茶墨 (已結業)

呢間茶飲店嘅飲品好特別，唔係一般台式飲品，而係有造型嘅水墨風飲品😆今日一於去試吓除咗打卡靚，味道好唔好飲先！我哋叫咗兩杯水墨風飲品🤤我嗰杯係麻糬芋泥茉莉鮮奶綠 ($39)～我唔好甜嘢，所以叫咗走甜～一飲落口我覺得最出嘅味竟然係茉莉茶，好少奶綠嘅茶味會咁出😳之後就會飲到麻糬同芋泥，芋泥都幾綿密，唔會太甜☺️而麻糬就即係小丸子咁，都幾煙韌😚另一杯就叫咗麻糬芝麻烏龍鮮奶茶 ($39)～呢個一入口就已經係超濃嘅芝麻味🤣加埋啲麻糬有少少似食緊芝麻湯圓，不過又唔會好滯，芝麻味香而不膩😋另外我哋亦都見佢有蛋糕食，就叫咗件清香柚子芝士蛋糕 (加$28)🍰雖然件蛋糕好似細細件，不過食落佢芝士味都幾濃，細細件都啱🤣柚子的確係好清香，加咗入蛋糕入面平衡返芝士嘅膩感😋茶墨果然冇令我失望，打卡又靚，飲品同食物質素都好好👍🏻

行行路過呢間飲品店，見佢款式都好多，同埋好多款其他地方都無，就決定試下😋📌士多啤梨雪糕奶昔 $48呢杯飲品果然無令人失望，成杯都好creamy，同埋有好濃厚嘅士多啤梨蛋糕😋 另外值得一讚係佢竟然可以少甜😻 岩晒我呢啲又鍾意甜又驚肥嘅女仔。

麻糬芝麻烏龍奶茶（$39）：外表睇真係幾打卡able，做到水墨畫效果，好靚。黑芝麻味都幾出但又冇蓋過烏龍茶嘅味道。麻糬煙韌，唔太甜。甜度冰度都有得揀，兩杯飲品都叫咗少甜少冰。店員好細心咁問我哋要唔要cream ，cream 溶咗落飲品後多咗啲甜同滑，好似令芝麻味更正。麻糬芋泥苿莉鮮奶綠（$39）：朋友話芋泥好多，而且質地濃稠，做到掛杯好勁。好似有啲芋頭顆粒同麻糬，口感豐富。清香柚子芝士蛋糕（$40）：芝士蛋糕整得幾滑，同柚子味好match ，酸酸地唔會太膩。入面好似幾足料，見到有唔少柚子皮嘅粒粒。如果蛋糕大件啲就更開心，因為同朋友share ，唔係好夠喉🤤店內有幾個座位，係疫情既情況吓，攞住行住飲都幾唔方便，所以飲品店有位可以坐低休息吓飲野都幾好。

呢間飲品舖主打係水墨風飲品 以「視茶如墨、視杯如紙」製作每一杯飲品 令其外表都貌似藝術品一樣 非常打卡😍😍除左水墨茶 店舖有售其他雪糕奶昔以及養生茶 low-fat gelato口味甚多 又唔使怕肥😆麻糬芝麻烏龍鮮奶茶 $39甜品也可以很養生！ 以濃郁既黑芝麻圍着杯周 再加入烏龍茶同鮮奶 遠看彷如一幅水墨畫 飲落啖啖烏龍茶香 配合潤膚養顏滋補黑芝麻，濃郁而香氣十足，而麻糬偏硬 未必適合胃唔好的朋友食紫薯鐵觀音沙冰 $39 紫薯泥好甜好好食 配上鐵觀音又幾襯喎🙈 整體唔會太甜 夏天飲啱啱好岩燒蜂蜜抹茶蛋糕 $48本來單價要$60 1件 但跟飲品追加只需$48 烤熱後既蛋糕聞落已經流晒口水😂 蛋糕面有點焦焦 急不及待切開品嘗 非常軟熟 不會死甜 最岩同朋友一齊歎

雖然有麻糬系列，但個人覺得唔夠煙un，所以都係點返黑糖珍珠系列。🥤黑糖珍珠鮮奶鐵觀音：茶味香濃👍🏻，點左走冰少甜，但加埋topping 忌廉，所以mix 埋甜度剛好。味道：🔅🔅🔅🔅新鮮：🔅🔅🔅分量：🔅🔅🔅🔅衛生：🔅🔅🔅速度：🔅🔅🔅（5🔅為滿分）

