茶木‧台式休閒餐廳 (黃埔天地)

營業中

休息中

想當年茶木黎到香港，個個排隊爭住食個雪糕多士，我都唔例外，仲好中意佢個牛肉麵! 諗起都一段無食，因為之前食下食下好似質素普通左，但今次食完發覺有番當初既味道，定係依間分店特別好食呢? 而且裝修環境都新d靚d咁🤔彌漫住一種休閑氣氛。依間店仲有個專沖茶飲既zone，選用多款不同茶葉，感覺都幾講究。紅油抄手黑醋味香加埋辣汁，味道開胃，抄手飽滿大粒，點多d汁酸酸辣辣就唔覺得heavy!台式烤香腸好好食😋烤到脆脆地，味道咸香，仲有食台式腸一定要夾生蒜，唔知點解美味即時提升十倍，口臭都要食😋Teawood® 香辣牛肉麵搵番當初茶木既味道，湯底好香牛骨味，香辣惹味，忍唔住係咁飲😋牛肉堅高質，半筋半肉一層層，非常軟腍但唔會一夾就散個種，三大舊牛加埋蘿蔔，份量好足! 麵條粗身掛湯，偏硬身係我中意既口感❤️茶香三文魚湯漬飯印象中以前好似無茶漬飯？好出色喎又精緻Ig-able! 茶壺🫖入面係茶式加高湯，三小碟櫻花蝦，脆米同埋木魚絲，自己倒落去有儀式感d🤣最緊要係好味😋三文魚煎香左魚油豐富，食到中段可以整碎三文魚拌勻，配上帶清香茶味既湯頭，舒服無違和感，啖啖湯飯都好好味❤️草莓香草蜜糖歐軟磚塊手機落單，見menu

好耐冇食茶木，經過見到黃埔分店嘅裝修好靚，好似文青打卡cafe咁！就入去試下🥰食物方面，我自己本身好中意食鴨血，所以就點左一份麻辣鴨血旺配米粉。朋友唔係好食得辣，就叫左烏魚子元貝手作麵同埋茶香三文魚湯漬飯。麻辣鴨血冇諗過會咁大份，鴨血都幾多，而且大塊，好有滿足感😍唔會太咸或者太辣。好啱我口味🤤米粉係好幼身，吸左d湯汁，好好味！烏魚子元貝手作麵，睇落有d似意粉，但食落口感比意粉更彈牙。元貝都好大粒同好鮮甜。茶香三文魚湯漬飯，三文魚都幾大舊，配埋清清地嘅湯，感覺非常健康。仲有d飯素、木魚、脆米，可以按喜好加落湯飯，加完口感豐富。飲品方面，叫左杯黑糖仙草奶茶，賣相好靚好打卡😍唔會太甜！小食揀左鹽酥雞。鹽酥雞好鬆脆，炸粉都唔太厚。好食！最期待嘅就係茶木嘅甜品！好耐之前食過，記得係一個好大嘅多士盒。依家應該係改良左！我地叫左個巧克力花果流心歐軟。一條條嘅多士磚好鬆脆。多士盒切開有朱古力流心，而且入面仲有好軟糯嘅麻薯，好有驚喜！成個甜品唔會有過份多麵包，而且每塊包都脆脆的。好好味🥰

Thanks god it’s Friday!!呢晚約咗朋友喺黃埔搵食喺美食坊搵食 見呢間茶木環境都幾chill門口等位都好靚好啱打卡 又好耐冇食過就決定入去食 因為都晏晏地 所以唔洗等位 好彩😆必點紅燒牛肉麵$88係茶木嘅招牌菜湯頭好香 濃而不膩牛肉大塊 有好多塊 非常足料食落去軟稔嫩滑麵條好彈牙好有咬口 最鐘意呢種texture❤️茶香三文魚湯漬飯$98同樣係店鋪推薦菜三文魚好大件😆煎得外表香脆 入面魚肉好滑 加上紫菜芝麻 味道一流漬飯湯底茶味清香食落去好refresh加埋脆米、木魚、櫻花蝦口感豐富 味道亦非常開胃櫻花蝦魚湯浸娃娃菜$70湯頭清甜 娃娃菜份量都幾多食多啲菜健康啊👍🏻路邊灘小食$68有3款小食 台灣香腸煎得香脆 好有台灣嘅感覺🥹魚丸彈牙多汁 食落魚味好香鹽酥雞扒 炸得脆卜卜 味道適中唔會過咸櫻花蝦花枝餅$58剛整好就上枱 熱辣辣🔥櫻花蝦味道香濃 花枝餅爽口最後叫咗飲品木柵鐵觀音奶茶冇叫少甜都唔會太甜鐵觀音茶味幾香解膩大滿足🥰

