莆田 (荷里活廣場)

營業中

休息中

之前都有去開鑽石山嗰間，覺得啲嘢好食，環境舒服，同侍應服務唔錯，好多時都主動介紹，但今日同屋企人去待遇極差，尤其一位中年女侍應。我哋4大1細，俾人叫我哋坐張8人圓枱，望見角落有架bb車泊咗嚮度，亦都仲有空間(泊多2架都得)，屋企人就打算將bb車推埋去，就俾阿Kit侍應喝止，話嗰唔可以放bb車。以我知本身已經泊嚮度嗰架，屬於我哋後面枱嘅一家3口韓國人，咁係咪歧視？外國人可以，香港人就唔可以？到我媽手抱起bb打算坐埋枱嘅時候，中年女侍應又嚟喝止我媽，唔準我媽坐走廊位，話塞住條路，一定要坐入去，即係背脊要對住隔離枱背脊嗰啲位。我媽身型唔細，再加上抱住咗個一歲bb，本身嗰張就係8人枱，8個人坐嘅圓枱，嗰啲所謂走廊位都suppose係俾人坐，唔係我哋揀要坐嗰張枱，係你哋叫我哋坐，如果地方咁窄，坐咗之後會阻到條路，其實係咪代表嗰度唔應放張咁大嘅枱？定係侍應Kit覺得嗰度坐咗人的話就令佢冇咗條捷徑？做乜都要行遠咗？我都忍佢，問佢攞bb凳，佢口噏噏咁「咪攞緊囉⋯⋯」但其實嚮度好緩慢咁執緊我哋枱面多咗嘅碗筷。我去過好多次，所以我知道佢哋有2種bb凳，一種係木嘅一個正方框咁，另一種係白色膠Ikea嗰種，我

男朋友生日，搵一個地方食生日飯，佢鍾意海鮮，又鍾意榴蓮，於是揀左呢間。黃金麥皮蝦本來睇圖以為咸蛋黃加麥皮，再炸。原來唔係。但味道唔錯，有少少甜。但略略失色蝦不夠更脆。蒜香蛤仔（冷盤）因為我地第一次食蛤仔，聽聞紅色好恐怖。於是侍應姐姐番提我地，蛤仔係半生熟，唔腥，但入面會係有少少紅色啫。仲好有耐性等我地考慮又考慮九轉小腸菜單話用左12樣調味去炆。係好腍，有少少酒味（？）但12種調味就不太確定。我個人就麻麻酥炸芋芯真心，食到第四舊已經好膩。但係好食，唔錯，外皮熱喇喇，煎得好香，少少甜，少少咸。咸香黃花魚非常香脆！骨都食埋。放低半個鐘再食仍然脆到爆。鹽焗蟶子除左要打開蟶子較為麻煩之外，味道唔錯！有咸味，而且飽滿。蔥炒蟶子呢個蟶子好後悔，麻麻地，味太多，而且有陣腥味，早知叫蒜蓉蒸。冰心榴連呢個意料之外好，外面香口，脆卜卜，入面係凍冰冰，外熱內冷，口感不錯。服務態度都非常好，各位姨姨姐姐都好有禮貌，滿臉笑容。仲好細心話蛤仔每日限量供應，訂位個時最好要求食蛤仔，好讓餐廳留貨。

聽聞這裡的蟶子肥美厚肉，烹調做得出色，今晚就決定去體檢下。收工後約了朋友到鑽石山「莆田」，甫進入內我感覺舒服，裝修給人整潔美觀，服務也不錯。金湯時蔬 $79底湯濃郁配今日時菜新鮮非常嫩口。阿元香草雞 $79沒什麼特別感覺就是雞。哆頭蟶促銷二食價 $198這個叫蟶子的海鮮別看細細隻出奇鮮甜爽口。😋鹽焗蟶子清酒蟶子各有千秋，原汁原味滋味十足！漁民紫菜燜飯 $86油比較多了一點，飯炒得乾身粒粒鮮明有飯香。👍莆田荔枝肉 $89不肥不膩咬落酸甜脆口。福建老酒 $68感覺夠純不太甜。餐牌連加一服務費$709

Unbelievably bad food. Bad looking. 賣相差，味道差。離曬譜. 不知所謂蠔餅. 紅色聖子水. 凍雞硬過瘦肉. D食物無離味道.無叫食物來錯咗,叫我不如要左佢,垃圾

