茶墨 (已結業)

行完donki想搵個地方休息一下見到the one有間睇落好有文青氣息既手搖飲品店,點可以唔去呢成間鋪既裝修同擺設都令人覺得好舒服價錢唔算貴,同一般手搖飲品店差唔多但最大分別係呢到有得坐低休息下,而呢個商場行兩步就到DONKI!!!士多啤梨雪糕奶昔、四莓芝士蛋糕好足料既一個奶昔好香濃而唔假既士多啤梨飲落去都幾順滑加上面頭香甜既忌廉飲完之後好滿足呢個四莓芝士蛋糕可以話係令我呢D莓控大滿足每一啖都充滿紅莓等既各種莓類既香甜而且芝士蛋糕本身好creamy，芝士味香濃得黎唔會蓋過果香總體黎講不論環境定食物質素都好高好值得一去再去！

成日行尖沙咀，但見咁耐都未飲過，於是突登行上L4買杯試下。L4都幾高自問充滿誠意咁走上去。疫情關係，為保持社交距離有啲櫈反起左，櫈腳向天，隔呢枱食客個頭係櫈腳隔呢，感覺唔衛生。買野飲果陣識韓文果位小姐做收銀，態度差問多兩句好似唔想答唔想應咁。而杯野亦無想像中咁特別，味道普通。飲左一半就掉左，唔洗再去。

好多時睇我都係飲啡多，但偶然都會飲下手搖飲品，俾個胃有第二樣嘢無咁悶。嚟到尖沙咀，可以去the one呢度，真心好耐無行過商場，原來都變左好多。係樓梯旁，仲係未到lunch時間，仲未好多人，可以係呢度嘆下。淨係雪糕甜品都已經好多款，睇到眼都花埋。最後我都揀咗呢個麻糬芝麻烏龍鮮奶茶，39元，我係要微甜少冰。一拎上手，成杯飲品真係好似水墨畫咁，好有質感成件事。味道方面接受，畢竟無乜甜，我係ok，奶茶味道都有，要欣賞嘅係麻糬，每一粒都好有咬感，又唔會太硬，細細粒幾好。

琴日同媽咪行街🛍，行完就帶咗佢飲茶墨。之前飲過佢最出名嗰啲，今次就試下佢嘅奶蓋😛。Menu有好多選擇，大家不妨試試🥂。我地叫左焦糖芝士玫瑰茉莉花茶（少甜少冰）🥤。佢啲奶蓋同一般係出面飲嘅唔同，佢有浸焦糖香！奶蓋質地好厚，好creamy。茉莉花茶好清香，同奶蓋一齊飲就啱啱好，唔會太膩😋。奶蓋亦比足3分1杯。整體嚟講，佢嘅焦糖味奶蓋都幾特別，可以一試～同媽咪一人一啖😂，5分鐘就清曬，笑左。

黎開尖沙咀購物，見到一間好有風格嘅手搖飲品舖就忍唔住心郁郁想試新野。飲完真係好有驚喜，好岩係shopping途中歇腳。紫薯鐵觀音沙冰 $39第一個感覺得一個字靚！紫薯夢幻嘅淡紫色加埋牛奶嘅奶白色漸層真係好夢幻！一飲落口會食到一粒粒嘅紫薯，好有咬口。飲真d又飲得出有淡淡嘅鐵觀音茶味，兩者係溶合埋一齊嘅。我叫左正常甜都唔算死甜，好推薦一眾紫薯fans買黎飲下！麻薯芝麻烏龍鮮奶茶 $39黎到茶墨冇理由唔飲下佢嘅王牌飲品麻薯芝麻烏龍鮮奶茶。因為叫得太多凍野，係時候養生下就叫左熱飲，又有另一番風味。首先係芝麻味好濃郁，但係又唔會搶左烏龍茶嘅茶味。麻薯食落好煙韌，有少少似飲緊中式糖水嘅feel，但又唔會太甜。呢度仲有gelato食，我揀左青檸雪葩，食落酸酸甜甜，好清新。口感比沙冰細緻，似係綿綿冰嘅口感，一放入口即溶。飲左甘多甜野可以refresh下個口，佢仲要係低脂嘅食落冇甘有罪惡感🤪

以水墨畫來做手搖杯想法不錯，今日在尖沙咀逛街後到The One 休息時買了麻糬 芝麻烏龍鮮奶茶 HKD 39 , 茶味濃郁，強烈芝麻味道，而麻糬口感煙煙韌韌～ 不錯！黑糖薑桂圓紅棗茶 HKD 38 , 材料份量很足料！ 黑糖不會過甜，最緊要水足夠熱力！ Low Fat Gelato 伯爵茶味，口感滑溜。 餐廳設在商場內，雖地方不大卻有小量座位。餐廳有凍熱沙冰飲料、各種不同口味蛋糕、及 低脂雪糕挺齊全～ 價錢比外邊有點點貴但勝在有地方坐，食物方面滿意