太耐冇食茶木 見黃埔呢間裝修好特別 menu亦都轉左好似fusion菜咁就入去食依加全部用手機落單 水可以喺出面自己斟~成間鋪色調好舒服平日有晚市套餐 仲新出左二人餐 都幾多款式可以選擇 甜品選擇都多左同吸引左😍可頌窩夫落單時見每款每日限售三份(左)木柵鐵觀音奶茶 鐵觀音茶味好出 有少許炭焙味 珍珠亦好煙韌彈牙 (右)朱古力脆脆燕麥拿鐵 除咗榛子脆脆外最頂層仲有豆花😍攪勻飲每一啖都有滑滑嘅豆花口感唔錯 成杯野好夾 燕麥味好香 朱古力味唔會好甜路邊灘小食有鹽酥雞排 鹽酥魚丸 台灣腸一次過滿足我食幾款台式小食嘅慾望😻魚丸好彈牙多汁 台灣腸跟咗好多蒜片😋墨魚鮮蝦茶香藜麥飯擺盤精美 除咗鮮蝦仲有花枝餅 鮮蝦冇殼可全隻食用 花枝餅咬落有啲爽口 好香👍🏻烏魚子元貝手作麵望落都好吸引 烏魚子味道好鮮 幼身手作麵軟硬適中而且好掛汁 元貝火喉亦調校得啱啱好 大大粒 肉質鮮甜肥美有別於以往茶木嘅吐司 今次出左個抹茶鮮果流心歐軟相當吸睛😻歐軟包好鬆軟 醬汁係流心抹茶奶蓋做 加埋好滑嘅麻糬 面頭仲用左唔同水果砌成花 配搭Haagen-Dasz抹茶雪糕❤️好味👍

咁耐無去台灣，超掛住台灣的美食，要去茶木食野止癮先得，見佢有個二人餐超抵食，同埋多咗好多新派的台式食品，再唔係一黎就叫碗牛肉麵。雖然有好多主食的選擇，但都係晚市二人餐（$298）最吸引台風美食:台式滷味拼盤有雞翼、牛肚、五花肉、牛𦟌滷上超濃的滷水汁，肉唔會滷得太硬，上面放上溏心蛋，適合響餐前食的台式小食。主食可以選兩款呢兩款：(1)茶香三文魚湯漬飯日式定食的擺盤，煎得非常香脆的三文魚放上飯面，可以先食魚肉，然後再逐少加入帶點茶香的清湯，讓飯同三文魚被食出第兩款味道，濃郁得黎好清新。另外附上木魚碎、櫻花蝦碎、米通，食個陣加入可以再增加多幾重味道。(2）烏魚子元貝手作麵賣相似西餐的意粉，煎至金香的元貝，非常軟滑。烏魚子加入醬汁中，有種海鮮的咸香味，配上菇同多款蔬菜，減低醬汁的膩口，顏色亦十分繽紛。手作麵的質感好似烏冬般煙韌，索哂啲醬汁，個人十分推介！二人餐跟兩個飲品：金萱鮮芒果奶蓋冰 (加$28)正常冰及甜度，清新的芒果味，奶蓋唔算太濃味，混合埋一齊飲啱啱好。脆脆黑糖珍珠奶茶 (加$23)黑糖味令奶茶飲落帶一種特別的香甜，少甜剛剛好，杯面有一串彩色芋圓三兄弟，非常煙韌。杯邊有朱古力脆脆的特

今日去紅磡黃埔天地美食坊食台灣菜，茶木‧台式休閒餐廳。茶木已經經營左好多年，分店都算多，之前都係其他分店食過午餐，價錢合理，味道出色，今次就去紅磡黃埔分店試下晚餐。-微辣半筋半肉手工拌麵筋同肉份量好多，牛筋煮得夠淋夠入味，唔會過淋一夾就散。半筋半肉層次分明，一層筋，一層肉，無論口感定係味道都係最高享受。拌麵醬汁夠濃夠味道，每一條麵條都掛上醬汁，美味非常。套餐仲有半熟蛋，鴨血，豆腐乾，十分豐富。-鹽酥排骨肉燥飯鹽酥排骨夠大塊，炸得非常香脆可口，唔會炸得過火，豬扒仍有豐富的肉汁。肉燥拌飯十分合拍，加上酸菜，酸酸鹹鹹令人食慾頓然大增。好滿足嘅一個配搭。-黑醋味冧豬軟骨豬軟骨煮得夠哂時間，用筷子輕輕都可以分開豬肉，加咗黑醋一齊去煮，有獨特嘅黑醋酸香味，好香。特別要提的是，白蘿蔔完全冇咋，非常鮮甜。-評分 : 7/10

