茶木‧台式休閒餐廳 (黃埔天地)

營業中

休息中

裝修完幾靚試吓，等了5分鐘入座，叫了兩碗麵，午餐冇set冇嘢飲，上了第一碗麵，影完相準備開動，卻發現冇筷子望周圍都冇、枱底也不是抽屜那種，於是想找侍應，當時樓面得一個侍應，等極都未得閒，2分鐘後她上第二碗麵俾我地，就同佢講冇筷子再順便叫佢俾杯水，佢話水係自助自己斟，放底兩對筷子時大大力「嘭」一聲，我知佢唔係冇禮貌（因為大聲唔代表冇禮貌）只係冇manner囉，既然咁忙，連水都要客人行出位自己斟，憑乜嘢收加一服務費？餐具都唔識俾即係唔專業環境優雅，但服務欠奉，包裝幾好都冇用。 講返食物，酥扒雞扒炸得夠酥脆，但不是每塊皮下都有肉，至少1/3是皮厚肉薄。手工麵彈牙有咬口。以女士來說這個份量是ok。食物同環境都乾淨，食物不過不失，但服務唔到位所以都唔會回頭。這個價錢有更多好選擇。

仲未有得去台灣旅行，但又好懷念台灣嘅味道，喺香港正宗又好食嘅台灣菜唔多，同行嘅朋友諗起不如去茶木，茶木係香港已經開咗好多年，仲有好多間分店可以俾你選擇，今日就揀咗黃埔呢間分店，裝修風格比較文青，打卡影相一流，枱與枱之間好闊落，方便大家一邊食飯一邊傾偈✨TeaWood紅燒牛肉麵$83食台灣菜大家第一件事會諗起牛肉麵，正宗食牛肉麵嘅地方唔多，茶木可以算係做得比較出色嘅一間，湯底唔重味精，面頭有一層牛油，係正宗牛肉麵湯底嘅做法，牛肉用左牛肋條，炆得好淋好入味，仲有少少牛筋的部位，麵條用咗台灣嘅刀削麵，麵條煙煙韌韌好有咬口✨台式滷水拼盤$77分別有牛腱、牛肚、雞腎、雞翼、五花腩、豆腐、雞蛋，雞蛋係用糖心蛋，餐廳稱用黃金時間310秒烹煮，上菜嘅時候雞蛋🥚色澤橙黃色非常吸引，滷水汁調校得剛剛好，好適合香港人嘅口味，唔會太甜，所有滷水都炆得好入味✨櫻花蝦魚湯浸娃娃菜$88用魚湯煮娃娃菜第一次食，娃娃菜吸收晒魚湯嘅鮮味，娃娃菜煮到剛剛好，唔會過軟身，仲有大量櫻花蝦，櫻花蝦好脆口，有少少食蝦米嘅感覺，蝦味都幾濃✨墨魚餅$58墨魚餅真材實料，裏面仲有一粒粒墨魚🦑，墨魚味好新鮮，表皮炸得好香脆✨草莓香草蜜糖

黃埔依間分店原來係十周年特別店，所以個Menu同平時果D分店會有d唔同。蕃茄奶油蟹肉蝴蝶麵 $92依個麵比我想像中好食，D蕃茄汁唔會整得太酸，份量亦都岩岩好，唔會太多或太少，食完成碟粉就岩岩好。平時比較少見到蝴蝶粉，所以今次就想試下，原來都幾得意幾好食，口感幾特別。而蟹肉就好少，佢唔係真係加左蟹肉落去，而係有九條小蟹鉗，但係每條都有肉既。TeaWood®️ 紅燒牛肉麵 $202 (加左野飲同甜品)牛肉麵就正正常常。木柵鐵觀音草莓青檸茶主要淨係飲到士多啤梨+茶既味。抹茶鮮果流心歐軟本來想食磚，但係依間分店無。本身想叫朱古力味，但係無曬，所以就叫左抹茶味。一黎到見到佢擺得好靚，又加左好多生果，有雪糕又有Cream咁。個麵包盒入面係D好似麻糬咁既野，我覺得依個無平時果D磚咁好食，同埋因為入面係麻糬，所以無平時咁多汁點，不過依個盒相對磚細，所以食果陣就方面少少。

