華南粉麵茶餐廳

營業中

休息中

同太座食lunch, 原本去藍寶撐檯腳,點知遲左5分鐘,張檯讓左俾人,要再等! 由於趕時間,去左隔籬華南.我黎個呢間好多次,太座就第一次黎.叫左筋雜河,蛋雜粗同通菜.太太係牛筋迷,佢話d牛筋好得,牛雜亦好.試左我碗一粒魚蛋,佢都話好好食.埋單$60,唔係好平,不過只等於隔籬藍寶一個餐.由浪漫餐廳撐檯腳變左大排檔撘檯,居然都食得好滿意,真神奇.

佢d牛腩好正~入味~唔太un湯底飲完唔會口喝~無味精~~牛執做得非常出色~~~~ 唔會過諗~有有好濃既滷水香~~~

今日lunch再黎食,差不多1點已人頭湧湧;要左個爽腩魚旦墨丸粗$30---爽腩一般啦(份量頗多)!有點韌,九記較出色;魚旦幾爽口大粒,不俗!墨丸十分有口感,咬到一粒粒肉;美中不足系不夠爽.

之前睇過d Post話佢地既墨丸唔錯，魚蛋麵早已試過係唔錯，好過山窐謝記(個人口味)，今次試墨丸都幾好，真係見到d紫色既墨魚肉係入面，足晒料架，好咬口。P.S.佢地有間新鋪係軒尼詩道(正正係舊鋪後面)，試過但係始終覺得舊鋪果間d味道好d。

去完鹵八,得3成飽,於是黎左呢間食麵,坐底叫左牛什牛筋麵$26系較出面既貴,但系有佢既因由既,整體上吾錯,個人較偏愛牛筋及牛肚;湯底夠濃(但潮苑魚湯較出色),麵尚算彈牙)菜心亦幾嫩綠(附送),下次會試坑腩&墨丸!順帶一提佢d辣油十分正!

話說華南粉麵原來響灣仔一帶非常出名﹐冒牌記者Lulula從澳洲返港後第一時間追訪﹐但礙於上次食家共十人﹐人聲鼎沸﹐店方可能有所防備﹐所以不能作準。故此冒牌記者Lulula在二零零五年三月八日晚上﹐化身普通食客﹐再度拜訪這家被譽位富豪隱藏的平民麵店。晚上七時﹐Lulula踏進華南﹐當時只有幾名食客﹐看來都不是的士司機﹐而是附件的上班一族。Lulula叫了一個牛腩河﹐上來牛腩非常多﹐肥瘦都有﹐吃落去﹐肉質軟滑﹐沒有過鹹﹐夠腍之餘甚有咬口﹔而湯底亦非常清甜﹐浸過湯的河粉份外美味。冒牌記者見牛腩如此了得﹐於是再叫一個牛什米﹐不過﹐牛什的水準卻異常失色﹐無論腸、肺、肚都唔入味﹐牛腸洗得唔乾淨﹐牛肺過駭﹐只有牛肚尚可﹐不過切得太細條了﹐加上米粉非常硬﹐好像未煮熟那樣﹐結果吃了半碗都唔夠就收手了。另外亦遇見了傳聞中的惡死老闆娘﹐一如其名﹐先聽聲再見人﹐老闆娘身高五呎差一吋﹐一頭染了已經唔興的棕色長髮﹐在店內指指點點﹐反而夥計服務尚可﹐地方亦算乾淨。撰文/圖片﹕Lulula

呢度的牛腩和牛肚好淋又唔會太鹹﹐不過墨丸同魚蛋就差D喇﹐另外麵條都唔係好得﹐浸得太耐﹐唔爽口。我叫杯凍檸檬茶﹐冇叫少甜﹐但非常淡﹐唔知係咪唔記得落糖水喇﹗

The beef tripe was not that special. I had a beef tripe noodle ( lo mein ) and found that it was overrun with oyster sauce. The original flavour was masked with the taste that should not be there. The result was not good and made it too salty. I think it should be done with only the original gravy, not something else. The beef tripe was overcooked to very soft. The individual characterics were all gone. It was served in a bowl not a dish as it should be. The noodles were not as good as expected.

