荳子 (PopCorn 2)

營業中

休息中

平時行過都見到好多人排隊～今個星期日一於去試下～睇完個menu樣樣都好吸引價錢都相宜～叫左個All Day Breakfast 同一碟意粉～完全無令我失望～Yummy Yummy~見坐得舒服野食唔錯～一於上黎讚下啦～

次次經過荳子都要排隊食野心思思想試一試佢 一行3人就排左40分鐘午餐佢有lunch setOrder左3個主菜 可以加錢要沙律同炸芝士軟殼蟹意大利粉忌廉汁 有菇 濃味 好食帶子意大利粉有對比下 比較淡味 帶子冇乜鮮味 (可能食左軟殼蟹意大利粉先 濃味d)水牛芝士薄餅芝士唔夠 餅底太厚一枱可以一杯咖啡整3D花緊係要整返杯 試一試啦冇指定公仔等佢地自己發揮 熊仔最後緊係要叫返件蛋糕share下 件朱古力蛋糕甜左少少 不過3個人share都ok

今日放假無咩野做，於是就同老公去左將軍澳睇戲，順便就去之前我食過覺得好食既個間cafe食飯去慶祝我地既相識記念日 去到後唔使等好耐就有位，真係太好 老公坐低後就叫左杯綠茶latte，單係個樣就幾得吓，飲落就有好香濃既綠茶香，口感亦好滑，真心可再飲多杯 之後就有老公最愛食既英式全日早餐，滑蛋仍舊做得出色，香軟嫩彈，口感QQ，蘑菇也是很鮮味，而雞肉腸亦香味十足，圈圈包也是微暖，夾在一起食尤是滿足，真的很讚喔 再來又是老公話要食既火腿薄餅，講真初初無咩期望，甚至乎更係想阻止老公叫，不過見佢又好似好想食咁，於是就又佢叫喇~點知又係又驚喜，個薄餅好香脆，火腿咸香撲鼻，加上清香的羅勒菜下，層次豐足，啖啖脆香十足，很是美味 最後就當然要食埋甜品先滿足喇！於是我就點左個藍莓芝士蛋糕，單係個樣都幾靚，食落就好清香，唔會膩，而餅底都好香脆，雖然係細件左少少，不過已經好滿足到我 呢間餐廳真係好舒服，食物的decoration又有餐廳的風格，老公就尤為喜歡餐廳中央放置的長木枱，有大自然氣息，食物方面又色香味俱全，再有時間定會再次食過~~

住左將軍澳咁耐，坑口寶琳一帶都無無乜西餐廳好食價錢又合理，今日Tea time試一試⋯果然唔錯，野好食，價錢合理，有水準既平價餐廳，環境舒適⋯將軍澳終於有間似樣既餐廳，Tea set由$50-$80左右⋯今日食左黑松露軟殼蟹意粉，單骨雞亦薯條，香蕉蕉糖窩夫雪糕加兩杯飲品都係$187😋😋😋

正所謂偷得浮生半日閒，星期一當然就是偷懶的好時機咁開心就梗係要帶埋阿爸阿媽去食吓野先得今日就去左將軍澳食野行街買野去行行吓就被呢間餐廳既新派時尚裝修吸引左入左去坐低後我地就叫左幾款食物第一樣最重要就更係要叫返杯咖啡飲下先得喇！今日我就揀左熱既cappuccino，侍應送來時真係被個樣吸引左，當然係要影返張靚相先，個拉花拉得好靚，細味下咖啡味香濃滿瀉，同時口感也十分細滑，真心覺得都唔錯，飲左幾啖後成個人都即刻精神好多，開心之後就有我最鍾意既焦糖單骨雞翼配薯條，雞翼好入味，又唔會太咸之餘仲有陣陣既甜香，令人食完一隻會想再不斷食落去既感覺，很是美味，而薯條就熱辣辣又香又脆，咬落外脆內軟，配埋微酸的蕃茄醬下一齊食就更覺滋味無耐後爸媽叫的熱檸蜜及姜母茶也送上來，雖未至特別好飲，但味道也是屬中上級別，加上份量合適中，不會過甜又唔會無味，作為餐茶來說都真係唔錯媽媽指名要叫的軟殼蟹意粉都係合乎預期既好食，隻軟殼蟹炸得外香脆內軟熱，口感層次豐足，而意粉又煮得軟硬適中，加上入味的醬汁下，尤是滋味，好食得我們都食完一口又一口~接著就有阿爸鍾意既哈蜜瓜火腿，貌相靚之餘，味道都好好，哈蜜瓜清甜又juice，火腿