見依間茶木外觀好似好專業諗住試下不過有個男店員好似唔想接客入去坐咁明明入面有位都要係外面等等到有幾枱客都走左啲野飲都ok但食果方面有啲差雞扒肉燥飯肉燥同飯都分量少另外啲雞扒會唔會太薄？性價比咁差 服務又差唔怪之得無乜客係入面坐

知道茶木有茶食文化的限定店，真的十分吸引，勢必要試這些茶系新品🥢裝修都是以木系為主，不過食店柱子用上茶葉裝飾，幾特別。本來都滿心歡喜入去，點知遇着一個冇禮貌的白淨四眼侍應，冇表情之餘，亦都不耐煩地帶位，眼都突埋，幸好其他侍應態度算係不過不失。試了茶香三文魚湯漬飯，表面煎得很香，但肉質一點也不乾，配上櫻花蝦，脆米，木魚，和有玄米茶香的魚湯，感覺好似去咗日本🇯🇵而且估唔到咁飽肚。另外，試了金米香茶脆脆骨，脆脆骨有蜜糖香味，配上甜甜的脆米和脆茶葉非常開胃，賣相又好睇。至於綠茶控的我，一定係揀抹茶花果流心歐軟，嗰球綠茶雪糕比預期大很多，吐司上面的水果幾款也很吸引，吸睛效果十足。切開吐司有綠茶流心和麻薯，很特別！兩個人食非常滿足。

大概五點黎食Tea 坐低後發現甜品menu全部嘢賣曬 咩都無曬 好心開門做生意準備多啲啦 咁無甜品食唯有飲杯水果茶 等左差唔多成二十分鐘先有 入面得一片菠蘿一粒藍莓一粒紅桑子小小百香果渣 咁就48 真係多謝曬喔 總之以及唔會再黎

帶住同老公帶住BB出街諗住喺美食坊搵個地方舒舒服服食啲嘢原本想去隔離間西餐點知啲人黑口黑面，見到我推住BB車態度勁差，明明入邊好多位都叫我坐門口行過隔離見到呢間茶木裝修好靚而且一同個服務員講我有架BB車佢哋都好悉心咁幫我安排咗個座位同老公叫左兩個午餐以午餐來講每個都平均嗰$100佢跟餐有免費嘅茶，我哋想飲番啲有特色嘅嘢飲每一杯都加錢唯返起都差唔多$120幾一個餐其實係有啲貴嘅「半辣手工拌麵」啲牛筋同牛肉炆得好淋好入味個手工麵口感好煙韌彈牙「三文魚茶泡飯」佢另外仲有櫻花蝦乾木魚脆米個三文魚食得好出新鮮個湯鹹鹹地最後有少少回甘嘅茶味再加埋啲櫻花蝦嘅香味同埋啲脆米脆脆嘅口感我覺得呢個夏天好開胃好好食「路邊攤小食」有鹽酥雞扒爆汁丸台灣腸3款小食都係$68呢個小食反而唔貴而家全部都好好食唔可以講得上好特別但係食得出台灣菜嘅感覺

疫情之後無飛✈️兩年多啦，以前一得閒趁住個weekend就會飛去台灣玩幾日，最鍾意行夜市飲飲食食🤤突然想食台灣菜，就去到附近嘅茶木，諗住搵返台灣嘅味道😆🥢叫咗一個新出嘅午餐~松露塔塔醬雞絲拌麵$79🔸松露塔塔醬雞絲 ～ 雞絲好幼好滑，有少許黑松露味，但唔太突出🔸台灣直送嘅麻辣鴨血拼素鴨 ～ 麻辣鴨血幾煙靭，素鴨都好香🔸自家製椒麻拌麵 ～ 椒麻味好惹味，配埋麵食一流🥤蜂蜜白苦瓜汁 ～ 午餐包左一杯飲品. 以前去台灣夜市一定飲苦瓜汁，呢杯配埋蜂蜜，甜甜地幾清新😚🍮鐵板麵包布丁 $52 ～ 正所謂就算幾飽一定有第二個位可以食甜品😆 呢個麵包布丁即叫即做，免曾鋪咗藍莓🫐士多啤梨🍓，麵包焗到熱辣辣，又脆又香口😋一個人都可以好好享受一個台灣味道嘅午餐😌

