華南粉麵茶餐廳

營業中

休息中

我平時去茶記會婉拒大大碗嘅味精(而家興叫增味劑 E621 - 雞粉眾多化學成份之一)例湯, 食湯粉唔會飲埋D湯, 不過今日例外叫咗碗牛墨丸河, 個湯無化學增味劑污染 -- 正 !!! 真味靓湯飲晒成碗, 嘩, 一D都唔口渴 !!! 堅呀!牛丸: 雖然唔會彈, 但幾新鮮, 有肉味, Juicy, 只是咸了一 d d (個人口味而已)墨丸: 真材實料, 好味, 唔似其他貨仔得味精同一團粉, 唔會死咸幫襯過幾次, 又有買過丸回家煮, 可能唔係繁忙時間, D伙計哥哥態度OK喎, 暫時未遇過無理對待, 只係見過老闆喝伙計嘢食有咁嘅堅持, 難得! 欣賞! 辛苦背後, "牛"脾氣嗎? 有也不難理解雖然$30, 但大大碗湯粉, 四牛三墨丸, 算係咁!

呢間1樓喺門口收錢嗰個女人嘅態度勁差. 管住啲客坐邊坐邊, 有空位, 又唔比客坐, 要啲客坐到迫一迫. 又要齊人先比坐, 差一個人未到都唔比入, 要等齊先坐得, 呢間真巴閉, 人地啲餐廳都係一半齊人可以入啦!.有次食完走啦! 跟住又大聲叫未比錢, 唔係一定行第一個要比錢, 後面同事比錢呀嘛, 一啲禮貌都無, 咁樣對啲客人.咁嘅服務態度, 向劉華學吓嘢啦!

由10年前起已經幫嚫華南, 雖然只會係路經灣仔既時侯先會幫嚫, 但係覺得港島區好食既滷水牛腩唔多, 華南可以算係好既一間. 雖然比起中環水記, 波記, 貴咗30%但係都係得可以接受. 但係今次既經歷相信我伯唔會再"光顧"華南啦. 我order咗一碗"崩沙腩米加菜", 個伙計比咗張$33既單我, 我已經有d奇怪點解會比平常貴咗3蚊呢???? 而我既同我order送黎時d牛腩只可以用"溶溶爛爛"黎形容, 而另外$6蚊加既菜更加不知所謂! 到我去counter畀錢既時候, 問咗個平頭鬍鬚老板一句點解我個"崩沙腩"貴咗3蚊? 個老板即刻聲大大咁同我講, 你唔知點解? 我門口已經大大隻字寫住"崩沙腩加3蚊" 我頭先聽住你叫o家, 你唔知? 我即係呆咗......我只係問一問你啫, 碗粉係我真金白銀幫嚫你而唔係你免費請我食架! 個老板同佢老婆已經出哂名惡死& "zero service" &成日鬧d伙計. 佢接受飲食男女訪問時話佢係sell食物而唔係sell service &而家d人唔識欣賞佢d食物...etc. 一碗$24蚊既牛腩河可能比起"`九記"還差一點點, 但係比起同區既潮興, 桃園等已

由於喺附近返工，因方便同埋幾好食，好多時都會幫襯佢哋叫外賣。今次遇到嘅經驗，真係不吐不快，琴日居然喺碗牛丸米裡面食到一塊...趾甲!!! 好嘔心!!! 食完唂住到氣，忍唔住打落去投訴，問佢哋係咪一路煮嘢一路剪趾甲，佢哋只係答我 “換過碗比你"。我仲邊有信心至得架？

華南D牛腩太瘦又韌又鞋,所以今次叫個牛肚魚片粗麵同魚片魚蛋河,牛肚炆得夠腍又入味,魚蛋魚片普通冇乜特別,不過佢最正就係啖湯,試過有一次啖湯清水咁,問佢先知原來你要話加腩汁啖湯先咁好味,因為佢話有D人唔食牛,所以唔會主動幫你加.

下午的沙律自助餐令我飽上一整天.到晚上也沒多大胃口,在灣仔上堂後行行逛逛,蕩到譚臣道,想起這裏的牛什好像很有名的.簡單的店子,只有圓摺椅和大大小小的摺枱.除了有粉麵亦有飯.這裏大力推介牛丸,魚蛋和牛什.就要一碗雙丸,牛肚河,一次過滿足3個願望.索價$34一碗河粉,份量不能太少.結果一如所料,份量比平日的粉麵大,我只取了一小撮河粉,配料各一.牛丸,味道沒有特別好吃,反而會覺得樂園更好吃.魚蛋,第一口感覺不錯,但再吃又不覺得有甚麼特別.牛肚,較為突出的一樣,其湯底也十分出色,很老火的五香牛湯底.油菜$11,分量中規中矩.但飲品則偏貴,一杯凍奶茶要$15,雖則味道是不錯,但以茶餐廳格局還是太貴吧.不少單身男士獨個兒來吃晚飯,但人流不算複雜.建議吃牛肚,牛什等食物,應該會有點驚喜.

