華嫂冰室 (已搬遷) 新店位置

有睇過openrice 既朋友都知道要去華嫂食野都要有運氣同耐力，我地今次突登揾閒日一早就去！首先叫左個咸牛肉芝士包，暖暖地，芝士加上咸牛肉同蛋估唔到真係好好食，仲想打包一個拎走！招牌菠蘿包，一上枱就好香，唔會好油咁，好好味！！但兩個包相比我會中意咸牛肉多啲 招牌碎蛋沙津，以為係普通野，點知都好好味，麵包烘得好脆，一咬落去好rich 好fresh 可能因為有配菜係入面 豬扒雞翼蕃茄米線，佢個湯底好濃好似蕃茄汁咁，但一啲都唔酸，佢個雞翼好入味，豬扒好淋！ 推介！叫左兩杯飲品，凍奶茶，唔會太多奶，我自已本身中意飲！另外個杯唔記得叫乜，有益力多係入面，味道特別，好味架！兩個人食。。真係好飽，但一場泥到點都要試下

一如既往地尋走全港各樣美食今次試既是華嫂 聽人講 間野原本吾出名比文樂生帶旺左入主題先 今次試左 牛肉包 冬陰公 同 蕃茄湯底既 猪扒 雞翼 公仔面由於 坐在室外 同 天氣太熱 既關係食冬陰公湯底 既朋友要帶多幾包紙巾冬陰公湯底 不太辣 酸度適 十分開胃好好味 蕃茄湯底 試過食 幾間蕃茄湯底出名既店鋪個人比較鐘意它既蕃茄湯底 不太濃 不太稀 十分適個包就可以吾食 因為自家造都可以做到由於等待左2粒半鐘 餓到暈1點等到3點半 所以 覺得所有既野好好味

對於返office的人來說，要來華嫂冰室是一件很難的事。星期天不開店，只剩下星期六；而華嫂一向得人喜愛，排隊兩小時是等閒事；不小心遇上午休、截單之類，就白白浪廢一天的安排! 所以最好的方法裹是放棄賴床吧，早上九點左右到華嫂，排一會兒就可以吃早餐！吃飽了再到元朗玩一天，多好！T住在非常遠的柴灣，以巴士118號到紅磡轉西鐵，一小時内就到達了天水圍站。除了車費實在高，時間其實也不長呢。啊對了，華嫂冰室地址雖然寫是元朗，但記得要在西鐵天水圍站出才近。路不太好找，不要害羞問問路人，就ok了。才九點多，店子外已經有不小的人群。若非早上下了一場大雨，人數只怕會更加多呢！今次只等五張枱，大約十五分鐘就等到了！也是幸運，可以坐入店子之內的位，有冷氣，更加舒服。難得來到，所有名物都想試上一試。所以有理無理兩個人竟然點了兩個麵、兩個包、兩杯飲品！雖然已經做好準備功夫(前一晚故意吃得清一點少一點)，但吃完還是覺得自己太Chur了丫。飽肚的感覺可是維持了好久！嘻嘻！冰花奶茶 HK$18/杯天氣實在是太熱，不多想先來兩個華嫂獨家的冰花奶茶！一口啜下真的覺得透心涼啊。不下冰塊，把沖調好的奶茶放入冰格，不時拿出來攪拌

終於有機會來到，朋友在坑頭村住放假約出來，專程找這裡試試我第一次食芝士茄蛋菠蘿包包身暖暖地，外皮脆包身鬆軟D料都唔錯，朋友亦都食，一人一個碎蛋三文冶蛋味好香沙律汁好醒胃，包身暖暖地不過呢度咁遠，幾正都好老老實實試過就算

去完農場飲奶食布丁和燉奶，當然唔放過到華嫂啦！期待已久 對於住在港島區的我，華嫂都幾偏僻，但慶幸地又好快比我倆搵到！好熱呀，已經有好多人等緊，拎左飛就排隊入座。我冇眼花嘛？？帶著鴨咀帽的咪係余文樂！真巧合！一路排隊，一路昅下佢，坐佢隔離就真係不得了！哈哈…終於入座啦，唔洗再比蚊餵！先來一杯冰花奶茶……阿姐話冇冰花……退而求其次，涷奶茶又可以姐他要了凍柚七，招牌朱，我加多碗冬蔭功朱扒米線！先來凍柚七和涷奶茶，凍柚七幾新穎，柚子加七喜，有創意，我杯奶茶也很好！奶和茶的比例不錯！招牌朱烘培得香脆，有鹹牛肉，芝士和蛋，好味道！碗米線就不過不失，又辣……後悔叫佢，食到出晒汗，但總括黎講，係ok既

