影片
更多
2011-10-15
17 瀏覽
2011-10-15 (sat)哩次係我第一次寫食評，因為華嫂實在好出色，而且眼見其他人在openrice話華嫂的不是，實在要抱不平呀!我已經唔係第一次食華嫂，由於佢每日5點就關門，星期日又唔開，我已經想食好耐了(其實上星期先食過)，所以今日一放假就黎食個早餐先!! 十點幾到達華嫂已經有十幾人排隊了。其實香港人對排隊應該不會覺得有問題丫!?平時出到旺角尖沙咀食野，度度都要排嫁啦，等下又有咩所謂?今日叫左個皮旦茜茜湯魚肉雞翼米線。先講個湯，我次次黎都食佢，事關佢係即叫即整，皮旦茜茜的份量剛剛好，魚肉好新鮮!!!!! 最正其實係佢個滷水雞翼!!! 真係好出色好入味呀!!朋友叫左個皮旦茜茜豬扒通，件豬扒煎到剛剛好!!好有住家媽咪豬扒唔落味精的感覺!!我同朋友都叫左個熱奶茶，在門口等位的時候已經知華嫂係用"黑白奶"黎沖!所以真係要一試，杯奶茶係即叫即沖!!超熱超滑!!!不得了!!另外我地叫左個芝士雞旦多士，即叫即做好新鮮，唔知佢用咩雞蛋!? 隻旦都特別好食過人!!順帶講埋，華嫂d湯類食物都幾大兜! 我同我朋友都食唔晒!!今日我10點幾坐底，食完到埋單都係11:20，so far 我又唔覺d
哩次係我第一次寫食評，因為華嫂實在好出色，
而且眼見其他人在openrice話華嫂的不是，實在要抱不平呀!
我已經唔係第一次食華嫂，由於佢每日5點就關門，星期日又唔開，
我已經想食好耐了(其實上星期先食過)，所以今日一放假就黎食個早餐先!!
十點幾到達華嫂已經有十幾人排隊了。
其實香港人對排隊應該不會覺得有問題丫!?
平時出到旺角尖沙咀食野，度度都要排嫁啦，等下又有咩所謂?
今日叫左個皮旦茜茜湯魚肉雞翼米線。
先講個湯，我次次黎都食佢，事關佢係即叫即整，皮旦茜茜的份量剛剛好，
魚肉好新鮮!!!!! 最正其實係佢個滷水雞翼!!! 真係好出色好入味呀!!
朋友叫左個皮旦茜茜豬扒通，件豬扒煎到剛剛好!!
好有住家媽咪豬扒唔落味精的感覺!!
我同朋友都叫左個熱奶茶，在門口等位的時候已經知華嫂係用"黑白奶"黎沖!
所以真係要一試，杯奶茶係即叫即沖!!超熱超滑!!!不得了!!
另外我地叫左個芝士雞旦多士，即叫即做好新鮮，唔知佢用咩雞蛋!? 隻旦都特別好食過人!!
順帶講埋，華嫂d湯類食物都幾大兜! 我同我朋友都食唔晒!!
今日我10點幾坐底，食完到埋單都係11:20，so far 我又唔覺d野食好似之前openrice d人講到要等好耐，
反而我覺得佢剛剛好，冇平時d茶記咁一叫野食，2分鐘就上晒d野食。我覺得佢慢慢上有慢慢上好，
平時食野食得太急了，在華嫂可以慢慢食，食完一樣再上第2樣，幾好丫!而且我都係食左一個鐘，又可以慢慢嘆下。
大家如果趕時間的話就唔好去華嫂了，因為華嫂唔係做快餐，準備好晒d食物，一叫即有，
佢係即叫即做，而且唔係馬馬夫夫，有水準有誠意，仲要唔貴抵食!
*** 我食完個早餐到而家打埋哩篇野已經有2個鐘，但係一點口渴的感覺都冇，証明佢d野食冇乜點落味精，甚至完全冇落味精都唔定呀!!
張貼