茶木‧台式休閒餐廳 (黃埔天地)

營業中

休息中

除咗口罩令, 今日乜令都取消晒, 即刻約兩個老友出嚟傾吓計先.茶木地方闊落, 坐得舒適.好清靜, 啱晒三五知己聚舊.軟殼蟹龍蝦汁手作麵大大隻軟殼蟹, 手作麵好煙靭爽口, 龍蝦汁味超濃.黑醋味冧豬軟骨, 配香軟白飯豬軟骨好淋、好入味, 又夠瘦.佛手柑水果茶, 有柑、鳳梨、火龍果、青檸檬, 好香甜嘅水果茶 有機台灣高山巨峰烏龍茶, 老友平時鍾意嘆茶.木柵鐵觀音珍珠奶茶, 我都係鍾意珍珠奶茶多 d 除咗珍珠, 可以揀寒天 or 仙草.草莓香草蜜糖磚塊歐軟, 粉紅色賣相好吸引 上面係棉花糖、雪糕.由三塊香脆多士層層疊, 第二塊 cut 咗中間嘅麵包出來, 砌粒, 烘好後又擺返好. 整得咁靚, 唔忍心食佢 不知不覺就嘆咗兩個幾鐘, 好開心

細細個時成日食TeaWood，原來佢地紅磡都有分店！我平日晚刻去都好滿座，可見頗受歡迎😆.🍝羅氏蝦龍蝦汁手作麵 $98新新地嘅台南海鮮系列，手作麵口感彈牙，醬汁好濃郁，佢地仲加咗蛋黃營造出漿口感，正！🐮紅蔥地瓜燉無骨牛腩配珍珠飯 $82牛腩炆得幾腍幾入味，牛肋黏口滿滿骨膠原感，餸飯食一流！同埋佢地有個蠟燭令食物keep住熱，有誠意👍🏻🥬櫻花蝦魚湯浸娃娃菜配地瓜米粉 $70娃娃菜清甜唔油膩，櫻花蝦亦令整體鮮度再提升🦐🍢台式烤香腸 $48自家製嘅烤香腸甜甜地好香口，夾蒜片另有一番風味！野飲方面，我地嗌咗養生嘅熱玫瑰紅棗桂圓茶同熱有機臺灣高山茉莉龍珠茶，必須大讚佢地嘅純萃茶，飲落口清香帶花果味，好治癒🍵🥰

本人於2022年12月19日下午17：44 hrs 於黃埔茶木台式餐廳收銀處受到不禮貌待遇！ 由於收到茶木會員生日禮遇電子優惠券, 及條款列明每天限50份草莓香草蜜糖磚塊, 本人進入餐廳時已與侍應查詢是否仍有供應才進入惠顧, 獲侍應回覆「有」才就座, 並由女侍應輸入優惠密碼於本人手機T-Factory程式內而下單, 本人就座後再掃QR code 點選了$38 + 10% = $42 木柵鐵觀音熱奶茶（少甜胚芽）！ 於結賬時在收銀台詢問收銀女員工：「是否接受八達通結賬?」 但無回覆！本人再詢問多一次, 女員工才回覆： 「收」！ 並指示收銀枱上八達通收款位置, 但並無說明款項多少? 幸好本人付款前問她款額總共多少? 因為無顯示器列出總共消費於顧客面前? 她回覆：「$128」. 本人重申：「草莓香草蜜糖磚塊」@$78 是用會員生日送的免費電子券的！ 收銀員才回應：「$42」! 沒有道歉, 並指示本人於八達通左上角盡快付款！本人照辦但八達通收款器沒感應響起, 那八達通收款器是裝在收銀枱上, 但面積有橫放A4紙的大, 並有膠籃放在上面, 佔據了一半面積！ 本人指出是否