早幾天跟朋友黎開黃埔食飯，於是我們就入黎黃埔茶木分店食飯，我自己以前間中都會黎茶木吃飯，以前有我們最愛吃嘅肉燥飯，但今次黎到，坐下看餐牌時，發現餐牌上沒有肉燥飯，於是便問店員，店員話現在取消了肉燥飯呢個餐，我跟朋友也非常失望，那無關係，選擇其他種類嘅餐，但我真係要向你們公司反映，肉燥飯呢個餐很好吃，希望你們重整餐牌並加番呢個餐。同你們分店同事服務態度一定要改善，就係落單時說話非常晦氣，無禮貌，全無笑容，店員嘅服務態度非常差，所以當晚我們光顧完本公司之後，真的有不愉快感受，希望你們檢討下公司和員工的服務，在各方面加以改善。

其實都已經好耐冇黎食過，食物質素唔會有太大期望，個$70有三樣餸既套餐係OK既不過杯$36既熱cappuccino 唔熱，超細杯送餐哥哥今日腰可能有傷，佢每次放低杯咖啡同個套餐都係掉落黎，我有啲擔心佢，謝謝🙏🏻

幾個月沒有到過「茶木」。今晚帶兒子到茶木，讓他吃最愛的肉燥飯，竟發現餐牌是沒有飯，再問店員，說只有單點白飯。 在沒有選擇下，唯有選擇離開。令人難以相信，台灣菜竟可以沒有肉燥飯！

我尼過幾次都淨係食紅燒牛肉麵🤣因為其實野好似唔太啱食，試過朋友點佐炸雞扒定炸豬扒，覺得粉太厚好一般，厚到都分唔到入面係雞定豬扒😂紅燒牛肉麵湯底少少咸，牛肉好大舊同好淋好鍾意食😋

I was really excited to try teawood for the first time yesterday but the food was not up to my expectations and there was limited option to choose from. This morning, I had a really bad stomachache and it turns out that it was food poisoning. I believe that the food from teawood plays a huge part in this. The service was okay but you have to wait for a long time to get your food.

喺黃埔天地美食坊入面有好多間食肆，見到茶木有優惠，於是入去食返個豐富嘅下午茶/晚餐啦！滷牛肉刈包拼福州魚丸肉條紫菜湯$48- 我第一次食刈包，我覺得醬油太鹹，唔合我口味。滷牛肉比較難咬開，食得唔係好方便，結果我分開牛肉就咁食，用其他滷味拼盤嘅食物夾包一齊食。魚丸同肉條一般水準，紫菜湯都唔錯。微辣手工拌麵$68台式麻辣半筋半牛肉，自家製椒麻拌麵，台灣直送麻辣鴨血拼素鴨- 椒麻拌麵味道刺激、重口味，口感彈牙，推介。鴨血同素鴨味道都唔錯，牛筋牛肉份量幾好，非常軟滑，煮得入味，不過稍為油膩少少。台式滷味拼盤$75- 拼盤有: 雞翼、豆腐、五花腩、花生、牛肚、腎、雞蛋。所有食物都滷得入味，偏鹹，最啱同幾個朋友一齊share。草莓香草蜜糖磚塊$58- 本來正價$80，適逢茶木8周年，就有呢個優惠，我哋都係因為呢個優惠而入嚟食。其實食完一個下午茶餐、一個麵餐、一個滷味拼盤已經好飽，不過好彩食甜品有第二個胃！草莓雪糕同啱啱烘起嘅香脆蜜糖多士簡直係絕配！士多啤梨酸酸甜甜好開胃！未試過嘅朋友一定要叫呢個甜品同人一齊食！高度推介！

呢間鋪本身唔算大，再加埋疫情下每張枱都有塊板格住，坐得再迫啲。 今日下唔差不多兩點到，坐二人枱加埋板， 坐得好唔舒服。一坐低已經想快啲食完走，都係叫平時嘅Sirloin肉操飯，味道無變仍然好食。但係個lunch set 加錢叫嘅鹽酥雞就不知所謂。超細粒，完全冇肉食咁滯，好多粉。 可能我哋對衛生要求比較高，覺得Teawood無乜意識，好似探熱睇都冇睇，仲要係check一個唔出一個。同一價錢會揀其他坐得舒服乾淨嘅餐廳。