莎巴馬來西亞餐廳 (已搬遷) 新店位置

我至愛, 油鬆餅好好味!!!鬆鬆軟軟, 熱o個陣好正!!!海南雞飯都值得推介!Lunch 幾ok, $50 到, 不過就勁多人!!但環境唔算好迫~d waiter 手腳都好快! 唔怕lunch 食過鐘! 行開o個頭, 真係要試一試!

前晚上堂前，來了這裏試！我們三個叫了海鮮喇沙、油鬆餅、馬沙拉咖喱羊肉、海南雞飯、馬拉盞通菜和拉茶。海鮮喇沙- 一來就聞到喇沙味很香，但食落就感覺唔多夠，可能係喇沙葉落得少的原因；海鮮都好新鮮，味道也幾好。油鬆餅- 幾鬆軟，但可惜凍冰冰，唔多新鮮，相信都做了一段時間了。馬沙拉咖喱羊肉- 比想象中沒有這麼辣，羊肉好又唔羶，味道也很好；咖喱汁用來送飯相信比送油鬆餅會更加好。海南雞飯- 雞肉很嫩滑，也有雞味，真係唔錯，值得再試；雞油飯比較上硬，Denny就唔多喜歡，而且味道比較淡。馬拉盞通菜- 通菜都幾新鮮，可惜太油，感覺上麻麻。拉茶- 味道很滑，很多泡(感覺都高級了很多)，奶味比較上重，感覺都唔錯；飲之前廚師走過來表演<拉茶>，就算味道普通，也值回票價，真係好利害，一滴都沒有溜。

lunch 曾經為o左搵食，由公司行o左超過九條街去沙巴朝聖。結果無令我失望，我食到滑滑海南雞飯啦！雖然個草菇餐湯一睇就知落o左o吾少豆粉，但係$48 街坊價連野飲同甜品，淨係舊滑雞同香飯都好似識發光咁，我巳經覺得頭上多o左個光環。正當我呢個虔誠o既海南雞飯徒體驗緊神跡時，未飲完o既草菇餐湯吸引o左超過六個侍應想拎走...就連隔離檯o既咖哩牛肉都o吾放過！唯有講句Ｄ侍應真係好鬼死勤力啦！由於中午叫其他o野要加一，海鮮喇沙留番中秋夜再試。

終於等到再臨沙巴，第一時間叫o左海鮮喇沙o黎試。經理哥哥推界阿參喇沙，見一試無防，點知。。。。奉政府喻，凡具特殊香味香料，寧枉莫試，我都係食番我個好好味海鮮版。足料、鮮味、夠香，又有咁上下大碗，我變o左叛徒，暫時拋棄海南雞教。另外仲叫o左咸魚炒芥蘭、加多加多沙律(即青瓜、番石榴、油炸鬼蝦醬甜豉油沙律)、馬拉盞茄子同酥油餅，都o吾錯。最值得讚o既係個蝦醬甜豉油，一Ｄ都o吾腥，但又無黑醋咁chuk喉，好好味呀！至於馬拉盞茄子就油o左Ｄ，用油酥餅點o黎食最好。

依舊係俾笑面,因為都係水準之作.與女友食dinner,order 左馬拉盞通菜,炒得惹味爽口,但好似有少少鑊氣不足.海南雞飯.想比較下同唔同既馬來餐廳既出品,依度既雞冇好人工化既滑,但雞味同雞油飯就好香.跟飯既湯有d雞腎.好爽口.南度蘿根咖哩羊,咖哩汁太稀,羊肉好腍但就唔入味.點油鬆餅不過不失. 最後我覺得用羊肉點馬拉盞反而仲好食,仲入味.始終係大路既椰汁咖哩較好.整體算係不過不失既一餐,waitress做野好快,但就好快咁收走d碟,經理單手俾番張單同credit card我,所以服務分數打個和.

