莆田 (荷里活廣場)

營業中

休息中

《創意承傳@莆田》介紹番:莆田餐館取名自中国福建省優美的沿海城市。背山面海、土地肥沃、海產豐富的環境赋予莆田市一種得天獨厚的氣質。时至今日，盡管莆田人是中國大江南北的八大菜系，仍然对清淡纯樸、散發着濃郁鄉間風味和民族文化特色的莆田菜情有獨鐘。莆田餐館的温情、誠意和殷勤待客之道處處可尋，反映出莆田文化中不可或缺的人文色彩。一入門口，已坐無虛席，心想真的不簡單，要留住食客的心，一是味道好味，二是厨師心思……叫了新年套餐，迎接鼠年到來……1.鴻運發財魚生撈起: 侍應說了不少好意頭說話，令食客口胃大開，自己也拿上筷子一起撈起，祝願香港平安及人人大富大貴，有我的至愛煙燻三文魚，配合其他配菜絲，甜甜地脆脆地，口感超爽，有驚喜！2.年年有魚:一條黃花魚配上秘製醬汁，令人難以抗拒魚的魅力，回頭吃指數70百仙！3.石斛番鴨燉南日鮑: 堅有兩隻大鮑魚在湯裡暢遊中，也有不少猪肉做配料，令湯的鮮味提昇了！湯濃，入味，令人回味百倍！4.富貴麥片蝦: 炸過的麥片貼在中蝦上，閃爍如鋪上金泊，甜中帶咸的味道，令人記足一世，味道藏於記憶區！5.媽祖平安麵: 濕潤的麵線遇上不同誘人食材，平安的麵汁發揮提升好味指數兩格

同媽咪係荷利活廣場行街，順便食番嗰Lunch先🤪行過莆田門口見到有嗰新年套餐，仲話年初一到初三期間黎食飯，每位食客均可獲得現金紅包，好正咯🥳見嗰吉祥套餐都好多野食，一於就嗌哩嗰餐先❤️❤️鴻運發財魚生撈起💓「撈起」=「撈喜」🤩生魚片係撈起既主要食材，寓意年年有餘既意思，煙熏三文魚大大塊，搭配多種豐富食材😋紅白蘿蔔、青紅椒、柚子肉等，然後用筷子將各種材料挑起，一邊大聲講講祝福既説話，一班朋友好開心架🥳石斛番鴨燉南日鮑好滋潤，鮑魚大大隻，有口感，配埋番鴨燉湯，好清甜好滋補😍年年有餘魚，係大紅花魚黎既，煎得好靚呀❤️嗰醬汁調得好惹味👍富貴麥皮蝦唔係度度都有架，第一次食，原來又幾特別啵，麥皮蝦炸到脆卜卜，連埋蝦頭食都可以喔❤️媽祖平安麵係新年必嗌既，材料好豐富呀，有蝦肉，冬菇，蠔仔🦪配埋平安麵，嗰口感好特別，麵線索哂啲湯底，啖啖都係鮮味🤩最後嗌左桂圓蓮子銀耳羹，好滋潤，又清甜，啖啖桂圓味，蓮子大大粒👍👍

約了家人到莆田吃新春菜式， 鑽石山荷里活廣場是我們經常到的地方，莆田是一間以福建菜和新加坡菜為主題的餐廳， 餐廳將莆田清淡純樸，鄉間民族文化風味特色帶到香港。 新春菜式一定要食得豐衣足食之外， 最重要當然是講意頭， 鴻運發財撈起， 媽祖平安麵，石斛番鴨燉鮑魚，麥皮蝦，黃花魚，紅棗雪耳龍眼糖水。鴻運發財撈起～ 材料有蘿蔔絲，糖瓜絲， 香柚和煙三文魚等等， 當我們撈起的時候店員會在我們附近講很多恭賀詞， 非常好意頭， 賣相色彩繽紛，絕對是新年必點菜色。石斛番鴨燉鮑魚～鮮香味清， 鮑魚新鮮彈牙， 真材實料的靚湯。媽祖平安麵～米粉的質感非常幼細，比起我們平時吃的口感不一樣，有如絲質般的感覺，纖幼彈韌， 吃了平安麵寓意新的一年平安大吉。麥皮蝦～ 蝦肉彈牙， 又夠大隻，外層脆卜卜，香口好味。黃花魚～魚肉鮮甜又軟，香氣四溢， 食到整條黃花魚的原汁原味。紅棗雪耳龍眼糖水～ 冬天天氣乾燥，最適合吃滋潤的糖水。今次到莆田除了吃午飯，還訂好了開年飯，店員跟我說初一至初三到的每位客人會有利是收到， 餐廳實在太有心思了， 對每一位客人都非常有心。