老公是圍村人，舊屋正在華嫂附近，因乘便利最喜歡去拿籌號後回家等，45分鐘再出來就可以，不用大熱天時在華嫂外呆等！外來者可考慮去祠堂外的小檔吃生煎韮菜餃先醫肚等待，手工制以分惹味！！說回華嫂，必吃招牌朱仔包！包外脆內軟，咸牛肉加半溶芝士加糖心蛋是我的最愛！每次要獨享一個！然後就是冬蔭功湯底公仔麵，我點了墨丸餐肉！湯底酸辣開胃！特色飲品是「檸多」-檸檬益力多！會搞肚嗎？當然不會！PS. 12pm 不再派籌，要等2pm再開（大約束1：45開始派籌），而且人太多，只可下一次單！另外，事頭婆及伙記其實很好人，也會講笑，就是太多人太忙，十分實事求事，不要旨望他們會像劉華說的顧客至上態度，你不滿意就要來了！

在夏天要到華嫂需要極大勇氣，因為出發前已知道一定要在炎熱的天氣下在室外等候，但跟朋友說了很久要結伴吃華嫂，所以還得做好心理準備呢。在週六的上午我們約９時多到達，想不到華嫂門外已有很多食客等候，去到時要等二十多個位。我們不得不在外面等候，很多時候食客都會不小心在其他民居門外等位，老闆有好幾次都出來提醒食客可以在旁邊的帳篷等位，除了較涼爽外也不用暴晒於陽光中。等了約一小時，我們終於可以入去了！幸好今次被安排到室內有冷氣的位置，我和好友都鬆一口氣。今次已是我第三次到訪華嫂，對其餐牌當然不陌生呢！雖然其選擇不多，但encore率很高。好友想吃招牌芝士咸牛肉蛋朱仔包（＄１７）。跟第一次的進食經驗一樣，烘烤過的朱仔包皮脆質地鬆軟，配合豐富的芝士咸牛肉蛋，口感滿足，最重要是新鮮製起，熱辣辣，高水準依然！之後來到的是招牌菠蘿包（＄１５）。三次來華嫂都有點這個菠蘿包，不得不再強調華嫂的菠蘿包依然是我最喜歡最好吃的菠蘿包！很多朋友聽到招牌菠蘿包裡又有蕃茄又有煎蛋覺得很奇怪，但只要吃過必然會愛上！牛油、蕃茄、煎蛋的配合意外地合襯，不過菠蘿包的美味仍記一功，熱辣辣的菠蘿包脆皮很酥脆之餘甜味十足，再高的卡路里都

小妹雖然住元朗但食到華嫂就真係第一次！ 大大話話之前去過4次 兩次星期六11點去到都已經cut單，下午要返工無辦法食到啦。後兩次閒日去撞正休息（有次休息去旅行LOL）所以終於食到係無誇張的！今日9點10分去到拎飛要排20張飛 好彩放假咋。。  位置比較偏，搭輕鐵係坑尾村落車再行一段路/揸車都有得泊不過係爛地車場。華嫂係一棟村屋嘅地下，等位就要係門口撻空地或其他村屋嘅門口。等左一個鐘終於到我地  坐低拿拿聲叫野食  1. 碎蛋沙律包   HKD18個包好香牛油味，加上碎蛋沙律一脆一軟，wow不得了～好清新又健康 GOOD  2. 豬潤冬陰公米粉   HKD23(冬陰公湯底+HKD8)正正正！豬潤本身無咩味嘅，但係好軟熟！個湯底好香冬陰公味，辣度係我接受到嘅小辣，想食多d辣嘅朋友就要同落單員講聲喇！GOOD 3. 牛肉鮑片雞翼米x蕃茄湯   HKD35(蕃茄湯底+HKD8)雞翼醃得好入味又吾會偏咸，蕃茄湯底似汁多過湯 偏杰身但蕃茄味好濃。GOOD  4. 冰花奶茶   HKD18其實我吾知冰花係代表咩。。。只見到佢杯連奶茶係雪櫃拎出黎。。。anyway 味道係好過出面d奶茶好多，茶味

