華嫂冰室 (已搬遷) 新店位置

出街食飯要等位其實是等閒事，特別那些沒有訂位服務的餐廳. 女士們一般都能善用這段等待時間, 例如去附近的商場走走, 去便利店買點小零食, 不知不覺就可入坐了. 但這裡沒有商場, 沒有便利店, 只有密集的村屋, 大大的停車空地及唯一可以參觀的屏山文物徑. 但要知道如果你已不是第一次光顧, 要看的都已看了. 所以可做的是在店外默默的等待.........星期六的早上 10:00 已到, 以為早一點點, 人會少一點點, 誰知道原來什麼時間店外都是企滿等待的食客. 每次光顧都是選擇包類, 因為每款包都是十分出色的. 今次卻想試試麵類.豬潤牛肉米線 ($26 + $7)上次看到朋友點這個, 濃濃的豬潤湯真的很吸引, 所以今次不單止要試, 還要加皮蛋芫茜湯底 (+$7). 誰不知, 這是另一個等待, 下單的時候店員已說要等比較耐一點, 但真的預料不到一等使等了 30 分鐘............清香的芫茜, 加上濃濃的湯底令我第一時間試了一口湯, 真的很讚, 很有家的味道, 吃不出有一點兒味精. 豬潤是爽爽的, 正合我的心意, 而牛肉是軟軟的, 新鮮的牛肉味. 皮蛋有足足整個,

住係附近，細佬成日話好食，一定要去試下，去到已經成棚人，唯有等下，一等六十分鐘，不過也值得，我也住圍村，其實圍村也有好多好野食，下次一定要寫多d，haha...杯奶茶真係滑到不得了，超正，叫左招牌朱仔包，原來唔係豬肉黎，係碎咸牛肉、蛋同芝士，加埋其特別醃料而成，好食! 招牌菠蘿包，係用蛋、蕃茄同牛油整成，個菠蘿飽好脆，幾好食，食完己經好飽了!再叫埋個豬扒雞翼出前一丁，豬扒普通，雞翼都無咩特別，但個湯我揀左蕃茄湯底，好有驚喜，佢係用鮮蕃茄，不是罐頭的，冇咩味精，所以我成碗湯飲晒了!如果閒日黎會更好，因為唔使等咁耐，必食招牌菠蘿加招牌朱仔包，加埋杯奶茶，GOOD!!!

呢排每星期都會設計一下單車遊,元朗,流浮山都踏勻,今次由元朗踏去濕地公園,雖然開住地圖,但仍然走了很多怨枉路.回程又再行錯路但就誤撞入鄧氏宗祠,旁邊便是"華嫂",版友楊兄早已開過POST,估唔到可以拜會一下.平日的4點,山卡啦地方景然要派飛,佢都算利害.坐底剛ORDER完更話豬扒,雞亦沽清.其實食物真係無甚特別,佢個蕃茄湯底同我自己煮烏冬時的一樣,重點只係用多D鮮茄,(我煮兩個烏冬用6個蕃茄的),而招牌菠蘿包鬆軟...路過必試!!

秋高氣爽, 感覺是郊遊既好時光. KAKA, 所謂郊遊, 對於我地黎講, 就係入新界, 見到花草樹木就是了!星期六同婆婆飲完早茶才與KH搭西鐵施施然來到天水圍站的屏山文物徑. 這地方上年都來過, 此行印象最深竟然是華嫂, 原因是食物新鮮好味. 想當日是接近4,5點到, 入去坐低無幾耐已經關門截單了. 今次諗住1,2點黎, 食LUNCH時間仲唔掂, 點之原來佢地都要食LUNCH架, 一場黎到, 咁唯有等一陣2點先黎過啦. 點知..... 錯哂, 原來D人未到2點就黎排隊, 我地2點02分去到, 條龍已經有十幾個人, 仲未計已入座果班人, 可想言之棒場客有幾多?講番今次食既野, 仍然保持水準, 最好笑既係有個婆婆係我地等位期間問KH,"呢間係咪咩米芝蓮餐廳?" 有時食物新鮮, 用料十足, 麵包一丁都足以比美米芝蓮啦! 我地約好了, 一年後又再來過啦 好飽啊!

貴為名店的華嫂冰室,早己久仰大名,難得一天可於星期六抽空一去.(又是為食同事提議一齊試試).名大,但店面還是一貫鄉村般簡單.除了在村屋下層的主室,只額外以帳篷封頂,鐵絲網圍起露天的部份.除了華嫂冰室四個大字外,就只有一大群暮名而來的食客了.我們當然先到門口向店員領取籌號.不過,站在門口的店員在我多聲"唔該"之下,半點反應都沒有,連一點示意我等等的動作,手勢,說話都沒有.半晌過後,才回過頭來反問我要做什麼.也罷,先向也取得籌號.接過後,再順便問問還餘幾多張枱才到我.但換來的只有沉默,再問一句後,那店員呆呆地看了那記錄籌號的冊子,一聲不發就走開了...既來之,則安之.問不到個究竟,我們只好在一邊等吧.還好,也算頗快就輪到我的籌號了!店員招待我們入內,不過,枱面根本就沒有收拾過.還要多翻索取,才取得餐牌一看.看來吃一趟華嫂,不止要算好時間,避免那分開數段的營業時間外.就算得能進店,還要有心理準備那種有不如無的服務態度.話,還要倒回頭說,一間餐廳最重要的一環:食品,此店的確是做得出色的!此店出名的招牌菠蘿油,不少食友都會質疑為何加入蕃茄,菠蘿包面不夠蛋香,不夠脆身,牛油下得不夠慷慨.以上的,我