在商場逛累了，也到了晚飯時間，決定吃過晚飯才回家。聽朋友說過這間餐廳不錯，決定一試。餐廳推出了新年的吉祥套餐，菜式名稱也配合新年主題，很是吉祥！我們決定點一個二人餐分享 。鴻運發財魚生撈起（煙燻三文魚）：上菜後，會有職員邊將配料逐一灑在食材上，邊說出新年賀詞。撈起有多種食材，包括清新爽甜的紅蘿蔔、白蘿蔔、青瓜、洋蔥等等，配上芝麻、花生及薄脆，很有口感。醬汁也很特別，酸酸甜甜很是開胃。石斛番鴨燉南日鮑：上菜時湯仍在翻滾！湯很鮮甜，喜歡喝湯的我簡直是停不了口！鮑魚頗大隻，雖然燉過湯，但仍是很好吃！年年有魚黃花魚鮮甜，肉質嫩滑！富貴麥片蝦蝦肉爽口彈牙，很香口。跟烘焙過的麥片很配合。媽祖平安麵麵線很滑，有多種配料，如大蝦、肉片、蛋等等。麵線配上多種配料一起吃，口感不錯。桂圓蓮子銀耳羹雖然已經很飽了，但是甜品是用第二個胃來吃的！這款糖水不太甜，很滋潤。餐廳很有心思，無論是服務，還是食材都讓顧客感受到濃濃的新年氣氛，是值得一試的新年聚餐選擇！

購物完，下午茶時間，未食過莆田下午茶餐，進去一試。兩款價錢$49元$59元。酥炸莆田扁肉似迷你炸雲吞。醬料少少甜冰浸苦瓜，切得非常薄，食落脆口。莆田糯米丸，是甜的，內餡是黑芝麻興化炒米粉-米粉好幼身，是超力銀絲米粉。可能因為是下午茶，餸菜的分量很少，米粉的分量足夠。

tea set $59 , 興化炒米粉套餐+豬肝+豬蹄凍興化炒米粉, 餸份量好少, 米粉好淡, 冇乜味豬肝不錯,豬蹄凍上有一pat沙茶醬, 唔加更好. 前菜菜甫 $10 , 菜甫味道ok的, 但下午茶餐牌沒有寫這菜色, 可能寫在主餐牌上啦,下午茶供應前菜不合理.

一行六人，首嘗福建菜。超級多人食，就算book左位，都要等半個鐘左右。全部菜式都好好味，無得彈，味道適中，唔太咸，又唔多油，十分健康。而且服務員既態度亦十分好，必定再試!

為左慶祝我生日，今次帶左屋企人去左鑽石山莆田食晚飯。早已聽聞呢間餐廳係源自新加坡，呢間福建菜館仲攞過米芝蓮，應該唔會差得去邊啦！去之前我地已經book定位，餐廳都安排左大枱俾我地。我地一行六人叫左好多小菜呀！包捨冰浸苦瓜、九轉小腸、興化炒米粉、椒鹽豬手、藥膳竹筒蝦等等前菜冰浸苦瓜配捨蜜糖，一點都不苦，仲好有清新既感覺，好開胃呢！哩個係發菜，鍾意呷醋嘅朋友啱哂九轉小腸好好味，口感唔錯！藥膳竹筒蝦每筒有兩隻蝦，充滿淡淡酒香，個湯好好飲！興化炒米粉好出色，米粉幼細，配合花生、蝦等配料，十分香口，不知不覺都食左幾碗！仲有糖醋排骨同糖醋魚總括黎講我同屋企人都好滿意呢餐飯，我地食得好滿足，會再幫襯！

莆田賣福建菜，其實都好難講咩叫福建菜，唔似川菜咁一講就知係辣野，不過是但啦呢度大部分餸都整得幾好食，唔揀肉排嗰啲就都算清淡。一黎嗌個扁肉湯，以前有得叫例牌，三個人分啱啱好，而家一人一客就貴啲囉。味道方面，雖然而家都唔覺好重味精，但個湯明顯冇咗以前嗰種酸酸地既感覺，變得好普通。個上湯絲瓜就清清啲，啲瓜幾淋幾索汁，好過食炒菜。個興化米粉好幼好淋，亦唔算太鹹，啲蝦呀肉呀幾足料，仲有炸到脆卜卜既花生，用黎填飽個肚都唔錯每期佢都有啲時令既特色菜，今次主題係鰻魚。叫咗個鐵板鰻魚，幾厚肉，幾爽幾juicy，啲邊位煎得幾香，但都係有啲骨囉。

我地一行五人叫左五碟菜，有咸豬手、蒸鰻魚湯、興化米線、蠔仔餅、炸皮蛋。首先前菜有雲耳辣辣地幾開胃唔錯，咸豬手坦白講冇咩味，蠔仔餅有啲咸但都可以，鰻魚湯幾清幾好味，炸皮蛋係我第一次食感覺幾特別，其實皮蛋味少左但都唔差，最正就係最多人黎到都會叫嘅炒米線，入口鬆軟感覺幾好，係最有代表又最好食嘅一碟菜，而且好大碟。食物整體上so far so good，不過侍應好忙唔得閒招呼我地，唔係好多人但等都有啲耐希望多加改善。