今日尼到天水圍為嘅係食嗰菠蘿包，聽講華嫂冰室好好味，所以無論幾熱幾曬，我地都要食到菠蘿包歎番杯奶茶。尼到已經3點幾，估唔到依然好多人係出面等！我地即刻攞飛，竟然要等50幾張枱，心諗唔知要等幾耐呢。佢地5點鐘就收鋪嫁啦！我地等下等，等咗45分鐘，係等嘅時間，當然睇下周圍環境啦。店外面有啲帳篷可以俾等緊嘅客人坐下休息下，環境係郊區尼講已經算唔錯啦，不會話好污嘈。我啲咁怕污嘈嘅人都覺得完全接受到嘅。等嘅途中，好多人想插隊買外賣，不過老闆娘都好醒目。係咁多人等嘅情況下，佢地拒絕任何外賣，只限堂食。佢地話免得等得咁辛苦嘅客人入到去叫咩就冇咩啦。最後一樣嘢，始終都係郊外地方，如果好惹蚊嘅，好建議你地帶定枝蚊怕水，免得做成蚊嘅下午茶啊！入到去我地叫咗嗰招牌菠蘿包，碎蛋沙律治，兩杯飲品：奶茶同埋利賓納。叫完嘢食，好快就有得食啦！冰花奶茶賣哂，就飲住普通奶茶先，好好飲！好香茶味，唔會落太多奶。相反，利賓納就好難飲，太甜啦，好似成杯糖水咁。其實我原本都唔中意食碎蛋治嘅，因為佢地成日落得太多沙律醬又冇咩蛋，但食完依個先發覺原來係美食之一。嗰三文治啖啖都係蛋，啲蛋多到咬一啖跌哂出尼，又唔會話好多沙律醬，仲有其

熱辣辣嘅豬仔包咸牛肉入口即溶 一咬落去有啲蛋汁感覺好正塊芝士好夾咸牛肉同蛋而且啖啖都有餡如果個包可以脆啲就好配搭得好好 塊菠蘿皮好脆食落甜甜地又咸咸地咁 好得意 而且又唔會特別抗拒咁樣咸甜撈埋嘅感覺男朋友叫左個米線 唔知米線口感係點 冇試不過佢食得好快 我諗唔錯蕃茄湯底好多蕃茄溶原來諗住食完實好口乾 點知又冇啲餸好多食到咁上下已經覺得飽飽地豬扒唔會好韌 幾好咬鹵水雞翼幾入味冰花奶茶 茶味好濃 又有奶嘅澀澀地口感好好飲 不過天氣熱 杯奶茶好快就唔凍凍檸多一開始唔錯 但後尾男朋友起勢咁吉啲檸檬變到好酸 哈哈好彩今日去唔算多人一次過食左咁多樣野真係好飽好滿足幫我地落單個姐姐好快手好勁 哈哈今日真係好熱 好彩坐喺個大風扇側邊之後一定都會再黎食

去屏山找朋友前兜過來試試生菜蕃蛋菠蘿油,菠蘿包, 裡面夾住牛油, 蕃茄同埋煎蛋蛋係9成熟, 仲有少少蛋黃流出黎,飽是經烘熱，夠鬆軟，正！餐肉蛋麵,餐肉現成貨,無咩特別最特別既係煎果塊蛋好得意半流心狀態,值得一讚個湯好好味，至於果嗰福麵，麵身煮得偏軟，唔夠咬感杯奶茶係即叫即沖!!超熱茶味夠!

沒想到屏山文物徑之旅會讓我發現美食。雖然地圖上華嫂冰室是顯然在屏山，但其實由天水圍去更近。早前行屏山文物徑，看見很多人在一間舊式餐廳前排隊，才知道華嫂冰室是十分出名的，於是決定怎樣也要一試。知道下午會比較多人，所以早上便出門口，希望不用花太多時間排隊我的早餐一定會包括一杯奶茶，今天也不例外。一般的凍奶茶會因為冰的關變淡，可是冰花奶茶並沒有這個問題，甜度適中。我個人認為菠蘿包的重點是它的脆面。這裡的菠蘿包不單只面脆，是整個麵包都是脆的!!!與牛油、炒蛋、鮮茄一起食味道更一流!價錢也十分實在，與連鎖餐廳的早餐差不多，但比連鎖餐廳的早餐用心和好味得多。 

