茶泰 (啟田商場)

營業中

休息中

藍田都有高質泰國餐廳🤩​炒金邊粉佢話辣但一啲都唔辣​不過炒得好好味​船河超多料 好抵食 湯底味道適中唔太濃烈​豬頸肉半肥瘦烤得剛剛好 好香口 ​美祿沙冰甜左小小 不過都唔錯 美祿味濃​​

今日帶咗兩位烹飪班老師和一位烹飪班同學一齊去左呢度食午餐慶祝其中一位老師修讀意大利菜文憑畢業，而畢業那位老師就正住在附近。大家一致認為以下的食物及飲品值得推介：1. 泰式船河$56 - 個湯底好得，唔會太濃烈，亦唔會太肥膩，啱香港人胃口。配料迷你的牛丸和扎肉味道也很好，還有幾片泰國炸豬皮及一塊開四件的豬扒。2. 冬陰功湯米線$51- 個湯底好得，同結業左嘅冬陰公公以前個湯底一模一樣，係我嘅至愛，雖然兩位烹飪班老師嫌香茅味和南疆的味不夠，但係我覺得反而咁樣仲啱本地人食，啲米線都好滑。3. 椒鹽手作薯片$18- 聽個名諗唔到會咁好食，係好似嘅薯片，脆而咬落不會碎晒。4. 泰式乾炒牛河$54- 我哋全部人最鍾意這個菜式。5. 清邁小菠蘿炒飯$54- 呢個係外賣返去俾阿爸食做的午餐，我試咗兩啖味道很好，啲炒飯粒粒分明，唔會黐埋一舊，而且香噴噴，有粟米粒及紅蘿蔔粒，菠蘿比一般菠蘿炒飯切得細粒啲。6. 三色冰$12- 同學話好好飲，如果唔係咁多冰又唔夠凍，但係咁多冰飲飲下又要畢啲冰出來才可以食到杯底的材料。7. 凍檸茶少甜（聞說他們用的是冷壓檸檬汁，所以見唔到檸檬皮）$10 - 我叫咗兩杯，一杯係

外賣一個飯，由18:33落單，到18:50再去問，見有個外賣係度，問帶位男職員係咪我個號碼，佢死話唔係等到19:07有另一個號碼，佢先叫埋果盒起碼由18:50擺到19:07的外賣，正正係我單號碼，話佢頭先問你又話唔係，個男職員一句都唔回應就扮忙走左，一句唔好意思都無！態度極之差帶位男職員目測50歲+，其實唔想做，嫌多人等位，多人叫外賣咪叫人唔好等囉，咁自己就唔駛做又唔駛黑面，真係唔明，做野做到咁係咩心態

最近疫情關係都好少出街食飯 今日約咗朋友食飯就嚟咗呢間餐廳😂今日雖然係假期 但係一樣有下午茶供應😮 由三點做到六點 我今日五點半入去就可以早啲食個晚餐由於唔知份量有幾多 所以我同友人就每人叫咗兩個下午茶餐 全部下午茶餐都送熱飲 我叫咗熱檸茶 不過就冇一片片嘅檸檬嘅 而係見到有啲檸檬肉喺杯茶入面 可能檸檬太貴啦😅香茅雞髀配椒鹽炸豬皮 炸髀唔算好大隻 食落都唔算好juicy 炸豬皮嘅口感就有啲似蝦片🐷輕量泰式咖喱炒金邊粉 唔係好食到 啲粉 因為比較多配菜 蝦就得細細粒 唔推薦呢個😬輕量泰式乾炒豬頸肉河粉 呢個係最正常嘅 頭抽都炒得好均勻 每條河粉都上晒色👍🏻迷你黃咖喱牛肉飯 有啲失望佢嘅牛肉係牛肉碎 而唔係一片嘅牛肉 而肉碎嘅份量比飯更多 飯得薄薄一層 唔會太飽肚😮 好彩嗌咗四個餐以三十幾蚊一個下午茶餐嚟講算係咁 得閒可以一試😛

