華南粉麵茶餐廳

營業中

休息中

約0係灣仔返工的舊同學食lunch, 由佢話事, 事前佢已經提議去快快脆脆食碗麵再去食cake, 點知原來佢口中的"速食魚蛋麵", 正是呢間我想去好耐的麵檔, 真係多謝晒!叫了碗牛腩牛筋麵... 賣相澎湃, 麵質幾爽又無鹼水味, 唔錯; 柱侯牛腩牛筋好入味, 牛腩無special request 所以肥瘦都有, 但當然以半肥腩最掂, 油脂好香, 牛味極香濃, 瘦腩部分就較韌, 不過都幾好食; 牛筋就最掂, 好入味, 腍到"起膠", 食得好過癮! $24 一大碗又咁好食, 真係抵到無得再抵.朋友的魚蛋魚片麵賣相一樣靚, 試了一塊魚片, 都幾彈牙, 不過魚味唔係咁出; 朋友就話覺得d 魚蛋胡椒味太重.環境好迫, 直程同後面0個檯d 人坐到背貼背的, 不過好在衛生情況ok 的; 招呼都ok 啦, 一早都唔expect d 乜.去開灣仔的話會再0黎食! 下次會試0下牛雜!

記得初入行，常跟同事到這兒吃經濟午餐。後來當上管理層後，便少跟班同事來這兒，但常常趁晚上，一個人靜雞雞來這兒吃。今晚OT 到8:45pm，便跟「財務部老兄」癙到這兒。點了牛什河粉（$22）和魚旦米（$24）。點完才後悔，應該點淨牛什和淨魚旦，再配兩碗牛腩河，才夠過癮。反正以後都未必有機會再食…。算，好味的東西還是留下回憶比較好，too much 便會失掉那光芒花！華南的牛什和魚旦，我會記得！

之前未加價，單併18，依家一加就加四蚊，變22蚊！區區一碗牛什粉22蚊絕對唔係平！環境已經不算好，點知店員的態度就衰上加衰！從未試過食一碗粉，要受氣！官塘街邊的牛什粉麵檔，就算廿蚊有找，態度都非常好！今日中午同朋友兩個人去食，叫左兩碗牛什粉，去到的時候，唔算多人，理論上碗粉應該好快到先係，點知等了接近十分鐘都未到，咩問其中一位伙記是否漏單等，那個伙記只是說得，眼見佢竟然係無去落單處看或問！根本無同我地跟下張單！再等多陣都未有，又再問，點知又係得回同一個回應，個伙記仲啦啦臨行開，其他伙記見到理都唔理，又行開，再等多陣，已經二十分鐘，咩問個老板娘（好肥那個女人、帶眼鏡）到底點，可唔可以同我check check 係唔係漏單，唔好又話得，已經等左廿分鐘啦！點知個女人竟然用極差極惡的態度，高八度大大聲話，整緊，食飯時間人多你就預左要等，你問幾多個伙記都係咁，你等就等，唔等就走！我地咩話都知人多要等，但無理由一碗粉要等成就快半個鐘架！諗住一點半過了，又趕住兩點返公司，所以咩等多陣唔走（如果唔係一早走左，點解要受氣！）點知兩三分鐘後都係未到，正想起身走的時候，有個之前問過的伙記同我地話砌緊架啦，好

2007年10月14日，華南。由於就腳，所以常來，這裏其實並不便宜，服務我不能說好，但我來了這麼多次都正正常常，沒有被人呼喝（要求很低？粉麵鋪係咁上下啦哈哈哈~的確有呢D地方嘛），不過呢間都可能幾賺到錢，國慶長假期佢都休息了5day喎。今天叫了牛雜米叫菜，都好大碗，好多牛雜，好香，也很好吃，但對我來說28元食碗粉算貴了。（小心這裏的辣椒醬很辣的啊！）

2007年9月19日，華南。今日食雙丸（牛丸和魚蛋）米加菜加腩汁魚蛋幾好食，但牛丸就麻麻，米粉唔錯，但份量好似少過河粉，無咁飽肚。中午呢度食，有時侯得確係逼D，但D河粉真係幾好食。

其實一直以嚟都知個老板娘無乜禮貌同價錢唔平, 不過佢地有公仔麵同魚蛋&牛腩麵食, 味道都唔差.點知今日同8 個同事去食LUNCH, 個老板娘(肥嗰個女人), 我地7個人到先, 一入到去, 佢好大声問"人係咪齊", 我地見嗰 1 個同事已嚟緊, 咪話齊囉, 之後佢叫我地坐張5-6人枱, 基本上7個人坐已經好迫. 食飯時間都預咗啦! 點知佢見我地預留咗個位, 佢放多1張椅落黎, 我地話有人嚟緊, 佢好惡"look"大隻眼鬧我地"你地頭先又話人齊, 我點都會叫多2個人坐落嚟架啦", 我真係好想走, 但又已叫哂嘢食. 佢仲成日行過嚟"超"住我地, 總之以後都唔會去喇.

