荳子 (PopCorn 2)

營業中

休息中

平時行過呢間餐廳都見到好多人排，難得平日十一點（間餐廳開十一點）見到餐廳未坐滿人，即刻入去試下叫咗個set pasta，係蟹籽蟹柳忌廉汁意粉，yummy！餐飲揀咗黑糖姜茶，味道尚可。另外咗叫佢個招牌all day breakfast，最特別係佢個圓形waffle，味道ok啦！同其他cafe整嘅all day breakfast冇乜分別呢間餐d野食尚算可以，但係衰咗係佢d員工上。喺落order同埋等野食嘅時候，我地見到有員工黑面（嗰陣時唔多客，唔係好忙），又見到員工唔醒目（我地本身想叫個pizza set，個員工話比我聽師父未搓好個麪團，轉頭見到隔離張枱有呢個set食囉），又見到員工好趕客（每次落親order，佢就會話要等至少三十分鐘架bor，語氣趕客；好似我地咁叫咗個3D 咖啡，其實我地只係等咗十五分鐘。我見到佢對個客都係咁講，真係乜客都比佢趕走晒。我明多客嘅時候係會等耐d，但係應該醒少少，唔好咁趕客feel。）如果唔駛等嘅話，我都會再食嘅。但係要排好耐嘅話，我諗我唔會等，因為d員工真係好唔得。