今日去到藍田商場有台灣嘢泰國嘢 朋友話想食泰國嘢我哋就去咗茶泰 入去先量體溫 跟住職員帶入座 餐廳環境非常之大餐牌望落去樣樣嘢食都好吸引 蒜米通菜炒豬頸肉飯 $50味道非常之鹹豬頸肉 切得太厚 令到口感好韌 入面嘅蒜粒全部炒到黑蚊蚊 又鹹又油 食咗一半食唔落去泰式咖哩炒金邊粉 $53金邊粉炒得幾乾身 但咖哩分明顯地落得太多 直頭兩啖還可以 食到中間啲咖哩味非常確喉杯熱奶茶就淡茂茂 又唔香又唔滑 嘢食唔好味連杯茶都唔好飲 真係冇下次呀 早知食大x 活好過 虐待自己味蕾

我等咗幾個星期終於等到唔係咁多人去試下泰菜啦！因為在藍田區份得一兩間泰國菜，好食的都唔多，但見呢間一開張就日日排長龍，所以都有期待去試下，今日終於俾我等到唔係咁多人可以去試下啦😋可能依家晚餐時段由5點開始，所以我6點去都已經差不多坐滿😀餐牌小食都好多選擇，份量少可以選擇多些菜式去試食，價錢又抵食😉必食手切豬頸肉👍🏻沙爹串燒（雞或牛）😋辣肉碎生菜包夠晒開胃，有少少微辣可以接受😎晚飯時段散點飲品有半價優惠🤓奶茶香滑😋凍檸茶係青檸打碎口感一流，性價比高👍🏻唔怪得之成日排長龍啦！

每次嚟藍田都唔知食邊間好嘅我左諗右諗，最後揀咗呢間啱啱新開嘅茶泰試下～一入到去對間鋪頭個印象幾好，因為裝修幾有格調。店舖牆身掛咗好多霓虹燈，加上繽紛嘅色彩配搭好有泰國嘅感覺👍🏻我地兩個人叫咗生牛肉冬陰功湯粉,黃咖喱煎蛋飯同炸蝦餅,雞湯蘿蔔兩個小食。四樣嘢當中我得最好食就係炸蝦餅，超級新鮮滾熱辣！外皮好香脆，入面嘅蝦肉亦好彈牙，點埋佢附送嘅酸辣汁真係一流！冬陰公湯粉朋友就覺得味道唔錯，我就覺得一般，味道可以再重手啲唔夠酸唔夠鹹。同埋入面嘅生洋蔥真係好多😂多到懷疑廚房師傅切咗半舊洋蔥落去😂😂餐廳環境幾好，平時下午茶時段同三五知己過嚟食個tea傾吓計應該唔錯☺️

lunch諗住試吓新嘢，叫咗個泰式豬頸肉炒河外賣，但等咗25分鐘先有，平日時間，無人等外賣，店內人客約五成，要等咁耐真係有待改善。食物方面賣相唔錯，但味道真係麻麻，好咸同有濃濃嘅燶味，炒河內仲有啲腐皮咁嘅嘢，腐皮嘅質感係香口膠咁，豬頸肉份量太少，應該就唔會再試。另外見有人話好多位都要搭枱，我眼見真係得五成客但都要搭枱，而門口真係無人等位。

受職員氣,  態度差到我坐低都立即走人------------------------------個排佢新開，排左30mins 排到2人飛其實撘枱我ok無所謂 (志在試下新野) 我行緊入去時，見有另一枱2人枱吉左我好隨意問職員： “請問可唔可以轉個張枱？”個後生男職員：“唔得喎，個張等俾6人位，你唔坐依度，就出去再拎飛重新排過啦”我心唸，你話唔得因為等6人位，咁講我完全無問題。後半part個句，俾氣我受！ 現場感受就係“你食就食，唔食就擺就”

