莎巴馬來西亞餐廳 (已搬遷) 新店位置

今日假期，兩個人都唔知去那裏食，想來想去，最後決定了來這裏。我們叫了馬拉盞通菜、蕉葉燒魚和海南雞飯。馬拉盞通菜- 通菜幾新鮮，唔會太老，味道鮮嫩，可惜都係太油。蕉葉燒魚- 見到兩個辣椒，本來都唔打算叫，但辣椒女又想試，侍應又話唔係幾辣，就盡管試試吧！燒魚燒得剛剛好，魚肉又唔會過火，表皮燒得幾香，又真係唔係好辣喎，還幾好食添。海南雞飯- 很有雞味，肉質鮮嫩，可惜雞皮都幾肥；油飯又真係幾油，如自已一個人食都幾係，好在兩個人食，每人食少少，都唔係幾覺。可惜味精都唔少，食完都幾口喝！

好朋友脫離捱更抵夜的環境, 約在新環境附近吃lunch.為免又是吃快餐的關係, 就腳的定了這間.接近一時, 高朋滿座, 不過三兩分鐘就可以坐低.set lunch 方面有炒貴刁, 串燒, 咖喱加烤餅等.大家選擇了海南雞飯+檸茶, 一熱一凍.餐湯不知是否什菜湯還是洋蔥湯, 得幾條洋蔥絲, 味道有點像某某的罐頭湯.海南雞飯都幾足肉, 皮多左d, 但食下去味道都唔錯.油飯都幾油, 但香味唔夠.隔離檯d炒貴刁就唔係幾掂, 一睇以為係乾炒牛河.烤餅反而幾好, 我有d 心郁郁想叫.是甜品一件卷蛋, 九乘九都是來貨, 冇食.五十元都唔駛都算抵食.

4-11-2005 1313朋友今日唔駛返學，得嫻過海同我一齊食午飯，想試這間餐廳好耐，去到時唔少人係度等位，好彩一陣就順利入閘。這裡除左可以散叫外，還有午餐供應，清一色48蚊連湯及飲品，我地就叫了串燒羊及海南雞飯。串燒羊燒得比較硬少少，但羶味交足貨，連皮薯仔及其他伴菜也不錯；海南雞所來的醬料只得薑蓉及辣醬，欠缺豉油，油飯幾油，我幾喜歡這種味道，一餐兩餐也沒有所謂，雞連骨兼有部份幾肥下，份量不算太多。如果多人來，可以套餐加散叫，會更加好。大家都食得好飽。在同朋友行街途中，見到熟人，不過而家再撞番佢，已不再認得了。

今日同同事本來諗住去同一條街的Tim's kitchen，但太多人，決定唔等，終於過o左黎試下啦個餐湯係忌廉湯，一般茶餐廳o既忌廉湯咁o既質素啦，但又未至於太差~~~~主菜我要o左個蘇門牛肉咖哩配油酥餅（唔記得實質叫乜，即係好似酥皮o既薄餅呢~~~），個咖哩冇落椰汁（佢有另外一個係有加的），所以個咖哩的香料味就冇俾椰汁蓋過，非常之香，用D油酥餅黎「點」汁食，好正呀！！不過呢，D牛肉好實（丁方形，即係好似牛腩咁切法），有D 美中不足~~~甜品係半件瑞士卷（好攪笑），仲有杯餐飲啦！！$48 不過不失，真係好鍾意個咖哩汁同個油酥餅！！同場見好多人都叫海南雞飯，唔知好唔好味呢，笑我下次有機會再試下先（但我怕我又被個咖哩吸引住~~~~ ;P)

今日同兩位公司老細來吃飯，成兩點至來已經無晒人了。其中一位老細是馬來西亞人，因此非常熟悉馬來西亞食品。佢選了海南雞飯，其實呢款野最考餐廳，因為正宗海南雞飯同中式切雞飯係好唔同，香港唔多餐廳可以做到好正宗，可能係因為要符合港人口味卦。不過沙巴都做得幾好，我老細都幾滿意。另外一位法國老細叫左咖哩，馬來西亞老細試左一啖，即刻話好好味。不過佢腸胃唔舒服，所以唔食得。我自己係食海鮮炒飯，都幾好味啊。經常都覺得，辛苦工作之後，可以有一碟炒飯食，其實都已經好滿足了。

日期：3月5日六點多七點，一行五人在看話劇前幫襯，食飯時間但人不多。要了串燒、薄餅、炒金邊粉、炒通菜、肉骨茶、拼盤等。其實不算差，但明顯沒有以往的野味了。。。

女友鍾意食馬來西亞食品, 又睇過open rice介紹, 所以星期六下午放工突登來食野, 食左海鮮喇沙, 咖哩雞同油鬆餅海鮮喇沙好好味, 我女友話個喇沙湯底好正, 咖哩雞啖啖肉, 全部無骨架!!油鬆餅係即叫即整, 熱辣辣.....不過酸桔仔水就無賣啦, 因為聽過經理講話師傅話調教得唔好味, 索性唔賣....幾欣賞佢地對食物質素既堅持!!呢度唔駛搭檯架, 禮貌亦不錯, 不過午餐散叫就唔平啦!!

