係綜藝帶蝌蚪黎拍拖食，帶旺阿嫂。落單點了招牌菠蘿包，煎奶油多，同一碗雞翼茄通。菠蘿包果然名不虛傳，外皮鬆脆，紋理不會呈大塊狀。一塊半溶牛油，香氣撲鼻，再加上一隻半熟的流心蛋，蛋漿呈橙黃色，不知是否選用了鴨蛋。最尾加上一片蕃茄，是神來之筆，令包帶來清新。分數： 9.5/10煎奶油多是厚切，去皮白麵包烘底後，加上厚厚的牛油和甜甜既練奶，配搭得宜，簡單而好食。分數： 8.5/10主食則點了雞翼茄通加豬扒。雞翼是滷水汁，煮得很淋。蕃茄湯底微酸開胃，豬扒大大塊但有點un....整體還可接受，但包點類較為出色分數：7/10最尾叫左杯話梅柑桔來消消暑，但感覺有少少似龍鳳檸多啲，無乜話梅味....整體而言，是一間會翻兜黎食包既小食店

華嫂冰室甘出名，宜家唔洗走到元朗甘遠，觀塘就有一間啦，講真50蚊可以食D咩，華嫂真係平價首選！唔知系明星效應定系真係甘正，今日一試就知啦！！！激動哦~招牌菠蘿包一定要食啦，上到黎真係哇一聲，菠蘿包個皮超級脆，唔同平時系街邊買個D一咬就軟曬，意想不到既系包身又好軟熟，真係齋個包都卑8分啦！加埋大大舊牛油，煎蛋同埋厚切番茄，落足料架。牛油融融地，牛油香味散發成個口腔，柔滑既質地食個陣就唔會覺得甘乾身啦，雞蛋系煎到微焦，陣陣蛋香，菠蘿包既甜加埋牛油雞蛋咸咸地，甘樣幾搭配真係好邪惡啊！最後大大塊番茄，即刻中和左油膩既感覺，。成個菠蘿包先18蚊，食完一個都已經好滿足！任選配料米線，雞翼入味軟身，大大塊火腿同雞蛋加埋都唔洗30蚊，湯底就比較清淡，不過尼個價錢黎講都好抵食架啦！加埋杯招牌滑溜奶茶，滿足曬！

今日唔使返工，下晝約咗朋友喺觀塘踢波，踢波之前搵咗個朋友係附近食飯，一直都想試吓華嫂，我哋12點幾已經到咗啦，門口排晒長龍攞飛，最後都等左半個鐘左右。嚟到梗係要個招牌菠蘿包菠蘿油入邊仲有番茄蛋等等嘅材料，熱辣辣，味道又真係幾夾喎。最正係果塊牛油慢慢用融入啲菠蘿包入面，真係好鬼好食。另外就係冰花奶茶，但其實同東買查都冇乜分別係冰花就用水兵普通凍奶茶就原粒冰囉，味道比較甜，仲要貴幾蚊，我就覺得唔係咁值。

星期六唔想過到咁懶，抆左男友起身散步食早餐，去到華嫂已經好多人排隊，竟然吸引到咁多人weekend 起身排隊食，好似有d 料到啵！蛋牛治 樽仔奶茶蛋牛治$18真係十個好食，包身好脆口，個蛋有好滑身，加埋咸牛肉一流，不過牛肉稍咸，所以我剔走左少少肉先食哈哈哈樽仔奶茶$23係貴過杯裝的，一入口就好濃茶味，有d 似茶走嘅甜度，如果有少甜就好啦，雖然甜，但同咸蛋治好夾，中和返，值得一試！蕃茄豬扒米粉男友表示好食，豬扒煎得剛好，唔會過un, 湯底好濃味但唔會過咸，食到一半有位貌似老闆嘅人問我地要唔要加湯，因為望落有d 乾哈哈，好貼心呀～加晒分！今次去都等左15分鐘，如果無咁多人可能會食得開心啲，會再揀個無咁熱鬧嘅時段再食過

華嫂走到九龍都是因為在附近上班才知道，曾經嘗試在午飯時間幫襯，但人多的情況是不能想像，就只好放棄。然而適逢早上時間有點鬆動，以致可以走來看看有沒有可能品嚐一下特別滋味。最終都可以進內試試了。二話不說就選了最有香港特色的菠蘿油。誠意首先在等待，並不是在下單後一兩分鐘內可以吃得到的，店內已有張貼寫明每樣食品都是即叫即製，因此需時。在看見它放到枱上時，便覺得等也值得。因為包是暖暖的，外層很脆，很新鮮的感覺。而牛油是厚厚的，很夠份量。雖然很下去後會有一丁點的罪惡感，但暖暖的、脆脆又軟軟的甜包，加上牛油的香，真是叫人難以抗拒呢！