星期六下午入元朗試華嫂招牌菠蘿包都幾正個包脆脆地仲有番茄幾特別不過就冇乜服務,又坐得唔舒服

都唔係咁一bad 我指服務態度可能有改善都ok na 呢一間出左名既食店我見好多人特登來食其實忙既時候真是好難有態度既哈哈不過我只是等左二分鐘講正題食左波羅包阿妹話好怪不過我鐘意喎個塊蕃茄係為左中和作用唔錯仲有就是朱仔包哈哈同預期一樣好食咸牛肉好正最後係蕃茄豬扒雞翼烏冬豬扒好入味好正湯底都唔錯感覺味精唔重唔會好渴由於住附近我會再來

岩岩呢個星期六下午, 2:00鐘等到開門 (開少少), 叫部份人入去坐住先, 約15-20人到, 但不能叫野食住... 因為話上午果d人未走晒!!!! ( 邊會食咁耐 1:00~2:00唔開架喎, 仲要全部坐晒冷氣房) 講完之後慢慢放我地行入去, 感覺好似黎乞食咁 未有得入應該有10幾20人.因為下午黎, 已經2點幾, 已經好肚餓了, 唯有係到等啦..... 5月天, 天氣悶熱, 坐露天, 熱到大汗疊細汗咁, 風扇都唔會開把比你.....好不容易, 等到亞姐心情好, 比你落order.... 落落下, 順便叫埋野飲啦, 佢就鬧你攪亂佢 ( 原來落單亞姐咁易分心)等食物, 見到遲落order果枱有食物和飲品, 咪問下我地d野仲乜未黎囉 (因為入門口時亞姐會比籌你, 按你個籌分先後叫野食, 仲注明落先會黎先, 所以唔比你亂叫) 亞姐就答你 " 點解你d野會黎" 仲申到條頸好長咁 (嘩, 大佬, 黎食野啫, 仲受氣過打工) 點知佢真係比錯左隔黎枱, 解釋都無就拎番過黎 d食物係ok, 價錢又唔算貴, 不過山長水遠 (最近輕鐵站都要行10分鐘), 服務態度真係難以接受, 應該唔會再黎辛苦自己

几个月前去过，今天三个朋友，去完元朗天奴，未够喉， 再乘轻铁到华嫂。已经三点多，但好好采仲有位，招牌芝士牛肉蛋猪仔包 - 包是热的，鸡蛋是煎蛋，还有蛋黄流出来， 碎牛肉比较淡。（70分）柑吉 - 华嫂问要不要加话梅，我地要，正啊，话梅加柑吉，味道绝配。（80分）鸡亦 - 刚刚好最后两只，是卤水的，味道可以，但可能是最后两只，比较林（60分）猪排 – 等了差不多10分钟，问华嫂仲要多久，华嫂话是煎而不是炸，要多花点时间。再等5分钟，来啦，比较天奴的更厚，更有肉汁和肉味，有咬口，正。 （85分）一边食，外面越来越多人排队，好采我地早来，下次来要记住3点钟。

2月4日, 今個週末因為得到朋友嘅邀請, 所以一大班人嚟到天水圍玩樂一日遊~ 今次係我地平生第二次入天水圍, 亦都完全唔駛問去邊, 全程由朋友帶領~ 第一站嚟到屏山, 食原居民都話正嘅華嫂! 如果唔係有人帶, 我地都真係唔知佢地1點至2點休息, 如果想食2點嗰轉仲要1點半好去排隊, 遲咗排分分鐘有條廿人嘅人龍, 等都等死人… 好彩我地排第一, 一行十人霸一張大枱, 點可以唔叫晒佢地嘅招牌菜?::: 招牌芝士咸牛肉蛋豬仔包 ::: $14喺三個招牌麵包裏面, 我地最鍾意食嘅就係呢一個, 唔好睇佢好似好多料個賣相又好混亂咁, 個味道確實係出奇地夾~ 咸牛肉份量多, 感覺好新鮮, 雖然冇煎過, 但係咸味適中, 係成個包味道精髓所在~ 而芝士同蛋就成就咗個包嘅濃郁感! 蛋煎到半生熟, 所以咬到蛋黃位就有蛋汁流出嚟, 蛋黃都有好香蛋味, 滲入麵包入面超正~ 豬仔包嗰份鬆軟感好襯夾住嗰d料, 如果用比較硬嘅包就可能唔太索蛋汁, 就成為唔到一個完美嘅配合~::: 招牌碎蛋沙律多士 ::: $15呢個多士感覺就唔算好特別, 似平時喺普通西式三文治店都買得到. 多士係烘得幾脆, 麵包都唔係隔夜嘅~ 不過