台灣遲遲未開關, 良久去唔到台灣狂食所以趁今日放假同朋友去食台灣菜 - 茶木茶木都差不多開左接近20間分店 , 今日就附近黃埔近近地試呢間分店餐廳格局試正 , 裝修仿木系休閒風 , 頗為精緻 讓人放鬆環境乾淨企理 , 座位寬敞舒適 , 店員頗殷勤有禮 , 告知是電話QR CODE落單餐牌設計精美 , 附有晚餐套餐一或二人餐 任君選擇落左order唔夠10min就陸續上枱套餐-紅燒牛肉麵傳統台灣風味嘅紅燒牛肉麵, 有紅燒牛肉, 半熟蛋紅白蘿蔔, 慢煮烤燉嘅紅燒牛肉好入味 又嫩又腍, 湯頭味濃飲完一會不會覺口渴 , 寬條麵份量及軟硬適中套餐-金黃鹽酥雞(半份)香氣四溢 , 酥脆口感讓人愛不釋手 , 味道略為改良 , 比台式的濃咸味略為調淡 , 反讓本人覺得恰到好處套餐-烏魚子元貝手作麵甘甜香口不是死鹹 , 掛滿濃香芝士奶油醬汁的手工麵條 , 口感煙韌滋味 , 元貝表面燒得焦香可口 , 難怪為自家推薦菜式套餐-路邊攤小食 額外+16鹽酥雞塊- 雞扒既外皮香脆，雞肉又嫩又爽口炸花枝丸- 看似平平無奇, 點知一咬落口中間原來係有豬肉餡 , 豬肉鮮味多汁 , 高質蜜糖香腸- 皮脆香口, 與台灣掃街

在黃埔睇完戲，便在美食坊的「茶木」食晚飯，「茶木」有很多分店，台式小食和窩夫都是出名的。晚餐的一人餐頗豐富，可以自由加錢選擇不同小食「紅燒牛肉麵」$88牛肉份量很多，煮得很入味和軟腍，麵條軟硬適中。加$42有兩款小食：「櫻花蝦魚湯浸娃娃菜」清甜的魚湯煮娃娃菜是絕配，連湯都全喝了「自家製台式烤香腸」必食的台式香腸，外脆內軟，味道香濃「台式滷水拼盤」$86拼盤有牛展、雞翼、豆腐和五花腩，滷水的味道濃淡得宜，沒有港式滷水的藥材味，四款都好吃。「櫻花蝦花之餅」$58花之餅彈牙香口，有4大舊，非常抵食「鳳梨鮮果甜酸肉」$98用菠蘿皮整成圓拱形伴碟，賣相一流，除了用常見的菠蘿伴菜，廚師還加了士多啤梨和火龍果，酸酸甜甜的，配白飯正啊！「黑巧克力杏仁可頌窩夫」香脆的窩夫灑上朱古力醬和碎杏仁，讚。「玫瑰紅棗桂圓茶」「佛手柑水果茶」兩款冬日的養生茶都非常好飲

記得食茶木係中學既回憶, 宜家間唔中都會想食下呢到既吐司磚, 今日係黃埔行完AEON就過左黎食晚飯, 呢間茶木好似裝修左, 舒服左好多, 好台灣野FEEL~晚餐時間有a la carte, 有一人同二人餐, 套餐可以加個菜, 同埋跟野飲, 所以我地揀左1個餐, 要左鮮果甜酸肉, 配珍珠奶茶~因為甜品想叫吐司所以無叫到窩夫!但係聽隔黎枱話好好食!!個甜酸肉賣相好好, 真係好多鮮果, 見到覺得好開胃, 個甜酸肉炸得好酥脆, 就算加左汁都仲係酥酥的, 好好食!娃娃菜要加錢, 不過略縑份量比較少~珍珠奶茶都係一如既往好飲! d珍珠好甜~我地另外加左碗牛肉麵, 份量超多! 牛肉都有3大件, 好淋好滑煮得好入味, 麵條好彈牙好滑身, 湯底濃郁所以個麵都好入味~~黎到重點就係吐司磚, 感覺比起上次食佢地換左隻麵包, 今次比較軟身, 個邊都無咁硬, 好好食!!!下次想試埋吐司盒, 可惜今次賣晒!!

