華南粉麵茶餐廳

營業中

休息中

間唔中會同同事黎呢度食lunch，因為樓上多數有位。呢度ｄ粉麵都算呢區比較好吃。我多數會叫牛腩牛丸麵，牛腩雖不林，但幾有肉味，都幾ok！牛丸ok啦，都幾大粒。除左一般粉麵之外，呢度仲有粗麵同瀨粉選擇，都幾特別，而粗麵好食，我經常都會叫。而且，呢度d辣椒油好正！

此店是有名的計程車司機飯堂。曾有一次小卡一個人要去那附近不知搞什麼，便叫她去試試看，回來後的報告是「一般」，於是便打消去吃的念頭。後來才知她那天點的是魚蛋粉，可是我之前已說過那裡出名的是牛雜和牛腩啊！這晚輪到小臣一個人解決晚飯，在尖沙咀約了個網上賣家交收她的掛牆時鐘，之後卻不知該到那兒吃東西才好。地鐵來到灣仔，決定出了站再打算，腦海中卻忽然閃出牛雜粉麵，在這附近當然是到華南吃。店只有半滿，大概還不是司機大哥們吃飯的時間。點了個牛雜河粉，另加可樂一支。典型潮式牛雜河，河粉切得頗厚但夠滑，湯頭十分濃厚。牛雜款式齊全，燜得夠腍又入味，膀、肺及腸特別出色，只是香料味重了些。此店的自製辣油果然厲害，下了數滴已害得小臣不停抹汗，坐在我對面的小姐用奇怪的眼神看了我幾眼。哼，不認識蒙古皇帝嗎？！

星期五(18/7) 同事帶我黎呢度食lunch。我地好晏至去, 去到已經1:30pm, 所以唔駛點等位, 但我地坐正樓上廚房門口，好熱！食左一碗雲吞河，有六粒細細粒的雲吞。味道一般，不過我諗佢加左d腩汁落碗麵，所以好夠味。同事請我飲左杯凍朱古力, 佢地lunch冇餐, 飲品要散叫, 所以都算貴。

是日到了華南叫了個筋腩河嘩 好大碗! 正點知...牛腩好韌...真係好韌...好韌呀!!! 咬到牙"較"都軟 諗住食舊牛筋彌補一下我既心靈點知...牛筋都是韌的!!! 點解牛筋都可以韌既?勁可憐...辣椒醬 is good腩汁 is good大份 is good不過牙較好支卜................

朋友帶我來的，我們坐樓上，lunch時間真的頗擠。要了牛肚麵，另share一碟油菜。牛肚是金錢肚，真的不錯，湯底很濃，送麵一流。油菜的油&蠔油都很多，下次一定要走油!每人幾乎要30元，偏貴。下次再試試其他配搭!

成三年冇來過﹐所以就來呢度食個晏。舊時每次都係上樓上食﹐今次見樓下有位就入左去﹐但被安排坐正係廚房個出入位。幸好個收銀阿姐(應該係老闆娘)話唔會有人出入。因坐正個廚房位﹐所以裡面既情況同唔知一個係唔係老闆既男人一路大聲叫喊比佢隔離其餘兩位廚師既指令亦聽同看得一清二楚。不知聽覺會否因此而受損。 叫左個腩肚河多青。牛腩同牛肚各有6塊﹐本人覺得佢地收得$30一碗﹐呢個係應有既份量。如果唔係﹐咁不如去潮興食十幾蚊一碗算把。因為兩間既服務都係差無幾。

經過遭受了潮興的高等服務態度後，決定行去譚臣道搵食，發現這間華南空間比較寬敞，於是決定一試，二話不說，牛腩河，$24，價錢比一般的貴，令人有點期待熱辣辣湯河兩分鐘已經送上來了! 賣相跟平常的牛腩河其實一模一樣，牛腩肉質算是嫩滑，但相信最值錢的是其腩汁湯底，味道濃郁，令人愈食愈快，的確物有所值!另外，雖然見到雙拼的價錢再貴一點，但其份量看來相當驚人，要再試!

上個星期六, 同bb去睇舞台劇(攣到爆)之前,去咗呢度食嘢,其實之前都食過好多次,不過今次先寫番.我叫咗牛腩米(24蚊),bb叫佢牛肚牛根河(30蚊),一杯凍O茶(15蚊),一碟通菜(11蚊).牛腩米:係坑腩,肥瘦啱啱好,入口溶,無痴牙,湯底有陣好濃既牛腩味...good!牛肚牛根河:牛根好滑,好入味,牛肚就有少少un,河粉都滑,幾好.付乳通菜:菜都幾新鮮,起碼唔老先.凍O茶:普通茶記貨色.其實我覺得,佢比其他麵檔係貴,但佢貴得嚟,會比番咁上下嘢你食,餸亦都好多吓,所以我就認為ok啦,間唔中心思思都想去食吓.推薦~