早前看到MAGAZINE介紹這間餐廳,說它的牛腩汁已經有五十年...所以味道好香好濃~~今晚終於去了一趟!!果然係價廉物美!~我點了"牛筋河"$18 和"炸魚皮"$10碗牛筋河真係無得彈~~湯底好味~牛筋份量多而且好咬口!!炸魚皮就...普普通通~本來看到整間店都是一些貌似好惡的侍應都唔係太開心...但係最後發現佢地好好禮貌~~會講"多謝"同"BYEBYE"...感覺唔錯!!我會再去吃的~~~

20041127 12.30pm約朋友食lunch, 呢度係有錢人食牛雜o既暗竇之一. 下午茶時間外面會泊滿Benz同的士. 朋友介紹話呢度o的牛坑腩同牛雜好正. 即管放馬過來!2人吃- * 朋友食- 牛雜魚蛋河- 魚蛋係潮式魚蛋, 我試o左粒, 的確係正, 好彈. 朋友則喜歡呢度個湯底.* 我食- 牛雜+墨魚丸河- 牛雜係幾好食, 水準以上, 不過唔算係我食過最好, 但係洗得好乾凈. 河粉好滑, 新鮮, 滑到連筷子都唔係好夾到. 不過我覺得呢度o的墨魚丸係好得手, 呢個係侍應大叔推介o黎, 彈牙兼食到粒粒墨魚!!!* 支裝可樂x 2*紙巾($3) - 呢個唔食得, 不過咁橋無o係身, 唯有買一包不過一o的都唔平, 兩個人食連包紙巾$65 !

前言：一連幾天在這區工作，午市來到這間人氣麵店。十二點九，兩間地舖爆滿，二樓舖亦已經九成滿，厲害！食物和評語：點了一碗‘魚旦米’（$17/碗），內有三片潮式炸魚片、三粒大碼潮式白魚旦、米粉。魚片較一般薄；但魚旦較一般大，近一吋立方那麼巨型！米粉亦灼得夠時間，不會太硬或太軟！至於，潮式辣椒油相當香和辣，不俗！食物質素有一定水準。註： 1. 等了近五分鐘，食物才上桌。麵店而言，算等得耐！ 2. 每張餐桌都密麻麻坐滿食客，真的好迫！食客與食客，常常碰撞到！ 3. 老闆娘好惡，對客人粗聲粗氣地呼喝，對員工咆哮。一副唔憂做的氣勢，唉！（個人覺得，此店食物水準雖然‘價廉物美’，但其魅力仍未到客人心甘命抵被「呼喝」的地步！如此服務態度，大概無下次！）

早兩日去左永華食牛筋腩麵，今日教完班就同學生女來華南食牛筋腩麵比較一番。作為司機大佬們的食堂，九點幾鍾都仍然好旺場。兩個女仔叫左一個牛筋腩撈粗同一碗筋什麵，再加一碟芥蘭。耐冇來食，忘記左呢度的碟頭好大，結果麵就食清，芥蘭就剩左大半碟，飽到頂住！牛筋腩依然如舊，炆得又焾又入味，同永華果種濃腩汁又自不同，可謂各有千秋。牛什就略鹹，不過都唔錯。呢度另一精品係潮洲辣椒油，同魚旦粉簡直係絕配，配牛腩亦唔差。不過麵方面就似乎係永華略勝一籌。

向度search下灣仔有乜食,見過下呢間.咁岩今日又經過.又見有人排隊又貼滿介紹,於是試一下.叫左雙丸牛腩麵($25)同一碗炸魚皮($9).先講魚皮,脆但硬,算乙等貨色.牛丸幾濃牛味,OK.魚蛋同德昌差不多,幾好.但牛腩就麻麻,韌.麵同湯就更唔掂.

今日唔知搞咩，想去食的地方永遠去不到，要去第二度。下晝原本諗住趁未結業前，去吃蝦麵，點知排隊排到出馬路，唯有搵其他地方。諗諗下都好耐無來吃牛腩了，就行了過來。華南即是華南，開兩間舖都坐到滿，看陣容已有些少信心保證。好耐無食牛腩，就叫碗淨筋腩，加多個淨河粉要腩汁。淨筋腩幾大碗，都好，一次過可以吃夠本。個人而言最喜歡吃筋腩，因為如果咁叫，佢除左炆得腍又入味的牛筋及牛腩外，亦會有牛筋接連牛腩的邊位，有肥肉，又係又腍又好味。呢度的牛腩非味濃的柱侯製法，是傾向清湯的做法，今次叫了一碗，水準保持，十分不錯。除了牛腩，這裡的辣椒油亦夠辣夠香，嗜辣的不要錯過。埋單近50蚊，雖然以食粉麵計，係貴左少少，但牛腩有水準，仍值得一試。

今日一個人去左灣仔咁咪幫襯下呢間好似好出名既牛什麵囉入到間舖發覺裝修真係無乜d食物亦不算特別好係d牛肺同牛肚好淋不過切到好碎,又細片d河粉又唔多以17 蚊一碗牛什麵呢個價錢真係唔係咁物有所值囉食完都唔係咁飽要去買番個老婆餅食所以下次都未必會特登再去(地點又偏,又唔特別好味,又唔扺食)