今日出咗尖沙咀行經The one,上咗去商場行下見到呢間飲品店有水墨風系列飲品幾特別，就決定試一試。叫了一杯麻薯芋泥茉莉鮮奶綠，用芋泥來做水墨畫夠特別，賣相真係好靚。飲落口有淡淡的茉莉綠茶味再加上少少芋香味真係好夾。 底部有芋泥又有芋頭粒及煙韌的麻薯。一個人飲一杯真係會覺得好飽，好彩我兩個人一齊飲。

今日放假去咗尖沙咀行街，見口渴就行過The One試下一間茶墨風既手搖飲品店，呢間飲品店其實一早就好岀名，因為佢既飲品好有特色，店舖又好文青風，成個環境都好舒服，而且仲可以打卡😝咁我地四點零鐘去，店舖已經好多人，而且仲排晒長龍😆不過排左一陣好快已經到我😝店員都好快手 又有善👍🏻雖然琴日好多人，店員仲話每杯需要等候大概15分鐘，但係由於店舖有大概十個位置俾我哋坐或企，所以等候嘅時間都特別快過，正所謂慢工出細貨😙-黑糖珍珠芒果鮮奶 ($39)呢杯係店鋪其中之寶，一拎上手就即刻打卡，實在太靚啦，一飲落去黑糖同芒果味一齊黎，口味好夾，唔會太甜，而珍珠都好好咬口👍🏻👍🏻-麻糬鮮奶抹茶 ($39)呢杯鮮奶抹茶我都好鐘意，因為佢既麻糬好好咬口，好似小丸子咁，加埋簡直絕配-疏芙里芝士蛋糕 （$28)我仲用優惠價加左個cake食，呢個 cake味道唔會太甜，岩岩好夠我一個人食，口感好滑，唔會好流。其實店舖仲有好多唔同款既野，包括雪糕，芝麻條，抹茶條等等，下次都會再幫襯。

同朋友係尖沙咀行街行到累累地見到呢間台式飲品好似幾吸引又有位置可以比人坐所以一於試下～整得好靚 好好飲！下次會再試其他～唯一要講既就係店員掛住傾計所以都等左一陣先可以落單

之前見到呢杯茶已經覺得好靚嫁啦😍今次終於到自己打打卡了😛杯野飲比我想像中淡口，可能係因為加左烏龍嘅關係，令個奶味唔係咁重，飲到淡淡烏龍味😚芝麻醬好「杰」好香芝麻味，但因為太杰，好難連埋啲奶茶一齊飲😛麻糬我俾10分，係好似啲小丸子咁，煙煙韌韌，我好鍾意呀😙．👅 麻糬芋泥茉莉鮮奶綠同樣有煙煙韌韌嘅麻糬，不過呢杯真係麻麻地，啲芋泥太杰🥲我試左好多次都mix唔埋啲奶綠度，到最後係飲晒啲奶綠，然後「畢」啲芋泥黎食😂希希下次再飲佢時可以好啲啦🙌🏼總體有茉莉味😚都可以

成日黎尖沙咀都會見到呢間飲品鋪賣相都好吸引，可惜次次都太好生意成日滿曬座，今日趁平日下午時間比較少啲人先黎試下呢間啦😋個Meun都好多選擇，最出名係水墨風系列，見到坐喺度嘅客人都幾乎人手一杯，但係我就又想食雪糕又想飲嘢就叫左個士多啤梨雪糕奶昔$48同用加配價$28買左件梳乎厘芝士蛋糕。個士多啤梨雪糕奶昔口感好濃郁，一飲就知係用足料👍🏻甜度唔會好甜，我覺得啱啱好🤩另外個梳乎厘芝士蛋糕芝士味濃度啱啱好🥰，出面有啲店舖整芝士蛋糕會芝士味太濃食得一片都已經會好膩，但係呢間就算你食得多都唔會好膩，真心推介👍🏻另外呢度有低脂嘅雪糕，出面真係好少見到，最啱啲減脂期嘅女仔食啦😋呢度嘅座位、環境都好舒適好寧靜，好鍾意食甜野嘅人真係要試下😆