今日係工司塞在悶得可以...為左安慰下自己﹐心想: "好﹗就同肥腩會一會﹗" 提起“肥腩”這兩字﹐一定是華南。不如求其近近地整豌算喇...唔得﹗我做人係有character 既。一動之下就是"華南"。話說﹐華南是我細細個去到依家既地方。每次去我一定係“肥腩片頭河”and 凍拉茶。牛腩片頭河? nonono~~~ 重複﹐係“肥腩”。佢地既肥腩我簡潔地形容﹐甘香﹐入味﹐肥瘦適中and 不太硬不太軟。至於片頭放面﹐魚味膿(其塞我叫片頭只是想錦上添花=D)。另一個重點就係﹐佢地既河粉係must eat item。你晏D去佢地都賣晒﹗又是一餐心靈的安慰。很好很好.. 賣單$45﹐唔算平但係抵。

今天下午, 叫了同事去買回公司吃. 首先, 我叫了牛腩撈粗, 另外一同事叫了腩什粗, 再一個就是筋腩撈粗. 同事一回來已大為震驚, 筋腩撈粗竟然要$41, 腩什粗要$35, 我的牛腩撈粗$31. 價錢高已經令我們有點不滿, 不過都算啦, 用高價去吃一個好吃的麵都不是大問題. 再來接過個麵, 輕飄飄咁, 一睇個撈麵, 好細. 叫腩什粗既同事, 出黎都係一碗冇湯既麵. 大家想吃的時候, 發現麵乾到不得了, 完全吃不到. 麵鋪去我公司最多都是十分鐘時間, 已經可以變回一餅, 完全吃不到, 撈麵竟然沒有送湯, 要我們自己用滾水去開個麵. 失敗.到正題, 牛腩, 牛什, 牛筋, 三樣. 應該係華南既主打. 牛什, 只可以叫一般, 味道不夠, 可能在街邊可以吃到的還比這裡好. 牛筋, 都是一般, 一樣味道, 口感不夠. 牛腩, 一個大字"差", 看上去, 已經知道不夠肥, 顏色好深, 一吃入口, 口感極差, 沒有牛味, 也沒有牛腩汁的味. 咬一口, 肉質好差, 唔"林", 極之"痴"牙, 可以當香口膠. 係失敗中既失敗.總之, 唔信的話, 可以自己去試試, 不過以這個價錢去吃這樣的一碗麵, 我是一

週五中午，再度相約同在這區附近工作的舊同事午膳。這次原本已定好會在譚臣道的華康或三冠皇兩食店之間作出選擇，可惜抵達時(1:20pm) 眼見門前企滿等位群眾，因而卻步。在友人不耐煩地提議下，登上信邦大廈一樓，試試這間華南粉麵茶餐廳。進入餐廳時，頓覺環境擠逼，空氣侷促，四週沒有窗，這個擴充營業的房間似一飯堂多過似茶餐廳。別奢望會有什麼理想座位，伙記帶位讓我們「搭枱」已算有運。我和友人分別點了雙丸牛腩麵($34) 和牛筋麵($24)。雖然雙丸麵的份量足夠，而餸也多，但食物質素只是一般；友人的那一碗份量明顯比我少，碗身的高度低了一截。論抵食，個人認為是除了食物本身以外，也應該計算埋其他因素，給最低分的一分也嫌多，因為三十四元這個價錢，我可以在同區吃得更好、更舒適的。除非是身不由己、沒有選擇的話，我都不會再幫襯，也不會向別人推薦這間樓上「茶餐廳」。

中午又去灣仔搵食，雖然馳名已久，大鄉里的我還是第一次來。我要的牛膀魚蛋粗麵是雙併，價錢是$30，初時覺得不算平，原來份量頗多，有6、7塊牛膀、魚蛋也有4、5粒。牛膀做得唔錯，沒有那種異味，入口有種粉嫩感覺；至於手打魚蛋有點失望，彈牙是有的，但缺乏那份爽口，而且吃不出有魚味。而同事的牛肚也夠爽口入味。自製辣椒油相當惹味，比一般的辣但夠刺激，不過那碗辣油沒有蓋封好，有點不衛生。

7:00pm 人在灣仔, 想食得快靚正, 0黎了呢度. 之前食過牛腩牛根覺得唔錯, 今日為0左試牛肚, 叫了一碗牛腩牛肚米($30).先食牛腩, 今次的係爽腩, 開心死... 好入味, 牛肉味濃郁, 筋膜好爽, 肉就好腍, 應肥的又夠肥, 食得非常過癮! 牛肚就一般, 食落幾爽不過唔係咁入味; 米粉唔會過腍, 可以; 仲有幾塊椰菜, 幾甜, 唔錯.環境都係咁, 招呼就比我上次0黎時好, 可能因為夜晚少d 人啦.雖然咁0既質素咁0既份量, $30 我覺得唔算勁貴, 不過點解上次(2007 年11 月尾) lunch hour 0黎食的牛筋牛腩麵$24, 今日dinner 時間食牛腩牛肚米要$30? 真係百思不得其解! 唔通牛雜貴好多?

係就係好出名,不過有d名過於實,牛腩入味ok,面唔得,但個辣椒油就落足料,好香好味,不過要成70蚊一支就太貴啦...

this is a very old restaurant ,it has it own cooking style. The boss is kind and has also put a lots of affect , time in to his restaurant to make it as good as possibe for every one to enjoy .l think this is the best restaurant that l will mostly enjoy having and l hope every one will also agree with me too.