茶木‧台式休閒餐廳 (紅磡)同朋友去左黃埔美食坊搵美食🤤呢間茶木裝修好靚好大，餐牌都好吸引，所以最後揀左呢間做晚餐🥰烏魚子元貝手作麵 $98又係超高質嘅一碟手作麵🥰每條麵都充滿住烏魚子嘅味道，香煎元貝大大粒，仲有好多雜菌仲配菜，正！😋古早牛頰肉麵 $84湯底好足粉料好甜😆牛頰肉好嫩，而且好多，舊舊都好大舊，食完好滿足☺️麵底都煮得好好，質感正，又彈牙，推薦❤️櫻花蝦花枝餅$58見到佢寫住呢個花枝餅係皇牌，緊係要試下🤣一黎到聞到已經超香，食落去嘅口感好好，有外脆內軟嘅感覺❤️花枝嘅味道亦都好出，呢個必嗌🥰黑麻油雞翅 $58麻油味超重，雞翼煮到好入味同好淋😋台式烤香腸 $48香腸真係烤得好脆好好食🤤蒜片係必需嘅！同烤腸夾埋一齊食好有層次感🥰金萱鮮芒果奶蓋冰$42超級好飲！飲嘅每一啖都好似食緊粒粒芒果咁正🥰唔會死甜，完全係果香果甜嘅味道😝而且賣相都好吸引，仲有芒果切片係表面，超正☺️粉紅櫻花燕麥拿鐵 $46好有驚喜嘅野飲，夾雜住玫瑰同奶香味🥰仲有d 焦糖漿係底，飲落去又再多左一個層次❤️地址：紅磡黃埔天地美食坊(第8期)1樓113號舖整體評分：5/5味道：5/5環境：5/5抵食：4/5

今晚兩個閨蜜去黃埔探朋友, 之後一行三人去茶木食晚餐.烏魚子元貝手作麵, 醬汁不會太多, 味似忌廉, 大大粒元貝好有口感, 手作麵非常煙靭 墨魚鮮蝦茶香藜麥飯, 米飯大粒唔太濕, 鮮蝦夠彈牙.櫻花蝦花枝餅, 金黃香口, 加個醒胃甜酸醬, 惹味.粉紅櫻花燕麥拿鐵, 賣相 pink lady, 唔知甚麼味道, 因為我無飲 冰淇淋拼芒果吉士可頌窩夫.標榜係用哈根戴雪糕, 真係好細滑嘅士多啤梨味雪糕, 配埋個窩夫, 無得頂.抹茶鮮果流心歐軟, 想像唔到歐軟係乜東東. 頂層係新鮮芒果, 奇異果, 士多啤梨, 已經好吸睛揭開個蓋......內有乾坤我請教個職員內裏是甚麼東西.外面係香脆麵包, 職員話內裏係用芝士、忌廉及抹茶製成嘅抹茶醬. 勁邪惡, 但好好味 唔明, 唔緊要有中文 同朋友食咗一餐開心又豐富嘅晚餐

黃埔茶木，值得推介！第一次去依黃埔食茶木，好耐無黎過，有印象就記得係好有日本風既嗰棟黃埔天地美食坊!上到一樓盡頭就係啦！一望到個環境係覺得，嘩！咁靚既，好舒服，連等位既地方都有設計過，亦有高壓沖茶既機，十分期待！平日我去得早都唔洗等位住！最後叫咗個二人餐，覺得都幾扺食！1. 兩個小食叫咗路邊攤小食同埋櫻花蝦娃娃菜，個菜細細地但個湯好香，蝦都幾夾！而個鹽酥雞炸得香口得黎唔太油，啲腸同丸都正常發揮地好食。2. 主食就叫咗紅燒牛肉面同埋茶香三文魚湯漬飯3. 紅燒牛肉面：好大舊牛肉！好夠冧，裡面骨膠原都好重，個湯香而不咸，鐘意食台式牛肉面會覺得好滿意！4. 茶香三文魚湯漬飯係今次至愛！首先就當然係茶木既一貫極靚擺盤！佢紫菜絲下面有塊靚三文魚加飯底，有櫻花蝦、木魚片、爆米粒三款配粒，自己揀點放！再加湯落去！清新、好玩、健康好食！同朋友黎食又有得玩，又打卡able! 同埋我自己就不嬲鐘意茶漬飯既。5. 飲品咁岩做緊promo! 佢有幾款主題店限定既飲品，跟餐只係需要加$12蚊就有，叫咗個巨蜂烏龍茶，一上枱又係驚艷到！好靚既攞盤，個茶都香、清甜、冇澀味。另外仲有杯拿鐵，都好靚。6. 最後當然一定要叫