建議：飲慢少少，小心頭痛🧊9月尾仍然炎熱🥲 係尖沙咀街頭行到出哂汗，最後走左入@theone 過冷河，再順手上埋4️⃣樓茶墨 買杯野飲😎 依間舖頭真係飲左好幾次，雖然唔係每次都會寫文，可能係因為附近都無咩好選擇，而且舖面有幾個坐位/企位，買完杯野飲/雪糕可以Hea陣😌今次試左：▫️紫薯鐵觀音沙冰 (少甜 HK$39)紫薯💜 同鐵觀音🤎 依2️⃣樣野獨立都好正😋 估唔到Mix埋都幾夾，唔會太古怪。飲落除左有淡淡既茶味外，杯邊仲有少少紫薯蓉掛杯，增加左啲口感👍全杯都係沙冰，真係好解渴。不過就記得唔好飲得太快，係街曬完即飲，應該會超頭痛🙈

-茶墨 林芝蓮平時行街都一定會手拎一杯茶飲🍃上星期六係尖沙咀The one 行行下街發現竟然有間茶鋪係林芝蓮未飲過的茶飲店係以水墨風做主題 都幾特別鋪位係開放式的 都吸引好多人圍觀範圍唔算大 座位同企位都有 但唔算多位飲品都係即叫即整 好多人買野飲 等左約20分鐘🕓🥤紫薯鐵觀音沙冰 （$39）見呢個組合都幾新鮮 就嗌黎試試賣相真係好似水墨畫咁整得幾令紫薯味同鐵觀音味都唔會蓋過對方味道飲落都係清清地 岩夏天飲💜🥤清香人參烏龍茶 （$32）呢個真係會有2條人參係入面😍真係好清香 無糖 更加飲到人參甘香味呢個好正 性價比好高 又好養生咁~🍦豆腐雪葩Gelato (+$29 - 杯裝）天時暑熱當然要整返個雪糕食聽講啲味係日日唔一樣的豆腐味比想象中更濃郁 好似真係食緊豆腐咁 又唔會太甜平時唔飲得奶既 都可以食到呢個呢個值得一試🤍整體黎講 茶底都算係唔錯 香濃茶飲配搭都幾有創意 又會有季節限定可以久唔久番黎睇下有咩新組合

有日因為工作嘅關係，搞掂手頭上嘅嘢都已經接近三點，未食晏但係夜晚約咗人又唔想食到太飽，同事就提議不如食個蛋糕飲杯嘢當一餐，於是就去咗The ONE嘅茶墨。茶墨嘢飲嘅選擇都唔少，除咗佢嘅招牌水墨風系列，仲有雪糕奶昔、奶茶、焦糖芝士、冰搖茶、茗茶、純茶同埋養生茶，我呢就幾怕飲甜嘢，而且一場嚟到冇理由嗌杯奶茶就算，所以就要咗杯睇落最唔甜嘅水墨風芝麻烏龍茶。問咗店員有邊隻蛋糕冇咁甜，佢介紹一係試吓個伯爵茶蜂蜜蛋糕或者個柚子芝土蛋糕，咁我就試咗個芝士蛋糕。水墨風系列係茶墨嘅招牌飲品，佢用芝麻醬當墨水畫喺隻杯入面，幾有創意。上面都有提過我唔飲甜嘢所以我叫咗無糖，芝麻嘅少少苦味加埋烏龍茶本身嘅味啱啱好。芝士蛋糕平時都會好甜，不過溝埋啲柚子味中和返，柚子嘅清新味同蛋糕嘅甜味亦都啱啱好。整體而言，我覺得佢個茶幾好飲，打卡一流，下次可以再飲。

去尖沙咀行街，行行下，好想飲野。記得之前有朋友話呢間茶飲店幾好飲，決定去試下。叫咗一杯麻糬芋泥茉莉鮮奶綠，用優惠價加配咗一件芝士蛋糕。~~麻糬芋泥茉莉鮮奶綠賣相好靚，真係好似水墨畫。有好多芋泥，真材實料。飲落好香芋頭味，一啖仲飲到好多芋泥。有淡淡嘅茉莉花味，同芋泥好夾。麻糬份量都好多，食落好煙韌。~~芝士蛋糕用優惠價買，好抵食。芝士味好香濃，食落好creamy，好滑。好想食多件！餐廳有坐位，可以坐低慢慢嘆。

行街行到好口渴，冇帶水，見到呢間手搖飲品個樣幾靚，就俾個機會佢試吓啦。💟芝麻烏龍麻糬鮮奶　•芝麻醬加上高山烏龍茶，而且唔係用奶精而係用鮮奶㗎！味道香濃！😍•自家製奶味麻糬粒，飲落煙韌，層次豐富。•飲到最後發現好多麻薯粒都吸唔到上去，要打開個蓋倒落口，呢樣野要改善。