平日晚上好少同媽媽出街食飯，今次近近地喺黃埔茶木食咗個二人餐。😋依間茶木同平時見到嘅有啲唔同，成間餐廳以茶為題，主打精品茶飲同以茶入饌，望落都幾特別。🤩-晚嚐二人餐 $258包兩款台風小食、兩款主食、及兩杯飲品-👌金黃鹽酥雞（半份）鹽酥雞未算超級出色，個人覺得外皮可以更為酥脆😳，但勝在有調味補救，分量以兩個人嚟講都好足夠。-💛櫻花蝦魚湯浸娃娃菜（半份）相比起鹽酥雞，個人反而更欣賞碗娃娃菜，魚湯有鮮味，娃娃菜清甜多汁，櫻花蝦香味十足，一碗娃娃菜平衡番台灣菜一般嘅油膩感，正！😆-💛茶香三文魚湯漬飯依道茶香三文魚湯漬飯係茶木以茶入饌嘅招牌菜，茶湯底好香濃😍，配料有木魚片，櫻花蝦，同香口米通，食落口感豐富。湯飯味道亦有層次，用茶香同高湯，帶番出白飯嘅甜，確實有驚喜😍。唯一比較可惜嘅係三文魚煎過火咗啲，肉質唔夠嫩滑。🙃-💛烏魚子元貝手作麵烏魚子手作麵算係比較少見嘅料理，食落醬汁超濃奶油同海鮮味，手作麵麵身有韌性，整體唔錯，但一個人食真係會好膩，建議最好同朋友share。😋-跟餐飲品☕️黑糖薑母茶-回頭推介度：3/5 食物質素：3/5餐廳環境：4/5 

”茶木•台式休閒餐廳“喺全港有好多間，好似差唔多行到邊都見到，雖然未至於18區都有齊曬。呢日嚟到黃埔睇戲，隔離就係美食坊，都有間“茶木”喺度，於是乎就揀咗呢一間啦。鴨血唔係人人都啱食，所以食到嘅機會都少咗，難得今次大家都鍾意，就叫咗個“麻辣鴨血旺”，裡邊有鴨血，有豆腐，芽菜，牛肚，食得好盡興；而小食“台式滷味拼盘”有牛肚，雞翼，腩肉，牛展，雞翼，流心蛋，够晒豐富，亦多肉類選擇，啱晒喜歡食肉同滷味的朋友仔。晚市二人餐有以下食物，啲食物勁多，如果女仔3個人都够食。黑麻油雞翅(2隻)自家製台式烤香腸(一條) 紅燒牛肉麵烏魚子元貝手作麵黑糖薑母茶(熱)紅豆薏米水(凍)綜合水果吉士可頌窩夫(加10蚊)紅豆抹茶冰淇淋(加10蚊)其中“烏魚子元貝手作麵”非常讚，有烏魚子，仲有兩粒厚身的大元貝，不同平時某D食肆，你會覺得粒元貝咁扁嘅，好似被人食咗一半咁，哈哈。因此我特別欣賞呢間沒有偷工減料。

好有台灣風味嘅茶木餐廳，價錢唔貴，非常適中，便宜嘅價錢就可以食到台灣風味，真係好抵。呢間餐廳好近黃埔地鐵站，落地鐵5分鐘就行到。非常方便。佢嘅小菜非常之豐富，價錢又唔貴。好有台灣地道風味。佢仲有台灣嘅新竹米粉，肉燥飯，鹽酥雞扒飯，全部都係台灣特色嘅食物，睇到都流晒口水。價錢都唔算好貴。牛腩煲，非常之好食，煙靭可口，肉質彈牙。好友牛腩嘅香味。台灣最出名嘅新竹米粉，米粉彈牙可口， 湯都好濃郁，非常好食。我最鍾意食呢個菠蘿酸甜骨，酸酸美美，非常開胃，送飯一流，食得出佢嘅肉係好新鮮。菠蘿都係好新鮮。呢個係芋圓珍珠黑糖脆波波奶茶，呢個特飲外貌好靚，飲落去好有層次好有口感，非常值得推介。呢杯都好好飲，好香滑。佢嘅小食拼盤都非常出色，炸嘅食物都好香口，好鬆脆，同埋好新鮮。

茶木係好多香港人中學生嘅回憶，飲次黎到回味下當年嘅牛肉麵味道晚市有做二人套餐，$258超抵食，有兩款小食，兩款主食，兩杯飲品，仲可以追加甜品麻辣豬耳溏心蛋路邊攤小食拼盤：有盐酥雞、香腸同埋盐酥福州魚蛋台式麻辣半筋半腩手工拌麵：個麻辣醫做得幾出色，手工麵嘅口感唔錯，牛筋好入味紅燒牛肉麵：個湯底好濃味，有少少藥材嘅香氣，好濃嘅牛骨味道，牛肉份量都幾多呢期新野，手工茶，呢個茶好香提子味，但只有香味，飲落有茶嘅甘甜味，好正

