茶墨 (已結業)

想朝聖呢間店好耐!!! 以水墨畫融入新式飲料，有型格!!少有有座位的飲品店，買完可以坐低飲~水墨風格有4款!! 最吸引我嘅係麻糬芝麻烏龍鮮奶茶同埋麻糬芋泥茉莉鮮奶綠。麻糬芝麻烏龍鮮奶茶黑白傳統水墨風，芝麻味道濃郁，烏龍茶茶香，同芝麻味好夾，唔會互搶。麻糬煙韌Q彈好味，就算凍左都唔會變硬。麻糬芋泥茉莉鮮奶綠芋泥控表示對此不能放過!!!芋泥香甜軟綿，芋頭味天然，不會過甜，配上QQ麻糬，口感更豐富。茶底係茉莉茶，令整杯飲品帶有清香，可以消滯~甜品櫃有唔少款式~«八女抹茶蒙布朗»每逢遇上抹茶產品，總要試一試。店員表示甜品由日本運到，所以款式次次會不同。抹茶味道甘濃，不會苦澀，甜度剛剛好~