284
83
12
港鐵天水圍站 E3 出口, 步行約7分鐘; 近屏山文物徑, 坑尾公廁對面 繼續閱讀
所有分店 (4)
電話號碼
26172232
開飯介紹
華嫂冰室的招牌菜是番茄蛋菠蘿油,建議搭配幼滑奶茶一起享用。 繼續閱讀
獎項殊榮
最優秀元朗開飯熱店 (2014-16)
營業時間
今日營業
08:00 - 13:00
14:00 - 17:00
星期一至六
08:00 - 13:00
14:00 - 17:00
星期日
全日休息
付款方式
現金 八達通
食評 (426)
等級4 2019-04-19
1918 瀏覽
永遠要排隊但都排得心甘情願嘅華嫂,隔幾個月就會走去食,住市區嘅人專登入去係有點遠,但對有車嘅人講反而係方便,因為有車泊,通常都係早少少去到等開門,頭一兩round就會食到,如果遲咗就變食tea架啦🥺🔸冬蔭功湯 雞翼鮑片麵基本上豬排雞翼乜都食過晒,款款都啱晒食肉獸,啖啖肉又入味。冬陰功湯底都落足料,非常香濃,仲有好多香料渣,而且越食越辣,正!🔹莞茜皮蛋湯 豬潤肉筋米粉係我最愛嘅莞茜湯,其實本身唔係特別好莞茜但勁鍾意食呢個嘅湯,次次黎都嗌,莞茜又多皮蛋又多,茜味極重。豬潤又煮到啱啱好唔太粉,肉筋我第一次試,係連住筋嘅豬肉,彈牙有咬口!🔸招牌鹹牛肉芝士蛋豬仔包半熟蛋冇得輸!就算飽到嘔都要嗌一款呢啲包試下,仲有菠蘿油個啲款都好正,必食!嗌埋杯凍奶茶,正到不行!仲有冰花奶茶又係好好飲,不過飲品另計所以就唔係次次都嗌黎飲~好多人話其他鋪冇元朗鋪咁好食,因為我未試過其他店所以不予置評,但元朗店本身真係好好食,所以我覺得排一陣都係值得嘅!!(但等緊個陣好多蚊,要有心理準備同啲蚊搏鬥) 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-03
0 瀏覽
🍅鮮茄豬扒雞翼通粉($47)午餐肉(+$9)🔺本身覺得加 一份餐肉都貴😶食入口就覺得都值,首先真係一大片罐頭圓形餐肉 一開為二,煎了特別好香,放落湯底都沒有被浸淋!散發住煎香的肉味,之前食勝香園個餐肉都無咁正,可能我又去得早(?)第二枱客,煎得好香口😋有追吃到~然後鮮茄湯底係稠身,喝落有打碎嘅茄蓉,味道天然,不過我個人偏勝香園酸咪咪嘅茄香湯底多d🤭另外通粉質地都比較粉腍,缺乏咬口,有點失色,不過配料雞翼豬扒都煎得幾香口,只是覺得豬扒有點淡味同韌,但👦🏻話佢食個塊好好食,仲有d肥肉位😂我覺得整體就係將d普通早餐食物 發揮到極致🤭真係好難唔好食,差極有個底!招牌嘅菠蘿包,即叫即整,菠蘿皮薄酥脆,甜甜地奶酥味~如果再厚身少少 鬆脆就更好,覺得有d太薄但就無咁甜,厚身就會相對甜膩少少,但食得菠蘿包就預左肥😂所以都會要求佢完美d~包體方面焗到幾脆,一般冰室茶記d包都係偏乾韌一點,所以烤了一定有脆嘅效果🤭,所以軟熟部分比較少,甜酥鬆脆港式菠蘿包配上豐富餡料 夾牛油 煎蛋 蕃茄,自己都買到整到嘅料,但整得好無食都有技術性😌煎蛋一咬就流晒蛋汁夠晒邪惡😚隱陣食材 真係諗唔到 會難食得去邊😂不過個人覺得另一款嘅鹹牛肉煎蛋餐包個包體好食d,外微脆內有咬口d~我私心鐘意依款多過 招牌嘅菠蘿包,同樣即叫即整,芝士加咸牛肉係雙倍鹹香🧀🥓依到d鹹牛肉醃到紅紅地 免治牛肉咁😯都有肉味,加埋煎得啱啱好,一咬又爆蛋汁嘅蛋蛋😚無得唔好食!然後朱仔包比菠蘿包嘅韌性高d,好咬煙韌d😏你識揀🙌 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-02
