影片
更多
2011-09-10
44 瀏覽
正所謂偷得浮生半日閒，趁今日天朗氣清，約埋三五知己，走去元朗屏山行一轉鄧氏係屏山已經有過千年歷史，係1993年，政府將屏山嘅古蹟，”串連”一起，成立”屏山文物徑”，當中包括聚星樓、鄧氏宗祠、愈喬二公祠、覲廷書室、楊侯古廟等等；及後，係2007年，更將舊屏山警署 (建於1899年) 改建為屏山鄧氏文物館，展示鄧氏嘅”威水史”和有關嘅文物古蹟。行咗半個圈，已經成身汗，走咗去鄧氏宗祠對面嘅華嫂冰室，嘆番杯凍飲先原本我哋叫咗三杯凍奶茶，但聽見隔離枱叫咗杯檸多，價錢都係比凍奶茶多$2，便改咗一杯為檸多，試吓；一杯白色嘅益力多，入面放咗幾片檸檬，再加冰，就係檸多啦，味道當然就係益力多加檸檬嘅味道啦，即係益力多帶少少酸味，可能我鍾意飲益力多，所以覺得幾好飲，檸檬亦唔澀；至於杯凍奶茶，茶味夠，但香而不滑，而且奶嘅份量偏少，飲唔到奶味我就叫咗嗰超級無敵餐蛋福麵，蛋唔錯，係太陽蛋，又唔太焦；午餐肉都煎都唔錯，見四邊都煎得乾身，可惜放咗係湯面，中間部份唔夠香脆；至於嗰福麵，麵身偏軟，唔夠咬感另一個係芝士咸牛肉多士，蛋有蛋味，冇煎得過火，仲見有d蛋汁溜出來，好只可惜多士唔夠焦，唔夠香脆主角當然係招牌菠蘿飽，賣
鄧氏係屏山已經有過千年歷史，係1993年，政府將屏山嘅古蹟，”串連”一起，成立”屏山文物徑”，當中包括聚星樓、鄧氏宗祠、愈喬二公祠、覲廷書室、楊侯古廟等等；及後，係2007年，更將舊屏山警署 (建於1899年) 改建為屏山鄧氏文物館，展示鄧氏嘅”威水史”和有關嘅文物古蹟。
行咗半個圈，已經成身汗，走咗去鄧氏宗祠對面嘅華嫂冰室，嘆番杯凍飲先
原本我哋叫咗三杯凍奶茶，但聽見隔離枱叫咗杯檸多，價錢都係比凍奶茶多$2，便改咗一杯為檸多，試吓；一杯白色嘅益力多，入面放咗幾片檸檬，再加冰，就係檸多啦，味道當然就係益力多加檸檬嘅味道啦，即係益力多帶少少酸味，可能我鍾意飲益力多，所以覺得幾好飲，檸檬亦唔澀；至於杯凍奶茶，茶味夠，但香而不滑，而且奶嘅份量偏少，飲唔到奶味
我就叫咗嗰超級無敵餐蛋福麵，蛋唔錯，係太陽蛋，又唔太焦；午餐肉都煎都唔錯，見四邊都煎得乾身，可惜放咗係湯面，中間部份唔夠香脆；至於嗰福麵，麵身偏軟，唔夠咬感
另一個係芝士咸牛肉多士，蛋有蛋味，冇煎得過火，仲見有d蛋汁溜出來，好只可惜多士唔夠焦，唔夠香脆
主角當然係招牌菠蘿飽，賣相一流，入面有兩片蕃茄，一隻煎蛋，同一塊凍牛油；當中，蕃茄最好，夠大，夠鮮，夠甜；煎蛋比多士嘅蛋熟，可能擔心會溜咗d蛋汁出來，但係就冇咁好食；凍牛油係茶餐廳用開嘅牛油，可惜略嫌細塊咗少少，若然大塊d，相信會更香；至於嗰菠蘿飽，坦白講，略為失色，飽是經烘熱，好，但食菠蘿飽，最緊要當然係嗰層菠蘿皮，但係呢層菠蘿皮，唔夠鬆，唔夠甜，完全冇咗食菠蘿飽嘅感覺，失敗
張貼