2個人去開天水圍 記得之前報紙電視都有介紹過決定去試下 ＝）搭輕鐵去到屏山輕鐵站落車再行過去... 差唔多行左20 mins去到既時候先見到原來坑尾村輕鐵站就係隔離! 好似從天水圍港鐵站行過去都唔係太遠大家如果想去既就記住唔好去錯站la!!個location 就係祠堂對面仲有個專用停車場係旁邊～都係一D基本既茶餐廳食物價錢都合理la~ 兩個人叫左1個招牌菠蘿包, 1碗茄底雞翼豬扒烏冬, 1份招牌芝士咸牛肉多士，1杯凍奶茶同熱奶茶!招牌菠蘿包好好食! 不過如果唔鍾意又咸又甜可以要個鮮油菠蘿包, 一樣唔會失望 茄底雞翼豬扒烏冬用料新鮮又大碗，特別要一讚既係平時唔多鍾意食豬扒既我都覺得好好食!芝士咸牛肉多士都唔錯PS. 因為個日係閒日既下午茶時段, 客人唔算太多, 服務態度冇各位講到咁離譜，阿姐仲好友善咁問我地好唔好食添

今日興致勃勃去屏山走轉,順便試下華嫂冰室既招牌菠蘿包,1:45分去到,見關左閘,原來有午膳時間(1-2點),見冇咩人等就行下附近古蹟,行完大約2:10分,行番去見冰室已經坐滿9成人,立刻走入去搵位坐,好彩唔駛等位,睇下餐牌就叫左招牌菠蘿包,沙律旦治,茄底豬扒雞翼烏冬,凍0茶,凍奶茶,招牌菠蘿包好好食,讚!沙律旦治一般,茄底豬排雞翼烏冬好味,材料新鮮,茄底不太甜好有住家feel,讚!凍0茶唔錯,凍奶茶一般!冰室對開就有得泊車方便!

雖然話等候時間45分鐘, 但係最尾都冇食到, 等都唔係問題, 最大的問題係等既只係來行下的"村外人".只要你係村民, 就可以直接入去仲優先整比你食.真係要講,今時今日咁既服務態度.最後都係等到女朋友都發火, 幾好食都係假啦

2011-10-15 (sat)哩次係我第一次寫食評，因為華嫂實在好出色，而且眼見其他人在openrice話華嫂的不是，實在要抱不平呀!我已經唔係第一次食華嫂，由於佢每日5點就關門，星期日又唔開，我已經想食好耐了(其實上星期先食過)，所以今日一放假就黎食個早餐先!! 十點幾到達華嫂已經有十幾人排隊了。其實香港人對排隊應該不會覺得有問題丫!?平時出到旺角尖沙咀食野，度度都要排嫁啦，等下又有咩所謂?今日叫左個皮旦茜茜湯魚肉雞翼米線。先講個湯，我次次黎都食佢，事關佢係即叫即整，皮旦茜茜的份量剛剛好，魚肉好新鮮!!!!! 最正其實係佢個滷水雞翼!!! 真係好出色好入味呀!!朋友叫左個皮旦茜茜豬扒通，件豬扒煎到剛剛好!!好有住家媽咪豬扒唔落味精的感覺!!我同朋友都叫左個熱奶茶，在門口等位的時候已經知華嫂係用"黑白奶"黎沖!所以真係要一試，杯奶茶係即叫即沖!!超熱超滑!!!不得了!!另外我地叫左個芝士雞旦多士，即叫即做好新鮮，唔知佢用咩雞蛋!? 隻旦都特別好食過人!!順帶講埋，華嫂d湯類食物都幾大兜! 我同我朋友都食唔晒!!今日我10點幾坐底，食完到埋單都係11:20，so far 我又唔覺d

因為電視節目既推介, 所以 plan 咗個 short trip, 入黎屏山行吓順便黎呢到食個Lunch, 歇一歇...本來諗住係食 Lunch, 點知變咗食 Tea...正如好多位既食評所講, 佢既服務同態度真係... 令人刮目相看!大概1:15去到門口, 由於佢上晝1:00收爐, 職工用膳, 所以下晝要2:00先開, 店員阿姐叫我地 2:30先好返黎, 因為朝早果輪唔會咁準時走, 驚執唔切檯, 於是我地响附近行下d古蹟, 差唔多2:00鐘倒, 返去等佢開門....返到去已經有一班人响到等緊, 嘩! 咁多人, 睇佢裡面既環境, 無可能坐得晒㗎喎... 咁物要等第二輪?!無計啦, 一場黎到, 唔通唔食就咁走咗去.... 點知, 原來前面果班人係一齊黎㗎... 可能係 local tour... 即係話, 佢地無可能逐d食完逐d走, 一定係等埋一齊, 一次過走...所以我地要等三十幾個人食完然後走, 我地先有得食.... OMG! 到咗 3:00, 嘩! 奇景出現... 有個人响條村到拎住將四方檯行埋黎, 同d阿姐交待幾句, 話係邊個邊個既仔, 然後响個空位到放低將檯, 攞埋凳,