２２／２／０６和女朋友到此餐廳用晚膳，職員態度有禮貌．叫了一客油鬆餅，一客巴東牛肉，一客馬拉盞通菜，一杯拉茶．味道不錯．唯巴東牛肉較韌．但拉茶卻即場表演（雖然只拉了兩下）．一間唔錯的餐廳．

以為普通既餐廳,情人節當晚應該walk in 都得啦!點知我地錯了。7:30pm到,full booking!!!要有人埋單先有位。好好彩! 我地行o左幾個圈,仲未揀到去邊,waiter 就打黎話有位。.入到去,先知佢地唔會搭桌,寧願兼少d,都想客人坐得舒服。.waiter 又有禮貌,食物又正!特別是蝦餅!!

真係有D懷疑自己前世係咪馬拉人，除o左城大canteen，同一間餐廳係短時間內去咁多次真係破紀錄（當然唔計公司飯堂黃珍珍啦！）。無他o既，高水準食物質素、真人表演示範，都係呢間餐廳全院滿座、入座率殺哂全條街o既主因。例牌一定要叫油酥餅同海鮮喇沙。因巳參拜過海南雞，所以今次輪到咖哩羊同沙爹串燒。海鮮喇沙，一個字，「鮮」！油酥餅配咖哩羊，絕配也！另外要大讚o既係牛肉串燒，牛牛粒腌得入味，肉質非常非常之lum，但又食唔到有梳打粉D那喉那鼻味道，唔食牛o既朋友走寶啦！雞串燒無咁好味。菜則叫o左個清清地蒜蓉炒西蘭花，一般家庭菜式。成晚個rundown都好滿意，直到甜品呢part大跌眼鏡。是次叫o左炸香蕉同椰汁黑糯米。出事o既係椰汁黑糯米。第一，個名有誤導成分。當大家都諗住熱辣辣、傑他他o既黑糯米，侍應姐姐特然倒住咁上o左碗黑糯米糖水......剎時間，空氣好像凝聚了似的，好像還彌漫著一絲膠著了的感覺；心裡躊躇著應該用「上當了」還是「被騙了」好些；口張著，卻說不出話來。好彩，仲有炸香蕉。望住鋪滿雪白椰絲、咬落外面香脆內裡棉軟，唔係其他食肆常用熟到爛o既貨色，我諗：人知足，就會常樂。

約左靚女食lunch,當然唔可以失禮,但又人生路不熟,唯有信門口海報.見佢貼滿雜誌介紹,包括蔡瀾,所以試下.叫左兩個set lunch,牛柳串燒配薯菜同椰汁咖喱雞配油鬆餅.牛柳好奇怪,肉質好腍好鬆散,成串免治牛肉咁款,感覺麻麻.薯仔已凍,唔掂!油鬆餅太乾身,亦係好硬身.雞肉一般,叫係正常.可能lunch hour較忙關係,整體水準一般.連附送o既甜品亦只係用半件"卷蛋"蛋糕,比較求其.下次咪攪!

2005年8月3日(星期三) 下午1時這天和朋友來到這裡午膳，我們叫了兩份午餐($48)，每份午餐包括餐湯、主菜、甜品及餐飲。餐湯：是日供應忌廉湯，味道只是一般。主菜：我們選了椰汁咖喱牛配油鬆餅【見上圖】和日式雞柳串燒配薯菜，油鬆餅鬆鬆軟軟又不太油膩，當天的椰汁咖喱都算幾辣，然而，牛肉不太入味還有點兒韌；反而，油鬆餅和咖喱汁才是最佳配撘。至於日式雞柳串燒，朋友認為雞柳夠嫩滑，薯菜就一般水準。甜品：餐後奉上一小件珍多椰汁糕，賣相普通，但也有椰汁味兼不太甜。餐飲：我們點了西瓜汁和熱檸茶，另有鮮橙汁或咖啡奶茶可供選擇，個人覺得果汁也是不錯的選擇。總括而言，食物及服務也不錯，絕對是灣仔上班族吃飯的好地方。

海南雞飯要$65(另加一)，雖然包個湯，但係表面睇嚟幾貴，不過食落又覺得唔錯，啲雞好嫩滑兼有雞味，飯就稍嫌唔夠油同硬咗啲啲。另外食咗海鮮喇沙($55)，啲海鮮料(蝦、青口、魚蛋、魷魚同帶子)算唔少，不過急凍嘢冇乜味，湯底就好有椰香但唔辣。貪得意試埋拉茶($22)，算幾滑但太甜。Overall都算唔差，可以encore。

前晚去食, 兩個人叫左沙爹牛,好軟好食個馬拉盞炒通菜就有d咸咖哩角叫左佢俾兩件菜,兩件羊..都OK最後叫左個雞肉烤餅,有6細件,又有個咖哩醬....我點到件件都吸晒d咖哩醬,好好食

耶子海鮮炒飯--- 正,有耶子味(吾記得乜名)沙律----吾好味,太普通加喱雞----味道OK,肉吾系新鮮雞地方----吾錯價錢----貴