2007年4月24日。午飯到華南吃了一碗繃沙腩河加生菜。好久以前吃過一次華南，但印象只屬一般。碗牛腩有幾塊是肥羔，也有一兩塊比較韌。河粉很猾，湯底不錯，加菜（加$6）其實無另外叫一碟抵，但一碟又太多，無計。

呢日去演藝睇完莎劇，睇到咁夜最好食粉麵，咁search到呢度有間咁多笑既粉麵咪食囉。我地叫左個牛腩河同雙丸河（魚蛋、牛丸），兩個都自動加左腩汁。個腩汁幾夠味，但ｄ牛腩唔知係咪因為太夜而韌晒，ｄ魚蛋又冇乜彈力。呢間野話係的士司機蛇竇，但人地應該廿四小時都冇得抖，要夜晚食野，所以你呢間野夜晚都應該好食至係架。

聽女友講, 話佢同佢班同事好多時都會搭的士由中環去食呢間牛腩麵, 我仲以為好好味添, 點知原來令我幾失望.我叫o左碗牛筋牛肚河, 個湯底麻麻o地, 好淡味, 牛筋仲算"淋", 牛肚就過得去喇. 女友要o左碗牛腩墨丸米. 佢俾o左幾舊牛腩同埋粒墨魚丸我, 牛腩薄切, 所以唔韌, 墨魚丸成粒都係粉, 一o的墨魚味都冇. 差.

今日o係華南食lunch, 叫左一碗牛什麵, 一碗牛腩麵我o既牛什麵, 湯底好濃好香, 牛什令人滿意女友o既牛腩麵. 佢俾我試左一舊, 好un, 我想判佢死刑時, 女友俾我試多舊, 竟然好林, 同第一舊完全唔同. 佢話佢食果d全部都好林. 所以第一舊牛腩應該係失準叫左碗生菜

----i've been living in Wanchai for many years ..this shop is getting worse ever since the founding father of the shop has given the shop to his son ! --the food is too salty and the hygiene is too poor-the price is too high--try some others !

The standard of this shop has been going down. A lot of competitors appear nearby recently. I wonder why this old shop still didn't improve the food quality. It used to be my afternoon and late evening canteen for a bowl of fish ball rice noodle. But I've given it up already. I came across this shop this late afternoon and gave it one more try. I really hate myself being too kind! I should have given the chance to some other shops. There're a lot of better choice in the area.

今次來了這間粉麵店，有歷史、薄有名氣，就點一碗牛腩雙丸麵，點的時候已經叫了坑腩，店員就話儘量畀，心諗即係啎會有。最後出來的，似乎是腩底，肉質頗韌而且會黐牙黐得好厲害，吃了幾件要放棄，牛丸很普通，只有魚蛋可以見人，重魚味，爽口少彈。麵身一般，湯底最差，不知是否千年濃湯還是味精，只得鹹味，牛味也飲不到，鹹到食完的一個小時內也在口腔不散！似乎是重點賣牛雜，但筆者不好，未有機會試。總言之牛腩好唔得，已經可以「宣布死亡」。

收工，來這裡吃個晚飯再轉車返歸。對上一次來已是年多前，門口多了個大LED屏。甫坐下，不想吃牛腩，改叫了雜麵拼魚蛋，大班老鬼在傾著馬季的「大生意」，三更半夜但人氣十足。以為幾十年的滷水汁變化該不大，但喝一口湯，是偏甜而較從前的來得淡口，牛雜炆得腍而散，論味道論口感，大不如前。魚蛋更不用提，加了大量胡椒調味，毫無鮮味之餘連口感亦欠奉，就連連鎖式的潮州魚蛋亦比它高幾班，是幾失望的一餐。

想幫襯這出名的蛇竇已經很久了，奈何時間及緣份問題，直至到是晚才能抽空一會；想一口氣品嘗兩樣鎮店之寶，故點了牛腩牛什河加炸魚皮一份，跟店員要求可否要爽腩，回應盡量幫手，如若沒有會以坑腩以奉，這點真的比起中環某些以牛腩招來但禮貌服務欠奉的食店貼心得多。而人客不多不需一口茶時間食物已經上檯。牛腩牛什河賣想不太好，黑黑沉沉，初嘗一口可用死咸來形容，若說是千年濃味湯底來奉客的話，筆者絕對受用不了，更何況說品嘗牛腩牛什的鮮味；另外魚皮應該是用鯪魚皮來炸的，亦都是過咸，而將魚腹魚背的骨位一並油炸這點已經失分，吃炸魚皮要啃骨的都算首趟，就算將其放湯亦不減咸味，失敗，頓時懷念大埔街市內任何一間的炸魚皮都比這裡好！吃完後個多小時都需灌水以減咸味，另外口嚨乾涸亦懷疑是味精所致；不過這裡的店員服務真的不錯，唔該前多謝後，但若水準是這樣的話下次幫襯機會微矣！