上次朋友食過聖子已經話好腥，千奇唔好食🤢但我見莆田係好出名一直都冇食過，又鍾意食鰻魚所以都係決定一戰🤨🤨🤨我都好怕腥，所以叫左鐵板香煎🤪其實就真係唔腥👍🏻👍🏻圖文都相符😂每舊都好厚肉！加上海鹽令到鰻魚味更加出👅又好少骨，檸檬更加唔需要❌🍋苦瓜就係你鍾意食就會食，你唔鍾意嘅點整幾甜幾靚都唔會食🤝所以拎咗一塊再點大量蜜糖，極速吞咗落肚就算😉福建10寶莆田扁肉湯👆🏻師傅邊個得罪你，勁重醋味👎🏻扁肉其實係福州小吃，口感同抄手、雲吞差唔多，最特別係皮，用後腿既精豬肉，配番薯粉打制而成的燕皮。係好滑但冇咩特別🙂漁民紫菜燜飯👆🏻口感似意大利飯，口感黏泣〰️但味道唔出，配料主要有冬菇蝦米🦐🌟其實服務是不錯，都會前菜湯主菜跟住次序上，叫左4碟餸張枱都夠位擺👍🏻只係味道好普通，食材唔算新鮮，米芝蓮餐廳有點over 🙂

原本諗住食啲家常菜，餐牌有飯有麵有湯都唔錯。叫咗個媽祖麵線同炒米粉，點知嚟到個媽祖麵線啲麵軟腍腍一坺嘢咁，啲米粉又好乾。然後小菜嗰啲海蜇又好硬。總結68蚊個餐真係唔值。

一個人食午飯係最少選擇 今日黎到荷利活商場就多咗好多 莆田既午餐牌就好吸引到我 $68一個每日燉湯 一個主食 三個小食 無理由唔食每日燉湯係南瓜排骨 個湯一啲油都無 好清甜 唔油膩 完全唔係一般嘅例湯可以比既小食方面我就叫咗冰鎮苦瓜 油燜荀 爽脆海蜇頭 苦瓜超薄超級凍佢仲配埋蜜糖 係爽脆冰涼甜帶少少苦味 唔食開苦瓜朋友都食得落 油燜荀 滷水入味 少少爽唔會太淋身 海蜇頭配埋香油 爽脆帶點油香 係好好既開胃小菜之前食過莆田佢個興化炒米粉好出色既 不過 今次就叫咗紫菜燜飯 紫菜一直都係大眾喜愛既菜色之一 呢個燜飯一啲都唔簡單 佢唔乾身無油 除咗紫菜仲加理蠔仔豬肉一齊煮 每一啖都係蠔既鮮味 豬肉既香味再加上紫菜 呢個組合好正午飯$68唔加一 有呢個組合真係值回票價

本約好朋友鑽石山聘珍樓下午茶，朋友甩底衹餘下我倆，於是提議改去很久沒吃的莆田，之前尖沙咀吃過不錯，衹是三點才有下午茶，時間剛好，店內客人超少，以我記憶這兒的米粉很出名好吃，兩人簡單點了興化炒米粉套餐,套餐包五選二的小食，還可加錢吃餘下三款，興化炒米粉品質沒變，但粉內蜆肉不新鮮，酥香黃金磚像洩氣蝦多士，古法蕃薯包似粗梁窩窩頭，酥炸莆田扁肉變成超細甜酸炸雲吞，老油炸過火，我喜愛的紅棗蓮子雪耳糖水的紅棗蓮子未浸透，唉！你令我變心了，不再是我記掛的模樣拜拜！

食過呢間無數次，因為真係好好味，所以今次決定寫個食評讚下佢！每次黎都會試新野，今次試左荔枝肉，興化米粉，扁肉湯，同埋滷水豆腐。 星期日比較多人，不過入面好大，唔洗等就有位。睇得出大部分食物都係即叫即整，因為都等左一段時間，不過慢工出細貨，食物果然無令人失望。荔枝肉好新鮮，肥瘦比例岩岩好，除左肉仲有好多蔬菜，令整體賣相非常吸引。興化米粉好幼細，份量十足，加左好多唔同既配料落去炒，有蜆啊，蝦啊，菜啊等等，好香好有鑊氣！扁肉湯細細碗，不過好多粒，每粒都好足餡，未食過既人可能唔知扁肉係咩，扁肉其實就好似雲吞咁，不過個皮比較厚，粒餡比較細。最後滷水豆腐真係超好味！好想知佢用左咩汁，每舊豆腐都好入味。雖然每碟菜式用既食材看似普通，但絕對好食過山珍海味，因為佢既烹調手法完完全全呈現到食材既原味，味道調教得好好，食得出係無味精，有家鄉既味道。