呢一間舖初初嚟香港開業嘅時候，我好鍾意去食嘢。久而久之越嚟越多分店， 食物品質下降。今日嚟到呢邊工作， 時間倉卒關係， 行過食店就食乜啦。雖然附近都有唔少食店， 人總有情意結， 咁耐冇食畀一次機會佢。店員十分熱情在門口迎賓， 問拎餐牌睇有咩食。 店員笑容滿面話有59蚊同49蚊食😆再拎出餐牌原來佢係指下午茶嘅價錢， 唔係意思叫食錢，係下午茶價錢。首先畀碟小食， 酸酸辣辣好開胃嘅，一壺茶。叫咗個下午茶，點心和甜品一齊送上枱。 挺不錯，糕點熱熱的。點心和甜品都吃完 ，還未見到主食，等了大概半小時， 隔離兩張枱比我遲入座的客人，食物都到齊，有一枱更結帳離座。 既然等咗半個鐘問下待應， 查完紀錄回答炒緊。 等了45分鐘， 我的時間倉卒再加倉卒， 再問問職員， 同一套動作查紀錄再回答炒緊。 再過五分鐘再追，炒了很長時間的粉終於來到，但沒有溫度，更結一餅餅。 沒有溫度更好，趕時間可以迅速放進嘴巴裏填進肚子。再次失望。要稱讚待應笑容與態度極度好，環境舒適埋單價格60多元，10元茶介，加一。 49元下午茶聽落是多麼吸引

去莆田食個晏，朋友叫左興化炒米粉，一人前的（見圖一），黎左碗唔知咩米粉見圖二）。之後我地見到圖一既實物出左好幾碟，我地就同侍應講，果碗野黎錯左，我地叫既係果碟，說時指向佢盤中既三碟炒米粉。跟住就有另外一個侍應走埋黎話「岩咖喇，你地叫既係一人前，係咁樣咖，果三碟係二位套餐，說時遞上套餐既menu（見圖三）我嚴種懷疑間野已經觸犯商品及說明條例，唔好以為大大隻字寫左「圖片只供參考」就可以一切免責，有d野係公眾自有定論唔好中伏喇ps 食物的味道是一般

上年已經好想試莆田特產嘅哆頭蟶，一來平身未食過，二來莆田價錢算中上，但如果撞啱哆頭蟶節就可以$198即可任選兩款蟶子菜式，仲平過大排檔，非常抵食！上網介紹呢款哆頭蟶生長於福建哆頭村黑泥灘，因為黑泥營養豐富，所以蟶子特別肥美肉厚。我哋叫咗花雕蒸蟶子同薑葱炒蟶子。仲有朋友必叫嘅九轉小腸，同埋新試嘅媽祖麵線。花雕蒸蟶子，花雕唔算濃，湯汁隱約食到啲酒味，反而蟶子就吸收晒酒香，一咬就滲晒啲酒香味。而第一次食呢隻蟶子，非常有驚喜！鮮、甜、蟶子肉堅係飽滿，同海報嘅一樣，個殼有幾大肉就幾滿。福建妹食海鮮大，香港嘅海鮮同福建嘅差好遠，福建出名嘅海鮮香港好多都買唔到，估唔到莆田可以食到咁高質嘅海鮮，果然係正宗福建菜👍🏻薑葱炒蟶子應該係為香港人而設，味道完似唔似大排擋咁sell火喉，反正多咗蟶子嘅鮮甜，朋友好鍾意食呢款。另外就係唔好以為做緊推廣就會份量小啲或者料冇咁新鮮。每碟有接近廿隻，每隻都肥嘟嘟，而且一粒沙都冇食到！九轉小腸一如以往的好，仍然係索晒湯汁，又唔會太喊，亦唔會有豬腸的腥味。每次來的必點😆媽祖麵線第一次食，個湯好鮮甜，質地似麵線糊，係家鄉的味道呀😭😭 入面配料非常多，有豬腸、蝦米、肉碎、炸蒜等