茶木以前就食過一兩次，但係最近聽人講佢轉左型，今日咁啱約咗人去打保齡球，就去黃埔試吓。果然真係餐牌都係偏向全台灣，而且飲品選項好多都係同台灣直接入口，尤其是係佢有啲高山茶令我特別想試。由於都係食下午茶，所以冇太多套餐全部都係散嗌:310糖心蛋($38): 有兩隻切咗一半嘅糖心蛋，係滷蛋切出嚟嘅。果然冇講錯係真係可以流出嚟！仲要係日落嘅橙黃色，而且有少少凍凍地，做飯前小食一流。黑麻油雞翅($58): 有五隻雞翼，夠味但略嫌麻油味唔夠岀。路邊攤小食($68): 有鹽酥炸雞扒四塊，兩粒花枝丸同自家製台式烤香腸。擺盆好精緻，即炸鹽酥雞好鬆脆，真係有酥脆嘅感覺，都幾貼近台灣夜市個種。香腸亦偏甜，小朋友應該會幾鐘意。茶香三文魚湯漬飯($98): 三文魚比想像中大，而且伴碟有炸蝦乾，米脆同埋木魚絲。調味唔會過龍，少少咸香味，就咁食都好好食。加埋加左茶湯嘅泡飯，感覺都幾飽。凍有機台灣高山巨峰烏龍茶($46): 一上枱我同朋友都嚇親。感覺好fancy，而且如果係凍飲會俾埋一粒用茶整嘅冰粒，咁就唔會沖淡左原本嘅茶味。巨峰味一入口係撲埋黎，好香果香，但飲落唔會有死甜味，反而係淡淡嘅烏龍香。熱有機台灣高山茉莉

煥然一新的茶木，以茶為主題的裝潢氛圍更精緻小清新，用餐環境舒適。台式滷味拼盤滷汁味道甜而不膩，有肥瘦適中五花腩、金錢肚同牛展、滷水雞翼、同豆腐等，全部得滷得好入味。黃金鹽酥雞（半份）鹽酥雞炸到脆口唔厚粉，裡面雞肉嫩而不脫水，椒鹽味出。紅燒牛肉麵紅燒牛肉炆得軟霖入味，湯底鮮甜牛肉份量足，而麵條滑溜。台式麻辣半筋半肉手工拌麵麻麻辣辣嘅牛筋牛肉惹味香辣，麻辣汁拌面爽口過癮。四季青萱鮮果茶果味濃郁，有菠蘿、柠檬西檸同雜莓等新鮮水果；茉香珍珠奶綠茶香奶滑，珍珠煙韌。跟餐加左兩款可頌窩夫，黑朱古力杏仁、白朱古力抹茶都好好味，即時製作外面酥脆似牛角酥，餅底內裡軟糯唔會太甜，細細件一人份量足。抹茶鮮果流心歐軟回味下之前茶木必食嘅甜品磚，裡面的流心抹茶味濃郁而不苦澀，搭配埋抹茶雪糕、香脆麵包，口感豐富。

行開紅磡，搵地方下午茶， 見到茶木台式休閒餐廳， 知道有好多間分店， 試下好唔好食先。😋 下午時候人不多， 座位舒服 ，餐牌印得精美漂亮，菜色好多選擇， 聽朋友講甜品好有特色 ，一定要試 。💪行街行到好肚餓，於是就叫左古早杏鮑菇三杯雞配地瓜米粉， 紅蔥地瓜燉冇骨牛腩配地瓜米粉。 又叫咗台式滷味拼盤， 甜品就叫咗朱古力曲奇蜜糖軟磚塊 ，飲品就係熱嘅mocha ，同埋水蜜桃花果茶。紅蔥地瓜炆無骨牛腩 配地瓜米粉上菜的器皿好特別 ，用白色瓷碗套裝，下面有火㷫住， 整個感覺高級咗好多， 好特別的配搭。 地瓜即係番薯 ，係最健康嘅食物之一， 台菜經常用到番薯， 可見佢哋係追求健康嘅食店，冇骨牛腩 炆得好林， （我以為牛腩一定係冇骨）😛 味道偏甜， 同埋有好多牛筋 ，地瓜米粉就好好食 ，同平時食開嘅廣東米粉好唔同， 好煙韌 ，湯底好好味， 再加上兩舊甜美嘅地瓜 ，足夠飽肚。😋古早杏鮑菇三杯雞配地瓜米粉 不嬲都鍾意食三杯雞， 因為鍾意嗰啲香料， 特別係九層塔嘅香味 ，再加上有杏鮑菇更加鍾意。 三杯雞燜得好夠味 ，好多肉 ，特別鍾意入面加有紅椒 ，青蔥， 薑蒜 ，令整個菜都好惹味。台式滷味拼盤 鹵水食