係荃灣大河街果間beans已經食過，水準唔錯，而且坐得舒服，咖啡亦好飲知道將軍澳呢間開左，當然要黎朝聖一下啦。門口條隊雖然不至於打蛇餅，但長長既人龍大概20張枱，再望望入面，都係大概20張枱左右，而且一半係2人枱，我地4個人唯有做好心理準備慢慢等啦Beans既裝修其實幾靚，雖然陰暗但不至於眼瞓，而且每出一碟野都可以先刺激一下眼球，所以都係令人食極都精神既原因等左1個鐘3個字...終於排到最前，我地本來由望裝修望menu到望住入面邊個客埋單，嘩，終於有張門口長枱客埋完兩個位，再埋兩個位。另一邊箱又有其他客係另外果邊埋行出黎。突然好多人歡迎我地咁，係等執位既時候睇下食咩好，因為後面條龍好長，把握機會儘快叫野食啦Menu有pizza, main 有ribs, spaghetti, roasted chicken, 仲有靚靚甜品，咖啡。雖不至於好多好多選擇，但種類係好唔同既帶位姐姐先安排排我地後面兩座位入去另一邊，再安排排後面另外兩位去坐門口本身4人位既長枱。唔通入面另外有張4人枱? 帶位姐姐出黎叫我地4個坐門口本來4個位(但已經坐左2個人)，我地行入去張枱再望一望，點坐4個大人？!唯有放棄(

每到假日 一個完美既早餐會唔會帶黎Good morning 我唔知但我好肯定一個完美既Tea 好肯定會令成日更prefect!!!!之前晚餐時間已經試過這間Beans 今次便打算一嚐佢既tea set 又滿足到小編個胃 又滿足到小編個乾扁荷包快看照片介紹吧！！溫馨提示：一定要留肚加配蛋糕

I came here with my wife and two kids on a Sunday evening. The line was 40 minutes, but the food completely worth the wait. My son had the hot chocolate, and the spaghetti stroganoff, and I had the mozzarella and tomato salad. All dishes looked and tasted very good, especially for the price. I'll definitely come again.

今次第一次來食，好多人排隊，但等左15分鐘就已經有位。今次叫左流心抹茶芝士撻，豪華英式早餐，彩虹拿識，玫瑰拿鐵。豪華英式早餐入面嘅黑松露蛋味道濃郁都幾好味而流心抹茶芝士撻賣相幾靚，隔離枱見到我哋食都決定要叫來食但當服務員拎個彩虹拿鐵過嚟嘅時候，就有啲失望，因為完全睇唔出係咩圖案但就收$45 ，反而個玫瑰拿鐵就拉得幾正常其實要求唔高但起碼要拉到有一個形起度，服務有待改善如果彩虹拿鐵個拉花可以同玫瑰拿鐵一樣就好啦～

呢間餐廳其實一啲都唔起眼，但係成日都大排長龍，一定有過人之處，所以就去試吓。一早去攞位都要排半個鐘頭，建議不要在1點至2點來，否則要排1個鐘以上。餐廳裝修走文青風格，有幾張原木造8人長枱，及數張2人餐枱，長枱很別緻，但入座不太方便，尤其穿裙子，因為要搭枱。餐牌主要有All Day Breakfast, pasta, pizza同咖啡等等。極力推介是Delux All Day Breakfast, 有沙律菜，煙三文魚，焗蕃茄，黑松露炒蛋，煙肉，香草豬肉腸，茄汁焗豆同兩個圈圈窩夫。我最鐘意佢地嘅圈圈窩夫，食落有少少蜜糖味，超正！ 另外，這裡的咖啡也很出色，味道很香，很濃。其次意粉也很不錯