今下午終於去左呢到食lunch啦，三個人叫左三個餐\加一個白飯，分别叫左海南鷄飯、咖喱牛腩+薄餅、辣鷄飯。餐\飲唔錯可以揀鮮橙汁或西瓜汁，另外有餐\湯同埋甜品添，最好味係個海南雞飯，d雞好滑，d飯好香同埋d醬好好味，真係yummy。下次食一定會再encore。埋單都係150，即係每位50咋！抵！p.s.一路食可以睇到個廚師係度打薄餅，都幾得意！

午飯時間，人擠滿餐廳外，還有很多人在外等位。聞說此餐廳很有口碑，上班族都愛在此午餐。午餐共有六種選擇，一律$48。包括湯、主菜、甜品、餐茶。我們選了海南雞飯和咖哩羊配油酥餅。湯忌廉薯茸粟米湯－－不要有期望。主菜海南雞飯－－非常好！雞滑、不肥不油、全去骨，做法正宗；而飯以雞湯煮的，但不會很濕很油，反而香香軟軟，很好！咖哩羊配油酥餅－－本人不吃羊肉，但友人評很好吃；而咖哩汁也做的很好，不辣但香；油酥餅是不用懷疑的好，也很喜歡它不油膩，淨吃也很可口。甜品巧克力蛋糕－－像瑞士卷，相信是自家製的，也不錯。餐飲橙汁－－相信是鮮榨的，略嫌多渣。雖然他們午市非常忙碌，但各服務員動作均非常俐落，效率很高；加上這樣有水準的食品，這價錢很合理！

行完灣仔美食展,行下行下行左入黎,見到問口都好似幾吸引下.兩個人食左亞參喇沙,炒蘿蔔羔,酸辣咖哩牛肉,同油酥餅,重有凍拉茶同青檸梳打.個喇沙都真係幾怪味下,好鬼重沙甸魚味,本人並不喜歡食罐頭魚,不過個仕應一早講左話個味道都幾怪下!炒蘿蔔羔OK喇,普普通通咁喇,酸辣咖哩牛肉一上桌都好香下既,不過食落就不是太好,並唔係因為辣的關係,本人都頗食得辣既.個油酥餅就真係好好食,佢一D都唔油,用手撕開後,隻手都冇油積,抵讚!凍拉茶都係一般,我覺得都幾甜下.

想去銅鑼灣行街，又忽然好想食喇沙，但又不知哪兒有，所以好自然就來到這兒。之前並沒有在這兒吃過午餐，今次還是第一次。來到的時侯約一點九，客人不多，約半滿。我倆點了：- 亞參喇沙- 海鮮喇沙- 炸魷魚圈- 一凍一熱拉茶侍應（經理？）哥哥好小心的介紹亞參喇沙，說是有菠籮絲、籮蔔絲、沙甸魚，味道比較酸辣和穠味，不是人人也會喜歡的，但我們也試試看。先來海鮮喇沙，再來我的亞參。一看，湯底果然穠郁，挺重沙甸味，麵條是半透明微粗。我不太吃沙甸魚，所以強搶了海鮮喇沙交換吃。海鮮喇沙真的好吃，湯底夠味，料子也足。吃完了還要多喝兩口湯。朋友說亞參也不錯，但還是海鮮好吃點。炸魷魚圈也可以，沒有什麼特別。

大清早跟幾位食友到淺水灣滑完浪, 匆匆趕出灣仔會展, 行經謝菲路，被這家標榜馬來西亞人的飯堂櫥窗吸引，來不及等三叔來到已點了個印度脆薄餅作小食，這薄餅除了做得薄身，亦非常脆口，配上薄荷醬料，二三下已給我清碟，只好同三叔緣慳一面。(值得一提是此餅焗得非常乾身，絕不是油炸的)。跟住柯打了海南雞飯$65和海鮮喇沙$55，先說海南雞飯，雞本身已入味，肉質非常嫩滑，根本不用點任何醬料，係這兩年我試過最好味的海南雞飯，另海鮮喇沙也是足本之作。雖然用青口取代了正宗的獅鉗，但材料方面有帶子、蝦、鮮魷、豆卜。由於足料，所以湯底也極為鮮味，唯一美中不足是欠缺了我至愛的芽菜和椰汁味o吾夠濃。另外加多o左個雞肉薄餅。順帶一提係此處有拉茶飲，而且手勢非常好，拉出來又香又滑，三叔o個杯檸檬薏米亦係真材實料，少有的有很多薏米。總之此處帶給我驚喜，值得大力推介。