慶祝父親節。即日朝早打去訂位。講明第2輪7:30有位。7:20去到。話搵唔到booking record。同佢講埋幫手落booking嘅同事名。佢都完全冇理過。係咁行開。搞到等定唔等好都唔知。之後好快就勁多訂左7:30嘅人擁現等入坐。未回到枱結果成堆人塞左喺個recept度。個接待又成日走黎走去冇處理。一大堆人就自己係咁喺booking紙上搵自己個booking。接待一番黎啲人就係咁同佢講自己個booking。佢就將啲人好亂咁另外寫左喺另一張紙度。完全冇分先後次序。有枱佢就純粹邊個名未刪就叫。結果就人人圍住個recept係咁提佢。極度混亂。最後等左半個鐘佢先答會有位。等唔係問題。不過開始時答一句呢個要求都唔叫過份掛。搵唔到booking冇位唔緊要。有老有嫩呆等你一句咁耐。入到去其實好迫。侍應推車執枱要客人係咁郁櫈就位。人手極度唔夠。揮手舉手到手軟先有人理。咁大間米芝蓮餐廳。咁嘅安排同服務完全接受唔到。入到去都8點。啲小朋友已經好餓。所以簡單叫餐算。8大2小叫左個8人餐。仲叫左蟶子2味。食到勁飽。前菜全部細細碟。小腸爽口。紫菜偏酸開胃。豬蹄凍完全冇味。筍乾普通。竹笙海參羹勁大兜又足料。味

今日同個長輩黎食午餐，事前已book枱，準時12:30到達😌座位坐滿60%左右，長輩想飲湯，所以叫左個新既紅菇烏雞湯，一個大木桶黎到，裡面好足料咁喎😯😯有啲菇，有幾舊瘦肉，及1/4烏雞，面層有些少油，不過飲落唔會覺得油，都幾清👍🏻烏雞煲到好稔好稔，稍為用力就扯得爛🤤🤤我地都食左一半烏雞呀呢碟金銀蛋覓菜係中菜既必備既蔬菜😂😂😂覓菜稔既，但覺得油左啲啲，同埋總覺得加左咸蛋去煮🙈莆田荔枝肉，聽講係必叫既😌😌果然幾好味！！一啲骨位呀肥肉都無，啖啖都係肉，但又唔會鞋或者韌🤤🤤最重要係非常非常多，比起其他酒樓/中菜館抵食好多倍！不過眼見只有兩粒荔枝肉，好似少左啲🤣🤣🤣香拌海蜇頭，呢碟小菜係長輩想食，我本身對海蜇頭興趣不大😂😂😂試左兩三舊係爽口，應該屬於好食掛！？🙈🙈第二次黎莆田，無論服務環境味道都好滿意😆😆我覺得莆田好岩同長輩呀屋企人食，或者大時大節果陣都好岩食🤣🤣價錢都算親民，讚👍🏻下次一定要食酥炒芋頭同莆田滷麵😋

屋企人請食飯 今次就嚟到莆田試下佢嘅新加坡菜今次係午餐時候入座 唔洗等位就有得坐我哋三個人揀咗個四人餐再加一份豬蹄凍($398+59)蝦苗拌頭水紫菜賣相已經加晒分 好多紫菜 清淡得嚟又爽口又精緻九轉小腸好好味 本身就好中意食豬腸嘅我一見到佢就充滿了期待 每一舊都好有咬感好有層次豬蹄凍同賣相一樣咁好味嘅豬蹄凍 爽口好味酥炒芋芯炒得好香 連唔中意食芋頭嘅我都要食返幾舊 因為每一舊熱辣辣嘅芋頭外層都薄薄的包住一層微脆嘅皮 口感非常好 先脆後就是芋頭肉 好掂大白菜燉軟豆腐好大煲嘅湯 三個人完全飲唔晒剁椒蒸黃花魚估唔到魚有两條魚肉好滑 做得好入味莆田滷麵又係份量超大 ok好味道餐跟芋圓花生湯好清甜 好濃嘅花生味 用芋圓花生湯做甜品好特別 好有新鮮感其實三個人完全食唔晒平均每人$150左右 有咁多靚小菜 本人覺得物超所值

偶然間看到這間福建菜餐廳“莆田”如雨後春筍般遍地開💗前兩天再次見到輕鐵站的廣告推廣，心血來潮就來試下😍 朝早送咗小兄妹返學之後就打電話訂位💗 因為我哋一早訂咗位所以嚟到見到門口有十幾個人喺度等個心都定好多💗餐牌非常清晰有齊餸菜嘅實物圖片🥰侍應落單非常快速👍🏻服務態度亦非常良好💗 💗扁肉湯強烈推薦呢個湯⭐️雖然係以前食既沙縣小吃升級版，但紫菜湯底加上扁肉真是讓人一吃難忘，碗裡最後一口湯都被一飲而盡🥰 💗參芭爆炒蟶子用嚟送飯真係一流👍🏻搭配既韭菜花也很嫩💗鹽焗蟶子睇到都已經流晒口水因為每一隻聖子都非常肥美😍用鐵板鹽焗聖子可以保留到聖子嘅鮮甜味😋差唔多成碟我食晒😜餐牌上面想食嘅嘢實在有太多太多😜今次只係食咗幾種💗下次一定要再嚟食埋其他😍

