莆田 (荷里活廣場)

營業中

休息中

莆田賣福建菜，其實都好難講咩叫福建菜，唔似川菜咁一講就知係辣野，不過是但啦呢度大部分餸都整得幾好食，唔揀肉排嗰啲就都算清淡。一黎嗌個扁肉湯，以前有得叫例牌，三個人分啱啱好，而家一人一客就貴啲囉。味道方面，雖然而家都唔覺好重味精，但個湯明顯冇咗以前嗰種酸酸地既感覺，變得好普通。個上湯絲瓜就清清啲，啲瓜幾淋幾索汁，好過食炒菜。個興化米粉好幼好淋，亦唔算太鹹，啲蝦呀肉呀幾足料，仲有炸到脆卜卜既花生，用黎填飽個肚都唔錯每期佢都有啲時令既特色菜，今次主題係鰻魚。叫咗個鐵板鰻魚，幾厚肉，幾爽幾juicy，啲邊位煎得幾香，但都係有啲骨囉。