「 荳子」太近老爺住所一個月總會幫襯一次,所謂一期一會看上大大個彩虹拉花掛在餐廳大門已有兩星期,深深吸引廚娘眼珠、其實「Rainbow latte」在外國已興起多時,但不知何解來到現在才有香港咖啡師去嘗試,思考與觀察是港人最美好之優點,「快」雖然比國家同胞「慢」、但總勝於無。。。餐廳資料不多介紹詳盡餐牌也實在太多直入話題,沒有跟餐之優惠HK$45.大元價值、客觀一點來講價錢不宜,拉花圖案盡露咖啡師之功力,功多自然藝熟、葉型尖位可算謂最挑剔處,色彩來自食用色素、紋理來自顏色撞上之效果,所以味道上亦源自咖啡、變色花花下你會看到咖啡師用上多少「食用色素」?整體上個人認為70-80分數,有再鑽研和練習才會揀出越靚越鮮之色彩「櫻」可能季節上有點過時,但味道上是可取、大量Mousse口感微微帶酸甜度恰好,單點索價HK$42.但長長之身型分量上感覺「抵」咗,始終Cake對於「荳子」工場伙記創作已是架輕就熟,來過多次吃過差不多九成蛋糕都試過無一挑剔可言小記:不知後生老闆多時一別有否關注一吓員工服務情況,溝通跟進一吓前線員工服務有時同樣重要。

上星期朋友同小妹食生日飯個「Rainbow Latte 」$45真係好靚佢奶味唔算好濃，味道普普通通勝在賣相靚，個拉花整得好靚小妹都唔捨得拌勻個咖啡另外仲叫左杯「檸檬蜂蜜」$28飲得出佢真係用蜂蜜做，唔係一般好甜果啲「燒豬仔骨、薯條、新鮮沙律 」Whole $288 Half $178因為會叫其他野食所以點左Half點知都好大份係多肉既Ribs而且又唔算痴骨，又夠稔之前食過有啲少肉，又燒到好乾身果啲真係唔好食依度個Ribs係值得一讚「帆立貝菠菜意大利飯」$108帆立貝如果再煎香少少會較好可能煎得較耐，所以有點韌「蕃茄肉醬溫泉蛋意大利長通粉」 $78醬汁都好夠，蕃茄肉醬唔算好酸配長通粉食，舀時唔會好倫盡不過依間店最初其實只有荃灣有荃灣果間都算多人點知將軍澳依間仲多小妹之前有次已經想去將軍澳果間試但見排勁長龍無食到今次見個朋友未到，排住隊等我朋友到我朋友黎到再一齊等等左成差唔多40分鐘先入到好誇張

平時行過呢間餐廳都見到好多人排，難得平日十一點（間餐廳開十一點）見到餐廳未坐滿人，即刻入去試下叫咗個set pasta，係蟹籽蟹柳忌廉汁意粉，yummy！餐飲揀咗黑糖姜茶，味道尚可。另外咗叫佢個招牌all day breakfast，最特別係佢個圓形waffle，味道ok啦！同其他cafe整嘅all day breakfast冇乜分別呢間餐d野食尚算可以，但係衰咗係佢d員工上。喺落order同埋等野食嘅時候，我地見到有員工黑面（嗰陣時唔多客，唔係好忙），又見到員工唔醒目（我地本身想叫個pizza set，個員工話比我聽師父未搓好個麪團，轉頭見到隔離張枱有呢個set食囉），又見到員工好趕客（每次落親order，佢就會話要等至少三十分鐘架bor，語氣趕客；好似我地咁叫咗個3D 咖啡，其實我地只係等咗十五分鐘。我見到佢對個客都係咁講，真係乜客都比佢趕走晒。我明多客嘅時候係會等耐d，但係應該醒少少，唔好咁趕客feel。）如果唔駛等嘅話，我都會再食嘅。但係要排好耐嘅話，我諗我唔會等，因為d員工真係好唔得。

平日經過Beans都大排長龍，今日都唔例外。呢間文青cafe主打All day breakfast, 但係我想食意粉，就點了 all day set, calms pasta plus honey with lemon drink。I like the dish and cup set so much. 見到個Pasta上枱已經好吸引，數下calms的數目都有唔少。After first bite, 就食得出意粉做到al dente 的level，seafood都幾新鮮，同個汁配合得唔錯，但係整份體份量如果可以多D就好啦。唔駛成日飲coffee, 餐茶飲檸蜜，唔會太甜又養生。

未食過英式豪華早餐，豪返次先成碟我最喜歡的是班尼迪蛋，食的時候蛋中間流心一樣，配合麵包好味，蛋味好濃，口感好滑口另外個donut 窩夫咬落鬆軟，焗得好香，食落冇油溢味煙肉、大條腸仔煎到剛剛好，外面香脆，咸味幾重，另外的磨菇好香，加左白汁煮一流其他印象普通，沙律菜也新鮮