我地食過三間不同地方的莆田，所以再去食多次，今次來到鑽石山的分店，星期六晚七點幾，唔太需要等位就入得。服務員需然好忙，但都有心待客: 1) Order 白飯不會即上，餸上後會主動出飯。2) 餸太耐未上會主動追order。而且點餐時會主動介紹一下菜式。飯菜味道不錯而且份量適中，適合少食食客。我們二人點了三個餸，份量剛好，但要留意茶水需額外收費，還有前菜，所以費用會比預期高少少。不過整體來說，除了環境比較窄外，其餘都可以給滿分。

每年4月至6月 莆田都會搞蟶子節 推出多達8款不同蟶子吃法少食蟶子的兩口子 當然唔執輸 即刻黎試下啦！雖然話就話蟶子祭 不過齋食蟶子又點得呢所以除左以$198嘅價錢點左1）叄巴爆蟶肉 同 2）冰爽酒糟蟶子 都仲叫左幾款招牌福建菜試下！不過話明係蟶子節 咁就評下啲主角先啦～首先係凍食嘅冰爽酒糟蟶子 用酒浸過 仲有微量嘅陣陣酒香一口咬落去嘅時候仲會噴酒 非常好食！每隻都起碼有兩節手指咁長 而且肉質彈牙飽滿 啖啖滿足！而另一款就係熱食嘅叄巴爆蟶肉 叄巴係馬拉新加坡果邊常用嘅調味醬 加上韮黃爆炒加上起碼十幾隻蟶子 絕無欺場 四個字--惹味抵食！主角咁驚艷 配角一啲都唔失色架我地就點左前菜冰浸苦瓜($52)、家鄉燜豆腐($79) 同大大碗農家擦粉($88)先講下個冰浸苦瓜 將苦瓜刨成一片片長薄片 再蘸滿附送嘅蜜糖水(相片後方)唔會琴過苦瓜特有嘅苦澀味 但又有蜜糖嘅清甜中和一下平衡取得相當恰當 雖然兩口子都未到愛食苦瓜嘅年齡但我相信呢道菜連小朋友都會鍾意食！再黎就係兩道熱食第一道燜豆腐選用福建當地嘅鹽滷豆腐第一下聞有少少似臭豆腐味 不過一啲都唔臭 係濃郁嘅豆香下面配上粉絲 索哂水份 好入味 唔錯！

莆田又有蟶子節啦！每次有蟶子節都一定會嚟食！因為啲蟶子菜式好多時都會賣晒，所以我哋今晚早啲嚟食蟶子節餐牌~$198兩道蟶子菜真係幾抵食！蒜蓉蒸蟶子～好大碟好多蟶子～蒜蓉味好香！每一隻蟶子上面都有蒜蓉！超好食！～如果有埋粉絲就更加好啦！冰爽酒糟蟶子～蟶子肉好大隻！非常肥美～酒味香而不辣莆田扁肉湯～每次都必叫嘅推介～個紫菜湯好好飲～扁肉肥而不膩～肉味濃金銀蛋莧菜～可惜今日啲莧菜有啲老包菜飯～分量多～飯好入味～不過就冇乜餸喺入邊～係因為個紫菜炆飯賣晒我先叫呢個琵琶啫喱總括來講，我真係好鍾意食呢度啲蟶子

離譜程度，天堂級美食，食完會流兩滴眼淚，笑住感謝主個仲好味道。之前攞過米芝蓮，而家依然有米芝蓮嘅質素。佢最好食嗰個應該係扁肉湯，佢話啲皮都係用肉去做，食落去好有咬口。唔識講，總之就係好好食啦。叫咗個炒芋頭，唔係講笑，真係地獄級好食。芋頭炒到好熱，外皮有一層糖，咬落去係脆嘅。芋頭入面都係軟淋淋，唔生都唔乾，食到好enjoyable.set dinner最後有一碗芋圓，真芋圓嚟，用真芋頭整，唔係好似街邊咁得一舊麵粉。食喇，無介紹錯㗎呢個。