想試呢間好耐啦🤩 咁啱經過尖沙咀嗰頭就去左試🤤 茶墨最出名嘅就係佢地嘅水墨晝風飲品，賣相勁靚，打卡一流😍 除左野飲之外，仲有雪糕、奶昔等。呢間仲要係黃店💛麻糬芝麻烏龍鮮奶茶 $39芝麻味好香好突出，好似食緊芝麻糊咁🖤 麻糬口感煙韌軟糯，份量好多添🤩 咬極都食唔曬，好有口感好過癮😋 因為本身啲芝麻已經有甜度，所以如果怕甜嘅朋友可以嗌返小糖😙 同埋記住攬勻先好飲啊🥳抹茶意式雪糕 $28佢地嘅雪糕全部都係用自己嘅茶葉製成，仲要係低脂架🤩食完都冇咁大罪疚感🤪雪糕好大球，茶味好濃郁，雪糕口感綿密，正啊！真係要試吓💚🥰#大大力懲罰黃店💛 -茶墨 (尖沙咀)📍尖沙咀彌敦道100號The ONE 4樓L411號舖抵食指數：😚😚😚😚/5舔舔脷指數：😚😚😚😚/5

手搖飲品HIT左咁耐，都開始發現間間好似都差唔多咁但今日偶然遇到呢間竟然係玩茶墨風既咁得意，仲要有意式雪糕，點可以唔整返杯店內既裝飾同擺設都好令人感到鼓舞，想向店員叫一聲加油！價錢唔算貴，選擇都多好吸引既蛋糕但今日想食比較少見既意式雪糕黑糖珍珠芒果鮮奶呢個配搭真係幾得意估唔到芒果可以配鮮奶，而味道又唔錯喎芒果酸酸甜甜，鮮奶口感順滑又香濃而黑糖珍珠亦唔會太甜，黑糖香氣十足最重要係呢杯野一拎出黎咁靚咁有層次，已經令人食指大動低脂意式抹茶雪糕配窩夫脆筒真係淨係睇到都已經覺好開心成個造型都好別緻唔好以為得個樣，味道都好好味佢口感比普通來得綿密抹茶味亦好香濃，唔係平時好工廠化既抹茶味，真係會好似飲緊真正抹茶咁有淡淡回甘餅乾口感好酥脆，用黎點雪糕食一流，口感更豐富

加入藝術水墨畫元素既手搖 睇得又食得📸 仲要係黃店！麻糬芋泥茉莉鮮奶綠 $39 少甜 今日係尖沙咀返工 得閒冇事做就search下附近有咩手搖店我仲未試過 搵到呢間《茶墨》叫左一杯麻糬芋泥茉莉鮮奶綠～麻糬係普通手搖店比較小見 超級煙韌 又有咬口 咬落甜甜地 好好食☺️ 芋泥分量足夠 芋頭味好重 但係鮮奶綠就太過甜啦 似落太多糖醬 反而茉莉味較出 建議大家半糖🤔 總括來講 店鋪環境文青 飲品又靚質素又唔錯 特別推介麻糬‼️ 餐廳更有某幾款飲品特別適合打卡 店入面有少量座位 係high tea閒聊既不錯之選

依家有好多台式飲品店，開到成街都係，今次就去尖沙咀試下依間。依間飲品店都幾多人去買同排隊，佢嘅飲品種類都幾多，同其他店唔太一樣，有D仲好新穎。不過，因為食完晚餐，只想食個甜品，所以就冇試到佢嘅野飲。由佢嘅名「八女抹茶」唔會知佢係咩，原來佢係蒙布朗，係一個法式甜品，成個造型好似雪山，外觀就已經好吸引。佢係由抹茶泥、忌廉同蛋糕整成，佢嘅抹茶味好濃，抹茶控會好鍾意。不過，佢比較偏甜，減緊肥嘅人就唔適合食。

今日又黎到茶墨，不過唔係飲野，而係試呢到既蛋糕，成日經過都會見到各式各樣甜品，例如有蒙布朗、岩燒蜂蜜蛋糕、芝士蛋糕等，外形都不錯🙈1. 特濃朱古力蒙布朗 $38蒙布朗本身係其中一款法式甜點，積成雪山峰形狀的栗子蛋糕，最初只係以甜栗子泥同奶油製成，依家愈出愈多新口味，茶墨提供幾款蒙布朗款式，包括八女抹茶味、特濃朱古力味、白朗蜂栗子好厚既奶油層，底部朱古力海綿蛋糕，朱古力面層幾醇同埋滑順，不過整體味道偏甜檯上有上一手既食物同飲品，冇店員來清潔，要客人自行處理，衛生情況欠佳