原本打算去附近一間尼泊爾餐館試下，點知星期日晏晝無開，無意中見到呢間餐館門口貼咗蔡瀾O既介紹，於是入去試下。首先嚟o既係肉骨茶，好香好濃O既藥材味，但係入口好甜，最特別係有油炸鬼、腐竹同豆卜做配料，雖然唔係好夾，但都算係特色，仲有d 排骨煲得好淋，我叫埋白飯嚟撈真係超正，呢味我俾90 分。跟住嚟o既係沙參喇沙，無咗椰汁，感覺唔似平時食開o既喇沙，仲配沙甸魚同新鮮菠蘿絲，同d 湯好唔夾味，另外有碟類似蠔油，但好香蝦味o既汁可以落落去，但落咗又食唔出d 蝦味，唔知係咪地道食法，但好唔夾我口味，呢味我俾40 分。然後係南印度蘿根咖喱羊肉，咖喱汁好香，上面有一片片黑色o既香料，唔知係d 乜，我畢一啖汁試味，嗰種辣係慢慢滲出嚟（不過如果辣d 會更佳），好正，可惜d 羊肉同薯仔唔入味，應該係事先煮熟，接到order 先放落咖喱汁煮，係呢味咖喱唯一失色o既地方，我俾70 啦。為咗送咖喱，除咗白飯，又叫咗個薯仔薄餅，質感ok，但係唔夠香，仲有佢裡面d 餡係咖喱薯仔，就咁食就唔錯，但用嚟送另一款咖喱汁就好怪，不過呢個係我個人問題，以前食開係咁就以為間間都係咁，所以呢味我俾75 分啦。我就淨係叫咗咁多，不

睇完話劇都差不多十點半，即管來看看收舖未。之前黎過幾次，覺得唔錯，所以路過都會幫襯下。今次都係叫例牌菜：- 馬拉盞炒通菜- 蛋薄餅- 咖哩牛肉- 炒貴刁- 2 X 青檸梳打樣樣都幾夠未，係咖哩牛肉一般，牛肉唔太入味，唔係特別好。另外唔知係咪夜左無乜人，個冷氣好強勁，送菜好快就凍晒。

黎過依間野都有10次.媽媽係華僑.所以有一次特登帶佢黎.但有d菜(一個唔知乜野有香花有沙甸魚既喇沙,媽媽話係冇可能用sardin,)佢認為唔正宗.又再一次想知依個全球化時代邊樣野會完全正宗!尋晚同女友諗唔到食乜我就提譏依度.d野夠香口可以刺激到唔係太肚餓既我!唔知係唔係遊行.全場滿座.今次發現到不周之處.去到門口有一對夫婦,兩個男人係店外等緊.以為要拎飛.又唔見有.我女友走入去問先安排坐位.出面d人見到我地入左去就入埋黎.因為係佢地黎先.但個manager就等成6個人棟係通道佢先寫飛.同日發現另一樣優點,就係冇得搭檯.就算係4人檯都只坐兩人.依樣幾好.但佢又容許d客係度搵位.有個肥哥仔成日眼超超d四人檯餘下果兩個位.成日行黎行去好鬼煩好冇禮貌!d waiter同佢講完佢係都要行黎行去問依張問果張得唔得.正題.1.叫左指定食既馬拉盞炒通菜. 菜新鮮.落重料好香又辣辣地.正.2.油鬆餅.armarm整起軟硬得宜.就咁食少少都好味.當然一定要點curry食先開心3.巴東牛肉. 汁好好. 配油鬆餅或rice都會好開胃配合黎食好好味.但牛肉好韌,而且全瘦肉.少少脂肪都冇.好乾好硬咁.建議食巴東雞

今日老闆請飲下午茶,order左個油鬆餅$18,咖哩角沙律餐$23油鬆餅---我地攤凍左先食,十分硬!d咖哩汁反而幾惹味!咖哩角沙律---2隻咖哩角+水果薯仔沙律,普通到吾普通, 同快餐店無2樣.咁既價錢實在吾抵食.

very nice garlunch timeat set $47SOup + Drink + Hoi Nam Chicken RIceThe chicken is really nice. Very delicious sauce!!