茶木‧台式休閒餐廳 (黃埔)地址: 紅磡黃埔天地美食坊(第8期)1樓113號舖==================太耐無去過台灣旅行,有時都想食下台灣野解下思鄉之愁! 今日心血來潮同朋友約黎茶木Dinner~TeaWood紅燒牛肉麵餐 $124佢ge湯底應該無味精，因為食完一D 都唔口渴! 湯底牛肉味濃厚,差D 成碗湯飲晒! 至於牛肉方面,佢真係炆得好淋好入味! 而佢ge 麵係台灣刀削麵，成兜都勁好食!櫻花蝦魚湯浸娃娃菜 (半份加$22)娃娃菜配上魚湯, 味道鮮甜! 入面仲有好多櫻花蝦，幾豐富朱古力曲奇蜜糖磚塊歐軟 跟餐加$50茶木不嬲最出名就係磚塊歐軟，麵包中間有好多切到一粒粒立方體的蜜糖磚塊，好香脆同入味，加埋朱古力醬,鮮忌廉同雪糕真係一絕黃金鹽酥雞 (半份加$22)唔會炸得太乾, 好食! 四季鮮果茶 (加$23)揀左少甜, 味道岩岩好! 估唔到咁多生果, 好豐富!脆脆黑糖珍珠鮮奶 (加$23)同樣揀左少甜, 珍珠口感彈牙好食, 黑糖味唔會太甜,正

太掛住台灣牛肉麵嘅味道。同豬仔🐽黎黃埔*茶木*醫下心癮❣️。餐廳裝潢設計似Cafe。有別於一般*茶木*。💫路邊灘小食鹽酥雞扒 鹽酥福州魚丸台式烤肉腸三款炸物最鍾意烤肉腸。肉腸外層燒得焦香。味道超讚🤪。💫櫻花蝦花枝餅花枝餅爽口彈牙。💫酥炸雞排肉燥飯雞排皮脆肉嫩。拌勻肉燥撈飯好滋味😋。💫紅燒牛肉麵牛肉紋路層次分明。口感小小黏口。超鍾意食❤️。麵條彈牙。浸耐咗唔會一Pat Pat 😛。💫四季青萱鮮果茶水果茶飲落鮮甜。水果份量足👍🏻。

去黃埔行Donki aeon 再順便揾下有乜食見到有幢building 叫美食坊，於是就搭扶手電梯上去睇下有咩食 行行下竟然發現原來黃埔有茶木分店呀 我好鐘意食茶木最出名既雪糕麵包磚，未食過呢間分店，梗係要入去試下啦！一坐低店員就好有禮貌咁話我地知自助水吧的位置同呢間舖頭係用QR code 自助下單既枱面上亦有餐牌可以睇，可以睇到有一啲食品係黃埔分店限定。我同朋友兩個人，食物加飲品總共試咗六樣嘢在手機自助下單畫面，你會見到有一啲食物係限量供應嘅，譬如甜品抹茶花果流心歐軟，舖頭限量供應4份，我叫嗰陣只係得返兩份，所以係有少少壓力要快啲食快啲主菜，之後可以食甜品！我哋就係食得太慢冇得試有個叫可頌窩夫嘅甜品，有點失望！好彩試咗果兩個甜品都好正，補償番少少 - 櫻花蝦花枝餅 $58 有四件，好大件，啖啖肉- 紅燒牛肉麵 （手作麵）$88牛肉好入味又足料- 茶香三文魚湯漬飯 $98呢個好少地方有，三文魚煎得香脆，肉質結實，有脆卜卜、紫菜和木魚，加埋茶漬湯，一啖三文魚，一啖飯加脆脆加湯，超正- 抺茶花果流心歐軟$88賣相及味道一流， 一定要試！- 草莓香草蜜糖磚塊歐軟$78呢個的麵包係沾咗蜜糖，比