早前嘛，嚐過出色嘅黑芝麻後，對佢完全改觀，未至於愛上嘅，但接受程度一定高咗，見到朋友/ig介紹都會想去試吓。最近喺ig望到呢杯「麻糬黑芝麻烏龍鮮奶茶 」心諗：點解杯嘢飲唔搖勻先飲嘅？ 🤣(大鄉里) 嗯...出去飲吓咪知點解囉 ‼️♿️ 舖頭喺「The One」超級方便輪椅朋友去。買走飲又得 ，坐低飲都得，不過埋枱坐嘅時候(留意黃黑色)會發現地上有一級，唔係好明點解要整一級？！不過唔算好高嘅，如果無會好啲囉水墨風嘅飲品的確少見，成品出嚟係吸睛嘅，揀咗少冰少甜。以為杯飲品會杰身，又唔係喎。黑芝麻好濃，有沙沙嘅口感，飲得快會濁喉，記住要慢飲(我講我)如果芝麻再炒香啲會更吸引。因為芝麻味較濃，其實唔太飲到烏龍嘅味。麻糬粒帶有甜味，煙韌之中偏軟。 水墨風style嘅嘢飲仲有其他三個選擇，有一款會留待下次再試😇

同朋友食完午餐都唔滿足 行出門口見到呢間台式飲品咁靚環境 佢位置唔多所以揀外賣但咁岩有位所以同朋友決定坐低飲埋杯野傾多陣偈點咗杯麻糬芝麻烏龍鮮奶茶同埋麻糬芋泥茉莉鮮奶綠最後傾到尾竟然仲有胃口就叫件蛋糕兩個人分飲品拎到上嚟真係同圖一樣咁靚 好符合店舖個名 飲起上嚟亦都非常之好味 芝麻味非常之濃郁 感覺好健康 亦有淡淡茶味 芝麻控必選 而佢嘅麻糬亦都好好味 比起黑色珍珠感覺無咁膠 朋友杯芋泥茉莉鮮奶綠佢都盛讚好靚同好飲 但佢話都有d飽 最後食個件蛋糕 係軟芝士配有紅莓 酸酸甜甜好滋味

嚟到the one，好難得見到呢種新式嘅飲品店，文青得嚟非常貼地嘅設計同擺設。可惜嘅係，本身想上嚟坐住chill，但店內坐位好少，加上疫情，我地等咗好耐都無位坐。餐牌嘅飲品同甜品都好吸引~ 最吸引當然係佢嘅水墨風飲品，一於試試佢！呢杯芝麻烏龍麻糬鮮奶荼果然係好靚，只係喺我鏡頭下唔夠黑白分明 飲落烏龍味道唔突出，但芝麻配奶茶呢個組合就好清新，每啖都有好濃嘅芝麻味！加埋麻糬，感覺好煙韌~另一個就係鐵觀音雪糕，雖然賣相無咩特別，但同樣味道好濃，比起其他品牌嘅鐵觀音雪糕更加滑~ 題外話，希望香港多啲呢類創新嘅小店會喺大商場出現，而唔係一味開更多連鎖店。顧客點對點咁消費，遠不及一次比新店舖嘅產品而感覺驚喜嘅體驗。

想朝聖呢間店好耐!!! 以水墨畫融入新式飲料，有型格!!少有有座位的飲品店，買完可以坐低飲~水墨風格有4款!! 最吸引我嘅係麻糬芝麻烏龍鮮奶茶同埋麻糬芋泥茉莉鮮奶綠。麻糬芝麻烏龍鮮奶茶黑白傳統水墨風，芝麻味道濃郁，烏龍茶茶香，同芝麻味好夾，唔會互搶。麻糬煙韌Q彈好味，就算凍左都唔會變硬。麻糬芋泥茉莉鮮奶綠芋泥控表示對此不能放過!!!芋泥香甜軟綿，芋頭味天然，不會過甜，配上QQ麻糬，口感更豐富。茶底係茉莉茶，令整杯飲品帶有清香，可以消滯~甜品櫃有唔少款式~«八女抹茶蒙布朗»每逢遇上抹茶產品，總要試一試。店員表示甜品由日本運到，所以款式次次會不同。抹茶味道甘濃，不會苦澀，甜度剛剛好~