#fafafoodblog黃埔 #fafafoodblog台灣菜🍴二人餐 258 蚊1.黃金鹽酥雞半份 🐥鹽酥雞好香脆 大細適中 皮脆入面熱辣辣 唔會太肥2. 路邊攤小食 加16 蚊 有鹽酥雞排 鹽酥福州魚丸 台式烤魚腸 🐷烤腸有 d似紅腸 豬肉味香 甜度夠正 .魚丸入面魚肉足料 魚味濃同有口感🐟 鹽酥雞打咸味夠 雞扒夠香脆薄身好夠香 正3.鹽酥排骨肉燥飯 🐷排骨厚切 炸得香脆 鹽酥味香 豬肉濕度夠唔會太乾 肉燥帶 d碎菇 配埋肥豬肉碎連埋白飯一齊食好有口感4.烏魚子元貝手作麵 🍜有菇 青豆 椰菜仔 烏魚子整成既醬汁夠香咸 帶子大大粒 熟度適中 手作麵有 d 似扁身 d既意粉 同烏魚子醬好 match 5. 紅油抄手22 蚊🥟有辣椒蒜蓉 紅油炒手好香辣 粒餃個皮夠滑 入面豬肉 juicy正🌶️🍴冰淇淋拼雜莓吉士可頌窩夫 58 蚊🍦🍓可頌窩夫有 d似用酥皮整既窩夫 好香脆 上面鋪滿甜既吉士同雜莓 加埋綠茶雪糕 🍦 好襯#窩夫 #雪糕 #紅油抄手 #鹽酥雞 #肉燥 #烏魚子 #元貝 #腸仔 #魚丸Score 平均分 <7.5/10>Taste 味道：👍🏻👍🏻👍🏻👍🏻Pres

茶木是高質台式小店，令你重溫古早風味，喜歡牛肉麵、鹽酥小食及台式甜點，價錢親民，俘虜你的味蕾。晚嚐二人餐 258十分豐富，包括2前菜、2主菜及2飲品，款式琳琅滿目，可以自選加配窩夫甜品，美味窩心。路邊灘小食（餐+ $ 16）鹽酥雞排、鹽酥福州魚丸、台式香腸鹽酥雞炸至金香可口，內裡肉質油潤，酥香滋味。福州魚丸爽口彈牙，釀入豬肉碎和蔥花內餡。肉汁澎湃，十分鮮味。台式香腸比一般香腸肥厚，炭烤後切片，口感帶有肉汁，惹味吸引。櫻花蝦魚湯浸娃娃菜魚上湯清澈，呷一口温熱的湯汁，清潤香甜，娃娃菜質感綿化，以櫻花蝦點綴後更鮮香，有暖笠笠感覺。香煎沙朗肉燥飯充滿古早味道的客飯，沙朗肉質感軟腍，啖啖是純樸牛香，滷肉飯肥瘦均勻，拌匀香菇丁及滷肉汁精華，香濃吸引，提升食慾。加上溏心蛋，把蛋漿拌合米飯提鮮，味蕾滿足。TeaWood®️紅燒牛肉麵煙韌粗身的刀削麵，掛汁力十足，深啡色的湯底，醇厚的骨湯精華，牛肉燉至細嫩、軟腍，還有軟透的白蘿蔔及胡蘿蔔，吸嗦肉汁，好味健康，是令人懷念的台式風味。黑糖冬瓜茶冬瓜茶入口冰涼，清潤香甜，在吃過鹽酥雞後，為喉嚨降溫解膩。·黑糖珍珠仙草奶茶（餐+ $ 13）黑糖奶茶多一股蜜甜，拌勻