0 瀏覽
家住天水圍,一有空閒便會掛住這裡的味道。今天於下午兩點二十分到達,以為平日會沒有咁多人,誰知道人山人海,這盛況和星期六一樣。拿了籌之後便很快有職員姨姨替我們下單點食物,由於今天趕時間接兒子放學,所以二人只點了一碗皮蛋芫茜豬潤牛肉米線、一碗皮蛋芫茜豬扒牛肉米粉、兩杯凍柑桔檸檬(因為天氣熱,沒有點冰花奶茶)和一個咸牛肉豬仔包(外賣給兒子)。一坐下來已經三點十三分,時間緊迫,三點三十分必須離開接兒子放學。幸好飲品食物很快便送到,首先喝一口凍柑桔檸檬,清涼清新的感覺、酸酸甜甜的味道,正好為悶熱的自己降一降溫,夏天必點👍皮蛋芫茜豬潤米線很香,色澤翠綠,賣相吸引。喝一口湯有淡淡的薑味和濃郁的芫茜味,豬潤和牛肉剛剛熟,很滑。平日最怕有些店舖主打的特滑豬潤,上菜時還流著血水,根本未熟,對健康不好。在華嫂便沒有這個問題,豬潤剛剛熟透,可以放心食。雖然今天的時間緊迫,我們只是有15分鐘進餐時間,但仍然覺得很值得。吃過無數次華嫂也沒有寫食評,為什麼今次會寫,原因是就算是吃得匆匆忙忙,也絕不減興致,味道也依然美味!難得! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-31
159 瀏覽
暴肥餐~兩個人食4人份量知道華嫂冰室有好多分店,但元朗正鋪都係最好,除左味道好食,仲有份「人情味」,係溫暖啲既~招牌菠蘿包:咬落去等一啖,個包暖暖地,個皮又夠脆,再配上茄蛋~令到成個包既層次感提升不少。招牌芝士咸牛肉包:芝士同咸牛肉互相輝映,兩種味唔會搶大家既鏡!鮮茄豬扒雞翼通:濃濃既蕃茄味、豬扒又大大塊、雞翼又夠入,食得出成碗野無偷工減料。皮蛋芫茜魚餅魚片頭米線:皮蛋芫茜湯,好味,無味精感覺,魚餅多香口彈牙,魚片頭又大大粒。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-29
102 瀏覽
係余文樂未推介呢一間之前,已經聽過好多住元朗嘅朋友話呢一間華嫂冰室好好食,仲要的起心肝過嚟排隊。地方有啲偏僻,喺屏山站仲要再行一段路,建議朋友揸車嚟。我哋總共等左一個鐘,原來已經算係快,夏天你記住要查啲蚊怕水,因為呢度都幾多蚊。黎到呢度冇理由唔識招牌菠蘿包,我同朋友一人叫咗一個,然後再叫咗一個番茄麵。菠蘿包超級足料!有大大塊牛油,煎蛋再加埋番茄。一開始有啲擔心番茄同菠蘿包係咪會唔夾呢?但係咬落口法國口有大大塊牛油,煎蛋再加埋蕃茄。一開始有啲擔心番茄同菠蘿包係咪會唔夾呢?但係咬落發現呢個組合又幾特別喎,平時食菠蘿又會覺得有少少油膩,但係加埋番茄就啱啱好中和左呢個感覺,再加埋個蛋,同埋表面脆脆地嘅菠蘿皮,好食得來又唔會覺得好heavy! 同埋菠蘿包係熱嘅,牛油溶溶地好perfect!不過建議女仔朋友你都唔好帶太多野,我哋兩個食唔晒。一個包已經好飽再加埋個面真係太飽啦。 繼續閱讀
(以上食評乃用戶個人意見 , 並不代表OpenRice之觀點。)