依幾日一直想食碗台灣牛肉麵, 但係又唔想坐得迫迫咁食，行過黃埔美食坊，見到茶木環境舒服，入去試一試入到去首先覺得服務勁好，自助QR code點餐 ，然後侍應放低兩杯水，飲完又叫佢斟，原來斟水係自助嘅，但係店員都冇叫我哋自己去，直接幫我地斟埋已經覺得佢服務真係幾好食到尾上甜品，又幫我哋收曬枱面嘅嘢然後再換過啲新碟、叉畀我哋， 全程態度都係覺得有酒店嘅水準講返嘢食，入去直接就係想食台灣牛肉麵一碗辣一碗唔辣，辣嗰碗都真係幾辣， 食落都幾過癮牛肉好夠淋， 而且仲有 少少筋相連， 入口淋滑， 要咗台灣麵食落煙煙韌韌有咬口唔會太硬另外朋友好想食鹽酥雞叫咗一個路邊攤小食鹽酥雞唔會太鹹台灣腸甜甜地另外叫咗多蒜夾住食別有一番風味最驚喜係魚丸，咬落竟然係彈牙多汁重魚味，估佢唔到另外仲有一份溏心蛋， 蛋黃微流出嚟真係溏心好食另外因為啱啱食完啲辣，好想食一個甜品雖然好飽，但係又叫多咗一個茶木名物~巧克力曲奇蜜糖磚塊食嘅時候覺得淨係得面有雪糕,勁驚裏面啲麵包又乾又冇味,但係食完面嗰層,啲雪糕溶咗喺隻碟度,啱啱好可以點裏面嗰啲麵包,另外裏面啲麵包重蜜糖味，所以完全冇乾食唔落嘅感覺， 明明好飽都食曬成份另外限售三份

晚嚐二人餐$298有小食一款、主食兩款及飲品兩杯。先揀了路邊灘小食：鹽酥雞扒、鹽酥福州魚丸、台灣腸。雞扒香脆，唔會太鹹。魚丸食落有啲似貢丸。台灣腸甜甜地。主食揀咗微辣半筋半肉手工拌麵及烏魚子元貝手作麵。微辣半筋半肉手工拌麵手工麵有炸蒜夠香又夠味。牛腩肉同牛筋都夠腍，仲有素鵝、鴨血，素鵝夠脆，鴨血好香辣！烏魚子元貝手作麵有香菇、紅腰豆、椰菜仔及蠶豆，配上忌廉汁，仲有兩粒大元貝，以烏魚子及蕃紅花作調味。另外加咗半份櫻花蝦魚湯浸娃娃菜$22魚湯清清地，有櫻花蝦佢點綴！再+$28要甜品草莓吉士可頌窩夫。牛角窩夫預先整好放喺甜品櫃，是凍食。面上有士多啤梨吉士醬。餐飲包基本飲品我哋加咗錢升級其他飲品。熱四季青萱鮮果茶+$23果味香濃，有好多水果，酸酸甜甜。凍木柵鐵觀音草莓青檸茶高山金萱烏龍+$18草莓果味突出，配上淡淡清香茶味。呢個價錢真係又豐富又抵食，好夠飽！

很久沒有幫襯茶木了，今天到黃埔天地偶然發現這所餐廳，很掛念它的甜品呢，於是去囉！叫了套餐，又另單點了飲品及飯，好飽，好滿足！烏魚子元貝手作麵👍🏽烏魚子，配以元貝及西式煮法，元貝都幾大粒，而且整得幾香幾好味，幾欣賞呢個台洋Fusion菜，味道有點偏咸了少少🤏，但整體都唔錯墨魚鮮蝦茶香藜麥飯以台灣茶🌱、鮮蝦及手打花枝餅配合西式煮製方法的藜麥飯，又一台洋fusion ，我好鍾意個味道，帶點清新，個花枝餅幾好味喎😋(熱)有機臺灣高山巨峰烏龍茶茶香淡黃透亮，清香甜潤巨峰🍇香氣 ，最正係佢既賣相，擺得好靚，仲有個牌仔介紹。一路斟一路飲，一路傾下計，幾爽，食飽既節目😜😜巧克力脆脆醬加濃香燕麥奶，加上如奶蓋口感的豆花，層次都幾豐富，但因為叫了少甜，好像巧克力味道不太突出。鹽酥雞正！抺茶鮮果流心歐歐有好多生果，賣想都好好，而麻糬感覺好特別，配合都算唔錯！比想像中好！很簡潔嘅裝修，令在座嘅客人感覺很舒適，空間足夠，光線及餐廳的音樂配合，有種優閒的氣氛。過了一個愉快滿足的晚上😙