今次係第2次去華嫂冰室食野因為上一次排隊既經驗 今次諗住平日朝早去 可以唔洗排喇 點知華嫂既人氣西利到咁既地步 預早左少少 都係要排1個鐘到 天時暑熱🔥汗水已經湧住出黎 眼見華嫂有提供臨時涼亭 但太陽高高掛 仿佛蒸爐咁 都係遠處陰涼地方暫避好d-------好不容易等左1個鐘後------------終於叫飛入得👏👏👏入到去 都係難敵高溫 幸好身旁有兩架大風扇 縱使吹既⋯係熱風💦 不過都無損我倆肚餓及期待既心情 由於有上次既經驗 有咩好食 我一早心裡有數 但仍然心大心細 依個時候 一同坐下既食客出聲喇💫原來係熟客仔 既介紹有咩好食 又問親切地問我倆是否第一次黎 不禁令我覺得此處甚有人情味☺️其實天水圍都唔係外邊人所講既咁悲情姐😏好 等左無耐 飲品先送到 另一杯飲品 叫左凍奶茶 冰花奶茶無貨 雖然係咁 但茶味非常濃厚👍天氣實在太熱 冰粒粒融化 其間見到熟客仔竟然嗌了杯熱奶茶 不得不俾個like佢👍食完 頂住個大肚腩 真係好滿足😋正所謂 排就個幾鐘 食就唔過一個鐘等得太耐 KO食物既時間都光速完成舖外依舊人頭湧湧 我地都唔好意思優閒聊天加上 酷熱天氣 實在頂受唔住結賬去收銀處 突然覺得有天堂

首次拜訪華嫂是十一月十五日，相隔三個月又來了，之後半年後又和第一次的友人來。全都是15號XD最近天氣不穩又悶熱，等到二時終於安排入座，又是坐裡面，太幸運了！蕃茄雞翼豬扒通粉（$39）。蕃茄湯底依舊的濃，粒粒茄蓉，香噴噴的～～雞翼肉質嫩滑且入味，豬扒軟腍香口，再配上大大碗的通粉，煮得滑溜溜的👍冬蔭公墨魚丸魚片頭米線（$31）。其實第一次吃冬蔭公已是嚐別人的，之後就沒吃，又怕太辣，但聽聞這裡湯底不太辣而且比蕃茄濃湯較為美味，反而自己叫倒是第一次。店員一送上，冬蔭公味立刻溢出，湯底香濃惹味，微辣，墨魚丸和魚片頭均爽口彈牙，米線也頗滑口。招牌芝士咸牛肉蛋朱仔包（$17）。咸香牛肉、嫩滑炒蛋、濃郁芝士，再配上鬆軟的朱仔包，熱烘烘份外好吃。招牌菠蘿包（$15）。香脆微暖的菠蘿包夾雜著煎蛋、芝士、蕃茄，使層次感更為豐富，而且蕃茄可令整個菠蘿包帶來清新感覺，以減低油膩。原本想點冰花奶茶一試，不過「華叔」說沒有冰花，便提議我點凍奶茶（$13），少冰。好吧，就聽他一話啊雖然不是冰花，但冰涼透心又香滑順口，不會有澀味。凍柚子蜜（$14）。沒有試，也忘記問朋友，所以就不寫評語了華嫂冰室，人氣依舊，每天大排長龍

凍檸檬益力多 $15(好飲指數:8/10)冰花奶茶 $18(好飲指數:7.5/10)24-1-2014店舖雖然屬元朗區，不過其實比較近天水圍站。未到2點，一大條長龍在門外苦苦守候，幸好第一輪就成功入到去。有凍奶茶同冰花奶茶，最大分別在於有冰同無冰😂冰花其實就好似冰鎮奶茶，無冰但就仍然夠凍，唔會溝淡奶茶，茶味較濃。原先都怕會係巨伏，抱住冒險精神一試，幸好真係益力多味，無溝淡過。加上冰之後更透心涼，而檸檬既作用就係多冰融開始溝淡益力多既時候，發揮酸meimei既作用。招牌菠蘿包 $15(好食指數:9.5/10)24-1-2014菠蘿包層次豐富，先夾一層牛油，再來半熟蛋，最後番茄。菠蘿包非常鬆軟，而且表皮好脆，微溶既牛油同半熟蛋流出來既蛋漿混和，配上清新蕃茄，熱辣辣，好正！招牌芝士咸牛肉蛋朱仔包 $17(好食指數:8.5/10)24-1-2014朱仔包烘得鬆軟，暖暖地。夾著芝士、鹹牛肉、煎蛋，餡料鹹鹹地同朱仔包既微甜相映成趣，另一番風味。鮮茄豬扒雞翼米線 $39(好食指數:7.5/10)24-1-2014豬扒雞翼即時煎香，油油地好惹味，側邊煎得微脆，味道亦唔錯。可惜既係蕃茄湯底雖然以蕃茄蓉為