看雜志才知道這裡是老字號，見到普普通通的門面，晚上也只有小貓三兩的客人，期望也不期然降低了。牛腩和牛雜都出名，可是又不餓，掙扎一會之后，叫了牛腩米。一上來先喝一口湯，覺得牛氣逼人，很濃很濃的牛味和油香。牛腩看見已覺得肥美，食落果然一點也不鞋口；味道則比其它地方濃，非常入味，而且帶一點獨特的香味。廚房很手鬆，牛腩都有十塊以上。一盅盅任加的辣椒油也很出色，辣得來又香，椒籽很脆口，可能是自家做的。粉面一碗二十四，和其它地方比，不貴也不便宜，但有這樣的質素份量，簡直是超值。有驚喜的餐廳，一定會再來。

平日少碰杯中物，一杯過後有點wing，晚餐想要來點熱暖的湯粉麵類。算是半灣仔通的龍介紹到華南吃牛丸，本來興趣不大，可見到店內泊了幾部名車，可見質素不俗，也來一試吧。　粉麵牛腩類龍都沒推介，只著我試試牛丸，那就看看是甚麼料子吧：熱騰騰的牛丸上檯，一咬之下質感不算很彈牙，卻勝在鮮美又多汁，果然是值得到訪的水準之作!不過湯底偏咸又有師傅感覺，故拿不到滿分5分。　無論如何，謝謝龍的推介與甜甜地的心意，後者等下次胃口較好再去吧!

好耐無食過華南, 今日lunch食, 講真我覺得食物一般, 唔係真係咁好味, d坑腩好硬價錢唔平, 如果係既話我buy春園街果間潮x既坑腩好食好多, 仲有乾蒜粒添, 明符其實又平又靚, 起碼派位果個又有系統又好禮貌, 華南果兩個阿姐真係"一流", 有枱都要人係咁迫住坐一個坐唔落170磅肥仔既位, 唔通要背貼背呀.

又到星期三,同事帶左我地去呢間食好食既牛腩面一上到2樓~好多人呀~我地7個人都睇左好一會~然後老闆娘就幫我地搵左個位置了雖然逼逼地~不過地方都企理呀~個meun都有好多野食~不過同事話呢度個牛好食~我又唔想食牛腩所以就叫左個雙丸河~同究叫左唔同既野~我地就交換啦~牛丸好食~牛腩入味又唔柴皮~雲吞細細粒~牛肚爽~好多都好食呀~最欣賞佢地d辣油€~睇雜誌先知佢地係自己做既~\好好味呀~我個個都係21蚊~價錢都ok啦~係d野飲貴dlaw

二月初八‧雨粉粉不知大家去外國旅行，回港下機會吃什麼，我就多數會來這裡吃碗牛雜粉。牛雜新鮮，鹵水夠味，是別處找不到的美味﹝當然，除了澳門...﹞。已經好一陣子沒來吃了，看了雜誌的報導，又找上門來吃碗牛雜粉。一時多，是必然的門庭若市，坐滿客人。但這裡勝在流量快，伙記會主動的幫你找位，轉頭已坐低。而人未坐下，已叫定一碗牛雜米。雜米份量不多的，但牛雜份量及種類不少，有膀、肚、腸、肺等等，如言鹵水味香，吃起來均有口咬又不韌，如雜誌報導所言，是臨上碗才淥熟的，比坊間的在鹵水中浸一天的牛雜好好多；三扒兩撥，吃完，出去埋單，讓位於他人。這裡坐得迫，搭檯差不多是必然的事，而地方也淺窄，如我想影相，退到盡都只是如圖示般的角度。伙記的服務其實不錯，幾醒目的。埋單24蚊，仍然是很有水準的牛雜粉。

牛什足料，「林」身得來又有不是完全軟身，有咬口，很香，煮得有功力，牛筋很大很多，和麵質一樣味道一般，湯底很美味，但是肥膩了一點，這裏食一碗麵除了好味外，很近似老香港的粉麵味道。http://icuteee.mysinablog.com/index.php?op=ViewArticle&articleId=1541760

再次收到Openrice 的電影贈券，增加我寫食評的動力。在金鐘看完「吸血新世紀」後，已是凌晨，來到灣仔找宵夜，轉入後街仍有兩三間店子在營業，隨便入一間。門外有很多介紹牛腩牛雜等張貼，我們便要了牛腩麵和牛筋米，每件牛腩的兩邊都有些肥，中間瘦肥夾雜，很好吃，湯底很濃，麵也很爽；牛筋米也很不錯，米粉很爽口，牛筋軟硬剛好，有咬口，牛筋和花膠一樣，若太淋會黏作一團，不好吃。夜已深，要回家了。

呢度食招牌粉麵相當不錯D河粉夠薄夠滑,頗大份量,腩汁湯底好濃牛味,辣椒油好香餸菜方面,牛腩有時好吃,但有時會不夠林和比較鞋，但有肉味,都可以接受,牛丸有咬口又有肉味,但有時比較乾,魚蛋彈牙有魚味,不錯至於環境和服務,在這些港式餐廳,自然不能多求了

今日去左呢度吃牛腩河, 個湯好濃, D河索左D腩汁好正~~~~~~ $24都OK, 幾飽肚! 之前試過附近既富軒牛腩河, 覺得幾好, 但是過呢間之後就改變想法啦~下次有得早D蛇出去吃lunch會再去~~~