食過兩次，唔會有第三次。依家肺炎咁嚴重，好多餐廳都會特登讓客人坐得開d，減少傳染既機會，但呢間嘢我食兩次，兩次餐廳一半位置係空的，但偏偏個女服務員就一定要安排人逼滿餐廳當眼位置，務求將前面所有位填滿，搞到坐到真係好逼。服務態度唔掂都算，食得咁辛苦，唔會再次選擇。

/終於放lunch🥺見到有新店開長🙂遲遲都未試今日比個機會佢試試佢😌..🍽泰式咖喱炒金邊粉.（$53）份量都好多下，食落口都有少少辣🌶有啲似星洲炒米再加左啲咖喱粉，比較乾身，同埋食到一粒粒既口感。啲材料係幾足下😗性價比都叫高..🍽蝦醬肉碎炒飯.（$53）好多人都唔中意食蝦醬，幾香口😋色香味都係晒到🥰美中不足係好多蔥😂好似蔥扮係豆角既感覺🤣豆角肉碎都有既但唔多😟飯就好多！值得一提係拌碟果啲炸豬皮仲係脆口🤩..沙嗲雞肉串（$15）超抵！lunch 加串燒只係15蚊，上到黎仲係熱辣辣♨️啲雞都係嫩口既，沙嗲醬有少少咁多多撈左花生醬（好似係）15蚊兩串又抵又好食😽..沙嗲牛肉串（$15）啲牛唔會話燒到好老🤩唔錯唔錯..蒜香香油雞翼（$25）上到黎係岩岩焗好♨️完全係食唔到🤣啲牛油味好重蒜味反而冇甘多🥺如果牛油同蒜既比例一半一半就prefect😅

今日係農曆大年初三，當然約左朋友一早去行山行大運。之後就去左一間剛剛新開張兩星期左右既餐廳 “茶泰” 試新野食。今次我哋三人去左茶泰門口，好多人排隊等入去餐廳…我哋就攞左飛，等左約 45 mins 就可以入去餐廳。我地三人叫了三個餐，分別係泰式干炒牛河，泰式菠蘿炒飯和煎雞扒蛋飯。另外叫 凍檸茶，熱檸茶和熱檸水。先講呢間餐廳既飲品…D 檸檬係預先攪碎黎沖，不似其他餐廳係用檸檬片…好有創意。而炒飯和干炒河夠鑊氣，雞扒煎得幾香脆三個碟餐都幾有水準，但新年期間需要加一服務費。價錢就貴左少少

今日嚟到一間百分百旗下新開嘅泰國餐廳， 開咗唔夠一星期我已經要幫襯下， 佢哋趕得切喺農曆新年前開張真係犀利， 我哋嗰日去試嘅係佢哋下午茶， 價錢唔貴大概30至50之間， 當日已經有好多人幫襯 亦有好多人喺出面排隊， 而令我有另一條隊係排豬手， 我記得好似每日四點鐘同五點鐘就會派飛 ，有新鮮出爐嘅豬手作為外賣 ，價錢唔貴 講返我哋嘅下午茶 ，下午茶嘅選擇有好多亦都好新穎！而我推介大家一定要飲佢哋嘅招牌飲品 ，就係佢哋嘅檸茶 ，飲到新鮮嘅檸檬榨汁唔使自己篤，超級方便，而茶味亦都相當濃郁！我哋叫咗泰式金邊粉同埋豬頸肉炒河粉， 我個人認為 佢哋嘅炒河粉太多油啦 ！食落去嘅時候有好多油喺個底嗰度 ，值得一讚嘅係佢哋嘅泰式金邊粉幾好味㗎！ 唔會太油 你都好乾身 ，不過佢哋嘅豬頸肉炒河 ，比較重口味就適合我啦！

女服務員有禮，男服務員態度差。七個人只給六個人位，不准加椅。仲話事前問過我，根本從來冇問過。等咗半個鐘入到嚟，唔通唔坐！？婆婆想叫泰式炒牛河，冇河粉，想轉金邊粉佢話唔得。但我哋先前叫了碗冬陰功牛肉湯河，佢話冇河粉，問我轉金邊粉得唔得，我話OK. 一句總括：冇下次！😡😡